Kütləvi informasiya vasitələrində referendumqabağı təşviqat

2016-cı il sentyabrın 26-na təyin edilmiş ümumxalq səsverməsində (referendumda) kütləvi informasiya vasitələrində referendumqabağı təşviqat aparmaq məqsədilə üzvlərinin sayı 40 min və daha çox olan referendum üzrə təşviqat qruplarına referenduma çıxarılan məsələlərin lehinə və əleyhinə təşviqat aparmaqdan ötrü aşağıda göstərilən kütləvi informasiya vasitələrində ödənişsiz efir vaxtı və dərc üçün yer ayrılacaq: - İctimai Televiziya və Radio Yayımları Şirkəti; - “Azərbaycan” qəzeti; - ”Xalq qəzeti”; - “Bakinski raboçi” qəzeti. Yuxarıda göstərilən qurumlar, o cümlədən digər teleradio verilişləri təşkilatları və dövri nəşrlərin redaksiyaları referendumqabağı təşviqat üçün ödənişli efir vaxtı və yaxud dərc üçün yer ayrılmasının mümkünlüyünə dair qərar qəbul etdikdə bu barədə Azərbaycan Respublikasının Mərkəzi Seçki Komissiyasına müvafiq bildirişlər göndərməli, efir vaxtının verilməsinə və dərc üçün yerin ayrılmasına görə ödənişin əsasları, şərtləri və məbləği barədə məlumatları referendumun təyin edilməsi haqqında qərarın rəsmi dərc olunmasından sonra ən geci 30 gün keçənədək dərc etməlidirlər.xeber100.com

“Azərbaycan Respublikasının vətəndaşlığı haqqında”…

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci və 10-cu bəndlərini rəhbər tutaraq qərara alır: “Azərbaycan Respublikasının vətəndaşlığı haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1998, № 10, maddə 607; 2005, № 10, maddə 905; 2008, № 8, maddə 701; 2014, № 6, maddə 620; 2015, № 2, maddə 93; № 11, maddə 1255, № 12, maddə 1442) 14-cü maddəsinin ikinci hissəsinə “icazə” sözündən sonra “və ya qaçqın statusu” sözləri əlavə edilsin. İlham Əliyev Azərbaycan Respublikasının Prezidenti Bakı şəhəri, 24 iyun 2016-cı il.

Sığorta şirkətlərinə nəzarət gücləndirilir

Azərbaycanda sığorta şirkətlərinə nəzarət gücləndirilir. Nazirlər Kabineti bununla bağlı “Kommersiya təşkilatlarının illik maliyyə hesabatlarının və birləşdirilmiş (konsolidə edilmiş) maliyyə hesabatlarının təqdim edilməsi və dərc edilməsi Qaydaları”nda dəyişikliklər edib. Dəyişikliyə əsasən bundan sonra Vergilər Nazirliyi ildə bir dəfə mart ayının 31-dək maliyyə hesabatlarını və birləşdirilmiş (konsolidə edilmiş) maliyyə hesabatlarını qanunla müəyyən edilmiş hallarda auditor rəyi ilə birlikdə dərc etməli olan sığorta şirkətlərinin siyahısını Maliyyə Bazarlarına Nəzarət Palatasına təqdim edəcək.Qeyd edək ki, Azərbaycan prezidenti İlham Əliyevin 3 fevral 2016-sı ildə imzaladığı sərəncamla Maliyyə Nazirliyinin Dövlət Sığorta Nəzarəti Xidməti ləğv edilib. Bu sahədə səlahiyyətlər Maliyyə Bazarlarına Nəzarət Palatasına həvalə edilib və Maliyyə Bazarlarına Nəzarət Palatasında Sığorta vasitəçilərinə nəzarət qrupu yaradılıb.xeber100.com

Müdafiə Nazirliyinin məlumatına görə…

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 14 dəfə pozub. Müdafiə Nazirliyinin mətbuat xidmətindən Azərtac-a bildiriblər ki, Ermənistanın İcevan rayonunun Paravakar, Berkaber kəndlərində və adsız yüksəkliklərdə yerləşən mövqelərdən Ağstafa rayonunun Köhnəqışlaq, Qazax rayonunun Qızılhacılı kəndlərində və adsız yüksəkliklərdə, Noyemberyan rayonunun Voskevan kəndində yerləşən mövqelərdən Qazax rayonunun Quşçu Ayrım kəndində, Berd rayonunun Mosesqex kəndində yerləşən mövqelərdən Tovuz rayonunun Ağdam kəndində yerləşən mövqelərimiz atəşə tutulub. Füzuli rayonunun Aşağı Seyidəhmədli, Xocavənd rayonunun Kuropatkino kəndləri yaxınlığında, həmçinin Göygöl, Goranboy və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

“Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə”…

Prokurorluq orqanlarına işə qəbulun aşkarlıq şəraitində demokratik və şəffaf prosedurlar əsasında beynəlxalq tələblər səviyyəsində aparılmasını təmin edən Azərbaycan Respublikası Prezidentinin 2001-ci il 19 iyun tarixli Fərmanı ilə təsdiq edilmiş “Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında Əsasnamə”yə uyğun olaraq, Baş Prokurorluq tərəfindən elan edilmiş müsabiqənin yazılı imtahan mərhələsi avqustun 10-da saat 10:00-dan başlayaraq 4 saat müddətində Bakı İdman Sarayında (Bakı şəhəri, Neftçilər prospekti, 26A) keçiriləcək.xeber100.com

