İspaniya çempionatının altıncı turunda “Atletiko” və “Real” komandaları qarşılaşıblar

Futbol üzrə İspaniya çempionatının altıncı turunda “Atletiko” və “Real” komandaları qarşılaşıblar. Oyunda “Atletiko” komandası 3:1 hesabı ilə qalib gəlib. Komanda da qolları Alvaro Morata (4-cü, 46-cı dəqiqə) və Antuan Qrizmann (18) vurub. Bununla “Real” cari çempionatda ilk məğlubiyyətini alıb. Komanda beş oyunun hamısında qalib gəlmişdi. “Real” 15 xalla turnir cədvəlinin üçüncü pilləsində qərarlaşıb. “Atletiko” beş oyundan 10 xalı var və beşinci yerdədir. “Real” sentyabrın 27-də növbəti turda “Las Palmas”ı qəbul edəcək. "Atletiko" sentyabrın 28-də səfərdə "Osasuna" ilə qarşılaşacaq.xeber100.com

“Səbail” futbol komandası dördüncü qələbəsinə imza atıb

“Səbail” komandası futbol üzrə Azərbaycan Premyer Liqasında ardıcıl dördüncü qələbəsinə imza atıb. Peşəkar Futbol Liqasının rəsmi saytı xəbər verir ki, “Turan Tovuz”u 3:1, “Qarabağ”ı 2:1, “Kəpəz”i 3:0 hesabı ilə məğlub edən “dənizçilər” VII turda “Araz-Naxçıvan”ı da xalsız qoyub – 1:0. Bu, klub tarixində yeni rekorddur. Premyer Liqada 2017/2018-ci illər mövsümündə debüt edən bakılılar bunadək heç vaxt ardıcıl 4 qələbə qazanmayıblar.xeber100.com

Azərbaycan Premyer Liqasının VIII turunda keçiriləcək oyunun yeri dəyişdirilib

Azərbaycan Premyer Liqasının VIII turunda keçiriləcək “Qarabağ” – “Sumqayıt” oyununun yeri dəyişdirilib. Peşəkar Futbol Liqasının (PFL) rəsmi saytı xəbər verir ki, qarşılaşma Tofiq Bəhramov adına Respublika Stadionunda deyil, “Azersun Arena”da keçiriləcək. PFL-ə müraciət edən Ağdam klubu mərkəzi arenadakı təmir-bərpa işləri ilə əlaqədar görüşün yerinin dəyişdirilməsini xahiş edib. Klubun rəsmi müraciətini, Respublika Stadionunda aparılan işləri, eləcə də “Azersun Arena”nın mövsümdən öncə Premyer Liqa oyunları üçün qəbul edildiyini nəzərə alan qurum “Qarabağ”ın istəyinə müsbət cavab verib. Görüşün günü və saatı ilə bağlı isə heç bir dəyişiklik yoxdur.xeber100.com

Bakı Atıcılıq Mərkəzində stend atıcılığının “sporting” növü üzrə yarış təşkil edilib

Sentyabrın 23-də Bakı Atıcılıq Mərkəzində dövlət qurumlarının əməkdaşları arasında ilk dəfə stend atıcılığının "sporting" növü üzrə yarış təşkil edilib. Ümumilikdə 44 qurumdan 166 əməkdaşın (120 kişi, 46 qadın) iştirak etdiyi yarışlar sentyabrın 24-dək davam edəcək. Yarışın birinci gününün nəticələrinə görə ilk 5 yeri tutan şəxslər sabah final mərhələsində qalibiyyət uğrunda mübarizə aparacaqlar. Atışlarda toplanan ümumi xallara əsasən ilk dörd yeri tutan kişi və qadınlardan ibarət fərqli komandalar final yarışında iştirak edəcəklər. Bundan əlavə, hər qurumun qadın və kişilərdən ibarət qarışıq komandalarından ilk dördlükdə olanlar finalda yarışacaq. İlk üç yeri tutan şəxslər, komanda və qarışıq komandalar diplom və medallarla təltif olunacaq, qaliblərə hədiyyələr təqdim ediləcək.xeber100.com  

