Muğam Mərkəzində “Yeni nəsil” layihəsi davam edir

Beynəlxalq Muğam Mərkəzində Azərbaycan Dövlət Mədəniyyət və İncəsənət Universitetinin IV kurs tələbələri tərəfindən (“Sabah” qrupu) hazırlanmış Mirzə Fətəli Axundzadə “Hekayəti müsyö Jordan həkimi-nəbatat və dərviş Məstəli şah cadükuni məşhur” tamaşası nümayiş olunub.Mərkəzdən azərtac-a bildirilib ki, tamaşa Beynəlxalq Muğam Mərkəzi və Azərbaycan Dövlət Mədəniyyət və İncəsənət Universitetinin “Yeni nəsil dəvət edir” birgə layihəsi çərçivəsində reallaşıb.Böyük mütəfəkkir Mirzə Fətəli Axundzadənin Azərbaycan ədəbi-mədəni fikir tarixində görkəmli dramaturq, incə ruhlu şair, dərin zəkalı filosof və realist nəsrin banisi kimi tanınıb. O, öz xalqının tərəqqisi uğrunda çalışmış, bütün ömrü boyu milli mənəvi dəyərlərimizin keşiyində dayanıb. M.F.Axundzadənin Azərbaycan ədəbiyyatına gətirdiyi ən böyük yeniliklərdən biri milli dramaturgiyanın əsasını qoymasıdır. Ədib 1850-1855-ci illər arasında bir- birindən maraqlı altı komediya yazıb. Onun geniş şöhrət qazanmış əsərlərindən biri də “Hekayəti-müsyö Jordan həkimi-nəbatat və dərviş Məstəli şah cadükuni məşhur” (1850) komediyasıdır.“Hekayəti-müsyö Jordan həkimi-nəbatat və dərviş Məstəli şah cadükuni məşhur” komediyası həm məzmununa, həm də sənətkarlıq xüsusiyyətlərinə görə öz əhəmiyyətini bu gün də qoruyub saxlayır.Bu tamaşanın səhnəyə qoyulmasında məqsəd gənc nəslə müasir dövrə uyğun şəkildə, yeni formatda M.F.Axundzadənin yaradıcılığını çatdırmaqdır.“Hekayəti-müsyö Jordan həkimi-nəbatat və dərviş Məstəli şah cadükuni məşhur” tamaşasında Hətəmxan ağanı-Ruslan İsmayılov, Şəhribanunu-Xədicə Məmmədova, Gülçöhrəni - Anaxanım Sultanova, Şahbaz bəyi - Corc Qafarov, Xanpərini- Susanə Məmmədova, Müsyo Jordanı-Məhəmməd Musayev, dərviş Məstəli şahı- Hilal Dəmirov, Qulaməlini- Hüseynağa Aslanov, Şərəfnisəni isə - Qönçə Vəliyeva (ADPU-nun tələbəsi) oynayıblar.Tamaşanın quruluşçu rejissoru, kurs rəhbəri, Əməkdar Artist Nofəl Vəliyevdir.Komediyadakı obrazları canlandıran tələbə-aktyorların ifası, aydın səhnə danışığı, geyimləri, əsərin məzmununa uyğun qurulan dekorasiyalar tamaşaçılar tərəfindən maraqla qarşılanıb.xeber100.com  

Gənc Tamaşaçılar Teatrı mart ayının repertuarını açıqlayıb

Gənc Tamaşaçılar Teatrının mart ayı üçün nəzərdə tutulan repertuarı maraqlı tamaşalarla zəngindir.Azərtac teatrın repertuarını təqdim edir: 3 mart - “Dəcəl keçi”, “Aydın”; 4 mart - “Qaraca qız”, “Şeyx Sənan”; 9 mart - “Bir günəş altında” (interaktiv tamaşa); 10 mart - “Qırmızı papaq”, “Mən gəldim qızlar”; 11 mart - “Tıq-Tıq xanım”, “Pəri cadu”; 16, 17 mart - “Qar kraliçası” (premyera); 18, 19 mart - “Çeburaşka” (premyera); 21 mart - “Çəkməli pişik”; 22 mart - rus xalq nağılı “Qoğalın sərgüzəştləri”; 23 mart - ərəb xalq nağılı “Ələddinin sehrli çırağı”; 24 mart -“Çipollino”, “Mehmanxana sahibəsi”; 25 mart - ərəb xalq nağılı “Əlibaba və qırx quldur”, “Qohumlar”; 27 mart - “Cəza”; 31 mart - “Əlincə qalası”, “Ünvansız qatar”.xeber100.com

