“Ötən günlər” tamaşasının premyerası keçirildi

Aprelin 29-da Bakı Bələdiyyə Teatrının Özbəkistan yazıçısı, dramaturq Abdulla Qədirinin “Ötən günlər” romanı əsasında səhnələşdirdiyi eyniadlı tamaşasının premyerası keçirildi. Özbəkistanın Azərbaycandakı Fövqəladə və Səlahiyyətli Səfiri cənab Bahrom Bahodiroviç  Aşrafxanovun təklifi əsasında hazırlanan “Ötən günlər” tamaşası Azərbaycan Respublikası və Özbəkistan Respublikası arasında diplomatik münasibətlərin qurulmasının 30 illiyinə həsr olunub. Azərbaycan Dövlət Akademik Milli Dram Teatrının səhnəsində baş tutan premyerada Mədəniyyət nazirinin müavini, Xalq artisti Murad Hüseynov, Azərbaycan Respublikası Milli Məclisinin Mədəniyyət Komitəsinin sədr müavini Günay Əfəndiyeva, Azərbaycan Dövlət Film Fondunun direktoru, Əməkdar incəsənət xadimi Cəmil Quliyev, Azərbaycan Teatr Xadimləri İttifaqının sədri, Xalq artisti Hacı İsmayılov, Xalq artisti, professor Firəngiz Qurbanova, Xalq artistləri-Rafiq Əzimov, Həmidə Ömərova, Özbəkistanın Xalq şairi, Yazıçılar İttifaqının Dram üzrə Yaradıcılıq Şurasının sədri Usmon Əzim, Özbəkistanın Xalq artisti, Əlişir Nəvai adına Dövlət Akademik Teatrının direktoru Ramiz Usmanov, Özbəkistan Respublikasının Azərbaycan Respublikasındakı Səfirinin Mədəni-humanitar məsələlər üzrə müşaviri Otabek Ramazanov, eləcə də tanınmış mədəniyyət xadim­ləri, ictimaiyyət nümayəndələri iştirak edirdilər. Tamaşa başlamadan öncə Vətən uğrunda həlak olan şəhidlərimizin əziz xatirəsi 1 dəqiqəlik sükutla yad edildi, daha sonra Azərbaycanın və Özbəkistanın dövlət himnləri səsləndirildi.Daha sonra söz Milli Məclisinin Mədəniyyət Komitəsinin sədr müavini Günay Əfəndiyeva verildi. G.Əfəndiyeva öz çıxışında  Azərbaycan və Özbəkistanın diplomatik əlaqələrindən, Bakı Bələdiyyə Teatrının yaradıcıları Xalq artistləri Amaliya Pənahova ilə Yusif Muxtarovun daima tarixi mövzulara müraciət etməsini və bu ənənənin hazırda da qorunmasını diqqətə çatdırdı. Özbəkistanın Xalq şairi, Yazıçılar İttifaqının Dram üzrə Yaradıcılıq Şurasının sədri Usmon Əzim, Özbəkistanın Xalq artisti, Əlişir Nəvai adına Dövlət Akademik Teatrının direktoru Ramiz Usmanov, Özbəkistan Respublikasının Azərbaycan Respublikasındakı Səfirinin Mədəni-humanitar məsələlər üzrə müşaviri Otabek Ramazanov öz çıxışlarında iki ölkə arasında olan münasibətlərdən, Bakı Bələdiyyə Teatrının müraciət etdiyi əsərin, əsərdə baş verən hadisələrin öz aktuallığını hələ də qoruyub saxlamasını xüsusilə vurğuladılar. Nəhayət tamaşaçıların alqış sədaları altında pərdə açılır və səhnəyə