Azərbaycan və Ermənistan qoşunlarının təmas xəttində gedən döyüş toqquşmaları ilə bağlı tədbir keçirilib

Bu gün Azərbaycan Hərb Tarixi Muzeyində Azərbaycan və Ermənistan qoşunlarının təmas xəttində aprelin 2-dən 5-dək gedən döyüş toqquşmaları ilə bağlı tədbir keçirilib. Apa-nın məlumatına görə, Muzeyin rəisi, ehtiyatda olan polkovnik Əzizağa Qənizadə bildirib ki, Ermənistan atəşkəs rejiminə əməl etmir və işğalçı mövqeyini davam etdirir. O, Azərbaycan ordusunun düşmən təxribatının qarşısını qəhrəmanlıqla aldığını vurğulayıb: "İşğalçılar Azərbaycanın mövqelərini iriçaplı silahlardan atəşə tutub, təxribat törədiblər. Ancaq ordumuzun sayıqlığı nəticəsində düşmənin təxribatının qarşısı alındı və bu 4 günlük müharibədə bir sıra strateji yüksəkliklər ələ keçirildi. Biz bu döyüşlərdə ordumuzun düşmən üzərində həm fiziki həm də mənəvi baxımından qalib olduğunun şahidi olduq. Bu onu göstərir ki, ordumuzda müstəqillik dövründə vətənə məhəbbət hissində formalaşıb və döyüş əhval-ruhiyyəsi yüksək səviyyədədir. Aprelin əvvəlindəki hərbi əməliyyatlar bir daha onu sübut etdi ki, ordumuz Azərbaycanın işğal olunmuş torpaqlarını azad etməyə qadirdir. Artıq bütün dünyanın diqqəti Azərbaycanda və Dağlıq Qarabağdadır". Sonra Azərbaycan ordusunun hərbi əməliyyatlarından bəhs edən video-çarx nümayiş etdirilib. Milli Məclisin deputatı Elmira Axundova çıxışında qeyd edib ki, böyük dövlətlərin müdaxiləsi olmasaydı, Azərbaycan Dağlıq Qarabağ müharibəsində heç vaxt məğlub olmazdı, torpaqlarını itirməzdi. O bildirib ki, sonuncu döyüşlərdə də şəhid olan hərbçilərimizin xatirəsi əbədiləşdirilməlidir. Müdafiə Nazirliyinin Döyüş Hazırlığı və hərbi təhsil baş idarəsinin əməkdaşı, polkovnik Nizami Əliyev isə çıxışında sonuncu hərbi əməliyyatlarda Azərbaycan əsgərlərinin böyük şücaət və mərdlik göstərdiyini vurğulayıb: "Hərbi uğurlarımızdan sonra xalqımızda vətənpərvərlik ruhu daha da yüksəlib. Bizim döyüşümüz onu göstərdi ki, Ali Baş Komandanın əmri olan kimi, ordumuz işğal olunmuş torpaqlarını azad etməyə qadirdir". Sonda tədbirdə Azərbaycan Silahlı Qüvvələrinin "Mahnı və rəqs ansamblı"nın çıxışı olub.xeber100.com  

Dövlət Komissiyasının məlumatına əsasən…

Azərbaycan Respublikasının aidiyyəti dövlət qurumlarından və vətəndaşlardan Əsir və itkin düşmüş, girov götürülmüş vətəndaşlarla əlaqədar Dövlət Komissiyasına daxil olan çoxsaylı məlumatlara əsasən, cari ilin aprel ayının 26-dan etibarən Ermənistan-Azərbaycan qoşunlarının təmas xəttində, xüsusən cəbhənin Tərtər rayonu istiqamətində mülki obyektlər, əsasən də yaşayış binaları Ermənistan ordusu tərəfindən hədəfə alınıb, iri çaplı silahlardan və ağır artilleriya qurğularından açılan atəşlər nəticəsində dağıdılıb. Dövlət Komissiyasından  apa-ya  verilən məlumatda bildirilir ki, ağır artilleriya atəşi nəticəsində Tərtər şəhərində 4 fərdi yaşayış evi, bir inzibati bina, Tərtər rayonu Qaraağacı kəndində 16 fərdi yaşayış evi, kənd qəbiristanlığında 20-dən çox məzar dağıdılıb, o cümlədən şəxsi təsərrüfatlara, rayonun elektrik və qaz təsərrüfatına ciddi ziyan dəyib. Bu hallar hazırda da davam edir. Qeyd olunanları nəzərə alaraq, Dövlət Komissiyası bu addımların beynəlxalq humanitar hüquq normalarına, müharibə qaydalarına zidd olduğunu, adi insani dəyərlərə hörmətsizlik kimi qiymətləndirdiyini Beynəlxalq Qızıl Xaç Komitəsinin diqqətinə çatdırıb və qarşı tərəfi bu əməllərdən çəkindirməyə çağırıb.xeber100.com  

