AKİ-nin rəhbər orqanlarının səlahiyyətləri təsdiq edilib

Ədliyyə Nazirliyi Azərbaycan Kinematoqrafçılar İttifaqının rəhbər orqanlarının səlahiyyətlərini təsdiq edib. Azərbaycan Kinematoqrafçılar İttifaqının mətbuat xidmətinin verdiyi xəbərə görə, Ədliyyə Nazirliyi İttifaqın bütün orqanlarının səlahiyyətlərini, o cümlədən AKİ sədri Rüstəm İbrahimbəyovun  səlahiyyətini təsdiq eidb. 16 iyul konfransında seçilmiş sədr və idarə heyətinin səlahiyyət müddəti 4(dörd)  ildir.Azərbaycan Kinematoqrafçılar İttifaqının katibi Əli İsa Cabarov bildirir ki, 1963-cü ildə təsis olunmuş İttifaqın heç vaxt qeydiyyat problemi olmayıb, sadəcə olaraq Nizamnaməsini  QHT-lər haqqında qanunun tələbinə uyğun hazırlamaq və rəhbər orqanları yenidən seçmək tələb olunurdu. 16 iyul konfransında bu məqsədin öhdəsindən uğurla gəldik.Xatırladaq ki, Ədliyyə Nazirliyi tərəfindən səlahiyyətləri təsdiq olunmuş İdarə Heyətinə AKİ sədri Rüstəm İbrahimbəyov, Anar, Rasim Balayev, Cəmil Fərəcov, Ziya Şıxlinskiy, Əli İsa Cabbarov,  Firəngiz Qurbanova, Baba Vəziroğlu, Məbud Məhərrəmov,  Şükufə Yusupova , Əsəd Əsədov , Həmidə Ömərova , Nizami Abbas, Tahir Əliyev, Lalə Əfəndiyeva, Oleq Səfərəliyev, Cavid İmamverdiyev və Mirbala Səlimli daxildir.xeber100.com

“İnsan və sivilizasiya” sənədli filmlərinin təqdimatı olacaq

"İnsan" sənədli trilogiyasına daxil olan "Neft" filmi Venesiya Beynəlxalq Film Festivalının "Ən yaxşı qısa filmi" nominasiyasının qalibi olub. Filimin rejissoru Murad İbrahimbəyovdur.M.İbrahimbəyov Rusiya Kinematoqrafiya İnstitutunun rejissorluq fakültəsində, Sergey Gerasimovun kursunu bitirib. Kinodakı fəaliyyəti dövründə üç tammetrajlı - "Qızıl buğaların valsı", "Gənc qadın üçün kişi", "Olmuş hadisə" və bir neçə qısametrajlı ("Dundukley", "Bir nəfər hamı üçün") filmlərini çəkib. Maqsud İbrahimbəyovun povesti əsasında çəkdiyi "Gənc qadın üçün kişi" filmi ABŞ, Latın Amerikası, Misir, Bolqarıstan, Polşa, Fransa, İspaniya, və Türkiyədə keçirilən kinofestivallarda nümayiş etdirilərək, müəllifinə bir sıra mükafatlar qazandırıb.Qeyd edək ki, xronikal kadrlardan ibarət olan "İnsan" sənədli trilogiyası filmini fəlsəfi esse də adlandırmaq olar. Rejissor sonralar mövzunu davam etdirərək “İnsan və sivilizasiya" mövsuzunda xronikal kadrlardan ibarət fəlsəfi sənədli filmlər yaradıb. "Mənim Dağıstanım. Etiraf" filmində rejissor SSRİ üzrə tanınmış şair Rəsul Həmzətovun yaradıcı portretini yaradıcı dildə təqdim edir.Azərbaycan Kinematoqrafçılar İttifaqıından xeber100.com saytına verilən məlumata görə, filmdə Rüstəm İbrahimbəyov, Yevgeniy Yevtuşenko, Vaxtanq Kikabidze iştirak edir.Avqustun 9-da Azərbycan Kinematoqrafçılar İttifaqının Kino Evində filmlərə baxış (saat 18.00-da) keçiriləcək.xeber100.com        

