Sarıqamış hərəkatının 106-cı ildönümü ilə əlaqədar anma mərasimi təşkil olunub

Sarıqamış hərəkatının 106-cı ildönümü ilə əlaqədar Türkiyənin Qars vilayətinin Sarıqamış rayonunda anma mərasimi təşkil olunub. Yeni növ koronavirus (COVID-19) infeksiyası riskinə, eləcə də hazırda Türkiyədə mövcud olan növbəti 56 saatlıq “Evdə qal” rejiminə görə mərasim məhdud çərçivədə keçirilib.Azərtac xəbər verir ki, Türkiyənin enerji və təbii sərvətlər naziri Fatih Dönməz, gənclər və idman naziri Mehmet Muharrem Kasapoğlu, yerli hakimiyyət orqanlarının rəhbərlərinin iştirakı ilə keçirilən mərasimdə şəhidlərin əziz xatirəsinə “Qurani-Kərim”dən ayələr oxunub, Prezident Rəcəb Tayyib Ərdoğanın müraciəti səsləndirilib.Bundan başqa, Sarıqamış şəhidlərinin xatirəsinə Ərzurumdakı Atatürk, Bayburt, Muş və Ağrı universitetlərinin heykəltaraşlıq fakültələrinin müəllimləri qardan nəhəng heykəllər düzəldiblər. Bildirilir ki, bunun üçün ətraf ərazilərdən 200 yük maşını qar daşınıb.Qeyd edək ki, Sarıqamış faciəsi Birinci Dünya müharibəsində Osmanlı dövlətinin qarşılaşdığı ən böyük acıdır. 106 il keçsə də, Sarıqamış faciəsi qurbanlarının əziz xatirəsi Türkiyə xalqı tərəfindən böyük ehtiramla anılır.xeber100.com

2019-cu ilin bahar oyunları festivalının açılışı olub

Türkiyənin Samsun şəhərində 2019-cu ilin bahar oyunları festivalının açılışı olub.Azərtac xəbər verir ki, Türkiyədə milli qurtuluş mübarizəsinin başlanmasının 100-cü ildönümü münasibətilə keçirilən festivalın açılışında 1919 metr uzunluğunda Türkiyə bayrağı ilə yürüş keçirilib.Qeyd edək ki, mayın 19-da Türkiyədə milli qurtuluş mübarizəsinin 100-cü ildönümü dövlət səviyyəsində təntənə ilə qeyd olunacaq. Yüz il əvvəl Türkiyə dövlətinin banisi Mustafa Kamal Paşa Samsun şəhərinə gələrək ölkəni işğaldan xilas etmək üçün xalqı səfərbər edib. Bu şərəfə Türkiyədə 19 may Atatürkü anma, gənclik və idman bayramı kimi qeyd olunur.xeber100.com

“Türk dünyası və informasiya fəzası” adlı beynəlxalq forum keçirilir

Qazaxıstanın Türküstan şəhərində müxtəlif media qurumlarının iştirakı ilə “Türk dünyası və informasiya fəzası” adlı beynəlxalq media forumu keçirilir.Forumun ilk günü “Türk dünyasının mədəniyyət paytaxtı” elan olunan Türküstanın tarixi-mədəni abidələrini ziyarətlə başlayıb. Çimkənt şəhərinin görməli yerləri, Xoca Əhməd Yəsəvinin doğulduğu Sayram qəsəbəsi, tarixi Otrar şəhərinin qalıntıları, Arslan Baba türbəsi ziyarət olunub.Cənubi Qazaxıstan vilayəti akimliyi (qubernatorluq) və Beynəlxalq Türk Akademiyasının təşkilatçılığı ilə işə başlayan forumda Azərbaycan, Türkiyə, Bolqarıstan, Qazaxıstan, Özbəkistan, Qırğızıstan, Rusiya, o cümlədən Tatarıstan, Başqırdıstan və digər ölkələrdən çoxlu sayda media nümayəndəsi iştirak edir.İki gün davam edəcək forumun əsas məqsədi türk dünyasında ortaq informasiya məkanının formalaşdırılması məsələlərini müzakirə etməkdir.xeber100.com

