“Brent” neftinin bir barreli Londonun ICE birjasında

Neftin qiyməti son 2,5 ayın minimumuna enib.Azərtac xəbər verir ki, “Brent” markalı neftin bir barrelinin qiyməti günə 73,30 dollardan başlayıb. Beləliklə də, “Brent”in qiyməti bu il avqustun 21-dən etibarən ən aşağı səviyyəyə düşüb.Ekspertlər hesab edir ki, ABŞ-ın İrana qarşı sanksiyalarının ikinci mərhələsinin noyabrın 4-də tətbiq olunacağına baxmayaraq, tədarükdəki artım qiymətdə aşağı istiqamətli təzyiq yaradır. Üstəlik, ABŞ-ın Enerji İnformasiya Administrasiyasının (EIA) ölkənin xam neft ehtiyatları ötən hesabat həftəsində 3,2 milyon barrel artaraq 426 milyon barrelə çatdığını açıqlaması, eləcə də Birləşmiş Ərəb Əmirlikləri və Liviyanın İranın bazardakı boşluğunu doldurmaq səyləri də neftin qiymətinin ucuzlaşmasına təsir edən faktorlardandır.Analitiklər isə ABŞ Prezidenti Donald Tramp və Çin Xalq Respublikasının Sədri Si Cinpin arasındakı telefon danışığının iki ölkənin “ticari müharibəsinin” intensivliyini azaldacağını gözləyirlər. Onların fikrincə, neft ixrac edən ölkələrin istehsal həcmlərini artması qiymətin formalaşmasında əsas rol oynayır. Neft bazarı və qlobal iqtisadi gözləntilər isə orta müddətdə “qara qızıl”ın qiymətinin sabit qalacağı istiqamətindədir.Hazırda “Brent” neftinin bir barreli Londonun ICE birjasında 73,05 dollara, “Light” nefti isə Nyu-Yorkun NYMEX birjasında 63,63 dollar/barrelə alıcı axtarır.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 0,14 dollar ucuzlaşaraq 77,23 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma çataraq 149,66 dollar olub.xeber100.com

Dünya Bankının proqnozuna əsasən…

2019-cu ildə neftin orta qiyməti bir barrel üçün 74 dollar civarında olacaq.Azərtac xəbər verir ki, bu barədə Dünya Bankının proqnozunda deyilir. Bildirilir ki, gələn il neftin orta qiyməti 74 dollar/barrel səviyyəsində olacaq. Bank bu il üçün neftin qiymətinin 72 dollar/barrel təşkil edəcəyini nəzərdə tuturdu.Dünya Bankına görə, qarşıdakı ildə ABŞ-da neft istehsalı artacaq, İran və Venesuelada hasilat aşağı düşəcək. Qlobal neft tələbatı isə sabit olacaq.xeber100.com

“Azeri Light” markalı neftin qiyməti ucuzlaşıb

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 1,22 dollar ucuzlaşaraq 77,37 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma çataraq 149,66 dollar olub.xeber100.com

Neft Fondunun iştirakı ilə hərrac keçirilib

Oktyabrın 30-da Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

III Beynəlxalq Bankçılıq Forumu keçiriləcək

Azərbaycan Respublikası Mərkəzi Bankı, Maliyyə Bazarlarına Nəzarət Palatası, İqtisadi İslahatların Təhlili və Kommunikasiya Mərkəzi və Azərbaycan Banklar Assosiasiyasının (ABA) təşkilatçılığı ilə noyabrın 15-16-da Bakıda "Nağdsız iqtisadiyyat: ənənəvi bankçılıqdan rəqəmsal bankçılığa keçid" adlı III Beynəlxalq Bankçılıq Forumu keçiriləcək.ABA-dan Azərtac-a bildiriblər ki, forumun məqsədi iqtisadiyyatın nağdsızlaşdırılması ilə bağlı təşəbbüslərin və qarşıdakı çağırışların, rəqəmsallaşma, maliyyə texnologiyalarına dair mövcud vəziyyət, yeni və gələcək trendlərin, müasir bank məhsullarının, komplayens sahəsindəki yeniliklər və risklərin, həmçinin qeyd olunanların mövcud hüquqi çərçivəyə uyğunluğu və adaptasiyası imkanlarının, bu proseslərin bankların maliyyə dayanıqlığının daha da gücləndirilməsinə təsiri məsələlərinin, eləcə də digər əlaqədar mövzuların müzakirə edildiyi platforma olmaqdır.Xarici və yerli spikerlər tərəfindən rəqəmsal bankçılığa və nağdsız iqtisadiyyata transformasiya məsələləri ilə bağlı otuza yaxın mövzu ətrafında təqdimatlar ediləcək, həmçinin geniş fikir və təcrübə mübadiləsi aparılacaq.Bu il sayca üçüncüsü baş tutacaq Beynəlxalq Bankçılıq Forumunda ABŞ, Yaponiya, Avropa, Çin və MDB ölkələrindən 100-ə yaxın beynəlxalq təşkilatların və nüfuzlu şirkətlərin nümayəndələri iştirak edəcək.xeber100.com

