Ali təhsil müəssisələrinə qəbul olunmaq istəyən abituriyentlərin diqqətinə…

Birinci və dördüncü ixtisas qrupları üzrə ali təhsil müəssisələrinə qəbul olunmaq istəyən abituriyentlərin imtahanlara daha səmərəli hazırlaşmalarına kömək məqsədilə mayın 27-də ilk sınaq imtahanı keçiriləcək.Dövlət İmtahan Mərkəzindən Azərtac-a bildirilib ki, imtahanlar bir növbə üzrə keçirilir və bütün binalarda saat 11-də başlanır.Mayın 27-də keçiriləcək sınaq imtahanına qeydiyyat mayın 23-də saat 10-dək aparılacaq.Sınaq imtahanlarında iştirak etmək istəyən şəxslər “ekabinet.dim.gov.az” saytındakı "Şəxsi kabinet"in "Sınaq imtahanı üçün ödəmə kartlarının alınması" bölməsinə daxil olaraq 'Sınaq imtahanı' ödəmə kartını əldə edib “eservices.dim.gov.az/sinaq” səhifəsində “yeni istifadəçi” kimi qeydiyyatdan keçməlidirlər.Qeydiyyatdan keçmiş istifadəçilər istədikləri vaxt yeni ödəmə kartı əldə edib hesablarının balansını artıra bilərlər. İstifadəçilər balanslarındakı vəsaitdən istifadə etməklə sınaq imtahanlarına istənilən şəxsləri yazdıra bilərlər.xeber100.com

Bakı Şəhəri üzrə Təhsil İdarəsinin məlumatına görə…

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində “Ən yaxşı dərs” layihəsinə başlanılıb.BŞTİ-dən Azərtac-a bildirilib ki, layihənin əsas məqsədi təhsildə uğurlu nəticələr əldə etmiş qabaqcıl, yüksək nailiyyətlər qazanmış müəllimlərin təcrübəsini digər həmkarları ilə bölüşməsini təmin etməkdir. Təcrübə mübadiləsi, bütün fənlərin tədris səviyyəsinin nümayiş etdirilməsi, dərsin planlaşdırılması, qiymətləndirilməsi və bu istiqamətdə müzakirələrin aparılması da layihənin əsas komponentlərindəndir.“Ən yaxşı dərs” layihəsi I-XI siniflərdə bütün fənlər üzrə təşkil olunur. Dinlənilən dərslər müəllimin müxtəlif innovativ üsul və vasitələrdən çevik və məqsədyönlü istifadəsi, dərsin bütün mərhələlərində şagirdlərin fəal iştirakının təmin edilməsi, müəllim tərəfindən motivasiya, tədris materialının şagirdin hazırlıq səviyyəsinə uyğunlaşdırılması, “Ən yaxşı dərs” üçün seçilmiş mövzunun proqrama uyğunluğu və bu kimi digər meyarlar üzrə qiymətləndirilir. Dərslər dinlənildikdən sonra təhlil və müzakirə edilir.Uğurlu nəticələr əldə etmiş məktəblərin və fənn müəllimlərinin qabaqcıl təcrübəsinin təbliği istiqamətində keçirilən “Ən yaxşı dərs” layihəsi bütün məktəblərdə eyni vaxtda başlanır.Layihə mayın 26-dək davam edəcək.xeber100.com

Növbəti elektron sınaq imtahanları keçiriləcək

Təhsil İnstitutunun Təhsil Texnologiyaları Mərkəzi (TİTTM) direktor və müəllim olmaq istəyənlər üçün növbəti elektron sınaq imtahanları keçirəcək. Belə ki, direktor vəzifəsini tutmaq istəyənlər üçün imtahan aprelin 22-də, müəllim olmaq istəyənlər üçün imtahan isə aprelin 23-də Nizami rayonundakı 220 nömrəli məktəbdə təşkil ediləcək.Mərkəzdən Azərtac-a bildiriblər ki, sınaq imtahanları kompüter vasitəsilə həyata keçiriləcək. Mərkəz elektron sınaq imtahanlarına olan böyük marağı nəzərə alaraq imtahanları hər həftə keçirməyi planlaşdırır. Gələcəkdə sınaq imtahanlarının regionlarda da təşkili nəzərdə tutulub.Elektron sınaq imtahanlarına qatılmaq istəyənlər TİTTM-yə müraciət edərək qeydiyyatdan keçməlidirlər.xeber100.com