1915-ci il şəhidlərinin anma mərasimi keçirilib

Türkiyənin Çanaqqala şəhərində 1915-ci il şəhidlərinin anma və Çanaqqala dəniz döyüşlərində qələbənin 102-ci ildönümü münasibətilə rəsmi mərasim keçirilib.Türkiyə Prezidenti Rəcəb Tayyib Ərdoğan, Baş nazir Binəli Yıldırım, Silahlı Qüvvələrin Baş Qərargah rəisi, ordu generalı Hulusi Akar və digər rəsmi şəxslərin də qatıldığı bayram mərasimi müxtəlif tədbirlərlə davam edib.Mərasimdə şəhidlərin əziz xatirəsi ehtiramla yad olunub, Şəhidlər Xiyabanına tər çiçəklər düzülüb və qəhrəman türk övladlarının əziz xatirəsinə ucaldılmış abidə önünə əklillər qoyulub.xeber100.com

Türkiyə mətbuatının məlumatına görə…

Türkiyə mətbuatının məlumatına görə, İstanbulun Ədirnəqapı məzarlığında Qafqaz İslam Ordusunun komandanı Nuri paşanın (Nuri Killigil) və 27 iş yoldaşının dəfn edildiyi və xeyriyyəçi iş adamı Zəki Yılmaz tərəfindən yenidən yapdırılan məzarlarının açılış mərasimi olub. Mərasimi açan İstanbul metropol bələdiyyəsi muzeylər və kitabxanalar müdiri Ramazan Mindər “Türklük öz tarixinin öməmli günlərindən birini yaşayır.Qafqaz İslam Ordusunun komandanı Nuri paşanın məzarının yenidən yapdırılması və keçirdiyimiz bu mərasim iki ölkə arasındakı qardaşlıq duyğularının daha da güclənməsinə xidmət edəcək. Biz müştərək keçmişimizi öyrəndikcə orada bu günümüz üçün lap çox ortaq nöqtələr tapacaq,bir-birimizə daha çox sarılaraq gələcəyə doğru daha inamlı şəkildə irəliləyəcəyik”- deyə vurğulayıb.        

“Fərat qalxanı” əməliyyatının ikinci mərhələsi başlayıb

Türkiyə ordusunun Suriyada həyata keçirdiyi “Fərat qalxanı” əməliyyatının ikinci mərhələsi başlayıb. “Hürriyet” qəzetinin verdiyi məlumata görə, bu dəqiqələrdə Türkiyə ordusuna məxsus 20 tank və 5 zirehli maşın Azad Suriya Ordusunun İŞİD terror təşkilatı ilə mübarizəsinə dəstək vermək üçün Kilis rayonunun Əlibəyli qəsəbəsindən sərhədi keçərək Suriyanın Çobanbəy (Rai) qəsəbəsinə daxil olub. Tanklar irəliləyişi Fırtına özüyeriyən artilleriya qurğuları ilə İŞİD bu bölgədəki mövqelərinin atəşə tutulması ilə müşayiət edilir.xeber100.com  

30 avqust – Türk Silahlı Qüvvələri Günüdür

Türkiyədə Zəfər bayramı və Türk Silahlı Qüvvələri Günü qeyd edir. Böyük zəfərin 94-cü ildönümü münasibətilə avqustun 30-da Ankarada rəsmi mərasim keçirilib. Anıtqəbirdə Fəxri qarovul düzülüb. Prezident Rəcəb Tayyib Ərdoğan, Türkiyə Böyük Millət Məclisinin sədri İsmayıl Qəhrəman, Baş nazir Binəli Yıldırım, Türkiyə Silahlı Qüvvələrinin rəhbər şəxsləri, siyasi partiya liderləri, ictimaiyyətin tanınmış simaları Türkiyə dövlətinin banisi Mustafa Kamal Atatürkün məzarinı ziyarət ediblər.xeber100.com