tamaşaçı auditoriyasını XIX əsrin ortalarında Özbəkistanda hökm sürən feodal cəmiyyətin, ədalətsiz ictimai quruluşun insanların həyatını cəhənnəmə çevirməsi təsvirini yaradan aktyorlar gəlir. Tamaşada bir əsr öncə baş verən hadisələrin öz aktuallığını qoruması  insanı düşünməyə vadar edir. Qeyd edək ki, Azərbaycan-Özbəkistan mədəni əlaqələri hər il yeni müstəvidə inkişaf etdirilir. Belə mədəni hadisələrdən biri də Özbəkistan yazıçısı, dramaturq Abdulla Qədirinin “Ötən günlər” romanı əsasında Bakı Bələdiyyə Teatrının hazırladığı eyni adlı tamaşadır. Abdulla Qədirinin bu əsəri ilk dəfə XX əsr Azərbaycan dilçiliyinin görkəmli simalarından olan Xalid Səid Xocayev tərəfindən 1928-ci ildə tərcümə olunub. Yazıçı həmin dövrü "tarixin ən çirkin və qara günləri" adlandırır, mənəvi ehkamları ifşa edir, feodalizmin iyrənc üzünü açıb göstərir. Eyni adlı romanın motivləri əsasında hazırlanan pyesin müəllifi yazıçı, tərcüməçi Kənan Hacı, tamaşanın quruluşçu rejissoru, Xalq artisti Mərahim Fərzəlibəyovdur. Tamaşanın yaradıcı heyəti: Musiqi hissə müdiri Əməkdar mədəniyyət işçisi Nazim Əbidov, işıqçı rəssam Tərlan Ələsgərli, rəqslərin quruluşu Əməkldar artist Bəhruz Vaqifoğlu, kostyum sexinin müdiri Leyla Əkbərova, dizayn işləri üzrə tərtibatçı Elnur Ehtiramoğlu, kamança və neydə ifa sənətşünaslıq doktoru Abbasqulu Nəcəfzadədir. Tamaşada iştirak edirlər: Tural Əhməd (Atabəy), Rəşad Kəsəmənli (Hacı Yusif bəy), Hüsniyyə Mürvətova (Əməkdar artist-Özbək xanım), Sabirə Rüstəmzadə (Gümüş), Əfqan Soltanov (Əməkdar artist- Mirzəkərim), Səmayə Sadıqova (Əməkdar artist- Aftab xanım), Toğrul Rza (Divanə), İsmayıl Atakişiyev (Həsənalı lələ), Mehman Abdulla (Xudayar xan), Elməddin Zakirli (Həmid), Zülfiyyə Məmmədova (Zeynəb), Firəngiz Babayeva (Cənnət), Aydın Əliyev (Əməkdar artist- Çar polkovniki, Çar məmuru), Rəşid Soltanov (Naməlum adam). HAŞİYƏ: Bakı Bələdiyyə Teatrının rəhbərliyi “Ötən günlər” səhnə əsərinin yaranmasında göstərdiyi dəstəyə görə Azərbaycan Respublikası Milli Məclisinin Mədəniyyət Komitəsinin sədr müavini Günay xanım Əfəndiyevaya, Özbəkistan Respublikasının Azərbaycan Respublikasındakı Fövqəladə və Səlahiyyətli Səfiri cənab Bahrom Bahodiroviç  Aşrafxanova, Özbəkistan Respublikasının Azərbaycan Respublikasındakı Səfirinin Mədəni-humanitar məsələlər üzrə müşaviri Otabek Sadullayeviç Ramazanova, Azərbaycan Maşın və Avadanlıq İstehsalçıları Assosiasiyasının İdarə Heyətinin sədri Emin Axundova və “Azermash” CP baş direktoru Otabek Uluqbekoviç Saliyevə dərin təşəkkürünü bildirir.xeber100.com  

