Rus Dram Teatrı aprel repertuarını təqdim edir

Rus Dram Teatrının aprel repertuarında böyüklər və uşaqlar üçün maraqlı tamaşalar yer alıb.Azərtac teatrın aprel ayı üçün repertuarını təqdim edir: 1 aprel – “İkisi birində” (premyera) 2 aprel – “Cəhənnəm sakinləri” 6 aprel – “Yalan detektoru” 7 aprel – “Həddindən artıq evil taksi sürücüsü” 8 aprel – “Artistin taleyi” 9 aprel – “Senyor Todero-xuliqan” (premyera) 14 aprel – “Maskarad” 15 aprel – “Məhəbbətlə zarafat etmirlər” 16 aprel – “Sanset bulvarı” (premyera) 20 aprel – “Yay gecəsində yuxu” 21 aprel – “Şəhrizadın daha bir gecəsi” 22 aprel – “Kazanova: sevgi dərsləri” 23 aprel – “Xalam Bundu” 27 aprel – “Yeddi gözəl” 28 aprel – “Əli və Nino” 29 aprel – “Afina axşamları” 30 aprel – “Qürur və qərəz”. Böyüklər üçün tamaşalar saat 19:00-da, uşaqlar üçün tamaşalar isə saat 12:00-da başlanır.xeber100.com

Opera və Balet Teatrı təqdim edir

Martın 26-da Azərbaycan Dövlət Akademik Opera və Balet Teatrında “Jizel” baleti təqdim olunacaq.Teatrdan bildirilib ki, bu dəfə Jizel partiyasını sənət ocağının gənc solisti Cəmilə Kərimova ifa edəcək. O, səhnəni Əməkdar Artist Makar Ferştandt ilə bölüşəcək.Tamaşanın dirijoru əməkdar artist Əyyub Quliyevdir.xeber100.com

Rus Dram Teatrı premyeraya hazırlaşır

Martın 24-də Rus Dram Teatrında “Alisa yeni macəralar axtarışında” adlı uşaq şou-müziklin premyerası olacaq.Azərtac Rus Dram Teatrının saytına istinadla xəbər verir ki, tamaşaçıları Luis Kerrolun ölməz süjetinin yeni və gözlənilməz səhnə təcəssümü qarşılayacaq. Şouda möcüzə reallığa çevriləcək, reallıq isə möcüzəyə bənzəyəcək. Qeyd edək ki, “Alisa yeni macəralar axtarışında” adlı şou-müzikl təkcə hər şeyi bilməyə can atan qızın nağıllar ölkəsinə səyahəti deyil, həm də L.Kerrolun “Alisa möcüzələr ölkəsində” əsərində təsvir etdiyi fantastik dünyanın məxsusi dekorasiyalarıdır.xeber100.com

Opera və Balet Teatrı təqdim edir

Aprelin 8-də Opera və Balet Teatrında C.Puççininin  “İl Tabarro” (“Plaş”) operasının tamaşası keçiriləcəkdir.Bu operanın ilk tamaşası 14 dekabr 1918-ci ildə Nyu-Yorkda məşhur Metropoliten-Operada baş tutmuş və tamaşa o zaman  çox böyük uğur qazanmışdı. Xatırladaq ki, Opera və Balet Teatrında "İl Tabarro" ilk dəfə 2014-cü ildə Almaniyalı sənətkarlar - rejissor Lüdviq Bauman və dirijor Korneliya fon Kerssenbrok tərəfindən səhnəyə qoyuylmuşdur.xeber100.com .

Milli Teatr Günü münasibətilə…

Azərbaycan Dövlət Musiqili Teatrında Ü.Hacıbəylinin “Arşın mal alan” operası əsasında hazırlanan eyniadlı səhnə əsəri nümayiş olunub.Teatrın mətbuat xidmətindən Milli Teatr Günü münasibətilə təqdim olunan tamaşanın nümayişindən əvvəl Azərbaycan teatr sənətinin 144 illik şərəfli yoluna qısa nəzər salınıb. Bu tarixi prosesdə Musiqili Teatrın oynadığı roldan, görülən işlərdən söz açılıb. Daha sonra tamaşa təqdim edilib.xeber100.com

