Muğam Mərkəzində konsert proqramı təşkil olunacaq

Fevralın 23-də Beynəlxalq Muğam Mərkəzində “Nəğməkar qız” adlı konsert proqramı təşkil olunacaq.Azərtac xəbər verir ki, Muğam Mərkəzinin və “Mədəniyyət” kanalının birgə layihəsi olan konsertdə Əməkdar Artist Lalə Məmmədova çıxış edəcək.Konsertdə ifaçını Azərbaycan Televiziyasının Gülarə Əliyeva adına “Dan Ulduzu” instrumental ansamblı müşayiət edəcək. Ansamblın bədii rəhbəri Əməkdar Artist Tariyel Abbasovdur.xeber100.com

Mədəniyyət və turizm nazirliyinin məlumatına görə…

Mədəniyyət və turizm naziri Əbülfəs Qarayev TÜRKSOY-un baş katibi Düsen Kaseinovu qəbul edib. Nazirliyin informasiya və ictimaiyyətlə əlaqələr şöbəsindən Apa-ya verilən məlumata görə, nazir TÜRKSOY-un fəaliyyətinin bütövlükdə türkdilli xalqların birliyinə xidmət etdiyini deyib və bildirib ki, türk mədəniyyətini, xalqlarımızın milli adət-ənənələrini beynəlxalq aləmə birlikdə çıxarmalıyıq.TÜRKSOY-un Azərbaycanla əlaqələrinin daha da davamlı olacağına əminliyini bildirən nazir əlavə edib ki, UNESCO və İSESCO ilə də sıx əməkdaşlıq edən TÜRKSOY müxtəlif beynəlxalq forumlarda yaxından iştirak edir, türkdilli xalqların mədəniyyətinin təbliğini həyata keçirir.Görüş çərçivəsində, həmçinin Qara Qarayevin 100 illik yubiley tədbirlərinin keçirilməsi və ölkəmizdə mədəniyyət sahəsində gerçəkləşən yeni tədbirlər, layihələr və islahatlar müzakirə olunub.Təşkilatın gələcəkdə həyata keçirəcəyi layihələr haqqında məlumat verən baş katib davamlı olaraq Azərbaycanla bağlı çoxsaylı tədbirlərin reallaşacağını diqqətə çatdırıb.xeber100.com

ANSA agentliyinin məlumatı əsasında…

İtaliyanın məşhur musiqiçisi Klaudio Balyoninin aparıcılıq etdiyi San-Remo musiqi festivalının ikinci gecəsi 9,687 milyon izləyici cəlb edib.İtaliyanın ANSA agentliyi xəbər verir ki, bu göstərici ötənilki yarışmanın tamaşaçı kütləsinin sayı ilə müqayisə edilə bilər. Ötən il musiqi festivalının tamaşaçı sayı 10 milyon nəfərdən çox olub.Qeyd edilir ki, 2018-ci il musiqi festivalının ikinci gecəsinin ən yadda qalan hadisəsi Britaniyalı rok-ulduzu Stinqin italyan dilində “Muoio per te” mahnısını ifası etməsi olub.xeber100.com.

Beynəlxalq Muğam Mərkəzinin layihəsi çərçivəsində

Beynəlxalq Muğam Mərkəzi və Azərbaycan Mədəniyyət və İncəsənət Universitetinin "Yeni nəsil dəvət edir" birgə layihəsi çərçivəsində “Fransa və Azərbaycan musiqisi axşamı” adlı konserti proqramı təqdim edilib.Muğam Mərkəzindən Azərtac-a bildirilib ki, əvvəlcə bəstəkar Aysel Hacıyeva çıxış edərək universitet tələbələrinin klassik musiqi sahəsindəki uğurlarından danışıb.Musiqi axşamında XX əsr fransız musiqi mədəniyyətinin, musiqi impressionizminin önəmli simalarından olan C.Debussinin, L.Delibin, J.Massnenin, K.Sen-Sansın, eyni zamanda Azərbaycan bəstəkarlarından Q.Qarayevin və C.Hacıyevin əsərləri səslənib.xeber100.com