V Beynəlxalq Muğam Festivalı keçiriləcək

Martın 7-dən 14-dək “Muğam aləmi” V Beynəlxalq Muğam Festivalı keçiriləcək. Festivalın bədii rəhbəri bəstəkar Firəngiz Əlizadədir.Bəstəkarlar İttifaqından Azərtac-a bildirilib ki, festival çərçivəsində Bakı və Gəncə şəhərlərində Azərbaycan və xarici musiqiçilərin iştirakı ilə konsertlər təşkil olunacaq, beynəlxalq elmi simpozium və muğam müsabiqəsinin keçirilməsi nəzərdə tutulub.Tədbirlərdə iştirak etmək üçün Türkiyə, Moldova, Polşa, İran, İraq, Özbəkistan, İordaniya, Misir, Suriya, Tacikistan, Qazaxıstan, Mərakeş və digər ölkələrdən musiqiçi və münsiflər heyəti dəvət olunub.xeber100.com  

“YARAT” Müasir İncəsənət Mərkəzi təqdim edir

Martın 2-də “YARAT” Müasir İncəsənət Mərkəzinin “Artım” layihə məkanında rəssamlar Şahnaz Ağayeva, Mousa Bəyzadə, İlahə Xalıqova, Aydan Mirzəyeva və Qafar Rzayevin əsərlərindən ibarət “Buraxılış” adlı sərgi açılacaq.Azərtac xəbər verir ki, sərgiyə rəssamların yekun işlərində müzakirə edilən araşdırmaların nəticələri, o cümlədən gender problemləri, rəssam və təbiət arasında əlaqə, sənətin müvəqqətiliyi kimi müxtəlif mövzulara toxunan performans və heykəltəraşlıq əsərləri daxildir.Şahnaz Ağayevanın "XX/XY" adlı əsəri taxta pazldan ibarətdir. Digərlərindən fərqli olaraq, bu pazlı saysız-hesabsız variantlarda yığmaq mümkündür. Sərgi ərzində ziyarətçilərə pazlın hissələrini yığmaq imkanı təklif ediləcək. Proses, müzakirələr, birgə fəaliyyətlər və baş verə bilən ziddiyyətlər əsərin vacib hissəsini təşkil edir.Mousa Bəyzadənin əsəri qadın paklığı mövzusunu araşdırır.İlahə Xalıqovanın performansı - cəmiyyət, şəxsi və mənəvi baxımdan maddi mövcudluq məsələsinə qarşı gender anlayışlarını sual altına qoymağa çalışır.Aydan Mirzəyevanın əsəri təbiət və rəssam arasında əlaqəni işıqlandırır və “Kim kimə diktə edir?” sualına cavab tapmağa çalışır.Gənc rəssam Qafar Rzayev sərgidə sözlərdən ibarət əsər təqdim edəcək.xeber100.com

Milli Dram Teatrı mart ayının repertuarını açıqladı

Milli Dram Teatrı mart ayında maraqlı tamaşalarla çıxış edəcək.Azərtac teatrın repertuarını təqdim edir: 2 mart -“Qətibə İnanc” 4 mart - “Boy Çiçəyi” 9 mart - “Cəhənnəm sakinləri” 10 mart - “Şah Qacar” 11 mart - “Ölülər” 16 mart- “Almaz” 19, 20, 21, 22, 23, 24, 25 mart - “Gəl baharım, gəl yazım” 30 mart - “Şah Qacar” 31 mart - “Xəcalət”.xeber100.com

“Yuğ” Teatrı mart ayının repertuarını təqdim edir

Azərbaycan Dövlət “Yuğ” Teatrının yaradıcı kollektivi gələn ay tamaşaçılarının görüşünə maraqlı səhnə əsərləri ilə gələcək.Azərtac repertuarı təqdim edir: 3 mart -“Sonuncu” 4 mart - “Quş dili” 9 mart - “Fəna” 10 mart - “Medeya Sekvensiya” 11mart- “Metamorfoza” 16 mart -“Məhşər günü” 17 mart - M.F.Axunzadənin əsərləri əsasında “Naməlum Axundzadə” 23 mart - Mərcan Dədənin “Sufi arzuları” musiqili kompozisiyası əsasında “Ründi Şeyda” 25 mart - “Səsimi unutma” 30 mart - “Şok”.xeber100.com  

