Dövlət İmtahan Mərkəzinin məlumatına əsasən…

Ali təhsil müəssisələrinin magistratura pilləsi üzrə qabiliyyət imtahanı verəcək bakalavrlara buraxılış vərəqələrinin verilməsinə başlanılıb.Azərtac xəbər verir ki, 68, 69 və 70 nömrəli qəbul proqramlarını seçənlər buraxılış vərəqələrini Dövlət İmtahan Mərkəzinin saytından əldə edə bilərlər. Qabiliyyət imtahanları başa çatandan sonra isə ixtisaslaşma seçimi aparılacaq.Proses iyunun 9-dan 19-dək davam edəcək.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzində (DİM) bu il iyunun 3-də SAT imtahanları keçirilib.DİM-dən Azərtac-a bildiriblər ki, bu qurumun inzibati binasında təşkil olunan imtahanlarda 8 nəfər iştirak edib. İmtahanların gedişi zamanı iştirakçılara bilik və bacarıqlarını nümayiş etdirmələri üçün lazımi şərait yaradılıb.İmtahanların nəticələrinin iyulun 12-də elan olunması gözlənilir. Nəticələrlə https://sat.collegeboard.org/scores linkində tanış olmaq mümkün olacaq.xeber100.com

“Bədən tərbiyəsi və idman” ixtisası üzrə sınaq imtahanları keçiriləcək

2017/2018-ci tədris ili üçün Bədən Tərbiyəsi və İdman Akademiyası (ADBTİA) tərəfindən tələbə qəbulu ilə bağlı iyunun 5–dən 20-dək saat 10.00-dan 17.00-dək xüsusi qabiliyyət tələb edən “Bədən tərbiyəsi və idman” ixtisası üzrə sınaq imtahanları keçiriləcək.Dövlət İmtahan Mərkəzindən Azərtac-a bildiriblər ki, sınaq imtahanları ADBTİA-nın stadion kompleksində və gimnastika zalında aparılacaq. Bu imtahanlar abituriyentlər üçün ödənişsizdir.Sınaq imtahanları zamanı abituriyentlər ADBTİA-nın Atletika və Gimnastika kafedralarının mütəxəssisləri tərəfindən metodiki tövsiyələr, məsləhətlər ala biləcəklər.Abituriyentlər Dövlət İmtahan Mərkəzi tərəfindən hazırlanmış xüsusi qabiliyyət tələb edən ixtisaslara qəbul olmaq istəyənlər üçün “Abituriyent” jurnalının xüsusi buraxılışı olan vəsaitlərdə imtahan normativləri ilə tanış ola bilərlər.xeber100.com

Vətəndaşlara göstərilən xidmətlərlə bağlı statistika açıqlanıb

Təhsil Nazirliyinin Telefon Məlumat Mərkəzinə (“Qaynar xətt” xidməti, telefon: 146) daxil olan zənglərlə və Vətəndaşların Qəbulu Mərkəzində bu ilin may ayında vətəndaşlara göstərilən xidmətlərlə bağlı statistika açıqlanıb.Nazirlikdən Azərtac-a bildiriblər ki, qeyd olunan müddət ərzində həmin mərkəzlərə ümumilikdə 21 min 88 müraciət daxil olub.Statistikaya əsasən, Telefon Məlumat Mərkəzində 17 min 685 zəng qəbul edilib. Vətəndaşların Qəbulu Mərkəzində isə bu dövrdə 3 min 403 vətəndaşa xidmət göstərilib.Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll olunub. Vətəndaşların Qəbulu Mərkəzində 1315 sənəd (547 məktub, 377 ərizə, 391 digər sənəd) qəbul olunub və qeydiyyata alınıb.Daxil olan müraciətlər daha çox müəllimlərin yerdəyişməsi və işə qəbulu, ali təhsil sənədlərinin (diplomların) tanınması (nostrifikasiya) və müəllimlərin diaqnostik qiymətləndirilməsi ilə bağlı məsələləri əhatə edib.xeber100.com