Azərbaycan Kinematoqrafçılar İttifaqının Kino evinin təqdimatında

Avqustun 3-də Azərbaycan Kinematoqrafçılar İttifaqının Kino evində rejissor Elmar İmanovun “Mövsümün sonu” bədii filminin təqqdimatı keçirilib.AKİ-nin məlumatına əsasən “Mövsümün sonu” rejissorun ilk tammetrajlı filmidir. İlk təqdimat 2019-cu ilin fevralında Rotterdam kinofestivalı çərçivəsində keçirilib. Film “Parlaq gələcək” (“Bright Future”) müsabiqəsində iştirak etmiş və FİPRESSİNİN (Beynəlxalq kinopressalar Federasiyası) mükafatı ilə təltif edilmişdir. 2019-cu ilin iyununda “Mövsümün sonu “Zerkalo” Beynəlxalq Kinofestivalının əsas müsabiqəsinə daxil oldu, onun nəticələrinə görə iki mükafata – “Nadir müəllif baxışına görə” mükafat və “Səs” gənc tənqidçilərin münsiflər heyətinin mükafatına layiq görülüb.“Mövsümün sonu” filmi Bakı tamaşaçıları tərəfindən böyük maraqla qarşılanıb. Nümayişdən sonra filmin müzakirəsi aparılıb. Filmin təqdimatında  Azərbaycan mədəniyyəti və incəsənətinin bir qrup nümayəndəsi iştirak edib: dirijor Ramiz Məlik-Aslanov, aktrisalar Sənubər İsgəndərli və Şükufə Yusupova və b. Aktrisa Zülfiyyə Qurbanova “Mövsümün sonu” filmindəki baş rolun psixoloji cəhətdən incə ifasına görə Azərbaycan Kinematoqrafçılar İttifaqının Kino mükafatına layiq görülüb.xeber100.com

Kino Evində Milli Kino Günü təntənəli sürətdə qeyd edildi

Avqust ayının 1-də Azərbaycan Kinematoqrafçılar İttifaqının (AKİ) üzvləri  Kino Evində Milli Kino Gününü təntənəli sürətdə qeyd etdilər. Bir qrup görkəmli kinematoqrafçıların iştirak etdiyi bayram tədbirində öncə 3 yubilyarın kinodakı fəaliyyəti yüksək qiymətləndirilərək təltif edildilər. Yubilyarlar, operator- rejissor Oqtay Əlizadə, yazıçı-dramaturq Əmir Pəhləvan və kinorəssam Elfira Hüseynova alqış sədaları altında yubiley həyəcanını yaşadılar. Tədbir çərçivəsində illik kino mükafatlarına da yer verildi. Bu ilin  mükafatına layiq görülənləri təqdim edirik: - Kinorejissor Murad İbrahimbəyov - "İnsan" sənədli trilogiyasına görə; - Aktrisa Şükufə Yusupova - peşə ideallarına sadiqliyinə görə; - Kinorejissor Cahangir Zeynallı - milli kinematoqrafiya qarşısındakı xidmətlərinə görə; - Aktrisa Zülfiyyə Qurbanova - "Mövsümün sonu" filmində baş rolu psixoloji incəliklə ifa etdiyinə görə; Onu da qeyd edək ki, avqust ayının 2-də Azərbaycan Kinematoqrafçılar İttifaqının(AKİ) rəsmi www.aki.az saytı da işə salınacaq. Kinosevərlər Azərbayan kinosunda olan yenilikləri məhz bu sayt vasitəsilə öyrənə biləcəklər. Portalda aşağıdakı bölmələr - "Təşkilat haqqında", "Fəaliyyət", "Xəbərlər", "Qalereya", "Əlaqə vasitələri", habelə 10-a yaxın alt bölmə var. Sayt Azərbaycan, rus və ingilis dillərində fəaliyyət göstərəcək.xeber100.com    

