Azərbaycan-Çin İnvestisiya və Ticarət Forumu keçirilib

Pekində Azərbaycan-Çin İnvestisiya və Ticarət Forumu keçirilib. Tədbirdə iş adamları və dövlət qurumlarının nümayəndələri iştirak ediblər. Forumda Azərbaycanın iqtisadiyyat naziri Mikayıl Cabbarov tədbirin möhkəm və davamlı əlaqələri simvolizə edən platforma olduğunu, iqtisadi artım, ticarətin genişləndirilməsi və qarşılıqlı əməkdaşlıq imkanlarını müzakirə etmək baxımından xüsusi əhəmiyyət kəsb etdiyini vurğulayıb. Qeyd edib ki, Azərbaycan-Çin münasibətlərinin strateji tərəfdaşlıq səviyyəsinə yüksəlməsi iqtisadi-ticarət əlaqələrinin də inkişafına geniş imkanlar açır. İki ölkə arasında müvafiq olaraq sərmayələrin təşviqi və qorunması, ikiqat vergitutmanın qarşısının alınması üzrə iqtisadi əlaqələrin gücləndirilməsinə yönəlmiş bir sıra sazişlər, həmçinin texniki-iqtisadi əməkdaşlığa dair sənədlər imzalanıb. Çin Azərbaycanın əsas ticarət tərəfdaşlarından biridir. Ölkələrimiz arasında səmərəli investisiya əməkdaşlığı həyata keçirilir. Azərbaycanda Çin investisiyalı 275 şirkət qeydiyyatdan keçib. Bundan başqa, Azərbaycanın işğaldan azad edilmiş ərazilərində başlanan infrastruktur layihələrində iştirak üçün Çin şirkətləri müraciət edib. “Huawei” şirkəti isə artıq bu regionda “ağıllı kənd” və “ağıllı şəhər” layihələrində iştirak edir. Çinlə nəqliyyat-logistikaya dair qlobal təşəbbüslər müstəvisində də sıx əməkdaşlıq qurulub. Azərbaycan Çin tərəfindən irəli sürülən “Bir kəmər, bir yol” layihəsinin mühüm hissəsi olan Orta Dəhlizin infrastrukturunun inkişafına əhəmiyyətli investisiyalar yatırıb.xeber100.com  

74-cü Beynəlxalq Astronavtika Konqresi toplanacaq

Bu il oktyabrın 2-dən 6-dək dünyanın elm və təhsil nümayəndələri Bakıda keçiriləcək 74-cü Beynəlxalq Astronavtika Konqresində toplanacaq. Bu barədə 74-cü Beynəlxalq Astronavtika Konqresinin (IAC 2023) təşkilatçıları məlumat yayıb. “Bütün akademik dünyanın Bakıda keçiriləcək 74-cü Beynəlxalq Astronavtika Konqresində bir araya gəldiyi üçün bizə qoşulan regionun ən tanınmış universitetlərinin nümayəndələrini salamlayırıq. Bu mötəbər tədbirdə Türkiyədən 8, Qazaxıstandan 4 və Özbəkistandan isə 3 ali təhsil ocağının nümayəndələri iştirak edəcək. Konqres kosmik sənaye titanlarının ən böyük elmi toplantısı, eyni zamanda iştirakçıların şahidlik edəcəyi əsl akademik fikir və müzakirələr mərkəzi olacaq. Bəşəriyyətin bu gün üzləşdiyi qlobal suallar üzərində düşünmək və müzakirələr aparmaq üçün qüvvələrimizi birləşdirərkən Bakıda keçiriləcək Beynəlxalq Astronavtika Konqresində iştirak etmək üçün qeydiyyatdan keçərək planetar gələcəyə öz töhfənizi verin”, - deyə məlumatda bildirilib. Qeyd edək ki, Bakıda keçiriləcək 74-cü Beynəlxalq Astronavtika Konqresinə 95 ölkədən 3 min 600-dək elmi məqalə qəbul olunub. Məhz Azərbaycandan gənc tədqiqatçılar, professorlara aid 214 məqalə qeydiyyatdan keçib.xeber100.com