Pedaqoji Universitetdə yaz semestrinin imtahan sessiyası başlayıb

Azərbaycan Dövlət Pedaqoji Universitetində (ADPU) yaz semestrinin imtahan sessiyası başlayıb.ADPU-dan Azərtac-a bildirilib ki, rektor Cəfər Cəfərov iyunun 5-də auditoriyalarda olaraq imtahan prosesini müşahidə edib, imtahanların çevik, şəffaf və obyektiv keçirilməsi üçün öz tapşırıq və tövsiyələrini verib, tələbələrə uğurlar arzulayıb.Yazılı və VTS-TEST sistemi üzrə tələbələrin imtahan nəticələrinin qiymətləndirilməsində olan şikayətləri araşdırmaq və düzgün qiymətləndirməni təmin etmək məqsədilə Apelyasiya Komissiyası, həmçinin fakültələr, magistratura və doktorantura şöbəsi üzrə münaqişə komissiyaları yaradılıb, fakültə dekanlarının, kafedra müdirlərinin və digər struktur bölmələrin həyata keçirəcəkləri vəzifələr müəyyən edilib. Sessiyanı obyektiv başa çatdırmaq üçün bütün hazırlıq işləri və təşkilati məsələlər vaxtında yekunlaşdırılıb, imtahanların keçirilməsi üçün lazımi sənədlər tələblərə uyğun hazırlanıb. Sessiyanın təşkil edilməsi və keçirilməsi üçün imtahan qrupu, eyni zamanda, imtahan qərargahı yaradılıb.Qeyd edək ki, builki tədris ilində ADPU-ya qəbul olunmuş birinci kurs tələbələrinin və arzu edən digər kurs tələbələrinin kollokvium və semestr imtahanları yazılı qaydada aparılır. Məqsəd tədrisin keyfiyyətini yüksəltmək, şəffaflığı və obyektivliyi təmin etmək, eyni zamanda tələbə-gənclərin məntiqi təfəkkürünün, yaradıcı təxəyyülünün inkişaf etdirilməsinə və onların yazı mədəniyyətinin formalaşmasına kömək etməkdir. Yuxarı kursların tələbələri isə Kompüter Mərkəzində elektron-test üsulu ilə imtahan verirlər. Yazılı imtahanların yoxlanılması üçün xüsusi otaq ayrılıb. İmtahanlar başa çatdıqdan sonra yazılar şifrələnir, yoxlanılır və həmin gün qiymətlər tələbələrə elan olunur. Günün sonunda isə bütün imtahanlarının nəticələri ADPU-nun internet saytına yerləşdirilir.xeber100.com

2017/2018-ci tədris ili üçün qəbul imtahanı keçirilib

İyunun 4-də Dövlət İmtahan Mərkəzi 2017/2018-ci tədris ili üçün ölkəmizin ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının ikinci mərhələsini keçirib.Bakı, Naxçıvan və Gəncə şəhərlərində aparılan imtahan saat 13.00-da başlanıb və saat 14.30-da başa çatıb.İmtahana nəzarətçi-müəllimlər nəzarət ediblər.İkinci mərhələdə bakalavrlara seçdikləri proqram üzrə 5-i açıq tipli olmaqla 50 test tapşırığı təqdim olunub (bəzi proqramlar üzrə isə bakalavrlar yazılı imtahan verirlər). Hər düzgün cavab bir balla qiymətləndirilir, səhv cavablar düzgün cavabların nəticəsinə təsir göstərmir.Qəbul imtahanının birinci mərhələsinin nəticələrinə görə müsabiqə şərtlərini ödəyən bakalavrların proqram seçimi bu il mayın 4-dən 22-dək aparılıb və 9 min 522 nəfər qəbul proqramını seçərək təsdiqləyib.xeber100.com

Dövlət İmtahan Mərkəzinin məlumatına görə…

İyunun 3-də Dövlət İmtahan Mərkəzində (DİM) növbəti SAT imtahanı keçiriləcək.DİM-dən Azərtac-a bildiriblər ki, imtahanda iştirak edəcək şəxslər saat 7.30-dək imtahan binasında olmalıdırlar. İmtahana gecikənlər test mərkəzinə buraxılmayacaqlar. İmtahan saat 8.30-da DİM-in Yasamal rayonu, Mikayıl Müşfiq küçəsi, 1M ünvanında yerləşən inzibati binasında başlanacaq. İmtahanın müddəti 3 saat 45 dəqiqədir (fasiləsiz).SAT imtahanları və qeydiyyatdan keçmək haqqında ətraflı məlumatı http://www.dim.gov.az/exam/sat/ keçidindən əldə etmək mümkündür.xeber100.com