Xalq artisti Yusif Muxtarovun doğulduğu gündür

Azərbaycan Radiosunun diktoru, Bakı Bələdiyyə Teatrının yaradıcılarından biri, Xalq artisti Yusif Muxtarovun doğulduğu gündür. Yusif Muxtarov 22 iyul 1941-ci ildə anadan olub. Azərbaycan Dövlət Mədəniyyət və İncəsənət İnstitutunda dram və kino aktyorluğu fakultəsində -rejissor Adil İsgəndərovun kursunda təhsil alıb. 1964-1994-cü illərdə Azərbaycan Dövlət Radio və Televiziya şirkətində - diktor, ictimat-siyasi verilişlər redaksiyasının baş redaktoru, diktor şöbəsinin bədii rəhbəri vəzifələrində çalışıb. 30 il ərzində onun səsində lentə alınan 350-dən artıq ədəbi-ədii veriliş radionun Qızıl fonduna daхil olub. O, həm də klassik şeirimizin təbliğatçılarından biri idi. Nizami Gəncəvinin, Məhəmməd Füzulinin, İmadəddin Nəsiminin şeirlərini natiqlik məharətilə söyləməyi sevirdi. Y.Muxtarov deyirdi ki, radionun öz dili, öz ahəngi var: “Hər şeydən əvvəl, radioda orfoqrafiya  qanunlarına ciddi riayət olunmalıdır. Səsin çalarları, ahəngi, tembiri müəyyən qaydada olmalıdır. Məzmun aydınlığı, forma gözəlliyi, tələffüz qaydaları  təqdimatda əsas götürülməlidir”. Yusif Muxtarovun iştirakı ilə Azərbaycan dilində mindən artıq film səsləndirilib. YUNESKO-nun iki qızıl diskində onun səsi yazılaraq qorunur. Bəşəriyyət dillərinin gələcək nəslə çatdırılması və mühafizəsi məqsədilə hazırlanan bu disklərdə Azərbaycan dili onun səsində təqdim olunur. Azərbaycan kino tarixinə düşmüş bir neçə filmdə – rejissor Fikrət Əliyevin 1974-cü ildə quruluş verdiyi “Baladadaşın ilk məhəbbəti” filmində Murad, 1980-ci ildə yazıçı Bayram Bayramovun ssenarisi əsasanda Ziyafət Abbasovun çəkdiyi “Onun bəlalı sevgisi”ndə iclas iştirakçısı, 1990-cı ildə yazıçı Natiq Rəsulzadənin “İntihar edənin qeydləri” povestinin motivləri əsasında rejissor Əbdül Mahmudbəyovun quruluş verdiyi “Gecə qatarında qətl” filmində Paxan obrazlarını oynayan sənətkar, hər üç filmdə bir-birindən fərqli xarakter yaradıb. Kinodakı əsas fəaliyyəti onlarla filmlərin Azərbaycan dilində səslənməsində misilsiz хidmətləri ilə bağlı olan Y.Muxtarov, həmin filmlərə öz səs ahəngiylə yanaşmış, peşə sevgisinə daima sədaqətli olmuşdur. Uzun illər pedaqoji fəaliyyətlə də məşğul olam Y.Muxtarov Azərbaycan Dövlət Mədəniyyət və İncəsənət Universitetinin dosenti olub, tələbələrə səhnə danışığı fənnindən də dərs deyib, incəsənət sahəsində gələcək kadrların hazırlanmasında da böyük zəhmət çəkib. Böyük məsuliyyət hissilə öyrəndiklərini eyni həvəslə gənclərə öyrətməyin peşəkarı olan Y.Muxtarov geniş səs diapozonuna malik bir sənətkar olması ilə yanaşı, eyni zamanda sevib-seçdiyi sənətlə bağlı maraqlı, orijinal düşüncələrə də malik idi. Onun tanıyanlar deyirlər ki, Y.Muxtarov harada çalışmasından asılı olmayaraq efir onun üçün öz müqəddəsliyini qoruyub saxlayırdı. Mikrofon önündə öz səsi ilə sanki portret yaradırdı. Dinləyiciləri onun oxuduğu mətnlərin təkcə məzmun və mahiyyətini deyil, həm də təqdimat estetikasını yüksək qiymətlədirirdi. Sadəcə diktorluq və aktyorluq qabiliyyəti ilə deyil, həm də zəngin mənəvi xarakteri ilə seçilirdi. 1992-ci ildə Azərbaycanın siyasi və dövlət xadimi, Ulu öndər Heydər Əliyevin təşəbbüsü ilə görkəmli aktrisa Amaliya Pənahova ilə birgə Bakı Bələdiyyə teatrını yaradıb. Ömrünün sonuna kimi Bakı Bələdiyyə Teatrının sərəncamçı direktoru olub, bu sənət ocağının yaranmasında, fəaliyyətində və inkişafında böyük rol oynayıb. Bakı Bələdiyyə Teatrının Azərbaycan Ordusu qarşısında müntəzəm və davamlı çıxışlarının təşkilinə görə 2005-ci ildə Teatr Xadimləri İttifaqının təsis etdiyi “Qızıl Dərviş” mükafatına layiq görülüb. 1999-cu ildə Türkiyənin İstanbul Hərbi-Hava Akademiyasının qızıl medalı, 2003-cü ildə isə Tehranda keçirilən Beynəlxalq teatr festivalının qızıl medalı ilə təltif edilib.xeber100.com

