Qəbul imtahanlarının tarixləri müəyyənləşdirilib

Ali təhsil müəssisələrinə qəbul olunmaq üçün I-IV ixtisas qrupları üzrə keçiriləcək yay qəbul imtahanlarının, buraxılış imtahanlarının, orta ixtisas təhsili müəssisələrinə qəbul olunmaq istəyən əvvəlki illərin məzunları üçün təşkil ediləcək qəbul imtahanlarının tarixləri müəyyənləşdirilib.Dövlət İmtahan Mərkəzindən Azərtac-a bildiriblər ki, ali təhsil müəssisələrinə qəbul olunmaq üçün II və III ixtisas qrupları üzrə qəbul imtahanı iyulun 14-də, I və IV ixtisas qrupları üzrə isə iyulun 22-də keçiriləcək.Bölgələr üzrə ümumi orta (9 illik, II mərhələ) və tam orta (11 illik) təhsil bazasında təhsilalanların yekun qiymətləndirilməsi üçün keçirilən buraxılış imtahanları iyunun 17, 23 və 30-da aşağıdakı qrafikə uyğun təşkil olunacaq.Belə ki, imtahanlar iyunun 17-də Bakı, Sumqayıt, Abşeron, Naxçıvan Muxtar Respublikasında, 23-də Lənkəran, Astara, Masallı, Lerik, İmişli, Saatlı, Sabirabad, Ağcabədi, Xocavənd, Füzuli, Beyləqan, Gəncə, Göygöl, Samux, Naftalan, Goranboy, Daşkəsən, Şəki, Oğuz, Mingəçevir, Göyçay, Ağdaş, Ucar, İsmayıllı, Xaçmaz, Şabran, Siyəzən, Xızıda, 30-da isə Şəmkir, Gədəbəy, Ağstafa, Qazax, Tovuz, Qəbələ, Balakən, Zaqatala, Qax, Yardımlı, Cəlilabad, Biləsuvar, Şirvan, Salyan, Neftçala, Hacıqabul, Ağdam, Yevlax, Bərdə, Tərtər, Ağsu, Zərdab, Şamaxı, Qobustan, Kürdəmir, Qusar, Qubada keçiriləcək.Məcburi köçkün rayonlarından olan şagirdlər buraxılış imtahanını orta ümumtəhsil müəssisəsinin yerləşdiyi şəhərdə (rayonda) yuxarıdakı qrafikə uyğun verəcəklər.Bakı şəhərindəki xüsusi məktəblərin – internat məktəbləri, Çilov adasındakı məktəb, cəzaçəkmə müəssisələrində olan məktəblərin şagirdləri üçün imtahanlar iyunun 30-da keçiriləcək.Ali təhsil müəssisələrinin V ixtisas qrupuna, ümumi və tam orta təhsil bazasında orta ixtisas təhsili müəssisələrinə qəbul olunmaq istəyən əvvəlki illərin məzunları və eksternat qaydasında yekun qiymətləndirmədə iştirak edən şəxslər üçün imtahanlar isə iyulun 5-də aparılacaq.Qeyd edək ki, cari ilin məzunları V ixtisas qrupu və orta ixtisas təhsili müəssisələrinə qəbul olunmaq üçün keçirilən müsabiqədə buraxılış imtahanları nəticələri əsasında iştirak edirlər.xeber100.com

Təhsil sahəsində əməkdaşlıq məsələləri müzakirə olunub

Təhsil naziri Mikayıl Cabbarov Rumıniyanın milli təhsil nazirinin müavini Gigel Paraşivin rəhbərlik etdiyi nümayəndə heyəti ilə görüşüb.Nazirlikdən Azərtac-a bildiriblər ki, görüşdə G.Paraşiv Azərbaycan-Rumıniya Universitetlərarası Forumunun keçirilməsinə görə M.Cabbarova təşəkkürünü bildirib.Sonra ölkələrimiz arasında təhsil sahəsində əlaqələrin hazırkı vəziyyəti və əməkdaşlığın daha da inkişaf etdirilməsinə dair fikir mübadiləsi aparılıb.xeber100.com

Təhsil Nazirliyinin məlumatına görə…

Müəllimlərin yerdəyişməsi zamanı heç bir müsabiqə və müsahibə aparılmayacaq. Bu yalnız proqram təminatı vasitəsilə həyata keçiriləcək. Müddətsiz əmək müqaviləsi ilə çalışanlar və iş yerini dəyişmək istəyən müəllimlər miq.edu.gov.az saytında proqram təminatına daxil olmaqla qeydiyyatdan keçəcəklər. Onlar şəxsi məlumatları ilə yanaşı, iş yerlərinin dəyişdirilməsini əsaslandırmalı, səbəb olan amilləri qeyd etməli, sosial statusları haqqında məlumatları proqram təminatına yükləməlidirlər.Azərtac xəbər verir ki, bunu mayın 26-da jurnalistlərə açıqlamasında Təhsil Nazirliyinin insan resursları şöbəsinin müdiri vəzifəsini icra edən Eşqi Bağırov deyib.E.Bağırov qeyd edib ki, qaydalar Azərbaycanda ümumi təhsil müəssisələrində müddətsiz müqavilə ilə işləyən müəllimlərin iş yerinin tədris ili ərzində dəyişdirməsinə də imkan verir. Bu zaman müəllimlərin diaqnostik qiymətləndirmədə göstərdiyi nəticə, müəssisələrin yerləşdiyi rayon və şəhər, dərs yükünün həcmi və digər amillər nəzərə alınacaq.Yerdəyişmə prosesi mayın 26-dan iyunun 15-dək həyata keçiriləcək.xeber100.com