Avqustun 30-na olan USD/AZN rəsmi məzənnəsi açıqlanıb

Azərbaycan Mərkəzi Bankı (AMB) avqustun 30-na olan USD/AZN rəsmi məzənnəsini açıqlayıb. Bankdan bildirilib ki, bankın avqustun 30-na USD/AZN rəsmi məzənnəsi 1,7000 səviyyəsində müəyyən olunub.xeber100.com

Azərbaycanda iyulun 20-nə gözlənilən hava proqnozu açıqlanıb

Azərbaycanda iyulun 20-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraiti yağmursuz keçəcək. Arabir güclənən şimal-qərb küləyi əsəcək. Havanın temperaturu Abşeron yarımadasında gecə 22-26°, gündüz 31-35° isti, Bakıda gecə 24-26°, gündüz 32-34° isti olacaq. Atmosfer təzyiqi 758 millimetr civə sütunundan 755 millimetr civə sütununa enəcək. Nisbi rütubət 60-65 faiz təşkil edəcək.Abşeron çimərliklərində şimal-qərb küləyinin arabir güclənməsi ilə əlaqədar əhalinin ehtiyatlı olması tövsiyə edilir.Dəniz suyunun temperaturu şimal çimərliklərində - Sumqayıt, Novxanı, Pirşağı, Nardaran, Bilgəh, Zuğulbada 24-25°, cənub çimərliklərində - Türkan, Hövsan, Sahil, Şıxda 25-26° isti olacaq.Azərbaycanın rayonlarında hava yağmursuz keçəcək. Lakin gündüz bəzi dağlıq ərazilərdə qısamüddətli yağış yağacağı ehtimalı var. Qərb küləyi əsəcək, bəzi yerlərdə arabir güclənəcək. Havanın temperaturunun gecə 22-26°, gündüz 35-40°, bəzi yerlərdə 42° isti, dağlarda gecə 10-15°, gündüz 26-31° isti olacağı ehtimal edilir.xeber100.com  

Futbol üzrə Azərbaycan Premyer Liqasında XXVII turun oyunları keçirilib

Mayın 15-də Futbol üzrə Azərbaycan Premyer Liqasında XXVII turun oyunları keçirilib.Bütün qarşılaşmalar eyni saatda başlayıb."Qəbələ" səfərdə "Şamaxı"nı 1:0 hesabı ilə üstələyib. Qələbə qolunu 25-ci dəqiqədə Emil Səfərov vurub."Sabah" doğma meydanda "Sumqayıt"la 2:2 hesablı heç-heçə edib. "Gənclik şəhəri" təmsilçisindən Vurğun Hüseynov 56-cı dəqiqədə, Rəhim Sadıxov isə 83-cü dəqiqədə fərqlənib. Meydan sahiblərindən isə 90+5-ci dəqiqədə penaltidən Kristian Sebalyos 90+6-cı dəqiqədə Aleksey Kaşuk adını tabloya yazdırıb.Çempionatın lideri "Qarabağ" səfərdə "Səbail"i Rauf Hüseynlinin 70-ci, Musa Qurbanlının 87-ci və Ramil Şeydayevin 90+3-cü dəqiqədə vurduğu qollarla məğlubiyyətə uğradıb - 3:0. Gümüş medalları təmin etmiş "Neftçi" səfərdə "Zirə"yə 0:1 hesabı ilə uduzub. "Qartallar"ın qolunu 81-ci dəqiqədə Ramin Əhmədov vurub.Bu nəticələrdən sonra "Zirə" və "Qəbələ" komandaları UEFA Konfrans Liqasına vəsiqələri rəsmiləşdirib. Bu iki komanda ilə yanaşı, "Neftçi" də sözügedən turnirdə mübarizə aparacaq. "Qarabağ" isə Azərbaycanı Çempionlar Liqasında təmsil edəcək.Sona bir tur qalmış lider "Qarabağ" xallarının sayını 66-ya çatdırıb, "Neftçi" 50 xalda qalıb. "Zirə" və "Qəbələ" 44 xalla 3-4-cü yerləri bölüşdürür. Avrokubokdan məhrum olan "Sabah" 39 xalla 5-ci yerdədir. 21 xala malik komandalardan "Sumqayıt" və "Şamaxı" 6-7-ci pillədədir. Son sıradakı "Səbail"in isə 15 xalı var.Premyer Liqanın sonuncu - XXVIII turunda bürünc medalın taleyinə aydınlıq gələcək. Üçüncü yer uğrunda "Zirə" və "Qəbələ" komandaları mübarizə aparacaq. Paytaxt təmsilçisi "Şamaxı"nı, bölgə klubu ilə "Sabah"ı qəbul edəcək.xeber100.com