Təhsil əlaqələri müzakirə olunub

Təhsil nazirinin müavini Firudin Qurbanovun rəhbərlik etdiyi nümayəndə heyəti Moskvada səfərdə olub.Nazirlikdən Azərtac-a bildiriblər ki, F.Qurbanovun Rusiya Federasiyasının təhsil və elm nazirinin müavini Pavel Zenkoviç ilə görüşündə təhsil sahəsində əməkdaşlıq məsələləri müzakirə edilib.Səfər çərçivəsində nümayəndə heyəti Beynəlxalq Təhsil Salonunu gəzib, təhsil sahəsində aparıcı texnologiyaların və təcrübələrin nümayiş etdirildiyi stendlərlə tanış olub. Burada F.Qurbanov UNESCO-nun Baş katibinin təhsil üzrə müavini Qian Tanq ilə işçi görüş keçirib. Azərbaycan Texnologiya Universiteti (ATU) ilə Rusiya Xalqlar Dostluğu Universitetinin (RXDU) birgə təşkil etdiyi stendə də baxış olub.Nümayəndə heyəti, həmçinin Azərbaycan diasporunun Rusiyadakı təmsilçiləri ilə görüşüb, ATU ilə RXDU-nun əməkdaşlığının əsas məqsədləri və bundan yaranan yeni imkanlar barədə məlumat verilib.xeber100.com

Dövlət İmtahan Mərkəzinin məlumatı

Dövlət İmtahan Mərkəzi (DİM) ümumi (9 illik) orta təhsil bazasında orta ixtisas təhsili müəssisələrinə (kolleclərə) qəbul olmaq istəyən əvvəlki illərin məzunları, o cümlədən eksternat qaydasında yekun qiymətləndirmədə (attestasiyada) iştirak edən və ya üzrlü səbəbdən 9-cu sinif buraxılış imtahanının birinci mərhələsində iştirak edə bilməyən şəxslər üçün imtahan keçirir.DİM-dən Azərtac-a bildirilib ki, imtahanlar Bakı, Sumqayıt, Naxçıvan, Gəncə, Şəki, Bərdə, Göyçay, Şirvan, Xaçmaz və Lənkəran şəhərlərində təşkil olunur.İmtahanlar bütün binalarda saat 13:00-da başlanır.xeber100.com

Elmi əməkdaşlığa dair memorandum imzalanıb

Bakıda keçirilən Qafqazşünasların Birinci Beynəlxalq Forumu çərçivəsində Azərbaycan Milli Elmlər Akademiyasının (AMEA) Qafqazşünaslıq İnstitutu ilə Rusiya Elmlər Akademiyasının Cənub Elm Mərkəzi arasında ikitərəfli elmi əməkdaşlığa dair niyyət memorandumu imzalanıb.Azərtac xəbər verir ki, sənədi Qafqazşünaslıq İnstitutunun direktoru, Milli Məclisin deputatı Musa Qasımlı və Cənub Elm Mərkəzinin sədri Gennadi Matişov imzalayıblar.Bundan başqa, AMEA-nın Qafqazşünaslıq İnstitutu ilə Yeni Türkiyə Strateji Araşdırmalar Mərkəzinin Tarix İnstitutu arasında əməkdaşlığa dair niyyət memorandumu imzalanıb.Sənədi Musa Qasımlı və Yeni Türkiyə Strateji Araşdırmalar Mərkəzinin Tarix İnstitutunun direktoru Kamal Çiçək imzalayıblar.xeber100.com

“Vergilər” mövzusunda 11-ci olimpiadanın ilkin seçmə mərhələsinə start verilib

Respublikanın paytaxt və regionlarını təmsil edən ali məktəblərin bakalavr və magistratura pilləsində təhsil alan tələbələr arasında “Vergilər” mövzusunda 11-ci olimpiadanın ilkin seçmə mərhələsinə start verilib.Vergilər Nazirliyinin Media və Kommunikasiya Mərkəzindən Azərtac-a bildirilib ki, ənənəvi olaraq hər il keçirilən olimpiadanın təşkilində əsas məqsəd ali təhsil müəssisələrində təhsil alan tələbələrin vergi sahəsində biliklərinin artırılması, bilik səviyyəsi yüksək olan tələbələrin müəyyən edilməsi, gələcəkdə vergi sahəsi üzrə mütəxəssislərin yetişdirilməsi üçün zəmin yaradılmasından ibarətdir.Vergilər nazirinin əmri ilə təsdiq edilmiş “Ali təhsil müəssisələrinin bakalavr və magistratura pillələrində təhsil alan tələbələr arasında “Vergilər” mövzusunda olimpiadanın təşkili və keçirilməsi Qaydaları”na əsasən, olimpiada seçmə və yekun olmaqla 2 mərhələdə keçirilir. Seçmə mərhələsi olimpiadada iştirakı nəzərdə tutulan hər bir ali təhsil müəssisəsinin özündə təşkil olunur. Ali təhsil müəssisələri öz tələbələri arasında nəzərdə tutulan mövzular əsasında Vergilər Nazirliyinin Tədris Mərkəzi tərəfindən hazırlanmış 50 test sualı üzrə 90 dəqiqəlik daxili imtahan keçirirlər. İmtahanların nəticələri barədə məlumat Vergilər Nazirliyinə təqdim edilir.Olimpiadanın ilk seçmə mərhələsi aprelin 16-da Bakı şəhərində Azərbaycan Dövlət İqtisad Universitetində və “Azərbaycan” Universitetində, regionlarda Naxçıvan Dövlət Universitetində, Gəncə Dövlət Universitetində və Mingəçevir Dövlət Universitetində, aprelin 17-də isə Lənkəran Dövlət Universitetində keçirilib.Olimpiadanın yekun mərhələsinin mayın 5-də Vergilər Nazirliyinin Tədris Mərkəzində keçirilməsi nəzərdə tutulur. Tədris Mərkəzi tərəfindən yekun mərhələ üçün bakalavrlara vergi qanunvericiliyi fənni üzrə 50, magistrlərə isə vergi qanunvericiliyi fənni üzrə 50, vergi inzibatçılığı fənni üzrə 25 sual olmaqla ümumilikdə 75 sualdan ibarət olan fərdi test bazası hazırlanıb.xeber100.com  