Ermənistan hər zaman təmas xəttində insident yaradaraq Azərbaycanı provokasiyaya çəkməyə çalışır

“Ermənistan hər zaman çətin mövqe nümayiş etdirir. Onlar heç zaman BMT qətnamələrini yerinə yetirməyi qəbul etmirlər”.apa-nın  məlumatın görə, bu sözləri İSESCO-nun  baş katibi Əbdüləziz Əl Tüveycri deyib. O bildirib ki, Ermənistan hər zaman təmas xəttində insident yaradaraq Azərbaycanı provokasiyaya çəkməyə çalışır: “İki həftə bundan əvvəl baş verən toqquşmalar Azərbaycan tərəfindən edilməyib. Bunu edən Ermənistandır. İSESCO bunu pisləyən bəyanatla çıxış etdi və Ermənistanı zorakılığı dayandırmağa çağırdı. Biz beynəlxalq ictimaiyyətə BMT-nin 4 qətnaməsini yerinə yetirməsi üçün Ermənistana təzyiq göstərmək çağırışı etdik. Məncə, beynəlxalq ictimaiyyət kifayət qədər iş görmür. Biz Ermənistana təzyiqləri artırmalı və münaqişənin keçmişi, həqiqətləri barədə dünyanı məlumatlandırmalıyıq. Bəzi insanlar Azərbaycanın qonşuluqda Ermənistanla düşmənçilik etdiyini düşünür. Amma bu, düzgün deyil. Reallıq budur ki, Ermənistan beynəlxalq hüquqa zidd gedərək və BMT TŞ-nin qətnamələrinə məhəl qoymayaraq Azərbaycanın 20 faiz torpaqlarının işğalını davam etdirir”.xeber100.com  

Moskvada Qarabağ problemi müzakirə olunub

Moskvada Ermənistan müdafiə naziri Sehran Ohanyanın İran İslam Respublikasının müdafiə naziri Hüseyn Dehqanla görüşü keçirilib. “news.am” məlumat verir ki, Beynəlxalq Təhlükəsizlik Konfransı çərçivəsində keçirilən görüş zamanı Dağlıq Qarabağda qoşunların təmas xəttində gərginliyin artmasından narahatlıq ifadə olunub, gərginliyin azaldılmasının zəruriliyi qeyd edilib. Söhbət zamanı vurğulanıb ki, aprelin əvvəlində təmas xəttində baş vermiş 4 günlük müharibənin nəticələrinin münaqişənin hərbi yolla həllinin mümkünsüzlüyünü bir daha sübut edib.  Qeyd edək ki, Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb. 1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi - Dağlıq Qarabağ və ətraf 7 inzibati rayon (Laçın, Kəlbəcər, Ağdam, Füzuli, Cəbrayıl, Qubadlı, Zəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb. Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏT-in Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir. 1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir. Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPA. ATƏT, İƏT və digər təşkilat və qurumların qətnamələri mövcuddur.xeber100.com  

Ölkə başçısı BMT-nin Sivilizasiyalar Alyansının VII Qlobal Forumunun rəsmi açılışında iştirak edib