Avropa Həndbol Federasiyasının Avropa Kuboku çərçivəsində

Mingəçevirin qadın həndbolçulardan ibarət "Kür" komandası Avropa Həndbol Federasiyasının Avropa Kuboku çərçivəsində İtaliyanın “Jomi Salerno" klubu ilə qarşılaşıb. Matç rəqib komandanın 29:19 hesablı qələbəsi ilə yekunlaşıb. Qeyd edək ki, komandalar arasında cavab qarşılaşma sabah keçiriləcək.xeber100.com

Azərbaycan millisinin sentyabr ayı üçün FİFA reytinqindəki mövqeyi açıqlanıb

Azərbaycan millisinin sentyabr ayı üçün FİFA reytinqindəki mövqeyi açıqlanıb. Canni De Byazinin baş məşqçisi olduğu komanda mövqeyini dəyişməyib. Yığma 1147 xalla 121-ci sırada qalıb. Bir pillə geriləyən Türkiyə yığması 42-ci yerdədir. “Ay-ulduzlular”ın hesabında 1475 xal var. Reytinqin zirvəsində dəyişiklik olmayıb. DÇ-2022-nin qalibi Argentina yığması 1851 xalla liderliyini davam etdirib. Qətərdə təşkil olunan mundialın finalçısı Fransa (1840) ikinci, Braziliya (1837) isə üçüncü sırada qərarlaşıb. İlk “10-luq”: 1. Argentina – 1851 xal 2. Fransa – 1840 3. Braziliya – 1837 4. İngiltərə - 1794 5. Belçika – 1792 6. Xorvatiya – 1747 7. Niderland – 1743 8. Portuqaliya – 1728 9. İtaliya – 1727 10. İspaniya – 1710 AVRO-2024-ün seçmə mərhələsinin F qrupu: 5. Belçika – 1792 23. İsveç – 1538 25. Avstriya – 1537 115. Estoniya – 1172 121. Azərbaycan – 1147 Postsovet məkanı: 24. Ukrayna – 1538 39. Rusiya – 1495 75. Özbəkistan – 1328 79. Gürcüstan – 1299 91. Ermənistan – 1254 96. Qırğızıstan – 1228 100. Qazaxıstan – 1206 105. Belarus – 1198 110. Tacikistan – 1183 115. Estoniya – 1172 121. Azərbaycan – 1147 136. Latviya – 1089 140. Türkmənistan – 1086 143. Litva – 1072 159. Moldova - 1010.xeber100.com

“Zirə” – “Neftçi” komandalarının oyunu Zirə İdman Kompleksində gerçəkləşəcək

Bir müddət öncə renovasiya işlərinə start verilmiş “Neftçi Arena”nın son durumu Peşəkar Futbol Liqası (PFL) tərəfindən araşdırılıb. PFL-in rəsmi saytı xəbər verir ki, stadionun ot örtüyü hazırda oyunları qəbul etməyə tam hazır deyil. PFL tərəfindən mövsümdən öncə qəbul olunmuş digər stadionların hazırkı cədvəli və ümumi durumu uyğun olmadığı üçün “Neftçi”nin rəsmi müraciətini, “Zirə” klubunun razılıq məktubunu əsas götürən PFL bu komandalar arasında keçiriləcək 1-ci və 2-ci dövrənin görüşlərinin yerini dəyişdirib. Belə ki, şənbə günü baş tutacaq “Zirə” - “Neftçi” oyunu Zirə İdman Kompleksində gerçəkləşəcək. Oyun saat 20:30-da start götürəcək. Bu qərar əvəzedici komandalara aid edilmir.xeber100.com

