Şəhidlərin xatirəsinə inşa edilən abidə kompleksinin açılışı olub

Beyləqan rayonunda şəhidlərin xatirəsinə inşa edilən abidə kompleksinin açılışı olub.Azərtac-ın bölgə müxbiri xəbər verir ki, pandemiya dövrünün tələblərinə uyğun olaraq keçirilən mərasimdə şəhid ailələri, rayon icra hakimiyyətinin və ictimaiyyətin nümayəndələri iştirak ediblər. Çıxışlarda ötən il sentyabrın 27-də başlanan və tarixə “44 günlük müharibə” kimi düşən Vətən müharibəsindən, Azərbaycan Ordusunun qəhrəmanlığından, qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışılıb.Şəhidlərin xatirəsinə inşa edilən kompleksdə Azərbaycanın gerbi və xəritəsi əks olunub, həm Birinci, həm də İkinci Qarabağ müharibəsindən olan şəhidlərimizin, eləcə də Ermənistan silahlı bölmələri tərəfindən Beyləqan rayonunun atəşə tutulması nəticəsində dünyasını dəyişən dinc sakinlərin rəsmləri vurulub. Kompleksdə şəhidlər haqqında məlumatları əks etdirən monitor quraşdırılıb. Abidədə şəhidlərin adını daşıyan bulaq da istifadəyə verilib.xeber100.com

Ermənistan silahlı qüvvələri Gəncəni də artilleriya atəşinə tutublar

Ermənistan silahlı qüvvələrinin Gəncəni artilleriya atəşinə tutması nəticəsində 1 nəfər ölüb, 32 nəfər yaralanıb. Xəsarət alanlardan biri də 8 yaşlı Banu İbrahimovadır.Azərtac-ın bölgə müxbiri Banu ilə onun müalicə aldığı xəstəxanada görüşüb. Başından yaralanan azyaşlı deyib ki, hadisə səhər saatlarında baş verib və ailəsi ilə birgə evdə olublar: “Səhər otaqda idik. Qardaşım, anam, nənəm, bir də mən. Mərmi atdılar evimizə düşdü. Başımdan yaralandım”.Qeyd edək ki, erməni hərbçiləri beynəlxalq hüququn norma və prinsiplərini, 1949-cu il tarixli Cenevrə Konvensiyaları və onların Əlavə Protokollarını, BMT-nin Təhlükəsizlik Şurasının qərar və qətnamələrini kobud şəkildə pozaraq döyüş əməliyyatlarının aparıldığı bölgəyə aidiyyəti olmayan, Azərbaycanın ikinci böyük şəhəri Gəncənin mülki əhalisinin sıx yaşadığı məntəqələrə zərbələr endirib.xeber100.com

Oktyabrın 3-də Beyləqan şəhəri ağır artilleriyadan atəşə tutulub

Oktyabrın 3-də Ermənistan silahlı qüvvələri Beyləqan şəhərini ağır artilleriyadan atəşə tutub.Azərtac-ın cəbhə bölgəsinə ezam olunmuş müxbiri xəbər verir ki, düşmənin atdığı top mərmiləri nəticəsində dinc sakinlərdən ölən və yaralanan var, evlər dağıdılıb, infrastruktura zərər vurulub. 1976-cı il təvəllüdlü şəhər sakinləri İsmayılova Zülfiyyə İsgəndər qızı və bacısı 1998-ci il təvəllüdlü Əsədova Arzu İsgəndər qızı yaşadıqları evə çoxsaylı top mərmilərinin düşməsi nəticəsində dağıntılar altında qalaraq həlak olublar. Eyni zamanda, şəhərin müxtəlif yerlərinə düşmüş top mərmilərinin qəlpələrindən 1982-ci il təvəllüdlü şəhər sakinləri Balakişiyev Etibar Təvəkkül oğlu və 1969-cu il təvəllüdlü Bəşirova Sevda Yaşar qızı müxtəlif dərəcəli bədən xəsarətləri alaraq xəstəxanalara yerləşdirilib, çoxsaylı yaşayış evlərinə külli miqdarda ziyan dəyib.Qeyd edək ki, beynəlxalq hüququn norma və prinsiplərini kobud şəkildə pozaraq dinc əhaliyə qarşı terror əməllərini davam etdirən təcavüzkar Ermənistanın hərbi-siyasi rəhbərliyinin bilavasitə göstərişi ilə Ermənistan silahlı qüvvələrinin Azərbaycanın yaşayış məntəqələrini atəşə tutması nəticəsində həlak olmuş şəxslərin sayı 22-yə, xəsarət alanların sayı isə 74-ə çatıb. Bundan başqa, Ermənistanın ordusunun intensiv ağır artilleriya atəşi nəticəsində 248 evə və 49 mülki obyektə ciddi ziyan dəyib.xeber100.com

