“Facebook” istifadəçiləri statuslarına görə pul qazana biləcək

“Facebook” sosial şəbəkəsinin rəhbərliyi tezliklə istifadəçilərə öz nəşrlərindən pul qazanmağa kömək etmək üçün yeni üsullar araşdırır.Şəbəkə istifadəçiləri statuslarına görə pul qazana biləcək. Bu məqsədlə “Facebook” rəhbərliyi istifadəçilər arasında sorğu keçirir. İstifadəçilər şərh və statuslarını pula çevirməsinin ən maraqlı variantlarını seçməlidilər: statusa görə, brendləşdirilmiş kontent və reklamlardan əldə olunan gəlirlərin bir hissəsi. Sorğunun gedişatında istifadəçilərə həmçinin “hərəkətə çağırış” adlı yeni düymə haqqında fikir bildirmək də təklif olunur. Bu düymə istifadəçilərə ianə toplamaq üçün nəzərdə tutulur. Yeniliyin nə zaman reallaşacağı barədə məlumat veriləcək.xeber100.com

Mobil cihazların satışı ilə məşğul olanlara xəbərdarlıq

Rabitə və Yüksək Texnologiyalar Nazirliyi mobil cihazların satışı ilə məşğul olan fiziki və hüquqi şəxslərin nəzərinə çatdırır ki, satış məntəqələrində yalnız sertifikatlaşdırılmış və IMEI nömrələri qeydiyyata alınmış mobil cihazların satışı təşkil olunmalıdır.Nazirlikdən Apa-ya verilən məlumata görə, satış məntəqələrində olan bütün mobil cihazların IMEI nömrələrinin qeydiyyatı həmin cihazları satan fiziki və hüquqi şəxslər tərəfindən həyata keçirilməlidir. İstehlakçıların hüquqlarının qorunması məqsədilə aidiyyəti qurumlarla birgə satış məntəqələrində olan mobil cihazların sertifikatla təmin olunub-olunmaması, eyni zamanda onların IMEI nömrələrinin qeydiyyatda olması yoxlanılacaq, sertifikatsız, həmçinin IMEI nömrələrini qeydiyyata almadan mobil cihazların satışını təşkil edən fiziki və hüquqi şəxslərə qarşı Azərbaycan Respublikasının mövcud qanunvericiliyin tələblərinə uyğun tədbirlər görüləcək. Alıcılara mobil cihaz alan zaman IMEI nömrəsinin qeydiyyatda olmasınıwww.imei.az, www.e-gov.az saytlarına daxil olmaqla, IMEI nömrəsini yazaraq “1677” qısa nömrəsinə SMS göndərməklə və ya “1677” məlumat mərkəzinə zəng etməklə yoxlamaları tövsiyə olunur. Mobil telefon cihazından *#06# yığmaqla həmin cihazın IMEI nömrəsini müəyyən etmək olar.xeber100.com  