Aprelin 26-da Bakıda BMT-nin Sivilizasiyalar Alyansının “İnklüziv cəmiyyətlərdə birgə yaşayış: çağırış və məqsəd” mövzusunda VII Qlobal Forumunun rəsmi açılış mərasimi keçirilib. Azərbaycan Respublikasının Prezidenti İlham Əliyev və xanımı Mehriban Əliyeva Forumun açılış mərasimində iştirak ediblər. Dövlətimizin başçısı tədbirdə nitq söylədi. Sonra BMT-nin Sivilizasiyalar Alyansı üzrə ali nümayəndəsi Nasir Əbdüləziz Əl-Nasir çıxış etdi. BMT-nin baş katibi Pan Gi Munun videomüraciəti nümayiş etdiriləndən sonra İspaniyanın xarici işlər naziri Xose Manuel Qarsia-Marqallo və Türkiyənin Prezidenti Rəcəb Tayyib Ərdoğan çıxış etdilər. Dövlət və hökumət başçılarının, digər yüksək səviyyəli rəsmi şəxslərin, tanınmış ictimai-siyasi xadimlərin, nüfuzlu beynəlxalq qurumların, “beyin mərkəzləri”nin təmsilçiləri, elm adamları daxil olmaqla, üç mindən çox nümayəndənin iştirak etdiyi Forumun təşkilatçıları sırasına BMT-nin Sivilizasiyalar Alyansı, UNESCO, Dünya Turizm Təşkilatı, ISESCO və Avropa Şurası kimi nüfuzlu beynəlxalq təşkilatlar daxildir.  

Rəcəb Tayyib Ərdoğan Azərbaycanda işgüzar səfərdə

Aprelin 25-də Azərbaycan Respublikasının Prezidenti İlham Əliyevin və ölkəmizə işgüzar səfərə gələn Türkiyə Respublikasının Prezidenti Rəcəb Tayyib Ərdoğanın görüşü olub. Görüşdə ölkələrimiz arasında strateji tərəfdaşlığa əsaslanan dostluq və qardaşlıq münasibətlərinin bütün sahələrdə uğurlu inkişafından məmnunluq ifadə edildi. Yüksək səviyyəli görüşlərin əməkdaşlığın inkişafı baxımından önəmi vurğulandı. Əlaqələrimizin bundan sonra da inkişaf edəcəyinə əminlik bildirildi. Bakıda keçirilən BMT-nin Sivilizasiyalar Alyansının VII Qlobal Forumunun əhəmiyyəti vurğulandı və bu tədbirin beynəlxalq əməkdaşlıq işinə töhfə verdiyi bildirildi. Söhbət zamanı ikitərəfli münasibətlər və qarşılıqlı maraq doğuran digər məsələlərlə bağlı fikir mübadiləsi aparıldı.xeber100.com

“İctimai televiziya və radio yayımı haqqında” Qanunun tətbiq edilməsi barədə”…

Prezident İlham Əliyev ötən gün “İctimai televiziya və radio yayımı haqqında” Qanunun tətbiq edilməsi barədə” 2004-cü il 5 noyabr tarixli 141 nömrəli fərmanda dəyişikliklər edilməsi haqqında fərman imzalayıb. Axar.az xəbər verir ki, dəyişikliyə əsasən, İTV-nin Yayım Şurasının üzvləri artıq Prezident tərəfindən təsdiqlənəcək. Qeyd edək ki, buna qədər sözügedən səlahiyyət Milli Məclisə məxsus idi.xeber100.com

Tarixi Paris sazişi imzalandı

Aprelin 22-də BMT-nin Nyu-Yorkdakı mənzil-qərargahında iqlim dəyişiklikləri ilə bağlı tarixi Paris sazişinin imzalanma mərasimi keçirilib. Sənədi 171 ölkənin dövlət və hökumət rəhbərləri, xarici işlər, ətraf mühit nazirləri imzalayıblar. Ekologiya və Təbii Sərvətlər Nazirliyinin mətbuat xidmətindən verilən məlumatda bildirilir ki, BMT-nin iqlim dəyişmələri üzrə Çərçivə Konvensiyasının Paris razılaşmasını Azərbaycan hökuməti adından Prezident İlham Əliyevin tapşırığı ilə ekologiya və təbii sərvətlər naziri Hüseyn Bağırov imzalayıb. Razılaşma iqlim dəyişiklikləri məsələləri üzrə BMT-nin Çərçivə Konvensiyasına üzv dövlətlərin 21-ci konfransında Parisdə qəbul edilib. Sənəd ekoloji cəhətdən davamlı gələcəyə yol açır və qlobal temperaturun Selsi ilə 1,5 dərəcə səviyyəsində saxlanılmasını vəd edir.xeber100.com

Azərbaycan Avrasiya Birliyinə üzv ola bilər?!