Şahmat üzrə Avropa çempionatının üçüncü turunun oyunları keçiriləcək

Noyabrın 14-də Sloveniyada şahmat üzrə komandalar arasında Avropa çempionatının üçüncü turunun oyunları keçiriləcək.Kişilərdən ibarət komandamız Almaniya yığması ilə mübarizə aparacaq. Qadın şahmatçılarımız isə turnir cədvəlinin reytinq favoritlərindən olan Gürcüstan komandası ilə qarşılaşacaqlar.Qeyd edək ki, həm kişi, həm də qadın şahmatçılarımız hər iki oyunda rəqiblərinə qalib gələrək liderlər qrupunda yer alıblar.Avropa çempionatında kişilərin yarışında 39, qadınların mübarizəsində isə 29 komanda mübarizə aparır.Çempionata noyabrın 21-də yekun vurulacaq.xeber100.com

İngiltərə Premyer Liqasının 10-cu turunun növbəti oyunları keçirilib

Oktyabrın 30-da futbol üzrə İngiltərə Premyer Liqasının 10-cu turunun növbəti oyunları keçirilib.Azərtac xəbər verir ki, turun ilk oyun günündə 7 görüş baş tutub.Turun ən gözlənilməz hesabı “Etihad” stadionunda qeydə alınıb. Son çempion “Mançester Siti” öz meydanında “Kristal Palas” komandasını qəbul edib. Görüş qonaqların 2:0 hesablı qələbəsi ilə başa çatıb. “Kristal Palas”ın heyətində Vilfrid Zaha (6) və Konor Qallaqher fərqləniblər. Matçın 44-cü dəqiqəsində Mançester təmsilçisinin müdafiəçisi Emerik Laport birbaşa qırmızı vərəqə alaraq meydandan kənarlaşdırılıb.Bu qələbə sayəsində xal ehtiyatını 12-yə çatdıran “Kristal Palas” turnir cədvəlində 13-cü, “Mançester Siti” isə 20 xalla üçüncü yerdə qərarlaşıb.Turun digər gözlənilməz hesabı “Liverpul” və “Brayton” komandaları arasında qeydə alınıb. Mersessayd təmsilçisi oyunda iki top fərqi ilə üstünlük əldə etsə də hesabı qoruya bilməyib. Qarşılaşma 2:2 hesabı ilə heç-heçə başa çatıb. Jordan Henderson, Sadio Manenin qollarına qonaqların futbolçuları Enok Mvepu və Leonardo Trossard cavab verib. Matçın 33-cü dəqiqəsində Sadio Mane penaltidən fərqlənmək fürsətini əldən verib. “Liverpul” 22 xalla ikinci, “Brayton” isə 16 xalla 7-ci yerdədir.Turun açılış görüşü “Kinq Pover” stadionunda “Lester” və “Arsenal” komandaları arasında olub. Matç qonaqların 2:0 hesablı qələbəsi ilə başa çatıb. London təmsilçisinin heyətində Qabriel (5) və Emil Smit-Rou (18) fərqləniblər. Bu qələbə sayəsində xal ehtiyatını 17-yə çatdıran “Arsenal” turnir cədvəlinin beşinci pilləsinə yüksəlib, “Lester” isə 14 xalla onuncu yerdə qərarlaşıb.Qeyd edək ki, turun mərkəzi qarşılaşması “Tottenhem” və “Mançester Yunayted” komandaları arasında baş tutub. Həmin görüşdə ikinci hissə oynanılır.Turun digər görüşlərində aşağıdakı hesablar qeydə alınıb: “Börnli” – “Bredford” - 3:1; “Vatford” – “Southemton” - 0:1; “Nyukasl Yunayted” – “Çelsi” - 0:3.xeber100.com  

