İqtisad Universitetinin məlumatına görə…

Azərbaycan Dövlət İqtisad Universitetində (UNEC) Polşanın Poznan İqtisad və Biznes Universitetinin professorlarının mühazirələrinə başlanılıb.Bu barədə Azərtac-a UNEC-dən məlumat verilib.Polşanın nüfuzlu universitetinin professorları Konrad Jan Sobanski, Mixal Kopçinski, Silvester Bialovas UNEC-in Beynəlxalq İqtisadiyyat Məktəbi və SABAH qruplarında dərs deyəcəklər. Onlar dünya iqtisadiyyatı, maliyyə və biznesin idarəedilməsi ixtisası üzrə təhsil alan tələbələrə fyuçers və opsion müqavilələri, valyuta törəmələri, valyuta bazarının konvensiya və əməliyyatları mövzusunda mühazirə oxuyacaqlar.Erasmus+ mübadilə proqramı çərçivəsində həyata keçirilən layihə bir həftə davam edəcək.Qeyd edək ki, mübadilə proqramı çərçivəsində martın 6-dan 11-dək UNEC-in iki müəllimi İnara Rzayeva və Sevər Məmmədova Poznan İqtisad və Biznes Universitetində mühazirə oxuyublar. Aprel ayında isə UNEC-in 4 professoru sözügedən universitetdə iqtisadiyyat və riyaziyyat fənlərini tədris etməyə dəvət ediliblər.xeber100.com

Dövlət İmtahan Mərkəzinin məlumatı

Dövlət İmtahan Mərkəzi (DİM) martın 18-də Bakıda (xüsusi məktəblər) və respublikanın 28 şəhər və rayonunda ümumtəhsil müəssisələrinin 9-cu sinif şagirdləri üçün buraxılış imtahanının birinci mərhələsini keçirəcək.DİM-dən Azərtac-a bildirilib ki, həmin gün ümumilikdə 35 min 12 şagirdin imtahan verəcəyi nəzərdə tutulur.İmtahanlarda iştirak edəcək şagirdlər “İmtahana buraxılış vərəqəsi”ni internet vasitəsilə martın 9-dan etibarən çap edib götürə bilirlər. Buraxılış vərəqəsi ilə yanaşı, onlara “Yaddaş kitabçası” da təqdim olunur. Burada şagirdlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar verilir.xeber100.com

2017-2018-ci tədris ili üçün elektron sistem vasitəsilə…

Martın 15-də 2017-2018-ci tədris ili üçün elektron sistem vasitəsilə Bakı şəhərinin ümumi təhsil məktəblərinin və Təhsil Nazirliyinin birbaşa tabeliyindəki lisey və gimnaziyalarının I sinfinə şagird qəbuluna start verilib.Bu barədə Azərtac-a Bakı Şəhəri üzrə Təhsil İdarəsindən (BŞTİ) məlumat verilib.“Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında” Azərbaycan Respublikası Prezidentinin 2011-ci il 23 may tarixli Fərmanının icrasını təmin etmək məqsədilə tətbiq olunan elektron sistem vasitəsilə I sinfə şagird qəbulu BŞTİ tərəfindən ərizələrin onlayn qeydiyyatı vasitəsilə həyata keçirilir.xeber100.com

Beynəlxalq elmi-texniki konfrans keçiriləcək

İyunun 29-30-da Bakıda Azərbaycan Milli Elmlər Akademiyasının (AMEA) təşkilatçılığı ilə “Neftkimya sintezi və mürəkkəb kondensləşmiş sistemlərdə kataliz” mövzusunda beynəlxalq elmi-texniki konfrans keçiriləcək. Qeyd edək ki, tədbir akademik Bahadur Zeynalovun 100 illik yubileyinə həsr olunub. Konfransın keçirilməsinin əsas məqsədi alimin neft kimyası elminin inkişafındakı rolunun işıqlandırılması, dünyada aparılan elmi tədqiqatların inteqrasiyası və müasir prioritetlərin müəyyənləşdirilməsidir.xeber100.com

