Memarlıq və İnşaat Universitetinin məlumatı

Memarlıq və İnşaat Universitetində “Embawood” şirkətinin bu ali məktəbin memarlıq, inşaat, inşaat texnologiya fakültələri üçün nəzərdə tutulmuş taxta emalatxanasının açılışı olub.AzMİU-dan Azərtac-a bildiriblər ki, universitetin rektoru G.Məmmədova və şirkətin təsisçisi E.Abbasov emalatxana ilə tanış olublar. Rektor “Embawood” şirkətinin universitetdə emalatxana açmasını yüksək dəyərləndirib, şirkətin rəhbərliyinə təşəkkürünü bildirib. O deyib ki, yüksək potensiala malik kadrların yetişdirilməsi, gələcək mütəxəssislərin ixtisas biliklərinin artırılmasında bu emalatxana əvəzsiz rol oynayacaq.E.Abbasov universitetdə hazırlanan kadrlara ehtiyac olduğunu bildirib, onların mütəxəssis kimi yetişməsi üçün lazımi şəraitin yaradılmasının vacibliyini vurğulayıb.O deyib ki, peşəkar kadrların hazırlanması üçün onların istehsalatla əlaqələri qurulmalıdır. Bu gün açdığımız emalatxana tələbələrin mütəxəssis kimi yetişməsinə kömək edəcək. İstəyirik ki, AzMİU-da hazırlanan mütəxəssislər bacarıqlı, işgüzar olsunlar, iş prosesini yaxşı bilsinlər.Qeyd edək ki, AzMİU ilə “Embawood” şirkəti arasında 2015-ci ildə imzalanan memorandumla əməkdaşlığın təməli qoyulub. Memoranduma əsasən, bu əməkdaşlığın irimiqyaslı layihələrlə davam etdirilməsi nəzərdə tutulub. Universitetdə emalatxananın açılması həmin layihələrdən biridir.xeber100.com

Müəllimlər üçün seminar təşkil olunacaq

Milli Elmlər Akademiyasının Riyaziyyat və Mexanika İnstitutu “Elm və təhsilin inteqrasiyası” proqramı çərçivəsində orta məktəb şagirdləri üçün riyaziyyatdan elmi-populyar mühazirə və seminarları davam etdirir.Riyaziyyat və Mexanika İnstitutundan Azərtac-a bildiriblər ki, aprelin 27-də Gənc Riyaziyyatçılar Məktəbi institutda “Dirixle prinsipinin tətbiqləri: Çin qalıq teoremi; Ramsey ədədi” mövzusunda seminar keçirəcək, bu elm müəssisəsinin “Riyazi fizika tənlikləri” şöbəsinin aparıcı elmi işçisi Əbdürrəhim Quliyev mövzu ilə bağlı mühazirə oxuyacaq.Seminarda orta məktəb şagird və müəllimləri, digər maraq göstərənlər iştirak edə bilərlər.xeber100.com

Kadr hazırlığının təkmilləşdirilməsi məqsədilə…

Azərbaycanda qeyri-neft ixracının stimullaşdırılması və xarici ticarət üzrə kadr hazırlığının təkmilləşdirilməsi məqsədilə İqtisad Universitetində  tədbirlər planının hazırlanmasına başlanılıb.UNEC-dən Azərtac-a bildirilib ki, planda qeyri-neft məhsullarının ixracı istiqamətində fəaliyyətləri özündə cəmləşdirəcək mərkəzin yaradılması, beynəlxalq bazarların araşdırılması işinin təşkili məsələləri yer alıb. Sənəd universitetdə ixracyönümlü tədris planlarına yer ayrılmasını, ixracatçılara metodiki dəstəyin göstərilməsini, Magistratura Mərkəzində, UNEC Biznes Məktəbində, Beynəlxalq Magistratura və Doktorantura Mərkəzində mütəxəssislərin hazırlanmasını, yeni ixtisasların yaradılmasını nəzərdə tutur.xeber100.com

Təhsil Nazirliyinin məlumatına görə…

Aprelin 25-də növbəti diaqnostik qiymətləndirməyə başlanılıb.Təhsil Nazirliyindən Azərtac-a bildiriblər ki, diaqnostik qiymətləndirmədə Mingəçevir və Naftalan şəhər, Yevlax, Ağdaş, Goranboy, Göyçay, eləcə də bu rayonlardakı Kəlbəcər, Ağdam, Xocalı və Laçın rayonlarının dövlət ümumi təhsil müəssisələrində çalışan 12 minədək müəllim iştirak edəcək.Qiymətləndirməyə ilk peşə-ixtisas təhsili müəssisələrində ümumtəhsil fənlərini tədris edən müəllimlər də cəlb olunub.Bərdə Olimpiya İdman Kompleksində keçirilən qiymətləndirmə beş gün davam edəcək.Diaqnostik qiymətləndirmənin nəticələrinə əsasən müəllimlərin bilik və bacarıq səviyyələri müəyyənləşdiriləcək, onların dərs yükü norması və əməkhaqqı artırılmaqla maddi rifahı yaxşılaşdırılacaq. Həmçinin həmin müəllimlər inkişafyönümlü təlimlərə cəlb ediləcəklər.xeber100.com