Bakıda keçiriləcək cüdo üzrə Böyük Dəbilqə turnirinin püşkü atılıb

Sentyabrın 22-24-də Bakıda keçiriləcək cüdo üzrə Böyük Dəbilqə turnirinin püşkü atılıb. Azərbaycan idmançılarının da ilk rəqibləri bəlli olub. 60 kq Balabəy Ağayev - Lukhumi Çkvimiani (Gürcüstan) Əhməd Yusifov - Jorre Verstraeten (Belçika) Rövşən Əliyev - Lior Rafailov (İsrail) Nazir Talıbov - Giorgi Sardalaşvili (Gürcüstan) 66 kq Qasım Vəlizadə - Antoni De Angelis (Latviya) Yaşar Nəcəfov - Yermek Amangeldi (Qazaxıstan) Rəşad Yelkiyev - Lukas Saha (Finlandiya)/Yanislav Gerçev (Bolqarıstan) cütünün qalibi Ruslan Paşayev - Tal Fliçer (İsrail) 73 kq Hidayət Heydərov - Askar Narkulov (Qazaxıstan) Telman Vəliyev - Faye Njie (Qambiya) Nurlan Osmanov - Dioqo Sesar (Qvineya Bissau) Rəşid Məmmədəliyev - Benjamin Axus (Fransa) 81 kq Məmmədrza Hacızadə - Arnaud Areqba (Fransa)/Məhəmməd Rebahi (Qətər) cütünün qalibi Elcan Şəfiyev - Antonio Espozito (İtaliya)/Hrafn Arnarsson (İslandiya) cütünün qalibi Zelim Tçkayev - Aleks Barto (Slovakiya) Məhərrəm İmamverdiyev - Aibol Nussanali (Qazaxıstan) 90 kq Murad Fətiyev - Srcan Mrvalyeviç (Monteneqro) Elcan Hacıyev - Aleksandr Sidoruk (İJF) Əjdər Bağırov - Yermakhan Anuarbekov (Qazaxıstan) Musa Hüseynli - Yahor Varapayev (İJF)/Aleks Kret (Rumıniya) cütünün qalibi 100 kq Ruslan Nəsirli - Zlatko Kumriç (Xorvatiya) Zelim Kotsoyev - Matias Madsen (Danimarka) +100 kq İmran Yusifov - Kamzat Saparbayev (Fransa) Rəşid Məmmədəliyev - Juscelino Nasimento (Braziliya) Uşangi Kokauri - Karl Stefansson (İslandiya)/Joao Kesarino (Braziliya) Ramazan Əhmədov - Tamerlan Başayev (İJF) Qadınlar 48 kq Ramilə Əliyeva - Marusa Stanqar (Sloveniya) Şəfəq Həmidova - Meri de Varqas (Çili) Leyla Əliyeva - Tamar Malca (İsrail) 52 kq Gültac Məmmədəliyeva - Joana Dioqo (Portuqaliya) 57 kq Nərgiz Hacıyeva - Timna Nelson Levi (İsrail) 70 kq Günel Həsənli - Eliza Vroblevska (Polşa) Südabə Ağayeva - Darya Kramoykina (İJF) Qeyd edək ki, yarış Milli Gimnastika Arenasında təşkil olunacaq.xeber100.com

2024/2025 lisenziyalaşdırma mövsümünün açılış iclası keçirilib

AFFA-nın inzibati binasında Misli Premyer Liqası, I və II Liqada çıxış edən klubların nümayəndələri üçün 2024/2025 lisenziyalaşdırma mövsümünün açılış iclası keçirilib. Toplantıda iştirak edən milli assosiasiyanın baş katibi Sərxan Hacıyev lisenziyalaşdırma prosesinin vacibliyini vurğulayıb. İclasda həmçinin UEFA-nın Klubların Lisenziyalaşdırılması Şöbəsinin rəhbəri Ales Zavrl çıxış edərək, iştirakçılara qitə futbol qurumunun Klubların Lisenziyalaşdırılması və monitorinq prosesi, Azərbaycan klublarının maliyyə və digər göstəricilərinin müqayisəli təhlilini və UEFA-nın Qadınlar arasında Çempionlar Liqasında çıxış etmək üçün lisenziyalaşdırma tələbləri barədə ətraflı məlumat verib.xeber100.com

Azərbaycan Voleybol Federasiyasının məlumatına görə…

Azərbaycan millisi Latviyanın Dauqavpils şəhərində 18 yaşadək voleybolçu qızlar arasında təşkil olunacaq Şərqi Avropa Zonal Assosiasiyasının (EEVZA) çempionatında iştirak edəcək. Azərbaycan Voleybol Federasiyasından verilən məlumata görə, 21-25 noyabrda baş tutacaq yarışda 6 ölkənin yığması mübarizə aparacaq. Millimiz Gürcüstan, Latviya, Ukrayna, Estoniya və Polşa ilə üz-üzə gələcək. AVRO-2024-ə seçmə xarakter daşıyan turnirin reqlamentinə əsasən, çempion qitə birinciliyinin final mərhələsinə vəsiqə qazanacaq.xeber100.com