Təhsil Nazirliyinin məlumatı

Aprelin 16-da Ağdam, Füzuli, Bərdə, Tərtər, Beyləqan, Laçın, Kəlbəcər, Xocavənd və Cəbrayıl rayonlarının dövlət ümumi təhsil müəssisələrində çalışan müəllimlərin diaqnostik qiymətləndirilməsinə başlanılır.Təhsil Nazirliyindən Azərtac-a bildiriblər ki, qiymətləndirmə beş gün davam edəcək.On min nəfərdən çox müəllimin iştirak edəcəyi diaqnostik qiymətləndirmə Bərdə Olimpiya İdman Kompleksində keçiriləcək.Diaqnostik qiymətləndirmədə iştirak edəcək müəllimlər dq.edu.az saytına daxil olmaqla “Şəxsi səhifə” bölməsindən imtahanların keçiriləcəyi tarix və saat barədə məlumat əldə edə bilərlər. Eyni zamanda, həmin səhifə vasitəsilə məlumatların dürüstlüyünü yoxlamaq mümkündür. Uyğunsuzluq aşkarlandıqda yerli təhsili idarəetmə orqanlarına müraciət edilə bilər.Qeyd edək ki, cari ilin aprel-may aylarında ölkəmizin 26 şəhər və rayonunun dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi keçiriləcək.xeber100.com

Pedaqoji Universitetdə “açıq qapı” günü keçirilib

Aprelin 15-də Azərbaycan Dövlət Pedaqoji Universitetində (ADPU) ümumi təhsil məktəblərinin buraxılış sinif şagirdləri üçün “açıq qapı” günü keçirilib.Universitetdən Az'rtac-a bildiriblər ki, ADPU-nun rektoru, professor Cəfər Cəfərov “açıq qapı” günü buraxılış sinif şagirdlərini bu ali məktəb və onun fəaliyyəti ilə tanış etmək məqsədilə keçirilir.Rektor ADPU-nun tarixi və fəaliyyəti barədə məlumat verib. Qeyd edilib ki, ADPU yarandığı vaxtdan ölkəmizdə elm və təhsilin inkişafına böyük töhfələr verib, yüksəkixtisaslı pedaqoji və elmi-pedaqoji kadrların hazırlanmasında mühüm xidmətlər göstərib. Hazırda universitetdə səkkiz fakültə, 39 kafedra, magistratura və doktorantura şöbəsi, davamlı təhsil və təlim şöbəsi, həmçinin “SABAH” qrupları fəaliyyət göstərir.Tədbirdə fakültə və kafedralarda, həmçinin ADPU-nun nəzdindəki Azərbaycan Dövlət Pedaqoji Kollecində (ADPK) bu istiqamətdə görülmüş işlərə dair slayd təqdim edilib.xeber100.com

Bakı Şəhəri üzrə Təhsil İdarəsinin məlumatı

Bakı Şəhəri üzrə Təhsil İdarəsinin (BŞTİ) tabeliyində olan 60 ümumi təhsil məktəbində ingilis dilində “danışıq klubları” fəaliyyətə başlayıb.BŞTİ-dən Azərtac-a bildiriblər ki, ingilis dilində “danışıq klubları”nın yaradılmasının məqsədi müxtəlif yaş qruplarından olan şagirdlərin məktəbdə əldə etdikləri xarici dil biliklərini praktik danışıq məşğələləri vasitəsilə daha da möhkəmləndirməkdir. Həmçinin məktəblilərin ingilis dilində fikirlərini düzgün və səlis ifadə etmələrinə dəstək vermək, ünsiyyət vərdişlərini təkmilləşdirmək və xarici dildə ünsiyyət komplekslərini aradan qaldırmaqdır.İctimai əsaslarla məktəb daxilində fəaliyyət göstərən “danışıq klubları”nda I-XI sinif şagirdləri könüllü iştirak edirlər.Klubların səmərəli fəaliyyəti və ümumi təhsil məktəblərinə lazımi dəstəyin göstərilməsi üçün paytaxtdakı pilot məktəblərin ingilis dili müəllimləri “Ümumi təhsil məktəblərində ingilis dilində danışıq klublarının yaradılması” layihəsi çərçivəsində təlimlərə cəlb olunublar.xeber100.com