Elmi-praktik seminar keçirilib

Azərbaycan Dövlət Mədəniyyət və İncəsənət Universitetində (ADMİU) “İncəsənət tarixi: XXI əsrdən baxış” silsiləsindən “Klassisizm: tarix və əhəmiyyəti” mövzusunda elmi-praktik seminar keçirilib.ADMİU-dan Azərtac-a bildiriblər ki, universitetin rektoru Fərəh Əliyeva bu tədbirin tələbələrin elmi potensialının inkişafında əhəmiyyətini vurğulayıb.Tədbirdə universitetin tələbələrinin “Klassisizm dövrünün ümumi səciyyəsi”, “Y.Haydn musiqi klassisizmin banisi kimi”, “V.A.Mosartın yaradıcılığı klassisizm dövrünün təzahürü kimi”, “Bethovenin yaradıcılığında patetik modusunun təzahürünə dair” və “Klassisizm və teatr” mövzularında mühazirələri dinlənilib.Sonda ADMİU-nun musiqi sənəti fakültəsinin tələbələri dünya klassiklərinin əsərlərini ifa ediblər.xeber100.com

Müəllim və valideynlərin növbəti səyyar qəbulu keçirilib

Bakıdakı 308 nömrəli tam orta məktəbdə Yasamal, Səbail və Qaradağ rayonları üzrə müəllim və valideynlərin növbəti səyyar qəbulu keçirilib.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, qəbula gələn vətəndaşlar təhsil müəssisələrinin təmiri, əlavə korpusların tikilməsi, dərs saatlarının artırılması və digər müvafiq məsələlərlə bağlı müraciət ediblər.Bütün müraciətlər qeydiyyata alınıb. Bir sıra müraciətlər yerindəcə həllini tapıb, digər məsələlərin həlli ilə bağlı müvafiq tədbirlərin icrasına başlanılıb.Səyyar qəbulda BŞTİ-nin rəhbərliyi və struktur bölmə əməkdaşları iştirak ediblər. Səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə daha sağlam və yaradıcı mühitin təmin olunması üçün sistemli iş aparılması məqsədlərinə xidmət edir.xeber100.com

Daxili Təqaüd Proqramına sənəd qəbulu başlayıb

SOCAR-ın Daxili Təqaüd Proqramına sənəd qəbulu başlayıb.Azərtac SOCAR-a istinadla xəbər verir ki, müsabiqə 2016-2017-ci tədris ili üzrə Bakı Ali Neft Məktəbi istisna olmaqla, Azərbaycandakı ali təhsil müəssisələrinin bakalavr pilləsinin əyani şöbəsinin 2-ci, 3-cü və 4-cü kurslarında, magistratura pilləsinin isə əyani və ya qiyabi şöbələrinin müvafiq ixtisaslarında təhsil alan tələbələri arasında keçirilir. Proqrama müraciət etmək istəyən tələbələr şərtlər (scr.az/shert) və suallar (scr.az/suallar) bölməsi ilə tanış olduqdan sonra ərizə-anket (scr.az/erize-anket) formasını dolduraraq qeydiyyatdan keçməlidirlər. Qeydiyyat üçün son tarix martın 7-sidir.Qeyd edək ki, 2005-ci ildən hər il keçirilən bu proqram ölkənin insan kapitalını gücləndirmək və gənc nəslin səriştəsini artırmaqla Azərbaycanın davamlı inkişafına töhfə verir. On iki il ərzində 2 minə yaxın gənc SOCAR təqaüdünü qazanıb. SOCAR təqaüdü hazırda illik 1000 AZN təşkil edir. Təqaüd qaliblərinin müsabiqədənkənar işə qəbul olunmaq, mənzil almaq və digər sosial güzəştlər imkanı əldə edirlər.xeber100.com

Bakı Şəhəri üzrə Təhsil İdarəsinin məlumatı

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərində “Ekoloji aylıqlar” layihəsi çərçivəsində tədbirlər davam edir.BŞTİ-dən Azərtac-a bildiriblər ki, fevralda ümumi təhsil məktəblərində keçirilən tədbirlər “Ekoloji mədəniyyət və incəsənət, Azərbaycanın ekoloji tarixi və etnoqrafiyası” mövzusuna həsr olunub. Əsas məqsəd şagirdləri Azərbaycanın ekoloji tarixi, mədəniyyəti, incəsənəti barədə maarifləndirmək və onların diqqətini maddi mədəniyyət abidələrinin qorunmasına və mühafizə edilməsinə yönəltməkdir.xeber100.com