“Muğanımız – tariximiz, sərvətimiz” mövzusunda yazı müsabiqəsi

Azərbaycan Mətbuat Şurası Saatlı Rayon İcra Hakimiyyəti ilə birlikdə "Muğanımız - tariximiz, sərvətimiz" mövzusunda kütləvi informasiya vasitələrinin təmsilçiləri arasında yazı müsabiqəsi keçirir.   Mükafatlandırma   I yer - 1 nəfər - 1000 manat II yer - 2 nəfər - 800 manat III yer - 3 nəfər - 500 manat   Həvəsləndirici mükafat - 10 nəfər - 1000 manat   III. Müsabiqə şərtləri   Müsabiqəyə təqdim olunmuş yazılarda üstünlük veriləcək;   Materialların ümumən mövzunu, konkret olaraq nəzərdə tutulan istiqaməti dolğun əhatə etmə səviyyəsi; Tarixilik İqtisadi təhlil Vətənpərvərliyin təbliği Keçmişlə müasirliyin əlaqələndirilməsi Ənənələr və dəyərlər Perspektiv təşəbbüslər   Faktlardan istifadə xüsusiyytələri və araşdırmanın keyfiyyəti; İfadə vasitələrinin zənginliyi; Oxucu üçün informasiyalılıq dərəcəsi; Qabaqcıl dünya təcrübəsi ilə məzmunlu müqayisə.   Müsabiqəyə 2016-cı ilin aprel ayının 15-dən may ayının 30-dək müddətdə qəzet, jurnal və informasiya agentliklərində, həmçinin xəbər saytlarında gedən yazılar buraxılacaq.   Qaliblərin adları 2016-cı il iyun ayının 15-də Milli Qurtuluş Günündə açıqlanacaq.   Müsabiqə üçün dil və janr məhdudiyyəti nəzərdə tutulmur;   Yazılar 9-11 min işarədən (1 A3 formatlı qəzet vərəqindən) çox olmamalıdır;   Yazıda "Azərbaycan Azərbaycan Mətbuat Şurasının və Saatlı Rayon İvra Hakimiyyətinin "Muğanımız - tariximiz, sərvətimiz" mövzusunda keçirdiyi müsabiqəyə təqdim olunur" qeydi olmalıdır.   Qeyd: Yazı müəllifinin konkret kütləvi informasiya vasitəsində çalışması şərtdir.   Müsabiqə üçün təqdim ediləcək materialın müəllifin çalışdığı KİV-də verilməsi şərt deyil.   Müsabiqəyə təqdim edilmiş yazıların Azərbaycan Mətbuat Şurasının "qara siyahı"sında yer alan kütləvi informasiya vasitələrində çıxması yolverilməzdir.   Yazıların təqdim edilməsi   Müsabiqə üçün yazılar ayrıca zərfdə şəxsən təqdim olunmalıdır.   Təqdimat zərfində yer almalıdır:    yazı təqdim edən şəxsin konkret kütləvi informasiya vasitəsində işlədiyini təqdiqləyən sənədin surəti;    yazı təqdim edən şəxsin şəxsiyyət vəsiqəsinin surəti;    yazı təqdim edən şəxsin əlaqə vasitələri - ev, iş və mobil telefonu;    müsabiqə üçün verilmiş yazının getdiyi qəzet və jurnalın 1 nüsxəsi (ayrıca vərəqədə);    yazı elektron media resursunda verilibsə, bunu təsdiqləyən link (ayrıca vərəqədə);    materialın yazılı formada A4 formatlı kağız vərəqində 3 nüsxəsi;    diskdə materialın elektron forması (Times New Roman şriftində, müəllifin adı qeyd olunmamaqla);    yazı elektron media resursunda verilibsə, diskdə yazının linki göstərilməlidir.   Müsabiqə üçün yazılar aprel ayının 15-dən iyun ayının 1-dək həftənin iş günləri saat 11.00-dan 17.00-dək Bakı şəhəri, Məmməd Araz 4 ünvanında (əvvəlki Teymur Əliyev 38 ünvanı - Azərbaycan Mətbuat Şurasının ofisi) qəbul ediləcək.   Təqdimat prosesində müsabiqə qaydalarının hər hansı birinin yerinə yetirilməməsi qaydaların pozulması kimi qiymətləndiriləcək və material qəbul edilməyəcək.   Əlaqə telefonu:   (012) 441 35 30 (050) 534 93 26 (055) 201 99 26  

Azərbaycan öz torpaqlarına sahib olacaq…

Dağlıq Qarabağdakı son döyüşlər Vanqanın 1990-cı illərin əvvəllərində Azərbaycanla bağlı verdiyi proqnozları yenidən gündəmə gətirib. Vanqa hələ o zaman 30 il sonra Azərbaycanın öz torpaqlarına sahib olacağı bildirib: "Siz çoxlu qan olan ölkədən gəlmisiz. Uşaqların ağlamağını eşidirəm, öz gəlinliklərini yandıran qızlar görürəm. Geri çəkilin. Siz tale ilə sizə qismət olmayacaqlar uğrunda mübarizə aparırsız. Məğlub olacaqsız. Bu hələ başlanğıcdır. Bədbəxtlik gətirən qızıl görürəm. Bütöv xalq zəncirdədir. Onlar heç nəyi unutmayacaq. Daha 30 il keçsin, onlar dözəcək lakin təslim olmayacaqlar. Sonra onlara öz torpaqlarının sahibi olmaq qismət olacaq. Və o zaman onları zəncirləyən hər şey ömürlük yoxa çıxacaq. Xeyir qalib gələcək və insanlar xoşbəxt yaşayacaqlar".

“Hoppa” dünyanın ən ucuz istirahət marşrutlarını sıralayıb

Hava limanlarından transfer sifarişi internet saytı  "Hoppa" dünyanın ən ucuz istirahət marşrutlarını sıralayıb. "Hoppa" siyahını, bir gün ərzində mehmanxanadan yemək-içməyə qədər bütün xərcləri nəzərə alaraq müəyyən edib. Qısası, dünyanın ən ucuz 19 istirahət marşrutu. 1.Phuket, Tailand   Bir günlük istirahət xərci: 171 dollar   2.Sao-Paulo, Braziliya   Bir günlük istirahət xərci: 168 dollar 3.Barselona, İspaniya   Bir günlük istirahət xərci: 159 dollar   4.Toronto, Kanada   Bir günlük istirahət xərci: 158 dollar 5.Rio de Janeiro, Braziliya   Bir günlük istirahət xərci: 148 dollar 6.Antalya, Türkiyə   Bir günlük istirahət xərci: 141 dollar 7.Praqa, Çex Respublikası   Bir günlük istirahət xərci: 134 dollar   8.Gran Canaria, İspaniya   Bir günlük istirahət xərci: 125 dollar 9.Berlin, Almaniya   Bir günlük istirahət xərci: 114 dollar 10.Kuala Lumpur, Malayziya   Bir günlük istirahət xərci: 114 dollar 11.Şarm Əl-Şeyx, Misir   Bir günlük istirahət xərci: 111 dollar 12.Corfu, Yunanıstan   Bir günlük istirahət xərci: 110 dollar 13.Auckland, Yeni Zelandiya   Bir günlük istirahət xərci: 103 dollar 14.Faro, Portuqaliya   Bir günlük istirahət xərci: 95 dollar 15.Cape Town, Cənubi Afrika   Bir günlük istirahət xərci: 93 dollar 16.Hanoi, Vyetnam   Bir günlük istirahət xərci: 89 dollar   17.Banqkok, Tailand   Bir günlük istirahət xərci: 86 dollar 18.Tenerife, İspaniya   Bir günlük istirahət xərci: 82 dollar 19.Budapeşt, Macarıstan   Bir günlük istirahət xərci: 57 dollar  