Kinematoqrafçılar İttifaqının Konfransı keçirildi

Nəhayət ki, gözlənilən an çatdı, Azərbaycan Kinematoqrafçılar İttifaqının konfransı baş tutdu. 16 iyul tarixində Azərbaycan Kinematoqrafçılar İttifaqının üzvləri bir araya gələrək konfransın gündəliyi, yeni nizamnamə, idarə heyətinin üzvlərini  seçilməsi məsələsini müzakirə etdilər. Konfransı açıq elan edən AKİ katibi Əli İsa Cabbarov neçə illik fasilədən sonra üzvlərin bir araya gəlməsinin və uğurlu bir dönəmin başlanmasını elan etdi və ilk sözü Azərbaycan Kinmatoqrafçılar İttifaqının sədri Rüstəm İbrahimbəyova verdi. İttifaq üzvlərini salamlayan R.İbrahimbəyov öz çıxışında bildirdi ki, AKİ yenidən  aktiv fəaliyyətinə start verdi: “Böyük bir tarixə malik Azərbaycan Kinematoqrafçılar İttifaqının fəaliyyəti hər zaman diqqət mərkəzində dayanıb. Bu da o deməkdir ki. AKİ öz fəaliyyəti, gördüyü işlərlə diqqətdədir. Bu gün bir araya gəlməyimizin səbəbi: biz hər zaman olduğu kimi, yenə də öz işimizin başındayıq və hər zamankı kimi Azərbaycan kinosunun inkişafında görəcəyimiz işlərlə böyük rol oynayacağıq”.R.İbrahimbəyovun çıxışından sonra AKİ katibi Əli İsa Cabbarov konfransın nizamnaməsini təqdim etdi, təkliflər irəli sürüldü, qurultayın neçə ildən bir keçirilmə məsələsi müzakrə edildi. Müzakirədən sonra səsvermə yolu ilə AKİ-nin yeni sədri seçildi, Rüstəm İbrahimbəyov yenidən sədr oldu.Daha sonra idarə heyətinin üzvləri və katibliyin də seçiminə səs verildi. Yeni heyət aşağıdakılardan ibarətdir -Əli İsa Cabbarov (kinorejissor, ssenarist, prodüser, Azərbaycan Kinematoqrafçılar İttifaqının katibi) -Cəmil Fərəcov (rejissor, əməkdar incəsənət xadimi, Azərbaycan Kinematoqrafçılar İttifaqının katibi) -Rüstəm İbrahimbəyov (Xalq yazıçısı, “Şöhrət” ordenli, Azərbaycan Kinematoqrafçılar İttifaqının sədri -Firəngiz Qurbanova (quruluşçu rejissor, əməkdar artist) -Baba Məsimov(şair, ssenarist, Azərbaycan Kinematoqrafçılar İttifaqının katibi) -Məbud Məhərrəmov (aktyor, xalq artisti) -Anar Rzayev (Xalq yazıçısı, rejissor, Azərbaycan Kinematoqrafçılar İttifaqının katibi -Şükufə Yusupova (aktrisa, xalq artisti) -Əsəd Əsədov(səs rejissoru, əməkdar mədəniyyət işçisi) -Həmidə Ömərova (aktrisa, xalq artisti) -Nizami Abbas (operator, rejissor, əməkdar incəsənət xadimi -Rasim Balayev (aktyor, Xalq artisti, prezident təqaüdçüsü) -Tahir Əliyev (kinorejissor, prodüser) -Lalə Əfəndiyeva (prodüser, “Azəbaycanda Dünya Kinosunun 100 illiyi Fondu” İctimai Birliyinin direktoru) -Ziya Şıxlinski (rejissor, əməkdar incəsənət xadimi) -Oleq Səfərəliyev (rejissor, ssenarist, Azərbaycan Kinematoqrafçılar İttifaqının katibi).xeber100.com  

Rüstəm İbrahimbəyov: “Azərbaycanda gənc kinematoqrafçılar ordusu yaranıb”