Milli Elmlər Akademiyası müsabiqə elan edib

Milli Elmlər Akademiyası (AMEA) Rəyasət Heyətinin 2017-ci il 19 aprel tarixli 6/5 nömrəli qərarına əsasən “AMEA-nın professoru” elmi adını almaq üçün müsabiqə elan edilir. “AMEA-nın professoru” elmi adı AMEA-nın Rəyasət Heyəti tərəfindən AMEA-nın üzvü olmayan, elmi müəssisələrdə və ya ali məktəblərdə elmi və ya elmi-pedaqoji fəaliyyətlə məşğul olan, elmi ictimaiyyət tərəfindən qəbul olunan milli və beynəlxalq səviyyəli elmi nailiyyətlər əldə etmiş, yüksəkixtisaslı elmi kadrların hazırlanmasında, elm və təhsilin vəhdətinin möhkəmləndirilməsində, dövlətçiliyin qorunmasında və inkişafında, habelə AMEA-nın əsas vəzifə və funksiyalarının həyata keçirilməsində xüsusi xidmətlər göstərmiş yaşı 50-dək olan elmlər doktorlarına verilir.“AMEA-nın professoru” adına namizədlər elmi-tədqiqat və ali təhsil müəssisələrinin elmi şuraları tərəfindən gizli səsvermə yolu ilə irəli sürülür.xeber100.com

“İslam Həmrəyliyi İli” çərçivəsində keçirilən növbəti tədbirdə…

“Bakı-2017” IV İslam Həmrəyliyi Oyunlarının Azərbaycanda keçirilməsi islami dəyərlərin dünyada təbliğinə böyük töhfələr verəcək.Azərtac xəbər verir ki, bu fikri Azərbaycan Dövlət İqtisad Universitetində (UNEC) “İslam Həmrəyliyi İli” çərçivəsində keçirilən növbəti tədbirdə beynəlxalq münasibətlər fakültəsinin dekanı A.Quliyev deyib. O, 2017-ci ilin “İslam Həmrəyliyi İli” kimi elan edilməsinin əhəmiyyətindən danışıb.AMEA-nın Şərqşünaslıq İnstitutunun professoru Səməd Bayramzadə “Azərbaycanın İslam dünyasında yeri” mövzusunda mühazirə ilə çıxış edib. Məruzəçi “İslam Həmrəyliyi İli”nin Azərbaycanın bütün İslam dünyasında barışdıcı qüvvəyə çevrilməsi baxımından çox məntiqli bir addım olduğunu diqqətə çatdırıb. Ölkəmizin tolerantlıq mühitinin təşəkkül tapmasına, multikulturalizmin, mədəniyyətlərarası və sivilizasiyalararası dialoqun qurulmasına, İslam dəyərlərinin dünyada təbliğinə böyük töhfələr verdiyi bildirilib.Sonda S.Bayramzadə İslam tarixi ilə bağlı nəşr olunmuş kitabları beynəlxalq münasibətlər kafedrasına hədiyyə edib.xeber100.com

Dillər Universitetində səyyar sərgi təşkil olunub

Azərbaycan Dillər Universitetində (ADU) Cəfər Cabbarlının ev-muzeyinin təşkilatçılığı ilə səyyar sərgi təşkil olunub.ADU-dan azərtac-a bildiriblər ki, tədbirdə Cəfər Cabbarlının ev-muzeyinin direktoru, ədibin nəvəsi Qəmər Seyfəddinqızı, muzeyin əməkdaşları iştirak ediblər.Səyyar sərgidə C.Cabbarlının yaradıcılığını əks etdirən 10 stend və müəllifin müxtəlif illərdə çapdan çıxmış kitabları nümayiş olunub.Tələbələrə muzeyin yaranma tarixi, C.Cabbarlının zəngin yaradıcılığı, teatrlarda tamaşaya qoyulan əsərləri barədə geniş məlumat verilib.