Ziyanverici proqramlara qarşı-XƏBƏRDARLIQ

Son günlərdə sosial şəbəkələrdə yaranan aktivlik saxta hesabların yaradılmasına və bununla yanaşı, spam mesajlar vasitəsilə ziyanverici proqramların yayılmasına gətirib çıxarıb. Elektron Təhlükəsizlik Mərkəzindən APA-ya verilən məlumata görə, saxta hesablardan ünvanlanan keçidlərə kliklədikdə qurğuların əməliyyat sistemlərinə daxil olan ziyanverici proqramlar istifadəçilərin adından saxta hesabların yaradılması, əxlaqa zidd paylaşımlar edilməsi, istifadəçinin dostlarının kompüterini yoluxdurmaq məqsədi ilə onlara spam mesajlar göndərməsi və s. ilə nəticələnə bilər."Odur ki, naməlum şəxslərdən gələn keçidləri klikləməməyiniz, sosial şəbəkədə dövlət orqanlarına, ictimai-siyasi xadimlərə məxsus səhifələrin həqiqiliyinə əmin olmağınız tövsiyə olunur. Saxta hesab etdiyiniz hesablarla bağlı sosial şəbəkə inzibatçılarına məlumat verin. Bununla yanaşı, veb-sayt rəhbərlərinin və ya idarəedicilərinin veb-saytlarda təhlükəsizlik tədbirlərini həyata keçirmələri, boşluqları aradan qaldırmaları tövsiyə olunur", - deyə məlumatda bildirilir.xeber100.com  

Global Finance Magazine” yazır…

ABŞ-ın "Global Finance Magazine" nəşri dünyanın ən zəngin ölkələrinin reytinqini hazırlayıb və siyahıya 185 dövlət daxil edilib. Siyahı Ümumdünya Bankı və Beynəlxalq Valyuta Fondunun məlumatları əsasında hazırlanıb. Reytinq tərtib olunarkən paritet kimi əhalinin alıcılıq qabiliyyəti, adambaşına düşən nisbi gəlir və inflyasiyanın səviyyəsi nəzərə alınır. "Global Finance Magazine" dünyanın ən zəngin ölkəsi elan edib. Burada adambaşına düşən ümumi daxili məhsul 146 min dollardır. İkinci sırada Lüksemburq (94176 dollar), üçüncü sırada isə 84821 dollarla Sinqapurdur. Qazaxlstan hər adambaşına düşən ümumi daxili məıhsulun həcminə görə 25367 dollarla 50-ci yeri tutmaqla Rusiyanı (25350 dollar) bir pillə qabaqlayıb.  Azərbaycan və Belarus 64 və 65-ci sıradadırlar. Türkmənistan 77-cidir. Bundan əlavə, siyahıda Ukrayna (109-cu yer), Ermənistan (116-cı yer), Özbəkistan (127-ci yer), Moldova (132-ci yer), Qırğızıstan (142-ci yer) və Tacikistan 153-cü yerdə qərarlaşıb.

Bütün dünyanın birləşməsinə doğru mühüm addım

“WhatsApp” istifadəçilərinin sayı 1 milyardı ötüb “Facebook” sosial şəbəkəsinin rəhbəri Mark Zukerberq bunu bəyan edib. O, bu münasibətlə özünün sosial şəbəkəsindəki səhifəsində “WhatsApp” messencerinin yaradıcıları Yan Kum və Brayan Ektonu təbrik edib. Onun sözlərinə görə, “WhatsApp”-ın “Facebook” strukturuna daxil edilməsindən sonra messencerə abunəçilərin sayı ikiqat artıb: “Dünyada cəmi bir neçə xidmət mövcuddur ki, 1 milyarddan çox insanı birləşdirir. Bu mərhələ bütün dünyanın birləşməsinə doğru mühüm addımdır”. Xatırladaq ki, “Facebook” sosial şəbəkəsi “WhatsApp”-ı 2014-cü ildə 19 milyard dollara alıb.