İngiltərə Premyer Liqasının 7-ci turunun mərkəzi qarşılaşması keçirilib

Oktyabrın 3-də futbol üzrə İngiltərə Premyer Liqasının 7-ci turunun mərkəzi qarşılaşması keçirilib.“Enfild” stadionunda keçirilən görüşdə iki əzəli rəqib - “Liverpul” və “Mançester Siti” komandaları üz-üzə gəlib.Oyunda hesabı meydan sahibləri matçın 59-cü dəqiqəsində açıb. Sadio Mane Məhəmməd Salahın ötürməsini qola çevirib - 1:0. Oyunun 69-cı dəqiqəsində “Mançester Siti” hesaba tarazlıq gətirib. Phil Fodenin cinahdan uzaq küncə vurduğu zərbə dəqiq olub - 1:1.Qarşılaşmanın 76-cı dəqiqəsində “Liverpul” yenidən hesabda önə çıxıb. Bu dəfə Məhəmməd Salah özü fərqlənib. Bu da oyunda son qol olmayıb. Görüşün 81-ci dəqiqəsində Mançester təmsilçisi yenidən hesabı bərabərləşdirib. Komandanın lideri Kevin de Brüyne komandasını məğlubiyyətdən xilas edib - 2:2. Qalan dəqiqələrdə hər iki komandanın cəhdlərinə baxmayaraq, hesab dəyişilməyib. Bu nəticədən sonra 15 xalı olan “Liverpul” ikinci, “Mançester Siti” isə 14 xalla üçüncü yerdə qərarlaşıb.Növbəti turda “Mançester Siti” öz meydanında “Börnli”, “Liverpul” isə səfərdə “Vatford” klubu ilə qarşılaşacaq.xeber100.com

Futzal üzrə Yüksək Liqanın 2021-2022-ci il mövsümündə

Futzal üzrə Yüksək Liqanın 2021-2022-ci il mövsümündə iştirak edəcək klublar üçün seminarlar keçirilir.Azərbaycan Futzal Federasiyası xəbər verir ki, növbəti belə seminar “Baku Fire” komandasının üzvləri üçün təşkil olunub.Komandanın məşqindən əvvəl federasiyanın hakimləri üzrə koordinatoru Elçin Məmmədov qaydalardakı (Əsasnamə və ya Oyun Qaydaları) dəyişikliklər, təlimatlardakı əlavələr barədə məlumat verib, iştirakçıların suallarını cavablandırıb.xeber100.com

Azərbaycanda koronavirus infeksiyasına 2676 yeni yoluxma faktı qeydə alınıb

Azərbaycanda yeni növ koronavirus (COVID-19) infeksiyasına son sutkada 2676 yoluxma faktı qeydə alınıb, 3893 nəfər müalicə olunaraq sağalıb.Nazirlər Kabineti yanında Operativ Qərargahdan Azərtac-a verilən məlumata görə, analiz nümunələri müsbət çıxan 38 nəfər vəfat edib.İndiyədək ölkədə ümumilikdə 460 min 92 nəfərin koronavirus infeksiyasına yoluxması faktı müəyyən edilib, onlardan 409 min 404 nəfər müalicə olunaraq sağalıb, 6103 nəfər vəfat edib. Aktiv xəstə sayı 44 min 858 nəfərdir.Son sutkada yeni yoluxma hallarının müəyyənləşdirilməsi ilə əlaqədar 13 min 536, bu günə qədər isə ümumilikdə 4 milyon 652 min 996 test icra olunub.xeber100.com

“Bakı Beynəlxalq Dəniz Ticarət Limanı” QSC-nin məlumatına görə…

Cari ilin ilk rübündə Bakı Limanının yük dövriyyəsi ötən ilin müvafiq dövrünə nisbətdə 17 faizədək artıb.“Bakı Beynəlxalq Dəniz Ticarət Limanı” QSC-dən Azərtac-a bildirilib ki, birinci rübdə QSC-də əsas xidmətlər üzrə nəzərə çarpacaq artım müşahidə olunub. Transxəzər Beynəlxalq Nəqliyyat Marşrutunun mühüm hissəsi olan limanda ilk rübdə ümumi yükaşırmanın həcmi 1,4 milyon tondan çox olub ki, bu da keçən ilin müvafiq göstəricisindən 16,7 faiz çoxdur. Cari ilin 3 ayında tranzit yüklərin payı ümumi yükaşırmanın 93 faizini təşkil edib ki, bu da 2020-ci ilin eyni dövrü ilə müqayisədə 22 faizlik artım deməkdir.xeber100.com