Dövlət İmtahan Mərkəzinin məlumatı

Dövlət İmtahan Mərkəzi (DİM) və Avropa Şurası/Avropa İttifaqı Şərq Tərəfdaşlığı Proqram Əməkdaşlığı Çərçivəsində “Azərbaycanda korrupsiya ilə mübarizə və onun qarşısının alınması sahəsində bacarıqların artırılması” layihəsinin birgə təşkilatçılığı ilə, təlimçilər üçün “Dövlət qulluğunda xidməti fəaliyyətin qiymətləndirilməsi” mövzusunda təlim keçirilir.DİM-dən Azərtac-a bildiriblər ki, təlimin keçirilməsinin məqsədi iştirakçıların dövlət qulluqçularının xidməti fəaliyyətinin qiymətləndirilməsi sahəsində biliklərinin artırılması və müvafiq dövlət orqanlarında xidməti fəaliyyətin qiymətləndirilməsi ilə bağlı təlim keçəcək təlimçilərin hazırlanmasıdır.DİM-in hüquqi təminat və insan resursları şöbəsinin müdiri Vüqar Əsgərov Azərbaycanda dövlət qulluqçusunun xidməti fəaliyyətinin qiymətləndirilməsinin qanunvericilik əsası, xidməti fəaliyyətin qiymətləndirilməsinin məqsədləri, qiymətləndirmə sisteminin idarə edilməsi, qiymətləndirmənin təşkili, qiymətləndirmə prosesinin mərhələləri, qiymətləndirmə meyarları, dövlət qulluqçusunun xidməti fəaliyyətinin qiymətləndirilməsi sahəsində aparılmış maarifləndirmə işləri və keçirilən təlimin məqsədləri barədə danışıb.xeber100.com  

“Türk-müsəlman soyqırımı” mövzusunda konfrans keçirilib

Azərbaycan Universitetində “Türk-müsəlman soyqırımı çağdaş tədqiqatlarda” mövzusunda dördüncü beynəlxalq elmi-praktik konfrans keçirilib.Tədbir Azərbaycanın Dövlət himninin səsləndirilməsi ilə başlanıb, soyqırımı qurbanlarının xatirəsi birdəqiqəlik sükutla yad edilib.Universitetdən Azərbaycan-a bildirilib ki, bu ali məktəbin rektoru S.Əliyeva konfransın əhəmiyyətini vurğulayıb, tədbirin işinə uğurlar arzulayıb.Konfransda azərbaycanlı alim və tədqiqatçılar professor Anar İsgəndərovun “1918-ci il mart soyqrımının müasir dövrdə tədqiqi”, professor Firdovsiyyə Əhmədovanın “1915-ci il aprel həqiqətləri” mövzusunda məruzələri dinlənilib.xeber100.com    

Beynəlxalq elmi konfrans öz işinə başlayıb

Aprelin 20-də Bakı Dövlət Universitetində (BDU) “Fizikaya müasir baxış” mövzusunda beynəlxalq elmi konfrans öz işinə başlayıb.Azərtac xəbər verir ki, aprelin 22-dək davam edəcək konfrans Təhsil Nazirliyi, BDU, Rusiyanın Birləşmiş Nüvə Tədqiqatları İnstitutu, Avstriyanın STAR-NET – nüvə texnologiyaları sahəsində təhsil və mütəxəssislərin hazırlığı regional şəbəkəsi və İtaliyanın Roma Sapienza Universitetinin birgə təşkilatçılığı ilə keçirilir.Tədbirdə çıxış edən BDU-nun rektoru A.Məhərrəmov bildirib ki, respublika ali təhsil müəssisələri və elmi təşkilatlarının nümayəndələri ilə yanaşı, Rusiya, İtaliya, Yaponiya, Polşa, Türkiyə, Pakistan, İran, Braziliya, Gürcüstan və digər ölkələrin qabaqcıl universitetlərinin, elmi-tədqiqat institutları alimlərinin də iştirak etdikləri konfrans işini bölmə iclaslarında davam etdirəcək və maraqlı stend məruzələr təqdim olunacaq.Sonra konfrans işini “Nanotexnologiyalar və materialşünaslıq”, “Opto-nano elektronika”, “Nəzəri, riyazi və yüksək enerjilər fizikası”, “Bioloji və tibbi fizika”, “Kondensləşmiş mühitlər fizikası”, “Astrofizika” bölmələrində davam etdirib. İki gün ərzində konfransda 130-dək məruzə dinləniləcək.Konfransın Azərbaycan və rus dillərində olan məqalələri “Bakı Dövlət Universitetinin xəbərləri” və Bakı Mühəndislər Universitetinin elmi jurnallarında çap olunacaq.xeber100.com