UEFA Çempionlar Liqasının qrup mərhələsinin I turunda daha iki oyun keçirilib

UEFA Çempionlar Liqasının qrup mərhələsinin I turunda daha iki oyun keçirilib. "Qalatasaray" Türkiyədə Danimarka təmsilçisi "Kopenhagen"i qəbul edib. A qrupundakı qarşılaşma 2:2 hesabı ilə bitib. C qrupundakı digər matçda "Real" İspaniyada Almaniyanın "Union” (Berlin) klubu ilə üz-üzə gəlib. Görüş meydan sahiblərinin minimal hesablı qələbəsi ilə yekunlaşıb - 1:0.xeber100.com

Azərbaycan Premyer Liqasının VI turunda iki rekord qeydə alınıb

Azərbaycan Premyer Liqasının VI turunda iki rekord qeydə alınıb. Peşəkar Futbol Liqasının rəsmi saytına istinadən məlumatına görə, üç gün ərzində keçirilən 5 oyunu ümumilikdə 10950 tamaşaçı izləyib. Bu, mövsümün geridə qalan hissəsi üçün yeni rekorddur. Buna qədər ən yüksək göstərici 8700 seyrçinin izlədiyi IV tura təsadüf edib. Yeni rekorda son oyun günü səbəb olub. “Qarabağ” – “Sabah” matçını 4500, “Turan Tovuz” – “Qəbələ” görüşünü 4000 nəfər izləyib. Digər qarşılaşmalarda bu rəqəm aşağı olub. “Zirə” – “Sumqayıt” (500), “Kəpəz” – “Səbail” (1500) və “Araz-Naxçıvan” – “Neftçi” (450) oyunlarında ümumilikdə 2450 tamaşaçı olub. Tofiq Bəhramov adına Respublika stadionunda baş tutan “Qarabağ” – “Sabah” görüşündə də mövsümün rekordu gerçəkləşib. 4500 tamaşaçı toplayan oyun “Turan Tovuz” – “Səbail” matçını geridə qoyub. IV turun Tovuz şəhər stadionunda gerçəkləşən qarşılaşmasında 4300 seyrçi olub. Qeyd edək ki, ümumilikdə 6 turun 29 matçını 42381 izləyici seyr edib. Orta göstərici 1461-ə bərabərdir.xeber100.com

Futzal üzrə 2023/2024 mövsümünün püşkü atılıb

Futzal üzrə Yüksək və Birinci liqalarda 2023/2024 mövsümünün püşkü atılıb. Tədbir Bakı İdman Sarayında keçirilib. 6 komandanın iştirak edəcəyi Yüksək Liqada oyunlar 4 dövrədən və 20 turdan ibarət olacaq. Mövsümə sentyabrın 26-da start veriləcək. Komandalar 7 legioner sifariş edə biləcəklər. Birinci Liqada isə 12 komanda mübarizə aparacaq. Çempionat 2 dövrədən və 22 turdan ibarət olacaq. Birinci turun matçları oktyabrın 1-də keçiriləcək. Yüksək Liqa I tur 26 sentyabr “Neftçi” İK – “Baku Fire” “Araz – Naxçıvan” – “Yasamal Bakı” “Record club” – U-19 Birinci Liqa I tur 1 oktyabr “Bakı” MFK – “Xan Lənkəran” “STAR kargo” – “Trabzon Azərbaycan” “Metropoliten” – “Şuşa” “Dalğa” – “Dəstə Ordubad” “Baku Fire-2” – “Ulduz” PFL - “Timsport”.xeber100.com

Avropa çempionatının seçmə mərhələsində bu gün ilk oyun keçiriləcək

21 yaşadək futbolçulardan ibarət Azərbaycan milli komandası Avropa çempionatının seçmə mərhələsində bu gün ilk oyununu keçirəcək. Yığmamız səfərdə Serbiyanın müvafiq yaş qrupundan ibarət komandası ilə qarşılaşacaq. Serbiya Futbol Federasiyasının Stara Pazova şəhərindəki İdman Mərkəzində oynanılacaq qarşılaşma Bakı vaxtı ilə saat 22:00-da başlayacaq. Görüşü Türkiyədən olan hakimlər briqadası idarə edəcək. Baş hakim Erkan Özdamara Serkan Olquncan və Murat Tuğberk Curbay kömək edəcək. Dördüncü hakim funksiyasını isə Zorbay Küçük yerinə yetirəcək.xeber100.com