İntellektual oyun üzrə 2017-ci ilin regional məktəb çempionatı keçirilib

Bakı şəhəri 18 nömrəli tam orta məktəbdə Təhsil Nazirliyinin təşkilatçılığı və Azərbaycan İntellektual Klublar Assosiasiyasının dəstəyi ilə “İslam Həmrəyliyi İli”nə həsr olunmuş intellektual oyun üzrə 2017-ci ilin regional məktəb çempionatı keçirilib.Nazirlikdən Azərtac-a bildiriblər ki, çempionata 61 məktəbin komandası qatılıb.Çempionatın keçirilməsinin əsas məqsədi gənclərin intellektual və yaradıcılıq bacarıqlarının inkişafına təkan vermək, eləcə də yüksək yaradıcılıq qabiliyyətinə, intellektual potensiala və müxtəlif sahələrdə dərin biliklərə malik gənclərin aşkara çıxarılması, daha çox məktəblinin intellektual fəaliyyətə cəlb olunması, onların asudə vaxtının səmərəli təşkilini təmin etməkdir.xeber100.com

“Mədəniyyət: Problemlər və perspektivlər” mövzusunda konfransı keçirilib

Mədəniyyət və İncəsənət Universitetində (ADMİU) “2017-ci il İslam Həmrəyliyi İli”nə həsr olunmuş “Mədəniyyət: Problemlər və perspektivlər” mövzusunda doktorant və gənc tədqiqatçıların XI beynəlxalq konfransı keçirilib. Bu barədə Azərtac-a universitetdən məlumat verilib.Konfransda Azərbaycan, Türkiyə, Özbəkistan və Qazaxıstandan 80-dək magistr və doktorant iştirak edib.Plener iclasda “İslam mədəniyyətində qadın”, “İslam mədəniyyəti Qacar xalçasında”, “Tolerantlıq və mənəvi dilemma”, “Müasir şərq kinosunda mövzu-problem əlaqələri”, “İslam mədəniyyəti Çex tarixşünaslığında”, “Azərbaycan həmrəylik nümunəsi”, “Misir kinosu sivilizasiyaların dialoqu və islam mədəniyyətinin beşiyi kimi” və digər mövzularda çıxışlar olub.“Sülhün tərənnümü” adlı bədii hissədə universitet tələbələri Azərbaycan muğamlarından ibarət konsert proqramı təqdim ediblər.xeber100.com

Dövlət İmtahan Mərkəzində müzakirə aparılıb

Dövlət İmtahan Mərkəzində (DİM) ötən illərdə hazırlanmış test kitabçalarının təkmilləşdirilməsi və yeni hazırlanacaq “Qiymətləndirmə tapşırıqları” vəsaitlərinin müzakirəsi aparılıb.Mərkəzdən Azərtac-a bildirilib ki, həftə ərzində 5-ci sinif üzrə Azərbaycan dili, ingilis dili, rus dili (rus bölməsi), riyaziyyat, 6-cı sinif üzrə fizika, coğrafiya, Azərbaycan tarixi, ümumi tarix, biologiya fənlərindən test kitabçaları müvafiq siniflər üzrə dərsliklərin yeni nəşrləri ilə tutuşdurulub, oradakı dəyişikliklər nəzərə alınıb.Yeni təhsil proqramları (kurikulumlar) əsasında Azərbaycan dili, ingilis dili, ədəbiyyat, kimya, fizika, ədəbiyyat (rus bölməsi), rus dili (rus bölməsi), biologiya, ümumi tarix, coğrafiya, riyaziyyat fənlərindən X siniflər üçün müxtəlif tədris vahidləri üzrə hazırlanmış tapşırıq nümunələrinin müzakirələri keçirilib. Müzakirələr nəticəsində məzmun xətləri üzrə alt standartların reallaşdırılma səviyyəsinin yoxlanılmasına imkan verən tapşırıqlar müəyyənləşdirilib və onların vəsaitdə istifadəsi qərara alınıb.Növbəti həftə müzakirələr davam etdiriləcək.xeber100.com