2017-2018-ci dərs ili üçün mətbuat konfransı keçirilib

Martın 14-də Bakı Şəhəri üzrə Təhsil İdarəsində (BŞTİ) 2017-2018-ci dərs ili üçün BŞTİ-nin və Təhsil Nazirliyinin tabeliyindəki ümumi təhsil müəssisələrinin birinci sinfinə şagird qəbulu ilə bağlı mətbuat konfransı keçirilib.Azərtac xəbər verir ki, BŞTİ-nin ictimaiyyətlə əlaqələr sektorunun müdiri Bəşarət Məmmədov 2017-2018-ci tədris ili üçün Bakı şəhərində birinci sinfə şagird qəbulu ilə bağlı məlumat verib. Bildirilib ki, martın 15-dən növbəti dərs ili üçün birinci sinfə şagird qəbulunun elektron sistem vasitəsilə həyata keçirilməsinə başlanılacaq.xeber100.com

“Açıq qapı günü” keçiriləcək

Azərbaycan Dövlət Pedaqoji Universitetində Bakı şəhərinin ümumi təhsil məktəblərinin direktorları ilə görüş keçirilib.ADPU-dan Azərtac-a bildiriblər ki, görüşün keçirilməsinin məqsədi universitetdə təşkili nəzərdə tutulan “Açıq qapı günü”nün vaxtını, forma və məzmununu müəyyən etmək, eləcə də əməkdaşlıq əlaqələri ilə bağlı fikir mübadiləsi aparmaq olub.Görüşdə çıxış edənlər müəllimlərin bilik və peşəkarlıq səviyyəsinin yüksəldilməsi, informasiya-kommunikasiya texnologiyaları sahəsində bacarıqlarının artırılması, müasir tələblərə cavab verən yeni dərsliklərin yazılması, pedaqoji təcrübənin səmərəli təşkili, şagirdlərin elmi araşdırmalara cəlb edilməsi ilə bağlı fikir və təkliflərini bildiriblər.Sonda aprelin 15-də ADPU-da “Açıq qapı günü” keçirilməsi qərara alınıb.xeber100.com

Bakı Dövlət Universitetinin məlumatına görə…

Türkiyənin İstanbul Universitetinin rektoru Mahmut Ak, İstanbul Kəmərburqaz Universitetinin rektoruCağrı Erhan və Ege Universitetinin rektoru Hatice Beril Dədəoğlu Bakı Dövlət Universitetində (BDU) olublar.BDU-dan Azərtac-a bildiriblər ki, görüşdə rektor, akademik Abel Məhərrəmov rəhbərlik etdiyi ali məktəbin beynəlxalq əlaqələrindən, üzvü olduğu qurum və birliklərdəki fəaliyyətindən, o cümlədən Türkiyənin universitetləri ilə əməkdaşlığından danışıb.Təmsil etdikləri ali təhsil müəssisələrinin fəaliyyət istiqamətlərinə toxunan türkiyəli rektorlar BDU ilə əlaqələrin qurulmasında maraqlı olduqlarını bildiriblər.Görüşdə BDU ilə Türkiyənin İstanbul Universiteti, İstanbul Kəmərburqaz Universiteti və Ege Universiteti arasında əməkdaşlıq haqqında müqavilə imzalanıb. Müqavilədə birgə elmi tədqiqatların aparılması, konfrans, seminar və simpoziumların təşkili, müəllim, tələbə mübadiləsi və digər məsələlər nəzərdə tutulur.C.Erhan redaktoru olduğu “Qafqazın yüksələn ulduzu İlham Əliyev dönəmində Azərbaycan” kitabını BDU-ya hədiyyə edib.Qonaqlar BDU-nun elmi-tədqiqat və tədris laboratoriyaları, mərkəz və muzeyləri ilə tanış olublar.xeber100.com