“1000 İlin Səsi Türk Dili Bayramı”…

Avqustda 27-də İstanbulda ikinci Türk Dili Bayramı keçiriləcək. Türkiyə mətbuatının verdiyi məlumata görə, Yunus Əmrə İnstitutunun bu il 46 ölkədən 540 məktəblinin iştirakı ilə yeddinci dəfə təşkil etdiyi "Türk Dili Yay Məktəbi" Türkiyə dövlətinin himayəsi altında Türk Dili Bayramı ilə yekunlaşacaq. "Türk Dili Yay Məktəbi"ndə iştirak edən məktəblilər 16 fərqli şəhərdə 20 universitetin ev sahibliyi ilə tarixi və turizm yerlərini gəzəcək, türk dilini yerində öyrənmək və türk mədəniyyətini tanımaq imkanı qazanacaqlar. Məktəblilər "İnsan və Türk Dili" mövzulu yekun tədbirində türk dilində dünyaya sülh, dostluq və sevgi ismarıcları yollayacaqlar. Dünyanın bir çox yerində müharibələrin olduğu bir dövrdə bu ismarıclar çox əhəmiyyətli bir çağırış olacaq. Xarici ölkələrdə 45 mərkəzi fəaliyyət göstərən Yunus Əmrə İnstitutu ilk dəfə bu il Amerika qitəsini də proqramlarına qataraq, Cənubi Amerikada bir mərkəz açmağı planlaşdırır. Qeyd edək ki, keçən il 60 ölkədən 500-ə yaxın məktəblinin iştirak etdiyi “1000 İlin Səsi Türk Dili Bayramı” təntənəli şəkildə qeyd olunub.xeber100.com

“Koroğlu heykəli müsabiqəsi”nin yekununa əsasən…

Türkiyənin Bolu şəhərində türk dünyasının qəhrəmanı Koroğlunun 30 metr hündürlüyündə heykəli ucaldılacaq. TURKSOY-un saytı yazır ki, Boluda, həmçinin IV Koroğlu festivalı çərçivəsində keçirilən “Koroğlu heykəli müsabiqəsi”nin yekununa əsasən şəhərdə Koroğlu parkı da salınacaq. Bu layihənin həyata keçirilməsi ilə Türkiyə, Azərbaycan, Özbəkistan, Qazaxıstan, Qırğızıstan və Türkmənistan və başqa bütün türkdilli dövlətlər ortaq bir parka sahib olacaqlar. Şəhərin bələdiyyə sədri Əlaəddin Yılmaz bildirib ki, layihənin təşkil olunmasında məqsəd türk dünyasının ortaq qəhrəmanının heykəli sayəsində türkdilli ölkələrin rəsmilərini Boluda görüşdürməkdir.xeber100.com

Türkiyə parlamentinə beynəlxalq müqavilə təqdim edilib

Türkiyə ilə İsrail arasında münasibətlərin normallaşmasına dair beynəlxalq müqavilə Türkiyə parlamentinə təqdim edilib. “Hürriyyət”ə istinadən verdiyi məlumata görə, Xarici  İşlər Nazirliyi tərəfindən hazırlanan və Nazirlər Kabinetinə təqdim olunan müqavilə baş nazir Binəli Yıldırımın imzası ilə Türkiyə Böyük Millət Məclisinə göndərilib. Sənəddə göstərilir ki, “Mavi Mərmərə” gəmisində öldürülən Türkiyə vətəndaşlarının ailələri üçün nəzərdə tutulmuş 20 milyon dollarlıq təzminat müqavilə qüvvəyə minəndən sonra 25 gün ərzində ödəniləcək. Həmçinin bildirilir ki, “Mavi Mərmərə” ilə bağlı İsrailə qarşı açılmış cinayət işləri ləğv olunacaq. Müqavilə TBMM-də təsdiqləndikdən sonra hər iki ölkənin qarşılıqlı olaraq səfirləri təyin edəcəyi gözlənilir.xeber100.com

Beynəlxalq sərgi açılacaq

Avqustun 26-dan sentyabrın 10-dǝk Türkiyənin İzmir şəhərində 85-ci Beynəlxalq İzmir sərgisi açılacaq. "TRT-Azərbaycan" xəbər verir ki, sərgiyə 30-dan artıq ölkənin qatılacağı gözlənilir. Sərginin bu ilki mövzusu olaraq müəyyən edilən innovasiya "Gələcək İzmirdə" şüarı ilə tanıdılacaq. Partnyor ölkə Malayziya və şərəf qonağı şəhər isə Manisa tarixi və təbiət gözəllikləri ilə ziyarətçilərə təqdim ediləcək. On gün müddətində davam edəcək sərgidə müxtəlif mədəniyyət-sənət tədbirlərini ziyarətçilər ödənişsiz izləyə biləcəklər.xeber100.com