Azərbaycan Kinematoqrafçılar İttifaqı noyabr qurultayına hazırlığı davam etdirir. Kino Məktəbi, Kino Evinin bərpası prosesi gedir, Bakı haqqında Filmlər Muzeyi yaradılır, gənc kinematoqrafçılara dəstək proqramı hazırlanır. Kinodramaturq, Azərbaycan Kinematoqrafçılar İttifaqının sədri Rüstəm İbrahimbəyov Turan-a bunlar haqda danışıb: "Son illər Azərbaycanda gənc kinematoqrafçılar ordusu yaranıb. Onların çəkdiyi tammetrajlı və qısametrajlı filmlər nüfuzlu beynəlxalq festivallarda mükafat alıb. Bu gün onların əksəriyyəti Azərbaycandan kənarda yaşayır, çünki burada özlərini reallaşdıra bilmirlər. Kinematoqrafçılar İttifaqının vəzifələrindən biri bu insanların öz ölkəsində işləməsinə imkan yaratmaqdır. Yeni kino istehsalı modelinin tətbiqi ümid verir. Dövlət tərəfindən xüsusi komissiya yaradılıb və bunun üzərində işləyir. Yaxşı olardı ki, elə bir struktur yaradılsın ki, özündə ssenariləri, rejissorluğu və istehsalat işini birləşdirən layihələr üçün dövlət dəstəyini almağa imkan yarada bilsin. Qonşu Gürcüstanda, Rusiyada və digər ölkələrdə oxşar sistem mövcuddur. Bu, müstəqil studiyalara və yaradıcı birliklərə böyük yaradıcılıq azadlığı verir", - o bildirib. "Yeni struktur kimin tabeliyində olacaq?" sualına kinodramaturq cavab verib ki, "çox güman ki, Mədəniyyət Nazirliyinin. Qarşıdakı qurultayda bütün bu məsələlər hərtərəfli və predmetli şəkildə müzakirə olunacaq. Dövlət nəzarəti yaradıcılıq maraqlarına xələl gətirməməlidir. Dövlət vətənpərvərlik, tarixi, uşaq kinoları sifariş verməklə filmin kino istehsalının ümumi siyasətini müəyyən etməlidir. Yəni, kinematoqrafçılar yaradıcılıq təşəbbüsü ilə eyni vaxtda dövlət tapşırıqlarını yerinə yetirməlidirlər", - R.İbrahimbəyov vurğulayıb."Özünü belə bir kino strukturunun rəhbəri rolunda görürmü" sualına kinodramaturq mənfi cavab verib. "Mən 1967-ci ildən Kinematoqrafçılar İttifaqında çalışıram və əminəm ki, ictimaiyyətin kinematoqrafiya rəyini ifadə edən bu yaradıcı təşkilat dövlət qurumları ilə konstruktiv dialoq vasitəsilə milli kinoda vəziyyətə mühüm təsir göstərə bilər. Ümumiyyətlə, mən ölkə həyatına ictimai təsirin artmasının tərəfdarıyam. Məhz bu məqsədlə bir neçə il əvvəl öllkənin mədəniyyət və elm xadimlərini bir arada birləşdirən Ziyalılar Forumu yaradıldı. Biz hakimiyyətin bu gün müzakirə etdiyi problemləri orada müzakirə edirdik. Təəssüflər olsun ki, o zaman bizim təşəbbüsümüz bəzi adamlarda mənfi reaksiya yaradırdı. Həmin şəxslər indiyədək dövlət orqanlarında mühüm mövqe tuturlar", - R.İbrahimbəyov bildirib."Hazırda vəziyyət dəyişibmi?" sualının cavabında R.İbrahimbəyov deyib ki, bu suala zamanla cavab verə biləcək. "Atılan addımlar məni sevindirməyə bilməz. Onlar sistemli xarakter alacaqmı? Bunu zaman göstərəcək", - dramaturq vurğulayıb.R.İbrahimbəyov Azərbaycanda iki Kino İttifaqının olmasını ölkənin ölçüsünü və film istehsalının həcmini nəzərə alaraq çox adlandırıb. "Azərbaycan Kinematoqrafçılar İttifaqı 1958-ci ildə bizim kinonun görkəmli xadimləri tərəfindən yaradılıb. İkinci qurumu bir neçə il əvvəl süni şəkildə yaratdılar".Eyni zamanda, o deyib ki, kimsə ilə münasibətləri aydınlaşdırmaq niyyətində deyil. "Biz öz vəzifəmizi kino sənəti maraqlarının və hər yaşdan olan istedadlı kino xadimlərinin müdafiəsində görürük. Lakin gənclər xüsusi diqqət tələb edirlər, onlar hiss etməlidirlər ki, Vətən onlara dəstəkdə və onların uğurlarında maraqlıdır. Biz onları Kino Məktəbi ilə işə cəlb edəcəyik. Bu məktəb bədii, sənədli və cizgi filmləri üçün rejissorlar və ssenaristlər, həmçinin aktyorlar hazırlayacaq. Ümid edirəm ki, planlarımızı həyata keçirməyə gücümüz yetəcək. Ancaq dövlət dəstəyi olmadan mümkün deyil. Təkrar edirəm ki, biz bunu hiss edirik və mən ümid edirəm ki, bu yaxınlara qədər mətbuatda mənə qarşı geniş təbliğat kampaniyası təşkil edən insanlar buna mane olmayacaqlar", - Rüstəm İbrahimbəyov fikrini yekunlaşdırıb.xeber100.com