Azərişıq” ASC-nin məlumatı əsasında…

Xırdalanın bəzi ərazilərinə elektrik enerjisinin verilişində fasilələr yaranacaq.“Azərişıq” ASC-dən Azərtac-a bildirilib ki, Xırdalan Enerji Təchizatı və Satışı İdarəsinin xidməti ərazisində yerləşən bəzi xətlərdə SİP kabellərin yeni AVVQ kabellər ilə əvəzlənməsi işləri aparılacağından mayın 15-də saat 13:30-dan 16:00-dək Kənd Xırdalan, C.Cabbarlı, Adıgözəlov, “28 May” və R.Axundov küçələrində elektrik enerjisinin verilişində fasilələr olacaq.xeber100.com

“Azersky” peykindən əldə olunmuş təsvir təqdim edilib

Beyləqan rayonu ərazisində əkin sahələrinin “Azersky” peykindən əldə olunmuş təsviri təqdim edilib.“Azərkosmos” ASC-dən Azərtac-a bildirilib ki, “Azersky” peyk təsvirlərindən istifadə edilməklə Azərbaycan Respublikası ərazisində kənd təsərrüfatlı əkin sahələrində davamlı olaraq monitorinqlər həyata keçirilir. Aparılan monitorinqlər sayəsində rayonlar üzrə əkin sahələrini əks etdirən bitki örtüyünün xəritəsi hazırlanır. Eyni zamanda, ölkə ərazisində kənd təsərrüfatı bitkilərinin məhsuldarlığını proqnozlaşdırmaq mümkün olur. Kənd təsərrüfatı bitkilərinin məhsuldarlığının əvvəlcədən pronozlaşdırılması idxal ehtiyacını və ixrac imkanlarını planlaşdırmağa imkan verir.ASC Beyləqan rayonu ərazisində əkin sahələrinin bu ilin aprelində “Azersky” peykindən əldə olunmuş təsvirini təqdim edib.Qeyd edək ki, Cənubi Qafqazda ilk və yeganə peyk operatoru olan “Azərkosmos” ASC telekommunikasiya və coğrafi kəşfiyyat sahələri üçün yüksəkkeyfiyyətli peyk xidmətləri təqdim edir. “Azərkosmos” telekommunikasiya peyki olan “Azerspace-1”, Yer səthinin məsafədən müşahidə peyki olan “Azersky” və “Azerspace-2”nin operatorudur.xeber100.com

Ölkə üzrə dezinfeksiya və maarifləndirmə tədbirləri gücləndirilib

Beyləqan rayonunda koronavirus (COVID-19) infeksiyasının yayılmasının qarşısının alınması və sosial təcridin gücləndirilməsi məqsədilə Nazirlər Kabineti yanında Operativ Qərargahın tətbiq etdiyi xüsusi karantin rejiminin tələblərinə, habelə sanitar epidemioloji normalara qeyd-şərtsiz əməl olunması üçün zəruri tədbirlər görülür.Azərtac-ın bölgə müxbiri xəbər verir ki, bu məqsədlə Beyləqan şəhərində, rayonun kənd və qəsəbələrində ümumi sayı 2-3 nəfərdən ibarət qruplar yaradılıb. Onlar ictimai yerlərdə, küçələrdə, parklarda sakinlərlə söhbət edir, karantin rejiminin tələbləri və davranış qaydaları barədə maarifləndirmə işi aparır, əhalini küçə və meydanlardan evlərinə göndərirlər. Beyləqan rayonunda əhalinin intensiv keçdiyi küçələrdə, meydanlarda, inzibati idarələrdə, parklarda, küçələrdə, iri ticarət obyektlərinin ətrafında, çoxmərtəbəli yaşayış binalarının həyətlərində və giriş qapılarında, avtobus və taksi dayanacaqlarında sanitar-təmizlik, tibbi-profilaktik və dezinfeksiya işləri də davam etdirilir.xeber100.com  

