Fevralın 28-də Bakı Dövlət Universitetində “Qorqud atadan günümüzə aşıqlıq ənənəsi” mövzusunda simpozium başlayıb.Azərtac xəbər verir ki, simpoziumda Azərbaycanla yanaşı, Türkiyə, Qazaxıstan, Qırğızıstan və digər ölkələrdən alimlər, tədqiqatçılar və mədəniyyət nümayəndələri iştirak edirlər. Tədbirdə BDU-nun rektoru Abel Məhərrəmov bildirib ki, rəhbərlik etdiyi ali təhsil müəssisəsində hər zaman xalqımızın milli mənəvi dəyərləri, həmçinin qardaş türk xalqları ilə ortaq tariximiz və mədəniyyətimiz araşdırılır. Bu işlərin ən dəyərli nümunəsi olan “Kitabi-Dədə Qorqud” abidəsinin zəngin tarixini, onun mifologiyadan yazıya, eposdan kitaba çevrilmək qüdrətini tədqiq etmək baxımından alimlərimiz böyük işlər görüblər.Martın 1-dək davam edəcək simpoziumun bölmə iclaslarında aşıq sənəti və ənənələrinə, müxtəlif el sənətkarlarına həsr olunan mövzular ətrafında müzakirələr aparılacaq.xeber100.com