68-ci Berlin kino festivalının finalında…

“Toxunma” (Touch Me Not) filmi 68-ci Berlin kino festivalının baş mükafatı olan “Qızıl ayı”ya layiq görülüb.Apa-nın xəbərinə görə, bu barədə festivalın münsiflər heyəti ötə gün elan edib.“Toxunma” filmi Rumıniya, Almaniya, Çexiya, Bolqarıstan və Fransa kinematoqrafçıları tərəfindən birgə istehsal olunub. Filmdə öz fobiyaları ilə mübarizə aparan 50 yaşlı Loranın keçdiyi yoldan bəhs edilir.Qeyd edək ki, fevralın 15-dən davam edən Berlin kino festivalında 385 film nümayiş olunub və onlardan 24-ü əsas müsabiqəyə buraxılıb.xeber100.com

“Eurovision-2018”- də təmsil edəcək ifaçı müəyyənləşib

Ukraynanı “Eurovision-2018” mahnı müsabiqəsində təmsil edəcək ifaçı müəyyənləşib. “RİA Novosti”nin verdiyi xəbərə görə, “Melovin” səhnə təxəllüsü ilə çıxış edən müğənni Konstantin Boçarov ölkəsini Lissabonda “Under the Ladder” (Pilləkənin altında) mahnısı ilə təmsil edəcək.Məlumata görə, milli seçim turnirinin qalibi peşəkar münsiflər heyəti və televiziya tamaşaçıları tərəfindən səsvermə ilə müəyyənləşdirilib.Odessada anadan olan 20 yaşlı K.Boçarov 2015-ci ildə Ukraynada keçirilən “X-faktor” vokal şousunun qalibi olub.Xatırladaq ki, portuqaliyalı Salvador Sobral “Amar Pelos Dois” mahnısı ilə Kiyevdə keçirilmiş “Eurovision-2017” mahnı müsabiqəsinin qalibi elan edilmişdi.xeber100.com

V Beynəlxalq Muğam Festivalı keçiriləcək

Bakıda Heydər Əliyev Fondu, Mədəniyyət və Turizm Nazirliyi, Azərbaycan Milli Elmlər Akademiyası, Bəstəkarlar İttifaqı və Azərbaycan Milli Konservatoriyası tərəfindən martın 7-dən 14-dək “Muğam aləmi” V Beynəlxalq Muğam Festivalı keçiriləcək.Nazirliyin mətbuat xidmətindən Azərtac-a bildiriblər ki, festival çərçivəsində Bakı və Gəncə şəhərlərində Azərbaycan və xarici musiqiçilərin iştirakı ilə konsertlərin təşkili, beynəlxalq elmi simpoziumun və muğam müsabiqəsinin keçirilməsi nəzərdə tutulub.Tədbirlərdə iştirak etmək üçün Türkiyə, Moldova, Polşa, İran, İraq, Özbəkistan, İordaniya, Misir, Suriya, Tacikistan, Qazaxıstan, Mərakeş və başqa ölkələrdən musiqiçi və münsiflər heyəti dəvət olunub.Azərbaycan Milli Elmlər Akademiyasında martın 7-dən 10-dək “Muğam ənənəsi elm və incəsənət qovşağında” mövzusunda beynəlxalq simpozium təşkil olunacaq. Simpoziumda Fransa, Kanada, Hollandiya, Türkiyə, İran, Macarıstan, Özbəkistan və Serbiyadan dəvət olunmuş xarici qonaqlar iştirak edəcəklər.xeber100.com

Nizami Kino Mərkəzi təqdim edir

Fevralın 23-də Nizami Kino Mərkəzində “İran kinosu günləri”nin açılış mərasimi keçiriləcək. Mərasim İranın Azərbaycandakı səfirliyinin nəzdindəki Mədəniyyət Mərkəzinin təşkilatçılığı və Nizami Kino Mərkəzinin dəstəyi ilə reallaşacaq.Nizami Kino Mərkəzindən Azərtac-a bildiriblər ki, açılış mərasimində Azərbaycanın Mədəniyyət və Turizm Nazirliyinin rəsmiləri, İranın ölkəmizdəki səfiri Cavad Cahangirzadə, bu ölkənin Mədəniyyət və İslami Əlaqələr Mərkəzinin sədri Abuzər İbrahimi Türkman və İran kinematoqrafiyasının tanınmış nümayəndələri iştirak edəcəklər.Mərasimdə rəsmi hissədən sonra “Badiqard” bədii filmi nümayiş olunacaq.Xatırladaq ki, “İran kinosu günləri” ərzində - fevralın 24-də saat 16:00-da və 20:00-da “Xəyalın şirin tamı”, fevralın 25-də həmin saatlarda “Divanə top”, fevralın 27-də saat 18:00-da “Ayaqqabım hanı?” bədii filmləri nümayiş etdiriləcək.Nümayişlərə giriş sərbəstdir.xeber100.com