“Azəriqaz” İstehsalat Birliyinin məlumatı əsasında…

Vətəndaşların qəbulu cədvəlinə uyğun olaraq oktyabrın 4-də “Azəriqaz” İstehsalat Birliyinin baş direktoru Əkbər Hacıyev Salyan rayonunda sakinlərlə görüşüb.Birlikdən Azərtac-a bildirilib ki, “Azəriqaz”ın baş direktorunun müavinləri Ramil İsgəndərov Sabirabad və Saatlı, Ruslan Əliyev isə Şirvan şəhəri və Hacıqabul rayonunun sakinlərinin problemlərini dinləyiblər. Qəbula gələn sakinlərin əksəriyyəti yaşayış məntəqələrinin qazlaşdırılması, qaz xətlərinin yerinin dəyişdirilməsi, işə qəbul və müxtəlif məsələlərlə bağlı fikirlər səsləndiriblər. Hər bir vətəndaşın müraciəti diqqətlə dinlənilib. Qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlar verilib.xeber100.com

“Xəzərimizi təmiz saxlayaq!” adlı aksiya keçirilib

Sentyabrın 28-də Ekologiya və Təbii Sərvətlər Nazirliyinin təşəbbüsü, Lənkəran Şəhər İcra Hakimiyyətinin dəstəyi ilə Xəzər dənizinin Lənkəran şəhərindəki sahilboyu ərazisində Beynəlxalq Dəniz Günü ilə əlaqədar "Xəzərimizi təmiz saxlayaq!" devizi ilə ekoloji aksiya keçirilib.Azərtac-ın bölgə müxbiri xəbər verir ki, aksiya zamanı sahilboyu ərazilər məişət tullantılarından təmizlənərək xüsusi torbalarla zibil poliqonuna daşınıb.Aksiyada Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsinin, nazirliyin digər yerli qurumlarının, Lənkəran Şəhər Yaşıllaşdırma Müəssisəsinin və Lənkəran Şəhər Mənzil-Kommunal İdarəsinin əməkdaşları fəallıq nümayiş etdiriblər.Ekoloji aksiyada, ümumilikdə, 100-dən çox könüllü iştirak edib.xeber100.com

“Azərsu” ASC-nin rəhbərliyi vətəndaşları qəbul edəcək

Mərkəzi icra hakimiyyəti orqanları, digər qurumların rəhbərlərinin və onların müavinlərinin 2019-cu ilin sentyabrında şəhər və rayonlarda vətəndaşların qəbulu cədvəlinə uyğun olaraq, “Azərsu” ASC-nin sədri Qorxmaz Hüseynov sentyabrın 18-də Gəncə şəhərində Gəncə, Samux və Kəlbəcərdən olan vətəndaşları qəbul edəcək.ASC-dən Azərtac-a bildirilib ki, sentyabrın 19-da “Azərsu” sədrinin birinci müavini Teyyub Cabbarov Göygöl şəhərində Göygöl və Daşkəsən rayonlarının sakinləri ilə görüşəcək. Sentyabrın 20-də isə ASC sədrinin müavini Etibar Məmmədov Naftalan şəhərində Naftalan, Goranboy və Xocalı rayonlarının sakinlərini qəbul edəcək.Qəbullar Gəncə şəhəri Heydər Əliyev Mərkəzində, Göygöl və Naftalan sukanal sahələrinin inzibati binalarında keçiriləcək. Qəbullarda sakinlərin içməli su təchizatı və kanalizasiya xidmətləri ilə bağlı müraciətlərinə baxılacaq.Vətəndaşlar qəbul üçün Gəncə, Samux, Göygöl, Daşkəsən, Naftalan, Goranboy, Kəlbəcər və Xocalı sukanal sahələrinə, həmçinin 431-47-67 (daxili 1050) nömrəsi ilə “Azərsu” ASC-yə və “office@azersu.az” elektron poçtu vasitəsilə müraciət edə bilərlər.xeber100.com

