Bakı Dövlət Universitetinin məlumatı

Ufa Dövlət Neft Texniki Universitetinin (UDNTU) rektoru Ramil Baxtizinin rəhbərlik etdiyi nümayəndə heyəti Bakı Dövlət Universitetində (BDU) olub.BDU-dan Azərtac-a bildiriblər ki, görüşdə rektor Abel Məhərrəmov rəhbərlik etdiyi təhsil müəssisəsi barədə ətraflı məlumat verib, universitetin beynəlxalq əlaqələrindən danışıb.UDNTU-nun rektoru R.Baxtizin UDNTU-nun fəaliyyətindən bəhs edib, BDU ilə əməkdaşlığın səmərəli olacağına əminliyini vurğulayıb.Sonra müəllim-tələbə mübadiləsi, birgə magistr, doktorant hazırlığı, konfrans və simpoziumların keçirilməsi və s. kimi məsələlər müzakirə olunub.xeber100.com

Bakı Şəhəri üzrə Təhsil İdarəsinin məlumatı

Əvvəlki illərdə ümumi təhsil məktəblərində oxuyub tam orta təhsilini başa vura bilməyən şagirdlər üçün mayın 11-dən 13-dək eksternat imtahanları keçiriləcək.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, qeydiyyat və sənəd qəbulu aprelin 3-dən 21-dək BŞTİ-də aparılıb. Tam orta təhsil səviyyəsi üzrə eksternat imtahanlarında iştirak etmək üçün 412 ərizə qeydiyyata alınıb.Eksternat imtahanları 45 nömrəli tam orta məktəbdə keçiriləcək.İmtahana gələrkən “İmtahana buraxılış vərəqəsi”ni və şəxsiyyət vəsiqəsini təqdim etmək vacibdir.xeber100.com

Ödənişli Yay Təcrübəsi proqramına sənəd qəbulu başlanıb

SOCAR-ın Ödənişli Yay Təcrübəsi proqramına sənəd qəbulu başlanıb.Şirkətdən Azərtac-a bildirilib ki, Ödənişli Yay Təcrübəsinə Azərbaycanın və xarici ölkələrin ali təhsil müəssisələrinin bakalavr və magistratura pillələrinin müəyyən olunmuş ixtisasları üzrə təhsil alan tələbələr müraciət edə bilərlər.Son qeydiyyat tarixi bu il mayın 22-dir.xeber100.com

BANM-da yay imtahan sessiyası davam edir

Bakı Ali Neft Məktəbində (BANM) yay imtahan sessiyası davam edir. Neft-qaz mühəndisliyi və kimya mühəndisliyi ixtisaslarının bakalavrları Böyük Britaniyanın Heriot-Vatt Universitetinin tədris proqramları üzrə təhsil aldıqlarına görə onlar üçün imtahanlar həmin universitetlə paralel olaraq eyni günlərdə və saat fərqi nəzərə alınmaqla eyni saatda aparılır. Bu, elektron resurslar vasitəsilə iki ali təhsil müəssisəsinin tələbələri arasında imtahan suallarının cavablarının mübadiləsinin qarşısını almaq məqsədilə həyata keçirilir.Heriot-Vatt Universitetindən BANM-ə ezam edilmiş dörd müəllim - mühəndislik və təbiət elmləri fakültəsinin tədris və təlim üzrə meneceri Patrisiya Dankan, mühəndislik və təbiət elmləri fakültəsinin İnzibati işlər, tədris və təlim üzrə köməkçisi İren Foks, neft-qaz mühəndisliyi kafedrasının baş direktoru, professor Con Ford, mexanika, mühəndislik və təbiət elmləri fakültəsinin mexanika, proses və enerji mühəndisliyi kafedrasının professoru Qrem Vayt orada tərtib olunmuş suallar əsasında imtahanları təşkil edir, onların gedişinə nəzarət edirlər. Tələbələrin yazılı cavabları imtahandan sonra sürətli poçt xidməti vasitəsilə qiymətləndirilmə üçün Edinburqa, Heriot-Vatt Universitetinə göndərilir. İmtahan prosesinin bu cür təşkili nəticələrin şəffaf və obyektiv qiymətləndirilməsinə tam təminat yaradır.Qeyd edək ki, imtahanlar mayın 16-dək davam edəcək.xeber100.com

Dillər Universitetinin müvafiq qərarına əsasən…

Dillər Universitetinin (ADU) elmi şurasının müvafiq qərarına əsasən universitetdə jurnalistika kafedrası yaradılıb.ADU-dan Azərtac-a bildiriblər ki, kafedranın yaradılmasının məqsədi istər Azərbaycandilli, istərsə də müxtəlif xaricidilli kütləvi informasiya vasitələri üçün mütəxəssislərin hazırlanmasını təmin etməkdir.xeber100.com

I və IV ixtisas qrupları üzrə qəbul imtahanı keçirilib

Mayın 7-də Dövlət İmtahan Mərkəzi (DİM) 2017/2018-ci tədris ili üçün Azərbaycan Respublikasının ali təhsil müəssisələrinə I və IV ixtisas qrupları üzrə qəbul imtahanı keçirib.Respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində aparılan imtahan saat 11.00-da başlanıb və saat 14.00-da başa çatıb.İmtahana nəzarətçi-müəllimlər nəzarət ediblər.İmtahan başa çatdıqdan dərhal sonra müstəqil ekspertlər tərəfindən test suallarının ekspertizasına başlanılıb. İmtahanda istifadə olunmuş sualların düzgün cavabları DİM-in internet saytında və Facebook səhifəsində yerləşdiriləcək.Abituriyentlərin cavab kartlarının emalı başa çatdıqdan sonra nəticələr və hər bir abituriyentin cavab kartının qrafik təsviri imtahandan 3-4 gün sonra DİM-in internet saytında yerləşdiriləcək.xeber100.com