Azərbaycan kinosu FriCine beynəlxalq festivalında ölkəmizi təmsil edəcək

“Şollerin arxivi” bədii filmi Braziliyanın Rio-de-Janeyro şəhərində FriCine beynəlxalq festivalında ölkəmizi təmsil edəcək. Ekran əsəri festivalda gələn il martın 31-də birincilik uğrunda yarışacaq.Bu barədə Azərtac-a “Şollerin arxivi” filminin ssenari müəllifi, quruluşçu rejissoru və baş prodüseri Cəlaləddin Qasımov məlumat verib.Bildirib ki, ekran əsəri almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq Sərəncama dəstək olaraq çəkilib. Film Avropa mədəniyyətinə azərbaycanlıların sədaqətindən, Azərbaycan-Almaniya dostluğundan, ölkəmizin multikultural dəyərlərindən bəhs edir.Triller janrında çəkilmiş ekran əsərində Xalq artisti Sabir Məmmədov, Əməkdar artistlər Əjdər Zeynalov, Rövşən Kərimduxt, Ramiz Vəliyev, Sevda Ələkbərova, aktyor Mətləb Ərdəbilli və başqaları rol alıblar.Ekran əsərinin süjet xətti ötən əsrin 40-cı illərində Azərbaycanda yaşamış alman mənşəli Şollerlər ailəsinin həyatı üzərində qurulub. Filmin çəkilişləri Gəncə, Göygöl, Tovuz və Bakıda aparılıb. Ekran əsərində alman ailəsinin timsalında insan dramı göstərilib. Eyni zamanda, xalqımızın multikultural dəyərlərə sadiq qalması nəzərdən qaçmayıb. Filmdə baş verən hadisələr real həyatdan götürülüb.xeber100.com

Parlament seçkiləri 125 seçki dairəsi üzrə 5573 məntəqədə keçiriləcək

Fevralın 9-da Azərbaycanda parlament seçkiləri 125 seçki dairəsi üzrə 5573 məntəqədə keçiriləcək.Azərtac xəbər verir ki, bu barədə Mərkəzi Seçki Komissiyasının (MSK) sədri Məzahir Pənahov bu gün keçirdiyi mətbuat konfransında bildirib.xeber100.com

“Beşiktaş” futbol klubunun yeni baş məşqçisi təqdim olundu

"Başakşəhər"dən ayrılan Abdullah Avcının "Beşiktaş"ın sükanı arxasına təyinatı rəsmiləşib.Milli.az xəbər verir ki, bu barədə klubun rəsmi saytı məlumat yayıb. İstanbul nəhənginin təcrübəli çalışdırıcı ilə 3 illik müqavilə imzalandığı bildirilib.Qeyd edək ki, Avcı "Beşiktaş"da bir müddət öncə Türkiyə millisinə baş məşqçi təyin olunan Şenol Günəşi əvəzləyib.xeber100.com