Coakkino Rossininin “Sevilya bərbəri” operası nümayiş olunacaq

Opera və Balet Teatrında Ukrayna və Azərbaycanın opera ustalarının birgə iştirakı ilə Coakkino Rossininin “Sevilya bərbəri” operası nümayiş olunacaq.Teatrın mətbuat xidmətindən bildirilib ki, Opera və Balet Teatrının rəhbərliyi səhnə əsərində iştirak etmək üçün Lvov Milli Operasının aparıcı solisti, Ukraynanın Əməkdar artisti, vokalçıların beynəlxalq müsabiqələrinin laureatı Nikolay Şulyakı (Almaviva rolunu ifa edəcək) və Odessa Milli Akademik Opera və Balet Teatrının solisti, vokalçıların beynəlxalq müsabiqələrinin laureatı Boqdan Pançenkonu (Fiqaro partiyasını ifa edəcək) dəvət edib.Ukraynalı sənətkarlarla yanaşı, operada Azərbaycan Dövlət Opera və Balet Teatrının solistləri - Xalq artistləri Əli Əsgərov (Don Bazilio), Əkrəm Poladov (doktor Bartolo), Əməkdar artistlər İnarə Babayeva (Rozina), Tural Ağasıyev (Fiorello), gənc solistlər Nina Makarova (Berta) və Mahir Tağızadə (Zabit) çıxış edəcəklər.Martın 7-də təqdim ediləcək səhnə əsəri teatrın baş dirijoru, Əməkdar artist, dirijorların beynəlxalq müsabiqələrinin və “Humay” milli mükafatının laureatı Əyyub Quliyev tərəfindən idarə olunacaq.xeber100.com

Gənc Tamaşaçılar Teatrı fevral ayının repertuarını təqdim edir

Azərbaycan Dövlət Gənc Tamaşaçılar Teatrının fevral ayı üçün nəzərdə tutulan repertuarı maraqlı tamaşalarla zəngindir.Azərtac repertuarı təqdim edir: 8 fevral -“Bremen musiqiçiləri”, “Hasarın o üzü” 9 fevral - “Qoğalın sərgüzəştləri”, “Mən Səni Sevirəm (MSS)” 14 fevral - “İstədiyim kimi yaşamışam” (kiçik səhnə) 15 fevral - “Dəli yığıncağı” (premyera) 16 fevral - “Dəli yığıncağı” (premyera) 21, 22 fevral - Özbəkistan Dövlət Gənc Tamaşaçılar Teatrının qastrol tamaşaları “Ozornik” (Şumbola)22.02.2020 23 fevral - “Qızıl balıq”, Anar “Şəhərin qış gecələri” 26 fevral - “Mənim ağ göyərçinim” 28 fevral - “Cəza” (kiçik səhnə) 29 fevral - İngilis xalq nağılı “Şən Elf və cadugər”, “III Riçard”.xeber100.com

Musiqili Teatrda “Mənim günahım” tamaşası nümayiş etdiriləcək

Yanvarın 17-də Azərbaycan Dövlət Akademik Musiqili Teatrında “Mənim günahım” tamaşası nümayiş etdiriləcək.Azərtac xəbər verir ki, Xalq yazıçısı İlyas Əfəndiyevin əsəri əsasında səhnələşdirilən eyniadlı tamaşa sevgi haqqında pritçadır. Tamaşanın ideya müəllifi və bədii rəhbəri Əməkdar incəsənət xadimi Əliqismət Lalayev olan tamaşaya İradə Gözəlova quruluş verib.Səhnə əsərinin quruluşçu rəssamı Elnur Axundov, quruluşçu baletmeysteri Əməkdar artist Yelena Ağayeva, konsertmeysteri Fidan Babayeva, rejissor assistenti Elməddin Dadaşovdur.Tamaşada obrazları Əməkdar artistlər- Nərgiz Kərimova (Nurcahan), İlham Hüseynov (Sahib) və teatrın balet artisti Mələkxanım Səfərova (Ayqız) və başqaları canlandıracaq.Əsərin süjet xəttində yaşlandığını qəbul etməyən Nurcahan adlı balerinadan bəhs edilir. O, həyat yoldaşını gənc balerina - Ayqıza hədsiz qısqandığı üçün gərgin psixoloji sarsıntılar keçirir. Nurcahan Ayqızı təkcə ərinə yox, həm də sənətinə qısqanır... Bəzən sənətə aşırı dərəcədə sevgi acınacaqlı nəticələr verir... Nurcahan səhnəyə yenicə qədəm qoyan balerinanın gələcəkdə onun yerini tuta biləcəyindən qorxur. Buna görə də qarşısında maneə kimi gördüyü gənc balerinaya zərbə vurmaq üçün böyük bir günah işlədir. Sonra isə əməlindən peşman olub bu günahın mənəvi əzabını çəkir...Biletləri şəhərin bütün kino-teatr kassaları, “ASAN xidmət” mərkəzləri, eləcə də “İTicket.az” saytından əldə etmək olar.xeber100.com