“Konstitusiya Məhkəməsi haqqında” Qanunun 7.1-ci maddəsinə əsasən…

Azərbaycan Respublikası Konstitusiya Məhkəməsi Palatasının növbəti iclası olub. Konstitusiya Məhkəməsinin mətbuat xidmətindən Azərtac-a bildiriblər ki, iclasda Azərbaycan Respublikası Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Azərbaycan Respublikası İnzibati Xətalar Məcəlləsinin 128-ci maddəsinin şərh edilməsinə dair Bakı şəhəri Nəsimi Rayon Məhkəməsinin müraciətinə baxılaraq icraata qəbul olunması haqqında qərar  çıxarılıb. Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun sentyabrın 23-nə təyin edilmiş iclasında baxılacaq.xeber100.com

Müdafiə Nazirliyinin məlumatı…

Erməni silahlı bölmələri cəbhənin müxtəlif istiqamətlərində iriçaplı pulemyotlardan və snayper tüfənglərindən də istifadə etməklə sutka ərzində atəşkəs rejimini ümumilikdə 17 dəfə pozub. Faktinfo.az Müdafiə Nazirliyinə istinadən bildirir ki, Ermənistan Respublikası İcevan rayonunun Paravakar, Noyemberyan rayonunun Berdavan, Barekamavan kəndlərində yerləşən mövqelərdən Ağstafa rayonu ərazisindəki adsız yüksəkliklərdə, Qazax rayonunun Kəmərli, Qaymaqlı kəndlərində, Berd rayonu ərazisindəki adsız yüksəkliklərdə yerləşən mövqelərdən Tovuz rayonu ərazisindəki adsız yüksəkliklərdə, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.Tərtər rayonunun Çiləbürt, Füzuli rayonunun Horadiz, Baş Qərvənd kəndləri yaxınlığında yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

“Beynəlxalq ordu oyunları-2016”…

Bu gün Dağıstanın Kaspiysk şəhərində “Beynəlxalq ordu oyunları-2016” çərçivəsində hərbi gəmi heyətləri arasında "Dəniz kuboku-2016" yarışına start verilib. TASS agentliyinin verdiyi məlumata görə, yarışa Azərbaycan, Rusiya və Qazaxıstandan 130 nəfər qatılıb. Yarışın təntənəli açılış mərasimində Dağıstan baş nazirinin müavini Ramazan Cəfərov və Rusiyanın Xəzər donanmasının komandir müavini, birinci dərəcəli kapitan Sergey Ekimov iştirak ediblər. Dağıstanda bu yarışın ikinci dəfə keçirildiyini xatırladan S. Ekimov Rusiya Hərbi Dəniz Qüvvələrinin komandanlığı adından yarışa qatılan Azərbaycan və Qazaxıstan komandalarına təşəkkür edib. Yarışda gəmilərdə təyinatı üzrə silahların tətbiqi, gəmilərin manevr qabiliyyəti və gəmi heyətlərinin xilasetmə əməliyyatına hazırlığı nümayiş etdiriləcək. Yarışın nəticəsi avqustun 11-də açıqlanacaq.xeber100.com

TASS agentliyinin verdiyi məlumata görə…

Azərbaycan tank komandası Rusiyada fərdi yarışa çıxacaq. TASS agentliyinin verdiyi məlumata görə, Rusiyada müxtəlif ölkələrin təmsilçilərinin iştirak etdiyi yarışın ikinci günü Azərbaycan, Belarus, Venesuela, Anqola, Qırğızıstan, Zimbabve və Tacikistan komandaları “Alabino” poliqonunda mübarizəyə qatılacaq. Rusiya Müdafiə Nazirliyinin Mətbuat xidməti və informasiya idarəsi “fərdi mübarizə” aparacaq tank heyətlərinin 5 km uzunluqda yol qət edəcəyini, top və pulemyotdan atış həyata keçirəcəyini açıqlayıb. Hər mərhələdə atəş hədəfi olaraq tank və vertolyot maketlərinə zərbə endiriləcək. Tank əleyhinə maketlər də atəş hədəfləri olacaq. Tanklar məsafə qət edərkən müxtəlif maneələri aşmalıdır. Qeyd edək ki, yarışda ümumilikdə 12 ölkənin tank komandası iştirak edir. İyulun 30-da başlayan yarış avqustun 13-ə qədər davam edəcək. Yarışda Çin komandası öz ölkələrinin istehsalı olan tankla, Belarus komandası “T-72” markalı tankla, digər komandalar isə Rusiyanın təqdim etdiyi “T-72B3” tipli tankla iştirak edirlər.xeber100.com

Müdafiə Nazirliyinin məlumatı…

Ermənistan silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 24 dəfə pozub. Müdafiə Nazirliyinin mətbuat xidmətindən Azərtac-a bildiriblər ki, Ermənistanın İcevan rayonu ərazisindəki adsız yüksəkliklərdə, Noyemberyan rayonunun Voskevan, Şavarşavan kəndlərində yerləşən mövqelərdən Qazax rayonu ərazisindəki adsız yüksəkliklərdə, Quşçu Ayrım, Kəmərli kəndlərində, Berd rayonu ərazisindəki adsız yüksəkliklərdə və Ayqepar kəndində yerləşən mövqelərdən Tovuz rayonunun Muncuqlu və Əlibəyli kəndlərində yerləşən mövqelərimiz atəşə tutulub. Xocavənd rayonunun Kuropatkino, Cəbrayıl rayonunun Mehdili kəndləri yaxınlığında, həmçinin Göygöl, Goranboy və Cəbrayıl rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə məruz qalıb.xeber100.com