Anadolu Agentliyinin verdiyi məlumata görə…

Avqustun 14-də Ankarada Türkiyənin hakim Ədalət və İnkişaf Partiyasının (AKP) təsis edilməsinin 15 illik yubileyi münasibətilə mərasim keçiriləcək. Anadolu Agentliyinin verdiyi məlumata görə, yubiley mərasiminə Prezident Rəcəb Tayyib Ərdoğan, 11-ci Prezident Abdullah Gül, sabiq Baş nazir Əhməd Davudoğlu da daxil olmaqla, ümumilikdə 6500 nəfər dəvət edilib. Fətullahçı terror təşkilatının (FETÖ) 15 iyul dövlət çevrilişi cəhdinin qarşısının alınması zamanı həlak olan vətəndaşlarla əlaqədar yubiley mərasimi təmtəraqlı olmayacaq. Mərasimdə AKP-nin 15 illik fəaliyyətinə dair film nümayiş etdiriləcək, partiyanın mərkəzi qərargahında fotosərgi açılacaq.xeber100.com

“Habertürk” kanalının məlumatına görə…

Prezident Vladimir Putin ilə görüşümdə müzakirə edilən məsələlərdən biri də Türkiyə-Rusiya-Azərbaycan üçtərəfli əməkdaşlıq mexanizminin qurulması idi. Bu məsələyə Azərbaycan kimi, Rusiya tərəfi də müsbət yanaşdığını bildirdi. Belə bir mexanizm Azərbaycan, İran və Rusiya arasında artıq yaradılıb və Bakıda üçtərəfli Zirvə görüşü keçirilib. İndi biz istəyirik ki, Türkiyə, Rusiya və Azərbaycan arasında da belə bir mexanizm yaradaq. Türkiyənin “Habertürk” kanalının məlumatına görə, bu fikri Türkiyə Prezidenti Rəcəb Tayyib Ərdoğan rusiyalı həmkarı Vladimir Putin ilə görüşündə müzakirə olunan məsələləri şərh edərkən deyib. Bu məsələ ilə əlaqədar Türkiyənin və Azərbaycanın xarici işlər nazirlərinin müzakirələr apardığını vurğulayan Prezident Rəcəb Tayyib Ərdoğan Rusiyanın dövlət başçısı Vladimir Putin ilə bu barədə razılığa gəldiklərini qeyd edib: “Məqsəd bölgədəki siyasi prosesləri yaxından izləməkdir. Bölgədə Dağlıq Qarabağ problemi var. Bu münaqişənin həllində Türkiyənin da daxil olduğu Minsk qrupu daha səmərəli fəaliyyət göstərə bilərdi. Ancaq tərəflərdən başqa yalnız üç ölkə Rusiya, Fransa və ABŞ bu prosesdə iştirak edir. Artıq 23-24 il keçib və bu məsələ hələ də həll edilməyib. Təbii, ortada işğal faktı var və bunu hamı qəbul edir. Bir halda ki işğal faktı var, onda niyə məsələnin həlli uzadılır? Ancaq artıq bəzi irəliləyişlər var. Cənab Putin bu məsələdə fəallıq göstərir. Cənab Əliyev də bu barədə mənə məlumat verdi. Hesab edirəm ki, əvvəlcə beş rayon qaytarılsa, münaqişənin həllində xeyli irəliləyiş olar”.xeber100.com

“Anadolu” agentliyi yazır…

“Liviyada Fətullahçı terror təşkilatına (FETÖ) aid məktəblər bağlanılıb”. Bunu Türkiyənin xarici işlər naziri Mövlud Çavuşoğlu “Anadolu” agentliyinə müsahibəsində bildirib. Qeyd edək ki, M.Çavuşoğlu avqustun 10-da agentliyə müsahibəsində Türkiyə prezidenti Rəcəb Tayyib Ərdoğanın Rusiyaya səfərini, iki ölkə arasında əlaqələrin perspektivindən danışıb.”Rusiya ilə əlaqələrimizin gələcəyini onlar (Qərb) müəyyənləşdirmir”, – deyə nazir müsahibəsində vurğulayıb.xeber100.com