Bakı Musiqi Akademiyası təqdim edir

Fevralın 8-də Üzeyir Hacıbəyli adına Bakı Musiqi Akademiyasının (BMA) Şövkət Məmmədova adına Opera Studiyasında Vincenzo Bellinin “Norma” operasının premyerası olacaq.Azərtac xəbər verir ki, bununla əlaqədar bu gün BMA-da mətbuat konfransı keçirilib. Tədbirdə akademiyanın tədris işləri üzrə prorektoru, professor Nərminə Quliyeva tamaşanın yaradıcı heyətini təbrik edərək onları təqdim edib. Bildirib ki, premyera Azərbaycanın ilk opera ifaçısı Şövkət Məmmədovanın 120 illik yubileyinə həsr edilir.“Opera Studiyası tələbələr üçün bir təcrübə laboratoriyasıdır. Tələbələr burada səhnədə oynamağı, ifaçılığı öyrənirlər. Tələbələr üçün hər bir şərait yaratmağa çalışırıq ki, onlar gələcəkdə də ölkəmizi yüksək, professional ifaçılar kimi təmsil etsinlər. Tamaşada Mədəniyyət və İncəsənət Universitetinin aktyor ixtisası üzrə təhsil alan tələbələri iştirak edəcək”, - N.Quliyeva qeyd edib.Qeyd edilib ki, opera-seria janrında olan, belkanto üslubunun tanınmış şedevridir və paytaxtımızın mədəni həyatında böyük hadisədir. Əsər italiyalı bəstəkar Vincenzo Bellinin ikipərdəli lirik tragediyasıdır. Hadisələr romalılar tərəfindən fəth edilən Qalliya şəhərində cərəyan edir. Operanın ilk premyerası 1831-ci ildə Milanın La-Skala teatrında səhnəyə qoyulub.xeber100.com

Beynəlxalq konfrans öz işinə başlayıb

Fevralın 6-da Özbəkistanın Nəvai şəhərində böyük özbək şairi Əlişir Nəvainin irsi ilə əlaqədar “Əlişir Nəvai irsi və ümumbəşəri mənəvi dəyərlər” mövzusunda beynəlxalq konfrans öz işinə başlayıb.Azərtac xəbər verir ki, tədbirdə Azərbaycan, Türkiyə, Qazaxıstan, Hindistan, Əfqanıstan, Pakistan və digər ölkələrin nəvaişünas alimləri iştirak edir.Ölkəmizi bu konfransda Azərbaycan Milli Elmlər Akademiyası Dilçilik İnstitutunun direktoru, professor Möhsün Nağısoylu, həmin institutun əməkdaşı Elçin İbrahimov, AMEA-nın Nizami Gəncəvi adına Ədəbiyyat İnstitutunun şöbə müdiri, filologiya elmləri doktoru Almaz Ülvi Binnətova, filologiya üzrə fəlsəfə doktoru Könül Rəhimova və Bakı Dövlət Universitetinin professoru Ramiz Əskər təmsil edir.İki gün ərzində konfransda Əlişir Nəvainin həyat və yaradıcılığı ilə bağlı çoxsaylı məruzələr dinləniləcək.Konfransda Azərbaycan alimlərinin çıxışları da olacaq.xeber100.com

Musiqi Festivalı ilə əlaqədar “pre-party” təşkil ediləcək

Aprelin 26-da “Jara-2018” Beynəlxalq Musiqi Festivalı ilə əlaqədar “pre-party” təşkil ediləcək.Azərtac festivalın “facebook” səhifəsinə istinadla xəbər verir ki, “Elektra Hall”da keçiriləcək festivalqabağı tədbirin biletləri bu yaxınlarda satışa çıxarılacaq.“Jara-2018” Beynəlxalq Musiqi Festivalı iyulun 26-dan 29-dək Bakıda “Sea Breeze Resort” istirahət mərkəzində keçiriləcək. Festivalın təşkilatçıları müğənni və bəstəkar Emin Ağalarov, Rusiyanın Əməkdar Artisti Qriqori Leps, “Russkoye radio”nun və “Qızıl qrammofon” mükafatının təsisçisi Sergey Kojevnikovdur.xeber100.com