AKİ Kino məktəbi dinləyici qəbulu elan edir

Azərbaycan Kinematoqrafçılar İttifaqının Kino məktəbi dinləyici qəbulu elan edir.Kino məktəbinin bədii rəhbəri Rüstəm İbrahimbəyovdur. AKİ-nin verdiyi məlumata görə, 2019-cu ilin 25 iyunundan “Animasiya”, Kinodramaturgiya”, Kino və televiziya rejissorluğu” kurslarına ərizə qəbulu  başlayır.Xatırladaq ki, dərslər əyani və ödənişsiz əsaslarla keçiriləcək. Təhsil müddəti iki ildir, məşğələlər Azərbaycan və rus dillərində aparılacaq. Yaradıcı müsabiqə keçmiş şəxslərə üstünlük veriləcək.Kino məktəbində məşhur xarici rejissorların və ssenari yazarlarının master klassları təşkil olunacaq.Maraqlananlar aşağıdakı nömrələrə müraciət edə bilər: (+99412) 497-19-10, (+99450) 666-81-15. E-mail: [email protected] . Məktubun mövzusu  – “Kino məktəbi”.xeber100.com  

Sənədli kinonun gələcəyi müzakirə olunacaq

Azərbaycanda dövlət sifarişi əsasında sənədli filmlərin istehsalı prosesi xüsusi diqqət tələb edir.Bu barədə AKİ-nin Idarə Heyətinin iclasında Əməkdar İncəsənət xadimi Cəmil Fərəcov bəyan edib. Onun sözlərinə görə, bu ildə “Salnaməfilm” Mədəniyyət Nazirliyinin sifarişi ilə  Milli Qəhrəmanlara həsr olunmuş  10 sənədli film, üç film-portret və Azərbaycanda yaşayan azsaylı etnoslar haqda 11 film çəkəcək. Son layihə tamamilə yenidir.Daha xoşagələn situasiya “Aztelefilm”dədir ki, burada son illər ildə  24-28 film istehsal olunub.Film-portretlər çoxluq təşkil edir. Bu ildən situasiya dəyişməidir: studiya qarşısında daha çox tarixi-etnoqrafik film çəkmək tapşırığı var.Rejissor Əli İsa Cabbarov hesab edir ki, sənədli film istehsalı ilə bağlı vəziyyəti dəyişmək lazımdır: "Ondan başlayaq ki, bu gün sənədli filmlər həyatdan çox uzaqdır, halbuki, 80-90-cı illərdə, ölkəmiz mürəkkəb bir dövr yaşayanda baş verən hadisələr ani olaraq sənədli kinoda öz əksini tapırdı,  ayrılan məbləğ sənədli film istehsalı üçün kifayət deyil, xüsusən Milli Qəhrəmanlar barədə çəkilənlər üçün". Rejissor Tair Əliyev də öz növbəsində qeyd edib ki, telekanallarda sənədli film  istehsalı vacib müsbət faktordur.: "Amma ölkədə sənədli film istehsalı ilə bağlı vəziyyət pisləşib. Bu, 2000-ci illərin ortalarından başlayıb. Bununla belə, Azərbaycanda çəkilən sənədli filmlərin əksəriyyəti,”portet”lərdir. Halbuki diqqətəlayiq başqa janrlar da var. Daha bir problem ondan ibarətdir ki, Azərbaycan telekanallarında bədii qısametrajlı filmlər az çəkilir".Rejissor Azərbaycan Kinematoqrafçılar İttifaqının XI qurultayında bu məsələni qaldırmağı və Nazirliyə telekanallarda bədii və sənədli filmlərin istehsalı üçün maliyyə ayırmasını təklif etməyi irəli sürür. O həmçinin xatırladıb ki, Bundan əvvəl Milli Telaradio Şurası teleserialların istehsalına maliyyə ayırırdı. Belə təcrübə varsa, MTRŞ telekanallara sənədli film istehsalı üçün də maliyyə ayıra bilər.İclasda həmçinin bu gün bir çox peşəkarların tələbsiz qaldığından danışılıb. Belə ki, kinorejissor, Azərbaycanın Əməkdar Incəsənət xadimi Ziya Şıxlinski sonuncu dəfə nazirliyin sifarişi ilə 10 il əvvəl, 2009-cu ildə  film çəkib. Yazıçı, şair, kinodramaturq, Ramiz Rövşənsə 2007-ci ildə film çəkib. Rejissor Nizami Abbas əmindir: büdcə vəsaitlərinin mənimsənilməsi prosesi, yalnız sənədli deyil, bütün filmələr üçün ayrılan büdcənin şəffalığı, ssenari seçimi kimi məsələlər xüsusi diqqət tələb edir.İclasın  gedişində səsləndirilən məsələlərin Azərbaycan Kinematoqrafçılar İttifaqının XI Qurultayının gündəliyinə salınması haqda qərar qəbul olunub.xeber100.com