I-IV ixtisas qrupları üzrə sınaq imtahanları keçiriləcək

Dövlət İmtahan Mərkəzi (DİM) I-IV ixtisas qrupları üzrə ali təhsil müəssisələrinə qəbul olmaq istəyən abituriyentlər üçün mayın 27-də respublikanın 29 şəhər və rayonunda sınaq imtahanları keçirəcək.DİM-dən Azərtac-a bildirilib ki, imtahanlar Bakı, Sumqayıt, Abşeron, Naxçıvan, Gəncə, Şəmkir, Qazax, Tovuz, Mingəçevir, Goranboy, Yevlax, Şəki, Zaqatala, Qəbələ, Bərdə, Ağcabədi, Göyçay, İsmayıllı, İmişli, Füzuli, Şirvan, Salyan, Lənkəran, Cəlilabad, Masallı, Xaçmaz, Babək, Culfa və Şərurda ümumilikdə 59 binada təşkil olunacaq.İmtahanda iştirak etmək üçün yazılış internet vasitəsilə aparılıb və 24 min 584 abituriyent qeydiyyatdan keçib.İmtahanların idarə edilməsi üçün 154 imtahan rəhbəri, 1498 nəzarətçi-müəllim ayrılıb.İmtahan binalarına buraxılış yalnız abituriyentin şəxsiyyət vəsiqəsinin əsli və "İmtahana buraxılış vərəqəsi" əsasında həyata keçirilir. Göstərilən sənədlərdən biri olmayan, imtahana şəxsiyyət vəsiqəsinin surəti ilə gələn, başqasının şəxsiyyət vəsiqəsi ilə qeydiyyatdan keçən abituriyentlər imtahana buraxılmırlar.xeber100.com

28 May – Respublika Günü qeyd edilib

Bakı Dövlət Universitetində (BDU) 28 May - Respublika Günü qeyd edilib.Azərtac xəbər verir ki, BDU-nun rektoru A.Məhərrəmov Azərbaycan Xalq Cümhuriyyətinin (AXC) tarixindən, 23 ay ərzində maarifçilik, səhiyyə, mədəniyyət, incəsənət, kənd təsərrüfatının inkişafı kimi strateji sahələrdə qəbul edilmiş qərarlardan danışıb. AXC-nin dövlətçilik tariximizdəki rolundan və əhəmiyyətindən danışan rektor, eyni zamanda, cümhuriyyətin ən böyük uğurlarından biri kimi Bakı Dövlət Universitetinin yaradılmasını diqqətə çatdırıb.xeber100.com    

Azərbaycan-Rumıniya Təhsil Forumu öz işinə başlayıb

Mayın 24-də Bakıda Təhsil Nazirliyinin təşkilatçılığı ilə Azərbaycan-Rumıniya Təhsil Forumu öz işinə başlayıb.Azərtac xəbər verir ki, “ADA” Universitetinin prorektoru Fariz İsmayılov forumun əhəmiyyətini qeyd edib. Bildirilib ki, tədbirin təşkilinin əsas məqsədi azərbaycanlı tələbələri Rumıniyada təhsil imkanları ilə tanış etməkdir. Forum iki ölkənin təhsil sahəsində əlaqələrinin inkişafına öz töhfəsini verəcək.Azərbaycan təhsil nazirinin müavini Firudun Qurbanov son illər Azərbaycan-Rumıniya təhsil əlaqələrinin daha da gücləndiyini bildirib. Nazir müavini Azərbaycan gənclərinin xarici ölkələrdə təhsili üzrə Dövlət Proqramı çərçivəsində tələbələrin Rumıniyada təhsil aldığını diqqətə çatdırıb.Qeyd olunub ki, Rumıniya Azərbaycanın müstəqilliyini tanıyan ilk ölkələrdəndir və bu dövlətin təhsili bizim üçün böyük maraq kəsb edir. Ali məktəblərdə Azərbaycan və rumın dillərinin tədrisinə önəm verilir. Bu forum iki ölkənin ali təhsil müəssisələri arasında əlaqələrin genişlənməsi üçün mühüm platforma olacaq.Rumıniya təhsil nazirinin müavini Qiqel Paraşiv bildirib ki, Bakıda keçirilən Azərbaycan-Rumıniya Təhsil Forumu ölkələrimizdə təhsil sistemlərinin islahatı sahəsində təcrübə mübadiləsi üçün bir fürsətdir. Son illərdə Azərbaycan ali məktəblərində həyata keçirilən elmi layihələri yüksək qiymətləndırən Q. Paraşiv bildirib ki, bu tədbir ali məktəblər arasında dialoqa, birgə əməkdaşlığa imkanlar yaradacaq.xeber100.com