Silikon Vadisinin sərmayədarları UNEC-də

ABŞ-ın Silikon Vadisindəki “Global Catalyst Partners” (GCP) şirkətinin sədri, vençur kapitalı sərmayədarı Kamran Elahianın rəhbərlik etdiyi nümayəndə heyəti Azərbaycan Dövlət İqtisad Universitetində (UNEC) olub.UNEC-dən Azərtac-a bildiriblər ki, görüşdə bu ali məktəbin rektoru, professor Ədalət Muradov universitetdə həyata keçirilən layihələr, beynəlxalq əməkdaşlıq imkanları barədə məlumat verib.İnnovasiyanın İKT-də tətbiqi sahəsində Azərbaycan Təhsil Nazirliyi ilə ortaq proqram əsasında ölkəmizə gəldiyini bildirən K.Elahian UNEC-də yaradılan İnnovativ Biznes İnkubatorunun (İBİ) fəaliyyətini müsbət dəyərləndirib. Görüşdə beynəlxalq ekspertlərin cəlbi, birgə tədbirlərin keçirilməsi, təcrübə mübadiləsinin aparılması, burada reallaşdırılan startap layihələrinə beynəlxalq çıxış əldə etməsi üçün kömək göstərilməsi, tələbələr üçün Silikon Vadisinə turların təşkili barədə müzakirələr aparılıb.xeber100.com

Təhsil Nazirliyinin məlumatı

Martın 11-də ölkənin bütün şəhər və rayonlarında respublika fənn olimpiadalarının yarımfinal turu keçirilib.Təhsil Nazirliyindən Azərtac-a bildiriblər ki, olimpiadanın yarımfinal turu ölkənin 12 müxtəlif bölgəsində - Naxçıvan MR, Bakı, Sumqayıt, Gəncə, Şəmkir, Lənkəran, Mingəçevir, Ucar, Xaçmaz, Şirvan, Şəki və İsmayıllıda keçirilib. Yarımfinal turunda rayon, şəhər mərhələsində 60 faiz və yuxarı nəticə göstərmiş altı minədək şagird iştirak edib.Respublika mərhələsinin yarımfinal turunda şagirdlərə hər fənn üzrə 25 sual təqdim edilib. Yarımfinal turunda 70 faiz və yuxarı nəticə göstərmiş, hər fənn üzrə ən yaxşı 60 şagird respublika fənn olimpiadasının final mərhələsində iştirak hüququ əldə edəcək.Respublika fənn olimpiadalarının final mərhələsinin apreldə keçirilməsi planlaşdırılır.Qeyd edək ki, respublika fənn olimpiadalarının birinci – rayon (şəhər) mərhələsi yanvarın 15-də keçirilib. Bilik yarışında 30 minədək şagird iştirak edib.xeber100.com

Bakı Dövlət Universitetinin məlumatı

Akademik Feyzulla Qasımzadənin “XIX əsr Azərbaycan ədəbiyyatı” dərsliyi yenidən nəşr olunub.Bakı Dövlət Universitetindən (BDU) Azərtac-a bildiriblər ki, 1974-cü ildə nəşr edilmiş və 40 ildən çox ali məktəb tələbələrinin, müəllimlərinin stolüstü kitabına çevrilmiş bu nadir dərslik BDU-nun Azərbaycan ədəbiyyatı tarixi kafedrasının professoru Yeganə İsmayılova tərəfindən təkmilləşdirilərək yenidən çap olunub.Dərslik ali məktəblərin filologiya fakültəsinin tələbələri üçün tərtib edilib. Əsər “Azərbaycan ədəbiyyatı tarixi” proqramına əsasən yazılıb.Dərslikdə aşağıdakı fəsillər əhatə olunub: XIX əsrin I yarısında (30-40-cı illər) Azərbaycan ədəbiyyatı; 50-60-cı illər Azərbaycan ədəbiyyatı; 1970-1990-cı illərdə Azərbaycan ədəbiyyatı və s.Nəşrdə A.Bakıxanov, M.Ş.Vazeh, Q.Zakir, Ə.Nəbati, M.F.Axundzadə, S.Ə.Şirvani, N.Vəzirov kimi görkəmli yazıçılar haqqında ayrı-ayrı oçerklər də verilib.xeber100.com