Azərbaycan kinosunun vəziyyəti və perspektivləri müzakirə edilib

İyunun 4-də Bakıda Azərbaycan Kinematoqrafçılar İttifaqı (AKİ) İdarə Heyətinin iclası olub. AKİ-nin məlumatında bildirilir ki, iclasda İttifaqın XI qurultayına hazırlıq müzakirə olunub, onun gündəliyi və keçirilmə tarixi müəyyən edilib. İdarə Heyətinin üzvləri milli kinonun maraqlarının qorunması və yerli kinoindustriyanın inkişaf perspektivlərinə dair təkliflərlə çıxış ediblər. AKİ-nin XI qurultayının gündəliyinə ölkədə bədii, sənədli, animasiya filmlərinin istehsalında, kinoprokatın təşkilindəki problemlər, yerli ssenarilərin seçim mexanizmləri, kino üçün kadrların hazırlanması və s. məsələlər daxil olacaq.AKİ İdarə Heyəti Kino Evinin təsis edilməsi və kino məktəbinin fəaliyyətinin bərpasına dair qərar qəbul edib. Layihələr azərbaycanlı kinematoqrafçıların peşə bayramı - 2 avqust Milli Kino Günü ərəfəsində işə salınacaq.İclasda AKİ üzvlərinə fərdi pensiya və stipendiyaların verilməsi məsələsi də müzakirə olunub. İdarə Heyətinin qərarı ilə maliyyə dəstəyi alacaq şəxslərin siyahısı təsdiqlənib və AKİ sıralarına yeni üzvlər qəbul edilib.

Kinematoqrafçılar İttifaqının İdarə Heyətinin iclası keçiriləcək

İyunun 4-də Azərbaycan Kinematoqrafçılar İttifaqının (AKİ) İdarə Heyətinin iclası keçiriləcək. İclas Rüstəm İbrahimbəyovun sədrliyi ilə keçiriləcək.AKİ-nin məlumatında bildirilir ki, iclasda AKİ-nin XI qurultayına hazırlıq məsələləri müzakirə olunacaq, qurultayın gündəliyi və keçirilmə yeri müəyyənləşdiriləcək. Gündəliyə bədii, sənədli, animasiya filmləri istehsalının vəziyyəti, kino təhsilinin inkişafı, kino yayımı problemləri və kinonun inkişafı konsepsiyasının müzakirəsi də daxildir.İclas AKİ-nin binasında keçiriləcək.xeber100.com