BSU-da “Açıq qapı” günləri keçirilib

Mayın 24-də Bakı Slavyan Universitetində (BSU) Təhsil Nazirliyinin “İxtisas seçimi” layihəsi çərçivəsində müəllim və valideynlərin, məktəblilərin iştirakı ilə “Açıq qapı” günləri keçirilib.Azərtac xəbər verir ki, tədbirdə BSU-nun rektoru Nurlana Əliyeva rəhbərlik etdiyi ali məktəbin tarixi və inkişaf mərhələlərindən danışıb. Rektor ixtisas seçimində gənclərə geniş şərait yaradıldığını bildirib. Qeyd olunub ki, “Açıq qapı” günləri çərçivəsində şagirdlər üçün seminarlar, açıq dərslər təşkil olunub, universitetin fəaliyyəti və tələbə həyatı ilə bağlı reklam çarxları nümayiş etdirilib.Sonda məktəblilər və onların valideynləri universitetlə tanış olublar.xeber100.com

Dövlət İmtahan Mərkəzi ödənişli xidmətlərin tariflərini təsdiq edib

Tarif (qiymət) Şurasının ötən gün keçirilən iclasında Dövlət İmtahan Mərkəzi (DİM) tərəfindən həyata keçirilən dövlət qulluğu ilə bağlı ödənişli xidmətlərin tarifləri təsdiq edilib.DİM-dən Azərtac-a bildirilib ki, dövlət qulluğu ilə bağlı ödənişli xidmətlərin tarifləri Nazirlər Kabinetinin 2017-ci il 10 mart tarixli qərarı ilə təsdiq edilmiş “Dövlət qulluğuna qəbul, dövlət qulluğunda fəaliyyətin davam etdirilməsi və dövlət qulluğu vəzifələrinin tutulması məqsədi ilə keçirilən test imtahanları üçün test nümunələrinin hazırlanması, ekspertizası, təsdiqi, test imtahanının təşkili, keçirilməsi, qiymətləndirmənin aparılması Qaydası”na əsasən təsnifatlaşdırılmış yeddi qrup üzrə 10-110 manat arasında müəyyənləşdirilib.xeber100.com

“Müəllimlər üçün vəsait” kitabının təqdimatı olub

Mayın 20-də Bakı Slavyan Universitetində (BSU) tədrisin rus dilində aparıldığı Azərbaycan məktəblərinin beşinci sinifləri üçün “Literatura” dərsliyinin, “Rus dili ölkəsində (V strane ruskoqo yazıka)” və “Müəllimlər üçün vəsait” kitablarının təqdimatı olub.BSU-dan Azərtac-a bildiriblər ki, tədbirdə “Literatura” dərsliyi və “Müəllimlər üçün vəsait” kitabları üzərində iş prosesi, nəşrlərin məziyyəti barədə məlumat verilib. Diqqətə çatdırılıb ki, dərslik və metodik vəsait hazırlanarkən yeni tələblər nəzərə alınıb..xeber100.com

Bakı Dövlət Universitetinin məlumatı

Mayın 24-də bütün slavyan dünyası Slavyan yazısı və mədəniyyəti gününü qeyd edir.Əvvəllər bu bayram slavyan xalqlarının ilk müəllimləri - Kiril və Mefodinin anma günü kimi məlum idi.Bakı Dövlət Universitetindən (BDU) Azərtac-a bildiriblər ki, bu ali məktəbin filologiya fakültəsinin rus dilçiliyi kafedrası BDU-nun Rus Mərkəzi ilə birgə Slavyan yazısı və mədəniyyəti gününə həsr edilmiş elmi seminar keçirib.Seminarda kafedra müdiri, professor Lalə Quliyeva diqqətə çatdırıb ki, slavyan xalqlarının çoxu bu bayramı yüzilliklər boyu qeyd edir. Bu bayram kiril əlifbasını yaratmış Kiril və Mefodi qardaşlarının adı ilə bağlıdır və onların sayəsində bütün slavyan xalqı məhz bu yazını əldə edib.Rus dilçiliyi kafedrasının dosenti Elvira Heydərova Kiril və Mefodinin xüsusi xidmətlərindən bəhs edib. Bildirib ki, hələ IX əsrdə onlar kilsə tərəfindən müqəddəs surətlər sırasına daxil ediliblər. Qardaşlar yaratdıqları əlifba ilə bərabər, dini kitabları yunan dilindən qədim slavyan dilinə tərcümə edib, slavyanlara yazı öyrədib və bununla da xristian dinini yayıblar.Seminarda filologiya fakültəsinin tələbələri mövzuya dair məruzələrlə çıxış ediblər.Məruzəçi tələbələrə fəxri fərmanlar verilib.xeber100.com