Şuşa Teatrında uşaqlar üçün tamaşa nümayiş olunub

Şuşa Dövlət Musiqili Dram Teatrında uşaqlar üçün “Əlibaba və qırx quldur” tamaşası nümayiş olunub.azərtac xəbər verir ki, ərəb nağılının motivləri əsasında hazırlanan tamaşanın quruluşçu rejissoru Əməkdar artist Loğman Kərimov, rejissoru Lalə Şirinovadır.Tamaşanın quruluşçu rəssamı Valeh Məmmədov, musiqi tərtibatçısı isə Ağasəlim Feyzllayevdir.Tamaşada Emin Sevdimalıyev, Türkay Cəfərli, Gündüz Qasımov, Nihad Heybətov, Zəhra Salayeva, Günel İmanova, Mobil Qurbanov və başqaları oynayıblar.xeber100.com

Akademik Milli Dram Teatrı təqdim edir

Yanvarın 18-də Azərbaycan Dövlət Akademik Milli Dram Teatrında “Qətibə İnanc” tamaşası nümayiş olunacaq.Teatrın mətbuat xidmətindən Azərtac-a verilən məlumata görə, ikihissəli səhnə əsəri görkəmli Azərbaycan yazıçısı Məmməd Səid Ordubadinin “Qılınc və qələm” romanının motivləri əsasında Çingiz Ələsgərli tərəfindən yeni səhnə versiyasında işlənib.Tamaşanın quruluşçu rejissoru Xalq artisti Mərahim Fərzəlibəyov, quruluşçu rəssamı Əməkdar mədəniyyət işçisi İlham Elxanoğlu, musiqi tərtibatçısı Kamil İsmayılov, rejissor assistenti Vüqar Məmmədovdur.Tamaşa Gəncə hakimi Əmir İnancın qızı Qətibə İnancın Şeyx Nizamiyə olan cavabsız məhəbbətinə həsr olunub. Şeyx tərəfindən məhəbbəti rədd ediləndən sonra Qətibə İnancda hamıya qarşı nifrət yaranır. Bu nifrətinə görə Qətibə sevmədən Məhəmməd Cahan Pəhləvana ərə gedir, ondan Qutluğ adlı oğlu olur.Qeyd edək ki, ilk dəfə “Qılınc və qələm” əsərini 1977-ci ildə görkəmli rejissor Tofiq Kazımov tamaşaya qoyub.xeber100.com

Milli Dram Teatrında “Qarabağnamə” tamaşası nümayiş olunacaq

Azərbaycan Dövlət Akademik Milli Dram Teatrında 20 Yanvar faciəsinin 30-cu ildönümü münasibətilə “Qarabağnamə” tamaşası nümayiş olunacaq.Teatrın mətbuat xidmətindən Azərtac-a bildirilib ki, görkəmli dramaturq İlyas Əfəndiyevin “Hökmdar və qızı” əsəri əsasında hazırlanan tamaşanın rejissoru Xalq Artisti Mərahim Fərzəlibəyov, quruluşçu rəssamı İsmayıl Məmmədovdur.Yanvarın 18-də nümayiş ediləcək səhnə əsərində XVIII əsrdə Qarabağ xanlığının mərkəzi olan Şuşada baş vermiş tarixi hadisələrdən və Qarabağ hökmdarı İbrahim xanın ictimai-siyasi, ailə-məişət həyatından bəhs edir.xeber100.com