“Qazprom” qlobal enerji şirkətinin məlumatı

"Qazprom" qlobal enerji şirkəti həmişə Azərbaycan tərəfi ilə dialoqa açıqdır.Milli.az bildirir ki, bunu şirkətin İdarə heyətinin sədr müavini Aleksandr Medvedev deyib.O, "Qazprom"un Azərbaycanla yaxşı işgüzar münasibətlərin olduğunu deyib:"Azərbaycana tədarüklər hazırda qüvvədə olan müqavilə əsasında həyata keçirilir. Gələcək perspektivlərə gəlincə, biz hər zaman dialoqa hazırıq".Rusiya qazı və Azərbaycan qazının rəqabət imkanları barədə danışan A.Medvedev bildirib ki, bazarda hər kəs üçün yer tapılacaq.xeber100.com

ABŞ neft-qaz şirkətlərinə məhdudiyyətlər qoyacaq

Çin hökuməti öz neft şirkətlərindən İrandan xam neft almamağı istəyib.Milli.az bildirir ki, ABŞ-ın sanksiyaları ilə əlaqədar "China National Petroleum Corp." ilə "Sinopec"in İrandan neft tədarükünü dayandırdığı bildirilir.Lakin mənbələrə görə, hər iki şirkətin İrandan neft tədarükünü dayandırması müvəqqətidir. ABŞ-la aparılacaq danışıqlardan sonra tədarük yenidən bərpa edilə bilər.Qeyd edək ki, ABŞ noyabrın 4-dən etibarən İranın milli neft-qaz şirkətlərinə beynəlxalq məhdudiyyətlər qoyacaq, neft və qaz satışına sanksiyalar tətbiq edəcək.xeber100.com

Manatın ortaçəkili məzənnəsi 1,7000 səviyyəsində formalaşıb

Oktyabrın 25-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Caspian Energy Forum Kvemo Kartli”yə qeydiyyat başlayıb

2018-ci il noyabrın 14-15-də Tbilisidə keçiriləcək VIII Beynəlxalq “Caspian Energy Forum Kvemo Kartli”yə qeydiyyat başlayıb.Bu barədə Azərtac-a “Caspian European Club”un sədrinin birinci müavini və baş icraçı direktoru Telman Əliyev məlumat verib.Forum Kvemo Kartli regionunun qubernatorunun, Azərbaycan Respublikasının Gürcüstandakı səfirliyinin və “Caspian European Club”un dəstəyilə keçiriləcək. Təşkilatçı “Caspian Energy Georgia” şirkətidir.“Caspian Energy Forum Kvemo Kartli”də sıralarında Gürcüstan və Azərbaycanın dövlət qurumlarının rəhbərlərinin, Gürcüstanda akkreditə olunmuş diplomatik və beynəlxalq missiya nümayəndələrinin, həmçinin nəhəng beynəlxalq şirkətlərin və maliyyə institutlarının başçılarının yer aldığı 100-dən artıq nümayəndə iştirak edəcək.Proqrama əsasən, tədbirin ilk günündə Gürcüstan hökumətinin üzvlərinin və biznesmenlərin iştirakı ilə plenar sessiya keçiriləcək. İkinci gün sahibkarları regionun investisiya imkanları və artıq fəaliyyətdə olan müəssisələr ilə tanış etmək məqsədilə Kvemo Kartli regionu üzrə tur təşkil olunacaq. “Caspian Energy Forum Kvemo Kartli”nin əsas mövzusu kənd təsərrüfatı, qida və içki məhsullarının istehsalı, turizm və iqtisadiyyatın digər sahələrini əhatə edir.xeber100.com