Təbii qaz təchizatında məhdudiyyət olacaq

Ağstafa rayonunda istehlakçıların təbii qaz təchizatının yaxşılaşdırılması və normadan artıq qaz itkilərinin qarşısının alınması məqsədilə təmir işlərinə başlanılıb. Buna görə də saat 10:00-dan təmir işləri başa çatanadək Ağstafa rayonunda bir qrup abonentin qaz təchizatı dayandırılıb. Samux rayonunda da orta təzyiqli yeraltı qaz xəttinin yenidənqurulması məqsədilə bir qrup abonentin qaz təchizatı saat 11:00-dan dayandırılacaq.Azərtac xəbər verir ki, bu barədə “Azəriqaz” İstehsalat Birliyi məlumat yayıb.xeber100.com

Vergilər naziri vətəndaşlarla görüşəcək

Vergilər naziri Mikayıl Cabbarov iyulun 19-da Qəbələ rayonunda 10 saylı Ərazi Vergilər İdarəsinin inzibati binasında Qəbələ, İsmayıllı, Oğuz, Zaqatala, Balakən və Qax rayonlarının sakinlərini qəbul edəcək.Vergilər Nazirliyinin Media və kommunikasiya mərkəzindən Azərtac-a bildirilib ki, qəbula gəlmək istəyən vətəndaşlar iyulun 15-18-də Qəbələ rayonunda 10 saylı Ərazi Vergilər İdarəsinə, Zaqatala rayonunda 13 saylı Ərazi Vergilər İdarəsinə, habelə İsmayıllı, Balakən və Qax rayonları vergiödəyicilərinə xidmət mərkəzlərinə müraciət etməklə, eləcə də Vergilər Nazirliyinin 195-1 Çağrı mərkəzinə zəng etməklə qeydiyyatdan keçə bilərlər.xeber100.com

Əmlak Məsələləri Dövlət Komitəsi vətəndaş qəbulu keçirib

Əmlak Məsələləri Dövlət Komitəsinin (ƏMDK) rəhbərliyi Göyçay və Ucar rayonlarında vətəndaş qəbulu keçirib.Komitədən Azərtac-a bildirilib ki, komitə sədri Kərəm Həsənov iyulun 13-də Göyçay rayonunun Heydər Əliyev Mərkəzində, sədr müavini Rüstəm Şahbazov isə Ucar rayonunda vətəndaşlarla görüşüb.Əmlak Məsələləri Dövlət Komitəsinin müvafiq struktur bölmə rəhbərlərinin iştirakı ilə keçən qəbulda K.Həsənov tərəfindən bütün müraciətlər diqqətlə dinlənilib. Əksər məsələlər elə yerindəcə öz müsbət həllini tapıb. Digər müraciətlər nəzarətə götürülüb və qısa zamanda, qanunvericiliyə uyğun şəkildə həll olunması ilə bağlı komitə sədri tərəfindən göstərişlər verilib. Səsləndirilən bir neçə müraciətin komitənin fəaliyyət istiqamətinə aid olmaması vətəndaşlara izah edilib və digər qurumlara göndərilməsi üçün qeydiyyata alınıb.Komitə rəhbərliyinə ünvanlanan müraciətlərin mövzuları əsasən daşınmaz əmlakın qeydiyyatı, dövlət əmlaklarının özəlləşdirilməsi, torpaqlardan faktiki istifadə qaydaları ilə bağlı olub. Eyni zamanda, torpaqların kadastr uçotuna alınması, ölçülərinin müəyyən olunması, hərraclarda iştirak kimi məsələlərə aid müraciətlər də səsləndirilib.Torpaqların təyinatına uyğun istifadəsindən danışan komitə sədri bildirib ki, bu istiqamətdə qanunvericiliyə riayət olunması ilə bağlı tədbirlər gücləndirilib.xeber100.com  