Daşınmaz əmlaka dair çıxarışlar elektron qaydada veriləcək

Azərbaycan Respublikasının Prezidenti cənab İlham Əliyevin “Daşınmaz əmlakın dövlət reyestri haqqında” Azərbaycan Respublikasının Qanununda dəyişikliklər edilməsi barədə” Qanununun tətbiqi haqqında imzaladığı Fərmana əsasən daşınmaz əmlaka dair çıxarışlar yalnız elektron qaydada veriləcək. Bununla da kağız çıxarış dövrünə son qoyulur.Əmlak Məsələləri Dövlət Komitəsindən Trend-ə verilən məlumata görə, aprelin 18-dən etibarən əmlakını rəsmi qeydiyyata almaq istəyən şəxs müvafiq olaraq müraciət etdikdə komitənin ərazi reyestr ofislərində çıxarışlar 1,3,7,10 iş günündə yalnız elektron qaydada hazırlanacaq. Elektron çıxarışlar isə Elektron Hökumət portalına yerləşdiriləcək. Hüquq sahibinin çıxarışı həmin portal vasitəsilə real vaxt rejimində əldə etməsi imkanı yaradılacaq. Daha sonra həmin çıxarış vətəndaşın “Elektron hökumət” portalındakı şəxsi kabinetinə yerləşdiriləcək. Şəxsi kabineti olmadıqda isə bazada saxlanılan çıxarış sonradan şəxsi kabinet yaradıldıqdan sonra avtomatik olaraq hesaba transfer olunacaq.Əmlak Məsələləri Dövlət Komitəsi daşınmaz əmlakın qeydiyyatının tam olaraq elektron müstəviyə keçidinin təmin edilməsi istiqamətində işlərini sürətləndirəcək. Müasir yanaşmalardan, innovativ üsullardan istifadə etməklə daşınmaz əmlakın daha rahat yolla qeydiyyata alınması işi davam etdiriləcək.xeber100.com

İçməli suyun verilməsində məhdudiyyətlər olacaq

Xətai və Suraxanı rayonlarının bir hissəsinə içməli suyun verilməsində məhdudiyyətlər olacaq.“Azərsu” ASC-nin mətbuat xidmətindən Azərtac-a bildirilib ki, magistral su xəttində təmir-bərpa işlərinin aparılması ilə əlaqədar fevralın 5-də gün ərzində Xətai və Suraxanı rayonlarının bir hissəsinə içməli suyun verilməsində məhdudiyyətlər olacaq.xeber100.com

“Sumqayıt”-“Optik Rathenou” yoxlama matçı ləğv edilib

"Sumqayıt"ın Almaniya Regional Liqası təmsilçisi "Optik Rathenou" klubuyla qarşılaşdığı yoxlama matçı ləğv edilib.Milli.az xəbər verir ki, 12:00-da start götürən qarşılaşmanın ikinci hissəsi oynanılmayıb. Bu barədə klubun mətbuat xidməti məlumat yayıb.Matçın ləğv edilməsinə səbəb, hava şəraitinin kəskin pisləşməsi olub."Sumqayıt" ilk hissədə rəqibinə 0:1 hesabıyla məğlub olurdu.xeber100.com

Cüdo üzrə Azərbaycan çempionatına yekun vurulub

Bakı İdman Sarayında keçirilən cüdo üzrə Azərbaycan çempionatına yekun vurulub.Azərbaycan Cüdo Federasiyasından Azərtac-a bildiriblər ki, yarışın sonuncu günündə kişilər və qadınlar kateqoriyasının hər birində dörd çəki dərəcəsi üzrə qalib və mükafatçılar müəyyənləşib. Orxan Səfərov (66 kq), Gültac Məmmədəliyeva (52 kq), Murad Fətiyev (81 kq), Diana Şoranova (63 kq), Süleyman Yaqubov (100 kq), Nuranə Muradova (78 kq), Günel Həsənli (70 kq) və Şahin Qəhrəmanov (+100 kq) bütün rəqiblərinə qalib gələrək Azərbaycan çempionu adına layiq görülüblər.Mükafatçılara medallar, Azərbaycan Cüdo Federasiyasının diplomları, pul mükafatları təqdim olunub.Komanda hesabında ilk üç yeri tutan “Neftçi”, “Dinamo” və “Cüdo 2012” klublarının baş məşqçilərinə də kubok, diplomlar verilib.Respublika çempionatı ilə əlaqədar ölkəmizə dəvət olunan Avropa Cüdo Birliyinin Hakimlər Komitəsinin rəhbəri Aleksandr Yatskeviç, qurumun komissarları Frank de Bur və Frank Oçko yarışın ən yaxşı üç hakimini müəyyənləşdirərək təltif ediblər.Çempionatın sonunda bu günlərdə yubileyini qeyd edən məşqçi, Azərbaycan Cüdo Federasiyasının Yarışların təşkili və keçirilməsi komitəsinin üzvü Arzu Axundova xatirə hədiyyəsi təqdim olunub.Qeyd edək ki, çempionatın birinci günündə Leyla Əliyeva (48 kq), Rəşad Yelkiyev (60 kq), Elmira Mustafayeva (57 kq), Rüfət Məmmədov (73 kq), Aytəkin Paşazadə (+78 kq) və Məmmədəli Mehdiyev (90 kq) bütün rəqiblərinə qalib gələrək Azərbaycan çempionu adını qazanıblar.Çempionatda 56 klubdan 500-dək idmançı mübarizə aparıb.xeber100.com