Güləş yığmalarının dünya çempionatı üçün heyətləri müəyyənləşib

Azərbaycanın güləş yığmalarının Serbiyanın paytaxtı Belqradda keçiriləcək dünya çempionatı üçün heyətləri məlum olub. Baş məşqçilər ümumilikdə 26 idmançıya dəvət göndəriblər. Onlardan 10-u sərbəst, 10-u yunan-Roma, 6-sı isə qadın güləşçidir. Yığmanın baş məşqçisi sərbəst güləşçilərdən Əliabbas Rzazadə (57 kq), İntiqam Vəlizadə (61 kq), Hacı Əliyev (65 kq), Maqomed-Başir Xanıyev (70 kq), Turan Bayramov (74 kq), Orxan Abasov (79 kq), Abubakr Abakarov (86 kq), Osman Nurmaqomedov (92 kq), Maqomedxan Maqomedov (97 kq), Georgi Meşvildişviliyə (125 kq) şans verib. Heyətdə yunan-Roma güləşçilərindən Eldəniz Əzizli (55 kq), Nihat Məmmədli (60 kq), Murad Məmmədov (63 kq), Həsrət Cəfərov (67 kq), Ülvü Qənizadə (72 kq), Sənan Süleymanov (77 kq), Rafiq Hüseynov (82 kq), İslam Abbasov (87 kq), Arif Niftullayev (97 kq), Beka Kandelaki (130 kq) yer alıb. Qadın güləşçilərimizi isə Belqradda Mariya Stadnik (50 kq), Elnurə Məmmədova (53 kq), Jalə Əliyeva (57 kq), Alyona Kolesnik (59 kq), Elis Manolova (62 kq), Birgül Soltanova (65 kq) təmsil edəcək. Xatırladaq ki, sentyabrın 16-da başlayacaq dünya çempionatı ayın 24-də yekunlaşacaq.xeber100.com

“Azərreyl” klubu yeni mövsüm üçün heyətini formalaşdırmağa davam edir

Qadın voleybolçulardan ibarət “Azərreyl” klubu yeni mövsüm üçün heyətini formalaşdırmağa davam edir. Klubdan verilən məlumata görə, ölkəsinin aşağı yaş qruplarında oynamış 29 yaşlı Katarina Pilepiç ilə 1 illik müqavilə imzalanıb. 183 santimetr boya malik voleybolçu Azərbaycandan əvvəl bir neçə ölkədə də legioner həyatı yaşayıb. Onun Xorvatiyada ilk peşəkar klubu “Riyeka” olub və 2013-cü ilə qədər bu komandanın şərəfini qoruyub. O, ABŞ-da “San Fransisko Universiteti” (2013-2015) və “Arizona Universiteti”nin də (2015-2016) formalarını geyinib. Katarina 4 dəfə Xorvatiya və 1 dəfə İsrail çempionatının qalibi olub. Kolleksiyasında İsrail və Xorvatiya çempionatlarının gümüş, Çexiya, Yunanıstan və Filippin liqalarının bürünc medalları da var. Qeyd edək ki, Pilepiç Finlandiyada və Çexiyada mövsümün ən yaxşı hücumçusu seçilib.xeber100.com

Milli komandalar arasında baş tutan yoldaşlıq görüşü başa çatıb

Almaniya və Yaponiyanın futbol milli komandaları arasında baş tutan yoldaşlıq görüşü birincinin böyükhesablı məğlubiyyəti ilə başa çatıb. Matç Almaniyanın Volfsburq şəhərindəki "Folksvagen Arena"da baş tutub. Asiyalılar artıq 11-ci dəqiqədə Dzüni İtonun sayəsində hesabı açıblar. 8 dəqiqə sonra Leroy Zane status-kvonu bərpa etsə də, bu almaniyalıların oyunda sonuncu qolu olub. Cəmi üç dəqiqə sonra qonaqlar fərqlənə biliblər: Ayase Ueda fərqlənə bilib. Matçın sonunda dördqat dünya çempionları qapılarından daha iki top buraxıblar. Takuma Asano və Ao Tanaka hərəyə bir qol vurublar. Beləliklə, yoldaşlıq görüşü Yaponiyanın səfərdə Almaniya yığması üzərində 4:1 hesablı qələbəsi ilə başa çatıb. Qeyd edək ki, sözügedən yığmalar arasında sonuncu görüş 2022-ci ildə Qətərdəki dünya çempionatında olub. Həmin matçda da Uzaq Şərq təmsilçisi üstün olub - 2:1.xeber100.com