“Azəriqaz” İB-nin rəhbərliyi vətəndaşların müraciətlərini dinləyib

Vətəndaşların qəbulu cədvəlinə uyğun olaraq, iyulun 4-də “Azəriqaz” İstehsalat Birliyinin baş direktoru Əkbər Hacıyev Lənkəran şəhərində, birliyin baş direktorunun müavinləri Ramil İsgəndərov Astara, Ruslan Əliyev isə Masallıda vətəndaş qəbulu keçiriblər.Birlikdən Azərtac-a bildirilib ki, qəbulda Lənkəran, Lerik, Astara, Masallı və Yardımlı rayonlarından olan vətəndaşların müraciətlərinə baxılıb. Vətəndaşların müraciətlərinin əksəriyyəti yaşayış məntəqələrinin qazlaşdırılması, işə qəbul, qaz xətlərinin yerinin dəyişdirilməsi və müxtəlif məsələlərlə bağlı olub.“Azəriqaz” İB-nin rəhbərliyi hər bir vətəndaşın müraciətini diqqətlə dinləyib və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlar verib. Vətəndaşların qəbul zamanı qaldırdıqları məsələlərin bir qismi yerindəcə həll olunub. Birliyin səlahiyyətlərinə aid olmayan məsələlərlə bağlı müraciətlər isə müvafiq orqanlara çatdırılması üçün qeydiyyata alınıb və nəzarətə götürülüb.Bölgə sakinlərinin yerlərdə qəbulu və müraciətlərinə baxılması üçün rahat, əlverişli şərait yaradılmasından razılıqlarını ifadə edən vətəndaşlar göstərilən diqqət və qayğıya görə dövlətimizin başçısına minnətdarlıqlarını bildiriblər.xeber100.com

Vətəndaşların qəbulu cədvəlinə uyğun olaraq…

Nəqliyyat, rabitə və yüksək texnologiyalar naziri Ramin Quluzadə mayın 3-də Şamaxı rayonunda Şamaxı və Qobustan rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.xeber100.com

“Kapital Bank” ölkənin bir sıra regionlarında yarmarkalar təşkil edir

"Kapital Bank" ölkənin bir sıra regionlarında "BirKart" yarmarkaları təşkil edir. Yarmarkaya "BirKart"ın onlarla tərəfdaşı qoşulub və müştərilərə endirimlər, taksit imkanları və digər güzəştlər təqdim edir. Yarmarkanı keçirməkdə məqsəd "BirKart" almaq istəyən müştərilərin və taksit layihəsinə qoşulan sahibkarların müraciətlərini qəbul edib, onları müvafiq filiallara yönəltmək, həmçinin müştərilərə partnyorlarda olan sərfəli şərtlər barədə məlumat verməkdir.Yarmarka may ayı ərzində 3 marşrut xətti üzrə bir sıra regionlarda keçiriləcək: Gəncə, Tovuz, Yevlax, Ağdaş, Şirvan, Ağcabədi, Quba, Qəbələ, Göyçay, Şəki, Zaqatala, Mingəçevir, Bərdə, İmişli, Masallı, Lənkəran və Astara.Qeyd edək ki, "BirKart"ın 3 növü var – taksit, taksit/cashback və taksit/miles. "BirKart" bir sıra üstünlüklərə malikdir: 18 ayadək faizsiz taksitlə hissə-hissə ödəmək imkanı, birdəfəlik ödənişlərdə 40 günədək güzəşt müddəti, istənilən aviabiletə dəyişilməsi mümkün olan millərin toplanması, həmçinin 1,5 faizdən 30 faizədək “Cashback” imkanı, SMS məlumatlandırma xidməti isə pulsuzdur.Bu kartları məvacib və təqaüdünü "Kapital Bank"dan almayan şəxslər də əldə edə bilər. Bunun üçün yaşı 18-dən yuxarı olan müştərilər həm "BirKart BOKT" MMC filiallarına, həmçinin "Kapital Bank"ın istənilən digər filiallarına müraciət edə bilərlər.xeber100.com

Gömrük Komitəsinin sədri vətəndaşları qəbul edəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Dövlət Gömrük Komitəsinin sədri Səfər Mehdiyevin Qazax rayonunda təxirə salınan qəbulu aprelin 29-na keçirilib.Komitənin mətbuat və ictimaiyyətlə əlaqələr idarəsindən Azərtac-a bildirilib ki, qəbul aprelin 29-da saat 11:00-da Qazax şəhərindəki Heydər Əliyev Mərkəzində keçiriləcək. Qəbul zamanı bölgədə yerləşən - Qazax, Tovuz və Ağstafa rayonlarının sakinlərinin, eləcə də bu bölgədə məskunlaşan məcburi köçkünlərin yalnız gömrük məsələləri ilə bağlı müraciətləri dinləniləcək.Qəbulda iştirak etmək istəyən vətəndaşlar "195” Çağrı mərkəzi, Dövlət Gömrük Komitəsi (əlaqə telefonu: (012) 404-22-00), Qərb Ərazi Baş Gömrük İdarəsinin Tovuz gömrük postu (əlaqə telefonu: (022) 315-63-02) ilə əlaqə saxlayıb qəbula yazıla bilərlər.xeber100.com