Sentyabrın 15-nə gözlənilən hava proqnozu açıqlanıb

Azərbaycanda sentyabrın 15-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında havanın dəyişkən buludlu olacağı, yağmursuz keçəcəyi gözlənilir. Mülayim cənub küləyi əsəcək. Havanın temperaturu gecə 19-22°, gündüz 28-33° isti olacaq.Azərbaycanın rayonlarında hava əsasən yağmursuz keçəcək. Şərq küləyi əsəcək. Havanın temperaturunun gecə 17-22°, gündüz 31-36° isti, dağlarda gecə 10-15°, gündüz 19-24° isti olacağı ehtimalı var.Naxçıvan Muxtar Respublikasında hava yağmursuz keçəcək. Havanın temperaturunun gecə 15-20°, gündüz 31-36° isti olacağı proqnozlaşdırılır.Yuxarı Qarabağ: Xankəndi Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Havanın temperaturunun gecə 10-15°, gündüz 19-24° isti olacağı bildirilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Lakin gecəyə doğru bəzi yerlərdə qısamüddətli yağış yağacağı ehtimalı var. Havanın temperaturunun gecə 15-20°, gündüz 28-33° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz keçəcək. Havanın temperaturu gecə 13-18°, gündüz 25-30° isti, dağlarda gecə 9-14°, gündüz 20-25° isti olacaq.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Lakin səhər bəzi yerlərdə qısamüddətli yağış yağacağı gözlənilir. Havanın temperaturunun gecə 17-22°, gündüz 31-36° isti olacağı ehtimal edilir.Masallı, Yardımlı, Lerik, Lənkəran, Astara rayonlarında əsasən səhər və axşam bəzi yerlərdə yağış yağacağı ehtimalı var. Havanın temperaturu gecə 19-22°, gündüz 28-33° isti, dağlarda gecə 12-17°, gündüz 22-27° isti olacaq.Respublikanın bölgələrində şərq küləyi əsəcək.xeber100.com

“Qəbələ” futbol klubu dünya kuboku yarışlarında iştirak edəcək

"Qəbələ"nin 15 yaşadək futbolçulardan ibarət komandası beynəlxalq turnirdə iştirak edəcək. "Qırmızı-qaralar" iyunun 7-dən 10-dək Macarıstanda keçiriləcək Qallini dünya kuboku yarışlarında qüvvələrini sınayacaqlar.Azərtac xəbər verir ki, Rakif Əliyevin baş məşqçisi olduğu komandamızda 18 futbolçu yer alıb. Bunlar Zaur Sultanov, Süleyman Damadayev, Vüsal Mirzəzadə, Rauf Rüstəmli, Orxan Səlimov, Ülvi Mədətov, Kamal Kazımov, Anar Tağıyev, Gülağa Əsədov, Mehrac Baxşəliyev, Ümid Həmzəyev, Kamil Nəzirli, Xəyal Səmədov, Kənan Qaragözov, Asif Məmmədov, Rəşad Əmrahov, Tofiq Vahabov və Taleh Qarayevdir."Qəbələ" "B" qrupunda Macarıstanın "Dinamo Star" və İtaliyanın "Venetsiya" klubları ilə mübarizə aparacaq. İyunun 8-də keçiriləcək ilk oyunda futbolçularımız macarıstanlı həmyaşıdları ilə üz-üzə gələcəklər. Ertəsi gün "qırmızı-qaralar" Apennin təmsilçisi ilə görüşəcəklər.Qrup oyunlarının nəticələrinə əsasən, komandamız iyunun 9-10-da daha 3 matça çıxacaq.xeber100.com