Diasporla İş üzrə Dövlət Komitəsinin məlumatı

Uzun illərdir Türkiyənin Adana şəhərində yaşayan Adana Çukurova Universiteti Dövlət Konservatoriyasının professoru Cahangir Novruzovun quruluş verdiyi yeni tamaşanın premyerası keçirilib.Diasporla İş üzrə Dövlət Komitəsindən Azərtac-a bildiriblər ki, yunan yazıçısı Yakovos Kambanellisin “Möcüzələr həyəti” əsəri (“Harikalar Avlusu”) əsasında hazırlanmış eyniadlı tamaşaya baxış Adana Böyükşəhər Bələdiyyə Teatrının səhnəsində gerçəkləşib. Premyerada Adana Böyükşəhər Bələdiyyəsi Şəhər Teatrlarının baş rejissoru və “Altın Koza” Film Festivalının baş direktoru İsmail Dikilitaş, eləcə də yüzlərlə sənətsevər iştirak edib.Tamaşa Afinanın kənar məhəllələrində yaşayan insanların yaşadıqları çətinliklərdən qurtarmaq üçün apardığı mübarizədən, ümidlərindən bəhs edir. Eyni həyətə baxan beş otaqda yaşayan beş ailənin iç-içə davam edən həyatındakı sevinci, kədəri, sirləri bölüşməsi, bir-birinə dəstək olaraq yaşamaq uğrunda mübarizəsi anladılır.Sonda İsmail Dikilitaş tamaşanın rejissoru, professor Cahangir Novruzova gül dəstəsi təqdim edərək minnətdarlığını bildirib. O, eyni zamanda, teatr sənətini yaşatdığı və teatr xadimlərinə böyük dəyər verdiyi üçün Adana Böyükşəhər Bələdiyyə sədri Hüseyn Sözlüyə təşəkkür edib.xeber100.com

Musiqili Teatr fevral repertuarını təqdim edir

Musiqili Teatr bu dəfə də maraqlı səhnə əsərləri ilə çıxış edəcək. Sənət ocağının fevral repertuarını təqdim edir: 3 fevral - “Dəcəl çəpişlər”, “Toya bir gün qalmış” 4 fevral - “Yağış göbələyinin məcrası” (rus dilində), “Mənim günahım” 9 fevral -“Silva” (rus dilində) 10 fevral - “Bir dayan, canavar!” (rus dilində), “Molla Nəsrəddinin beş arvadı” 11 fevral - “Qırmızı papaq”, “O olmasın, bu olsun” 17 fevral - “ Hacı Qara”, “Mən dəyərəm min cavana” 18 fevral - “Qızıl cücə” (rus dilində), “Baladadaşın toy hamamı” 23 fevral - “Qafqazlı qardaşqızı” (rus dilində) 24 fevral - “Düyməcik” (rus dilində), “ Bankir adaxlı” 25 fevral - “Meşə çaqqalsız olmaz”.xeber100.com

Mədəniyyət və Turizm Nazirliyinin təşkilatçılığı ilə…

Mədəniyyət və Turizm Nazirliyinin təşkilatçılığı ilə şəhər (rayon) mərkəzi kitabxanalarında ədəbi dilimizin formalaşmasında mühüm rol oynamış Azərbaycanın böyük mütəfəkkiri və şairi İmadəddin Nəsiminin yaradıcılığına həsr olunan respublika üzrə məktəblilər arasında “Nəsimi poeziyası” adlı bədii qiraət müsabiqəsi keçiriləcək.Nazirlikdən Azərtac-a bildirilib ki, müsabiqə iki turdan ibarətdir. Birinci turun ilk mərhələsi 2018-ci ilin fevral-mart aylarında şəhər (rayon) mərkəzi kitabxanalarında təşkil olunacaq. İlk turda münsiflər heyəti tərəfindən hər şəhər (rayon) Mərkəzləşdirilmiş Kitabxana Sistemi üzrə bir nəfər qalib seçiləcək.Müsabiqənin ikinci mərhələsi cari ilin aprel ayı ərzində Bakı şəhəri və 15 regional mərkəz üzrə təşkil olunacaq. Bu mərhələdə hər bir şəhər (rayon) üzrə qalib gəlmiş bədii qiraətçilər iştirak edəcəklər. Bu mərhələdə regional mədəniyyət və turizm idarələri tərəfindən müəyyənləşdirilən münsiflər heyəti tərəfindən hər region üzrə 2 qalib seçiləcək.May ayında Bakı şəhərində təşkil ediləcək müsabiqənin final mərhələsi və Mədəniyyət və Turizm Nazirliyinin müəyyən etdiyi münsiflər heyəti tərəfindən seçilən qaliblər (I yer üzrə bir nəfər, II yer üzrə iki nəfər, III yer üzrə üç nəfər və 4 həvəsləndirici yer) xüsusi hədiyyələr və nazirliyin diplomları ilə təltif olunacaqlar.xeber100.com