Türkiyə viza sərbəstliyinin həyata keçirilməsini istəyir

Türkiyə-AB münasibətləri getdikcə gərginləşir. Türkiyə mətbuatının verdiyi məlumata görə, bir müddət əvvəl Avsrtiyanın baş naziri, dünən isə onun isveçli həmkarı Stefan Löfven 15 iyuldan çevriliş cəhdindən sonra Türkiyədə yaşananları qınayıb. Hər iki baş nazir Türkiyənin AB-ə üzvlük yolunda səhv istiqamətə yönəldiyini vurğulayıblar. Onların üzərində dayandıqları arqumentlər də eynidir: Türkiyənin suriyalı qaçqınlarla bağlı AB-lə imzaladığı anlaşmalardan geri çəkilməsi Qərb üçün əsl fəlakət olar və FETÖ-yə qarşı mübarizədə qeyri-adekvat təzyiq vasitələrinə əl atılması demokratik dəyərlərdən uzaqlaşmaqdır.Stefan Löfvenə görə, Türkiyə noyabr ayının sonuna qədər viza sərbəstliyini həyata keçirilməsini istəyir: “Viza sərbəstliyinin tətbiq olunması üçün isə razılaşmadan doğan bütün öhdəliklərin yerinə yetirilməsi lazımdır. Əks halda viza sərbəstliyi qazanmaq mümkün deyil. Bu mənada Türkiyənin səhv yoldadır”. Qeyd edək ki, Türkiyə iqtisadiyyatının Avropa ortalamasından xeyli aralı olduğunu vurğulayan Kern 15 iyul qiyamından sonra dövlət orqanlarında aparılan təmizləmə əməliyyatı da ölkənin demokratik dəyərlərdən çox uzaqlaşdığını göstərir.Bu iki səbəbə görə Avropa Şurasının 16 sentyabr tarixli toplantısında Türkiyənin ittifaqa üzvlük müzakirələrinin sonlandırılmasını təklif edəcəklərini bildirən baş nazirin bu sözləri Türkiyədə ciddi əks-səda doğurmuşdu.xeber100.com

Demokratiyaya və dövlətə dəstək məqsədilə mitinq…

Bu gün İstanbuldakı Yeniqapı meydanında keçiriləcək demokratiya və şəhidlər mitinqi 15 iyul dövlət çevrilişinə cəhddən sonra ölkənin bütün şəhərlərində davam edən demokratiya növbələrinin ən izdihamlısı olacaq. Demokratiyaya və dövlətə dəstək məqsədilə keçiriləcək mitinq Türkiyə vaxtı ilə saat 17:00-da başlayacaq. Mitinqdə 4 milyona yaxın insanın iştirak etməsi gözlənilir. Eyni gün, Türkiyənin bütün şəhərlərində də demokratiyaya dəstək mitinqləri keçiriləcək. Həmin mitinqin iştirakçıları 80 vilayətdə quraşdırılacaq nəhəng ekranlardan İstanbuldakı izdihamlı mitinqdə ediləcək çıxışları canlı izləyə biləcəklər.Türkiyənin əsas siyasi partiya liderlərinin, ictimai, siyasi və incəsənət xadimlərinin, iş adamlarının iştirak edəcəkləri izdihamlı mitinqdə Prezident Rəcəb Tayyib Ərdoğan, Baş nazir Binəli Yıldırım, Türkiyə Böyük Millət Məclisinin sədri İsmail Kahraman, əsas siyasi partiya rəhbərlərinin çıxış edəcəkləri gözlənilir. Mitinqə hazırlıq çərçivəsində çıxışlar üçün xüsusi platforma da quraşdırılıb. Kütləvi tədbirə gələnlər üçün 2,5 milyon Türkiyə bayrağı, 1,5 milyon papaq hazırlanıb. Mitinqə insanların rahat gəlmələri üçün xüsusi avtobuslar ayrılıb. Mitinqin keçiriləcəyi ərazidə texniki və təşkilatı məsələlərin həlli üçün 13 min işçi cəlb olunub. Ərazidə 102 həkim briqadası, 728 nəfərlik tibbi heyət insanlara xidmət göstərəcək.Qeyd edək ki, Ankarada Baş nazir Binəli Yıldırımın rəhbərliyi ilə keçirilmiş təhlükəsizlik toplantısında terror təşkilatları ilə mübarizə çərçivəsində aparılan əməliyyatlarla yanaşı, İstanbuldakı mitinqdə təhlükəsizlik məsələləri də müzakirə olunub.xeber100.com