İrəvan Dövlət Azərbaycan Dram Teatrı təqdim edir

Martın 13-də İrəvan Dövlət Azərbaycan Dram Teatrında “Qanlı qızıl toy” pyesi əsasında Xalq Artisti Rafael Dadaşovun quruluşunda hazırlanmış eyniadlı tamaşanın premyerası keçiriləcək.Teatrdan Azərtac-a bildirilib ki, Şuşa şəhərinin müdafiəsi uğrunda döyüşmüş qəhrəmanlarımıza həsr olunmuş tamaşa Rafael Dadaşovun 70 illiyi münasibətilə hazırlanıb.Səhnə əsəri Azərbaycan Dövlət Akademik Milli Dram Teatrı ilə İrəvan Teatrının birgə layihəsi əsasında ərsəyə gəlib.xeber100.com

Cüzeppe Verdinin “Traviata” əsəri nümayiş etdiriləcək

Mayın 9-dan 14-dək Rusiya Dövlət Akademik Böyük Teatrında Cüzeppe Verdinin "Traviata" əsəri nümayiş etdiriləcək.Azərtac teatrın saytına istinadla xəbər verir ki, Azərbaycanın Əməkdar Artisti Dinara Əliyeva (soprano) mayın 9-da, 11-də və 13-də səhnə əsərində Violetta Valeri obrazını canlandıracaq. Əməkdar Artist Elçin Əzizov (bariton) isə mayın 10-da, 12-də və 14-də Jorj Jermonun partiyasını ifa edəcək.xeber100.com    

Pantomima Teatrı mart ayının repertuarını təqdim edir

Azərbaycan Dövlət Pantomima Teatrı mart ayında maraqlı tamaşalarla çıxış edəcək.Azərtac teatrın mart repertuarını təqdim edir: 11 mart - “Adajio” 12 mart - “Fəlakət və İnsan” (uşaq tamaşası), “Katarsis” 18 mart - “Ora- bura” 19 mart - “Dejavü” 25 mart - “Underground” (Yeni tamaşa) 26 mart - “Fəlakət və İnsan” (Uşaq tamaşası) 26 mart - “Son ştrix”.xeber100.com

“XX əsrin teatr tendensiyaları” mövzusunda elmi konfrans keçirilib

Martın 3-də Kukla Teatrında “XX əsrin teatr tendensiyaları” mövzusunda elmi konfrans keçirilib.Azərtac xəbər verir ki, tədbir Mədəniyyət və İncəsənət Universitetinin “Teatrşünaslıq” kafedrasının müdiri Aydın Talıbzadə çıxış edərək konfransın əhəmiyyətindən söz açıb.Konfransda Mədəniyyət və İncəsənət Universitetinin müəllimi Elçin Cəfərovun “XX əsr. Teatrdan qeyri-teatra doğru” adlı məruzəsi dinlənilib. Həmçinin konfrans çərçivəsində universitetin III və IV kurs tələbələri Dilşad Əhmədzadə “Merholdun teatr metodunun konseptual mahiyyəti”, Yusif Dağlar “M.Çexov “Aktyor texnikası - nurlanmış aktyora doğru”, İlahə Quliyeva “B.Brextin epik teatr nəzəriyyəsi”, Nadir Əhmədov “Y.Quratovskinin Yoxsul teatr poetikası”, Nisə İbadlı “A.Arto və Qəddarlıq teatrı” və Emin Əliyev “T.Kantor və ölüm teatrı” adlı məruzələrlə çıxış ediblər.Məruzələr ətrafında müzakirələr aparılıb.xeber100.com

Sankt-Peterburq Dövlət Akademik Mariya Teatrı təqdim edir

Martın 9-da Sankt-Peterburq Dövlət Akademik Mariya Teatrında Frederik Aştonun “Marqarita və Arman” baleti nümayiş etdiriləcək.Teatrın saytı xəbər verir ki, “Mariya-2” səhnəsində nümayiş olunacaq səhnə əsərində gənc balet artisti Timur Əsgərov Armanın partiyasını ifa edəcək. Baletin dünya premyerası 1963-cü il martın 12-də Londonda Kral Opera Teatrında olub. Səhnə əsəri Mariya Teatrında ilk dəfə 2014-cü il iyulun 8-də nümayiş etdirilib.xeber100.com