Dövlət İmtahan Mərkəzinin məlumatı

Abituriyentlərin çoxlu müraciətləri və ali təhsil müəssisələrinin I-IV ixtisas qrupları üzrə qəbul imtahanlarının bu ildən etibarən iki dəfə keçirilməsini nəzərə alınaraq mayın 4-dən 22-dək qeyd edilən kateqoriyadan olan abituriyentlər üçün elektron ərizə qəbulu sistemi yenidən aktiv olacaq.Dövlət İmtahan Mərkəzindən (DİM) Azərtac-a bildiriblər ki, əvvəlcədən elan olunduğu kimi elektron ərizələrində ali təhsil müəssisələrinin I-IV ixtisas qrupları üzrə keçirilən qəbul imtahanlarının birincisində iştirak etmək istədiyini bildirən abituriyentlər ikinci imtahanda da iştirak etmək istədikləri halda göstərilən tarixlərdə qeydiyyatdan keçməlidirlər.Təsdiqlənmiş elektron ərizələrində ali təhsil müəssisələrinin I-IV, V ixtisas qruplarına və tam orta təhsil bazasında orta ixtisas təhsili müəssisələrinə (kolleclərə) aid üç bənddən birini və ya ikisini seçən abituriyentlərə digər bənd(lər)i də seçməyə icazə veriləcək.Martın 16–dan aprelin 11-dək elektron ərizə qəbulunda iştirak etməyən abituriyentlər isə (həm cari, həm də əvvəlki illərin məzunları) ərizələrini doldurub təsdiqləməklə (və ya DİM və onun regional bölmələrində yaradılacaq SQK-da təsdiqlətdirməklə) ali təhsil müəssisələrinin I-IV (yalnız ikinci imtahanda iştirak etmək şərtilə), V ixtisas qrupları və tam orta təhsil bazasında orta ixtisas təhsili müəssisələrinə (kolleclərə) ərizə təqdim edə biləcəklər.Birinci və ikinci kateqoriyaya aid olan abituriyentlər ikinci qəbul imtahanında iştirak etmək və ya elektron ərizələrinə əlavə qeydlər etmək üçün əvvəlki elektron ərizələrinə daxil olmalıdırlar.Ərizə qəbulunda iştirak etməyən abituriyentlər isə DİM-in saytında şəxsi kabinet yaratdıqdan sonra “Abituriyentin elektron ərizəsi” formasını doldurub təsdiqlətdirməlidirlər. Elektron ərizələrini Sənəd Qəbulu Komissiyalarında təsdiqlətdirməli olan abituriyentlər isə tələb olunan sənədlərlə birlikdə DİM və ya onun Regional Bölmələrinə müraciət etməlidirlər.xeber100.com

Daxili Təqaüd Proqramı üzrə test mərhələsi keçiriləcək

SOCAR-ın Daxili Təqaüd Proqramı üzrə test mərhələsi Dövlət İmtahan Mərkəzi (DİM) tərəfindən mayın 6-da keçiriləcək.Azərtac SOCAR-a istinadla xəbər verir ki, namizədlər test imtahanına yalnız şəxsiyyət vəsiqəsi və buraxılış vərəqəsi olanlar buraxılacaq. Göstərilən sənədlərdən biri olmadıqda və ya sənədlər arasında uyğunsuzluq olduqda, namizədlər imtahana buraxılmayacaq.xeber100.com

Vətəndaşlara göstərilən xidmətlərlə bağlı statistika açıqlanıb

Təhsil Nazirliyinin Telefon Məlumat Mərkəzinə daxil olan zənglərlə və Vətəndaşların Qəbulu Mərkəzində bu ilin aprel ayında vətəndaşlara göstərilən xidmətlərlə bağlı statistika açıqlanıb.Nazirlikdən Azərtac-a bildiriblər ki, qeyd olunan müddətdə həmin mərkəzlərə ümumilikdə 16 min 593 müraciət daxil olub.Statistikaya əsasən, Telefon Məlumat Mərkəzində 14 min 146 zəng qəbul edilib. Vətəndaşların Qəbulu Mərkəzində isə bu dövrdə 2 min 447 vətəndaşa xidmət göstərilib.Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll edilib. Vətəndaşların Qəbulu Mərkəzində 1129 sənəd (544 məktub, 368 ərizə, 217 digər sənəd) qəbul olunub və qeydiyyata alınıb.Müraciətlər daha çox ali təhsil sənədlərinin (diplomların) tanınması (nostrifikasiya), müəllimlərin diaqnostik qiymətləndirilməsi, ümumtəhsil məktəblərinin birinci siniflərinə qəbul, müəllimlərin işə qəbulu və yerdəyişməsi ilə bağlı olub.xeber100.com

Texniki Universitetin məlumatına görə…

Texniki Universiteti (AzTU) 1983-cü ildə bitirmiş vyetnamlı məzunlar yenidən doğma ali məktəbdə olublar.Universitetdən Azərtac-a bildirilib ki, bu ali təhsil müəssisəsinin rektoru vəzifəsini icra edən X.Yahudov qonaqlara müasir AzTU haqqında geniş məlumat verib.Daha sonra vyetnamlı məzunlar 34 il sonra doğma universitetlərini gəzib yaradılan yeni şəraitlə tanış olublar. Müxtəlif laboratoriyalara baxış keçirən məzunlar AzTU-nun təmirdən sonra da öz əsrarəngiz memarlığını qoruyub saxladığını, bununla yanaşı, universitetdə böyük maddi-texniki bazanın formalaşdığını vurğulayıblar.xeber100.com