Keçmiş baş nazirdən Sarkisyanı ifşa edən AÇIQLAMA:  “Azərbaycan Avrasiya İqtisadi İttifaqında iştirak etmək istəsə, Ermənistan hakimiyyəti buna öz razılığını verəcək. Çünki, Ermənistanın başqa çıxış yolu yoxdur. Yəni, Ermənistanın razılığı olmadan da Azərbaycan Avrasiya Birliyinə üzv ola bilər”. Bunu Ermənistanın keçmiş baş naziri, “Azadlıq” Partiyasının sədri, deputat Qrant Baqratyan 1in.am analitik portalına müsahibəsi zamanı deyib. O aprel ayının əvvəllərində cəbhə xəttində aparılan hərbi əməliyyatlar barədə də fikirlərini bölüşüb. Baqratyanın sözlərinə görə, Azərbaycan bundan sonra yenidən genişmiqyaslı hərbi əməliyyatlara başlasa, Ermənistanın separatçı “Dağlıq Qarabağ Respublikası”nı tanıyıb-tanımayacağı məsələsinə əhəmiyyət verməyəcək. “Azərbaycan genişmiqyaslı müharibəyə start versə, bizim Dağlıq Qarabağın müstəqilliyini tanıyıb-tanımayacağımız məsələsinə baxmayacaq. Cəbhədəki son hadisələr bunu göstərdi”.

İkitərəfli əməkdaşlığın inkişafı…

Xarici işlər naziri Elmar Məmmədyarov İranın rabitə və informasiya texnologiyaları naziri Mahmud Vaezinin rəhbərlik etdiyi nümayəndə heyətini qəbul edib. Nazirlikdən  apa-ya verilən məlumata görə, görüşdə Azərbaycan və İran prezidentləri tərəfindən müəyyən olunan strateji xəttə uyğun olaraq, iki ölkə arasında əməkdaşlığın uğurla inkişaf etdiyi vurğulanıb. Vaezi Ermənistan və Azərbaycan silahlı qüvvələrinin təmas xətti boyunca baş vermiş son gərginlik zamanı mülki Azərbaycan əhalisi və hərbi qulluqçuların həyatını itirməsi ilə əlaqədar başsağlığı verib. O, İranın Azərbaycanın ərazi bütövlüyü və suverenliyini dəstəklədiyini bir daha vurğulayıb.Qonaq hökumətlərarası birgə komissiya çərçivəsində həyata keçirilən birgə tədbirlər sayəsində iqtisadiyyat, nəqliyyat, neft-qaz, kənd təsərrüfatı, turizm, əczaçılıq, maşınqayırma, rabitə və informasiya texnologiyaları və digər sahələrdə ikitərəfli əməkdaşlığın inkişaf etdiyini söyləyib. M. Vaezi ölkəsinin regional sülh və təhlükəsizliyin təmin edilməsində maraqlı olduğunu bildirərək, beynəlxalq əməkdaşlıq kontekstində terrorizm, radikalizm və regional təhdidlərə qarşı birgə mübarizə aparmaq üçün iki ölkənin təhlükəsizlik  orqanları arasında əməkdaşlığın genişləndirilməsinin əhəmiyyətinə diqqət çəkib. Məmmədyarov isə Azərbaycan prezidentinin İrana sonuncu səfərinin, səfər zamanı keçirilmiş görüşlərin və imzalanmış sənədlərin iki ölkə arasında əməkdaşlığın inkişafı baxımdan böyük əhəmiyyətə malik olduğunu deyib. O, Mahmud Vaezini Azərbaycan prezidenti tərəfindən “Dostluq” ordeni ilə təltif olunması münasibətilə təbrik edib. Nazir Ermənistan-Azərbaycan münaqişəsinin həlli ilə bağlı İranın tutduğu ədalətli və davamlı mövqeyin yüksək qiymətləndirildiyini vurğulayıb. Münaqişənin həlli və regionda davamlı sülhün təmin olunması üçün BMT Təhlükəsizlik Şurasının qətnamələrinin tələblərinə uyğun olaraq, Ermənistan qoşunlarının işğal olunmuş bütün Azərbaycan ərazilərindən çıxarılmalı olduğunu bildirib. Məmmədyarov aprelin 20-də Astara çayı üzərində təməli qoyulmuş dəmir yolu körpüsünün Şimal-Cənub nəqliyyat dəhlizinin inkişaf etdirilməsində mühüm əhəmiyyətə malik olduğunu qeyd edib. O, körpünün ölkələrin tranzit potensialının artmasına və böyük həcmdə yükdaşımaların həyata keçirilməsinə imkan yaradacağını xüsusi vurğulayıb.xeber100.com