Dövlət Pantomima Teatrı yanvar repertuarını təqdim edir

Azərbaycan Dövlət Pantomima Teatrı ilin ilk ayı maraqlı tamaşalarla çıxış edəcək.Teatrdan Azərtac-a bildirilib ki, sənət ocağının repertuarında xüsusi yer tutan “Qoca və Mələk” yanvarın 11-də,“Kişilər və qadınlar” 12-də, “Ağ bığlılar” isə 18-də teatrsevərlərin ixtiyarına veriləcək. Bundan başqa, yanvarın 19-da “Xocalı-bu, olub” tamaşası, 25-də “6+1 nömrəli palata” 26-da isə “Adagio” tamaşaları göstəriləcək.Səhnə əsərləri bir qayda olaraq saat 18:00-da nümayiş ediləcək.xeber100.com

Akademik Musiqili Teatrı təqdim edir

Dekabrın 21-də Azərbaycan Dövlət Akademik Musiqili Teatrında “Ər və arvad” tamaşası nümayiş olunacaq.Teatrın mətbuat xidmətindən bildirilib ki, tamaşanın rejissoru Yusif Əkbərov, quruluşçu-dirijoru Əməkdar incəsənət xadimi Nazim Hacıəlibəyov, dirijoru Əməkdar incəsənət xadimi Fəxrəddin Atayev, quruluşçu-rəssamı Əməkdar rəssam Eldar Qurbanov, baletmeysterləri Əməkdar artistlər Zakir və Yelena Ağayevlər, xormeysteri Əməkdar artist Vaqif Məstanov, konsertmeysteri Fidan Babayeva, rejissor assistentləri Elməddin Dadaşov və Tamilla Aslanovadır.Tamaşada rolları Xalq artisti Fatma Mahmudova, Əməkdar artistlər Ələkbər Əliyev, Nahidə Orucova, Rəsmiyyə Nurməmmədova, Elxan İsmayılov, Ağaxan Şərifov, aktyorlar Möylə Mirzəliyev, Əliməmməd Novruzov, Fərid Rzayev və Ruslan Mürsəlov ifa edəcək.xeber100.com

Gənc Tamaşaçılar Teatrı dekabr ayının repertuarını təqdim edir

Azərbaycan Dövlət Gənc Tamaşaçılar Teatrının dekabr ayı üçün nəzərdə tutulan repertuarı maraqlı tamaşalarla zəngindir.Azərtac repertuarı təqdim edir: 1 dekabr- “Göyçək Fatma”, “Ana” 5 dekabr - “Çeburaşka” (rus dilində) 7 dekabr - “Şən Elf və cadugər” (ilk tamaşa), “Tanrıya 14 məktub” 8 dekabr - “Çeburaşka” (rus dilində), “Hasarın o üzü” 13 dekabr - “Mən öləndə, ağlama” 14 dekabr - “Danışan gəlincik”, “Oqtay Eloğlu” (ilk tamaşa) 15 dekabr - “Qırmızı papaq”, “Mehmanxana sahibəsi” 20 dekabr - “Cəza” 21 dekabr - “Şən Elf və cadugər” (ilk tamaşa), “Hekayəti-xırs quldurbasan” 22 dekabr - “Qar kraliçası”, “İtalyansayağı xoşbəxtlik” 26, 27, 28, 29, 30, 31 dekabr -Yeni il tamaşası -“Qrinc 2020”.xeber100.com

Akademik Musiqili Teatrın məlumatı əsasında…

Azərbaycan Dövlət Akademik Musiqili Teatrında 31 dekabr - Dünya Azərbaycanlılarının Həmrəyliyi Günü və 2020-ci il – Yeni il bayramı münasibətilə hazırlıq işlərinə başlanılıb.Sənət ocağının mətbuat xidmətindən bildirilib ki, teatrın yaradıcı kollektivi qış tətili günlərində uşaqların mənalı istirahətini təmin etmək üçün bu dəfə onları bayram əhval-ruhiyyəli “Şaxta baba, Bremen musiqiçiləri və Penin nağılı” tamaşası ilə sevindirəcək.Maraqlı və macəra dolu yeni il tamaşaları dekabrın 27-dən yanvarın 5-dək hər gün dörd seans olmaqla - saat 10:30, 12:30, 14:30 və 16:30-da nümayiş olunacaq. Tamaşada Yeni il bayramının rəmzləri olan Şaxta baba, Qar qız və balacaların sevimli nağıl qəhrəmanları onları duzlu-məzəli söhbətləri ilə əyləndirəcək və sonda hədiyyələrlə sevindirəcək.xeber100.com  