AVRO-2024-ün seçmə mərhələsində növbəti oyunlar keçirilib

Bu gün AVRO-2024-ün seçmə mərhələsində növbəti oyunlar keçirilib. Üç qrupda baş tutan 7 görüşlə V tura yekun vurulub. F qrupunda qərarlaşan Azərbaycan millisi Belçikaya 0:1 hesabı ilə məğlub olub. İsveç səfərdə Estoniyanın qapısından 5 cavabsız top keçirib. C qrupunun lideri İngiltərə ilk dəfə xal itkisinə məruz qalıb. “Dumanlı Albion” təmsilçisi səfərdə ən yaxın izləyicisi Ukrayna ilə heç-heçə edib. İtaliya isə Şimali Makedoniyada yerli komanda ilə xalları yarı bölüb. İ qrupunun hər üç görüşü “sülh”lə yekunlaşıb. AVRO-2024-ün seçmə mərhələsi V tur 9 sentyabr C qrupu Ukrayna – İngiltərə - 1:1 Şimali Makedoniya – İtaliya – 1:1 Xal durumu: İngiltərə - 13 xal (5 oyun), Ukrayna – 7 (4), İtaliya – 4 (3), Şimali Makedoniya – 4 (4), Malta – 0 (4). F qrupu 17:00. Azərbaycan – Belçika – 0:1 20:00. Estoniya – İsveç – 0:5 Xal durumu: Belçika – 10 (4), Avstriya – 10 (4), İsveç – 6 (4), Estoniya – 1 (4), Azərbaycan – 1 (4). İ qrupu 20:00. Andorra – Belarus – 0:0 22:45. Rumıniya – İsrail – 1:1 22:45. Kosovo – İsveçrə - 2:2 Xal durumu: İsveçrə - 11 (5), Rumıniya – 9 (5), İsrail – 8 (5), Belarus – 4 (5), Kosovo – 4 (5), Andorra – 2 (5).xeber100.com

ABŞ millisi yoldaşlıq görüşündə Özbəkistan yığmasına qalib gəlib

Futbol üzrə ABŞ millisi yoldaşlıq görüşündə Özbəkistan yığmasını darmadağın edib. Matç ABŞ-nin Sent-Luis şəhərinin “Sitipark” stadionunda baş tutub. Oyunda hesab erkən açılıb. 4-cü dəqiqədə Timoti Vea amerikalıları hesabda irəli çıxarıb. Matçda növbəti qollar ikinci hissəyə əlavə edilmiş dəqiqələrdə vurulub: Rikardo Pepi və Kristian Pulişiç hesab arasındakı fərqi darmadağın həddinə çatdırıblar. Beləliklə, yoldaşlıq görüşü ABŞ millisinin Özbəkistan yığması üzərində 3:0 hesablı qələbəsi ilə başa çatıb. Özbəkistan Meksikaya qarşı oynamaq üçün ABŞ-də qalacaq. Komandaların görüşü sentyabrın 12-dən 13-nə keçən gecə Corciya ştatının Atlanta şəhərində baş tutacaq.

Azərbaycan Cüdo Federasiyası: Cüdoçular komanda yarışlarında iştirak edəcək

Azərbaycan cüdoçuları Avropa çempionatının komanda yarışlarında iştirak edəcək. Azərbaycan Cüdo Federasiyasından verilən məlumata görə, 10 sentyabrda Niderlandın Haaqa şəhərində keçirilən gənclər arasında Avropa çempionatının komanda yarışları start götürür. Komanda yarışlarında 16 ölkə medallar uğrunda mübarizə aparır. Azərbaycan yarışlarda 10 idmançı ilə təmsil olunur. Azərbaycan cüdoçularının ilk rəqibləri Rumıniya yığması olacaq. -60 kq. çəkidə -73 kq. çəkidə Süleyman Əliyev və Vüsal Qələndərzadə, -90 kq. çəkidə Vüqar Talıbov və İsmayıl Zamanov, +90 kq. çəkidə Kənan Nəsibov, qızlarda isə -57 kq. çəkidə Aydan Vəliyeva, -70 kq. çəkidə Fidan Əlizadə, +70 kq. çəkidə Nigar Süleymanova və Nərmin Əmirli güclərini sınayacaq.xeber100.com