Elektrik enerjisinin verilişində qısamüddətli fasilələr yaranacaq

Aprelin 25-də saat 11:30-dan 14:30-dək Abşeron rayonunun Xırdalan şəhərinin 22, 23, 24, 25 və 26-cı məhəllələrinə və Masazır qəsəbəsinin bir sıra ərazilərinə elektrik enerjisinin verilişində qısamüddətli fasilələr olacaq.Bu barədə Azərtac-a “Azərişıq" ASC-nin mətbuat xidmətinin rəhbəri Tanrıverdi Mustafayev deyib.T.Mustafayev bildirib ki, fasilə 110/10 kilovoltluq Əliağa Vahid yarımstansiyasında və bu yarımstansiyadan çıxan elektrik verilişi xətlərində aparılan yenidənqurma işləri ilə əlaqədardır.xeber100.com

Əmlak Məsələləri Dövlət Komitəsi vətəndaş qəbulu keçirəcək

Əmlak Məsələləri Dövlət Komitəsinin sədri K.Həsənov aprelin 26-da Kürdəmir rayonunda vətəndaş qəbulu keçirəcək.Komitədən Azərtac-a bildirilib ki, qəbul saat 10:00-da Heydər Əliyev Mərkəzində təşkil olunacaq. Qəbulda Kürdəmir rayonu ilə yanaşı, Ucar, Göyçay rayonlarından olan vətəndaşların da müraciətlərinə baxılacaq.Əmlak Məsələləri Dövlət Komitəsi fəaliyyət prinsipinə uyğun olaraq, vətəndaşların suallarına həssaslıqla yanaşır və çevik olaraq cavablandırır. Budəfəki qəbulda da vətəndaş məmnunluğu ön planda olacaq. Qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı, dövlət əmlakının özəlləşdirilməsi, hərraclarda iştirak, dövlət əmlakının icarəyə götürülməsi kimi müraciətlərə baxılacaq. Həmçinin torpaqların texniki parametrlərinin və koordinatlarının müəyyənləşdirilməsi, ünvan məsələləri və bu sahədə bölgələrdə əhalini maraqlandıran digər məsələlərlə bağlı vətəndaşların sualları cavablandırılacaq.xeber100.com    

Əmək və Əhalinin Sosial Müdafiəsi Nazirliyinin təşkilatçılığı ilə…

Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə Sədərək rayonunda növbəti əmək yarmarkası təşkil olunub.Nazirlikdən Azərtac-ın Naxçıvan bürosuna bildirilib ki, tədbirdə çıxış edən rayon Məşğulluq Mərkəzinin direktoru Həsən Nəsirov muxtar respublikada həyata keçirilən məşğulluq tədbirlərindən danışıb. Bildirib ki, “2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası istiqamətində həyata keçirilən tədbirlər muxtar respublikada yeni iş yerlərinin açılmasına, əmək ehtiyatlarının iqtisadi fəallığının yüksəldilməsinə öz töhfəsini verir.Sədərək Rayon İcra Hakimiyyəti başçısının müavini Səfər Hüseynov vurğulayıb ki, muxtar respublikada əmək bazarının təkmilləşdirilməsi, iqtisadi fəallığın yüksəldilməsi istiqamətində mühüm işlər görülür. Həyata keçirilən tədbirlərin nəticəsidir ki, sərhəd bölgəsi olan Sədərək rayonunda da əhalinin məşğulluğu təmin olunub, ötən dövrdə bu sahədə uğurlu nəticələr əldə edilib.Sonra tədbir iştirakçıları əmək yarmarkasına çıxarılmış boş iş yerləri ilə tanış olublar. 8 təşkilatdan 86 boş iş yerinin çıxarıldığı tədbirdə 13 nəfərə işə göndəriş verilib.xeber100.com

“Azərişıq” ASC 10/0,4 kilovoltluq elektrik xətləri çəkəcək

"Azərişıq" ASC Astara rayonu üzrə 10/0,4 kilovoltluq elektrik xətləri çəkəcək.Azərtac xəbər verir ki, ASC rayonun Şüvi-Sekaşan, Pəlikeş-Diqo, Abyerud, Doli və Sipiyyət kəndləri üzrə 10/0,4 kilovoltluq xətlərin çəkilişi işlərinin satın alınması bağlı tender keçirir.xeber100.com