Pantomima Teatrında “Katarsis” tamaşası təqdim olunacaq

Noyabrın 24-də Azərbaycan Dövlət Pantomima Teatrında “Katarsis” tamaşası təqdim olunacaq.Azərtac xəbər verir ki, tamaşanın ssenari müəllifi Əməkdar artist Nargilə Qəribovadır. Səhnə əsərində rəsmlərin quruluşu teatrın baş rəssamı Sənubər Səmədovaya, musiqi tərtibatı isə Nargilə Qəribovaya məxsusdur.Qeyri-adi üslubda hazırlanan tamaşada dünya ilə insan münasibətlərinin yozumundan danışılır.Xronometrajı 40 dəqiqə olan səhnə əsərində qəhrəmanların mənsur poetik parçalar şəklində təzahür edən daxili monoloqlarının növbə ilə səsləndirilməsi canlanır.Qeyd edək ki, səhnə əsərinin premyerası 2013-cü ildə baş tutub.xeber100.com

Dövlət Pantomima Teatrı dekabr ayının repertuarını təqdim edir

Azərbaycan Dövlət Pantomima Teatrı dekabr ayı maraqlı tamaşalarla çıxış edəcək.Teatrdan Azərac-a bildirilib ki, sənət ocağının repertuarında xüsusi yer tutan “Ağ bığlılar” dekabrın 1-də, “Dejavü” dekabrın 7-də və “Adagio” isə dekabrın 8-də təqdim ediləcək. Həmçinin sənət ocağının səhnəsində dekabrın 14-də “Qoca və Mələk”, 15-də “Katarsis”, 21-də “Underground”, 22-də “6+1 nömrəli palata”, 28-də “Kişilər və qadınlar”, 29-da isə “İt gəzdirən xanım” tamaşaları göstəriləcək.Səhnə əsərləri bir qayda olaraq saat 18:00-da teatrsevərlərin ixtiyarına veriləcək.xeber100.com

Pantomima Teatrı noyabr ayının repertuarını təqdim edir

Gələn ay Azərbaycan Dövlət Pantomima Teatrının səhnəsində maraqlı səhnə əsərləri göstəriləcək.Azərtac repertuarı təqdim edir: 2 noyabr – “Ağ bığlılar” 3 noyabr- “İt gəzdirən xanım” 9 noyabr – “Dejavü” 10 noyabr – “Qoca və Mələk” 16 noyabr – “Underground” 17 noyabr – “Kişilər və qadınlar” 23 noyabr- “6+1 № PALATA” 24 noyabr – “Katarsis” 30 noyabr – “Kişilər və qadınlar” Tamaşalar müvafiq olaraq saat 18:00-da nümayiş ediləcək.xeber100.com  

Opera və Balet Teatrı oktyabr ayının repertuarını təqdim edir

Azərbaycan Dövlət Akademik Opera və Balet Teatrının yaradıcı kollektivi gələn ay tamaşaçıların görüşünə maraqlı səhnə əsərləri ilə gələcək.Sənət ocağının oktyabr ayı üçün nəzərdə tutduğu repertuarını təqdim edirik. 2 oktyabr – “Traviata” 6 oktyabr – “Şah İsmayıl” 8 oktyabr – “Min bir gecə” 12 oktyabr – “Şəhrizad”, “Bolera” 13 oktyabr – “Arşın mal alan” 15 oktyabr – “Nəsimi” 16 oktyabr – “Aşıq Qərib” 19 oktyabr – “İl Tabarro” 20 oktyabr – “Məhəbbət tanqosu” 23 oktyabr – “Trubadur” 27 oktyabr – “Sevil” 30 oktyabr – “Romeya və Cülyetta”, “Karmen suita”.xeber100.com

XI Üzeyir Hacıbəyli Beynəlxalq Musiqi Festivalı çərçivəsində

Sentyabrın 21-də Opera və Balet Teatrında XI Üzeyir Hacıbəyli Beynəlxalq Musiqi Festivalı çərçivəsində Cakomo Puççininin “Bohema” operası nümayiş olunub.Teatrdan verilən məlumata görə, xəbər verir ki, səhnə əsərini tanınmış italiyalı dirijor Lorenso Tassyeri idarə edib. Opera tamaşasında Mimi partiyası teatrın aparıcı solisti - Afaq Abbasova tərəfindən ifa olunub.Bundan başqa, operada əsas partiyalardan olan Rudolf və Marselini Ramiz Usmanov və BVladimir Qromov ifa edib.xeber100.com  