Demokratiyaya dəstək mitinqi keçiriləcək

Avqustun 7-də İstanbulun Yeniqapı meydanında demokratiyaya dəstək mitinqi keçiriləcək. “Demokratiya və şəhidlər” şüarı altında keçiriləcək mitinq ölkənin bütün şəhərlərində və meydanlarında davam edən demokratiya növbələrinin ən izdihamlısı olacaq. Türkiyə mətbuatının verdiyi məlumata görə, bu sözləri hakim Ədalət və İnkişaf Partiyasının sədri, Baş nazir Baş nazir Binəli Yıldırım deyib. Baş nazir deyib: “Həmin gün tariximizin, demokratiyamızın ən böyük mitinqini həyata keçirəcəyik. Oradan bütün Türkiyəyə hamımız birlikdə mesaj verəcəyik. Ona görə bu mitinqə siyasi partiyaların liderlərini də dəvət edirəm. Onların bu böyük mitinqə gələrək bütün xalqımızla həmrəylik nümayiş etdirmələri çox əhəmiyyətlidir”.xeber100.com

CNN Türk televiziyasının verdiyi xəbərə görə…

Türkiyənin Baş naziri Binəli Yıldırım CNN Türk televiziyasına müsahibəsində yaxın günlərdə ölkə Konstitusiyasına dəyişikliklər ediləcəyini, bununla bağlı hazırlıq işlərinin görüldüyünü deyib. Türkiyənin Baş naziri qeyd edib ki, Konstitusiyaya 60 maddə üzrə dəyişikliklər ediləcək. Çevrilişə dəstək verən qurumlarla bağlı gərgin iş aparıldığını bildirən Baş nazir diqqətə çatdırıb ki, saxlanılanların və həbs edilənlərin ifadələrindən hər gün yeni məlumatlar əldə olunur. O, Türkiyə Silahlı Qüvvələri və Milli Kəşfiyyat Xidmətinin daha da təkmilləşdiriləcəyini bildirib. Həmçinin qeyd edib ki, çevriliş cəhdindən sonra 3 min 499 nəfər istefaya göndərilməklə, ümumilikdə 62 min nəfər işindən kənarlaşdırılıb. Türkiyədə dövlət çevrilişi ilə əlaqəsi olan hər kəs dövlət qurumlarından xaric edilməlidir. Son hadisələrin iştirakçıları arasında on minlərlə yüksək vəzifə sahibi var. Dövlət çevrilişinə cəhd zamanı Türkiyə dünya demokratiyasının indiyədək görmədiyi fərqli mənzərəni ortaya qoydu. Bu fikirləri isə Türkiyə Prezidenti Rəcəb Tayyib Ərdoğan İtaliya və Meksika televiziyalarına müsahibəsində deyib.xeber100.com

“A Haber” telekanalının məlumatına əsasən…

Türkiyədə fəaliyyət göstərən bütün hərbi təhsil müəssisələri bağlanacaq. Bunu Türkiyə prezidenti Rəcəb Tayyip Ərdoğan “A Haber” telekanalına müsahibəsində bildirib. Onun sözlərinə görə, onların əvəzinə Türkiyədə Milli Müdafiə Universiteti yaradılacaq. Milli Müdafiə Universitetinin nəzdində Quru Qoşunlar Akademiyası, Hərbi-Hava Akademiyası və Dəniz Akademiyası yaradılacaq. Hazırda ölkədə dörd ali hərbi təhsil müəssisəsi fəaliyyət göstərir.xeber100.com

Prokurorluq orqanlarının təqdimatına əsasən…

İstanbul məhkəməsi Türkiyədə hərbi çevrilişə cəhddə iştirak etməkdə şübhəli bilinərək saxlanılan 758 nəfər hərbçinin azad olunması barədə qərar çıxarıb. Türkiyə mətbuatının məlumatına görə, qərar istintaqı aparan prokurorluq orqanlarının təqdimatına əsasən verilib. Ümumilikdə 989 nəfər ifadə verib ki, onlardan 231-i həbsdə qalıb.xeber100.com