“Ölülər” pyesi əsasında hazırlanmış komediya-tamaşa nümayiş olunacaq

Milli Dram Teatrının səhnəsində Cəlil Məmmədquluzadənin “Ölülər” pyesi əsasında hazırlanmış eyniadlı iki hissəli komediya-tamaşa nümayiş olunacaq.Azərtac xəbər verir ki, oktyabrın 11-də teatrsevərlərin ixtiyarına veriləcək tamaşada bəstəkar Qara Qarayevin “Ölülər” əsəri üçün bəstələdiyi musiqi yeni versiyada təqdim ediləcək.“Ölülər”in Şeyx Nəsrullahı Xalq artisti Nurəddin Mehdixanlı, Kefli İsgəndəri isə Əməkdar artist Anar Heybətov olacaq.Xronometrajı 130 dəqiqə olan səhnə əsərində rəsmlərin quruluşu Azər Paşa Nemətova məxsusdur.xeber100.com  

Akademik Musiqili Teatrı 110-cu mövsümünü açıq elan edib

Sentyabrın 20-də Azərbaycan Dövlət Akademik Musiqili Teatrı 110-cu mövsümünü Üzeyir Hacıbəyli XI Beynəlxalq Musiqi Festivalı çərçivəsində dahi bəstəkarın “O olmasın, bu olsun” musiqili komediyası ilə açıq elan edib.Teatrdan verilən məlumata görə, bu səhnə əsəri uzun illər müxtəlif rejissorların təqdimatında nəinki ölkəmizin, həmçinin dünyanın bir çox teatrlarında göstərilib və böyük rəğbətlə qarşılanıb.Quruluşçu rejissoru Cənnət Səlimova olan səhnə əsərində rolları Xalq artisti Afaq Bəşirqızı (Sənəm), Əməkdar artist Şövqi Hüseynov (Məşədi İbad) və teatrın digər peşəkar aktyorları – Əməkdar artistlər – Ələkbər Əliyev, Novruz Qartal, Əzizağa Əzizov, Əkbər Əlizadə, Nadir Xasıyev, aktyorlar – Əliməmməd Novruzov, Səməd Xasıyev, Aydan Həsənova, Telnaz Hüseynova, Elməddin Dadaşov, Fərid Rzayev, kiçik yaşlı aktyorlar – Hüseyn Nağıyev, Rahib Məmmədzadə və başqaları ifa edib.Səhnə əsərində həmçinin, iranlı aktyor, Təbriz Teatrının rəhbəri Babək Nəhreyn hambal obrazını canlandırıb.xeber100.com

Opera və Balet Teatrında “Jizel” baleti nümayiş olunacaq

Sentyabrın 28-də XI Üzeyir Hacıbəyli Beynəlxalq Musiqi Festivalı çərçivəsində Azərbaycan Dövlət Akademik Opera və Balet Teatrında Adolf Adanın “Jizel” baleti nümayiş olunacaq.Teatrın mətbuat xidmətindən Azərtac-a bildirilib ki, tamaşada Jizel partiyasını sənət ocağının balet truppasının aparıcı solisti, Əməkdar artist Nigar İbrahimova ifa edəcək. Baleti professional səviyyəsini yüksəltmək məqsədilə teatrın rəhbərliyi əsas partiyalardan birini - qraf Albert partiyasını ifa etmək üçün Ukrayna Milli Operasının solisti, balet artistlərinin beynəlxalq müsabiqələrinin laureatı Stanislav Olşanskini dəvət edib.Səhnə əsərində, həmçinin Əməkdar artist Elmira Süleymanova (Mirta), aparıcı solist Anar Mikayılov (Meşəbəyi Hans) və başqaları da çıxış edəcəklər.Balet teatrın baş dirijoru, Əməkdar artist, dirijorların beynəlxalq müsabiqələrinin və “Humay” milli mükafatı laureatı Əyyub Quliyev tərəfindən idarə olunacaq.xeber100.com