Dillər Universitetində Əsasnamə qəbul olunub

Azərbaycan Dillər Universitetində (ADU) məsləhətçi-professor vəzifəsi təsis edilib.Universitetin Elmi Şurasının 2017-ci il 17 fevral tarixli iclasında “Azərbaycan Dillər Universitetində məsləhətçi-professor vəzifəsi haqqında” Əsasnamə qəbul olunub. Əsasnamə yüksəkixtisaslı kadrların, professorların (dosentlərin) təcrübəsindən ADU-nun elmi-tədris prosesində istifadə etmək, varisliyi qorumaq və təhsil ocağında keyfiyyətli elmi-pedaqoji kadrlar hazırlamaq məqsədilə hazırlanıb.Bu barədə Azərtac-a ADU-dan məlumat verilib.Məlumatda bildirilir ki, məsləhətçi-professor ADU-da əsasən magistr, dissertant və doktorantlara elmi məsləhətlər verəcək, dərslik, dərs vəsaitləri və digər tədris-metodiki materialların hazırlanması işlərinə cəlb olunacaq.xeber100.com

Muğam Mərkəzində konsert keçiriləcək

Fevralın 28-də Beynəlxalq Muğam Mərkəzində “Od çərşənbəsi” adlı konsert keçiriləcək.Azərtac xəbər verir ki, konsert proqramı respublika İncəsənət Gimnaziyası ilə birlikdə hazırlanıb. Konsertdə milli rəqslər və Azərbaycan bəstəkarlarının əsərləri səslənəcək.xeber100.com

Təhsil Nazirliyinin məlumatına əsasən…

Təhsil Nazirliyində UNICEF-in nümayəndə heyəti ilə görüş olub.Nazirlikdən Azərtac-a bildiriblər ki, görüşdə təhsil nazirinin müavini F.Qurbanov təhsil sahəsində aparılan islahatlardan, inklüziv təhsil sahəsində görülən işlərdən danışıb. Nazir müavini təhsilalanlar arasında sağlam həyat tərzinin təbliği, onlarda idman və bədən tərbiyəsinə marağın artırılması məqsədilə həyata keçirilən layihələr barədə məlumat verib, bu istiqamətdə UNICEF ilə Təhsil Nazirliyi arasında əməkdaşlığın əhəmiyyətini vurğulayıb.UNICEF-in beynəlxalq məsləhətçisi Kolin Hiqqs təhsil müəssisələrinin əlçatanlığı və inklüzivliyin qiymətləndirilməsi ilə bağlı görülən işlər barədə məlumat verib, əlilliyi olan, xüsusilə əlil arabalarından istifadə edən uşaqlar üçün məktəbə getməkdə fiziki maneələrin aradan qaldırılmasına dair fikirlərini bildirib.xeber100.com

Əməkdaşlıq haqqında memorandum imzalanıb

Azərbaycan Texniki Universiteti (AzTU) ilə ABŞ-ın Berkli Universiteti arasında əməkdaşlıq haqqında memorandum imzalanıb.AzTU-dan Azərtac-a bildiriblər ki, sənədi bu ali təhsil ocağının rektoru vəzifəsini icra edən Xalıq Yahudov və Berkli Universitetinin kansleri Nicolas Dick imzalayıblar. 2017-2022-ci illəri əhatə edən memorandum çərçivəsində AzTU-nun müəllimləri və tələbələri Berkli Universitetində elmi-tədqiqat işləri aparmaq və təhsil almaq imkanı əldə ediblər. Sənəddə, həmçinin universitetlərin təmsilçilərinin mədəni və elmi tədbirlərdə birgə iştirakı, geniş təcrübə mübadiləsi kimi məsələlər nəzərdə tutulub.xeber100.com

“Türk dünyasının öncülləri” adlı növbəti konfransda…

Beynəlxalq Türk Mədəniyyəti Təşkilatının (TÜRKSOY) ənənəvi “Türk dünyasının öncülləri” adlı növbəti konfransı böyük Azərbaycan şairi Məhəmməd Hüseyn Şəhriyarın vəfatının 110 illiyinə həsr olunub.Konfransda Azərbaycan Dövlət Pedaqoji Universitetinin professoru Elman Quliyevin Şəhriyarın həyat və yaradıcılığına həsr etdiyi məruzəsi dinlənilib.Sonra TÜRKSOY-un baş katibi, professor Düsen Kaseinov və başqalarının çıxışları olub.TÜRKSOY tərəfindən 2017-ci ilin “Molla Pənah Vaqif ili” elan olunduğunu diqqətə çatdıran D.Kaseinov Azərbaycan ədəbiyyatının inkişafında Şəhriyar yaradıcılığının yeri və rolunu yüksək qiymətləndirib. O bildirib ki, Şəhriyar görkəmli Azərbaycan ədibləri Mirzə Ələkbər Sabir, Molla Pənah Vaqif və digərlərinin əsərlərindən yetərincə bəhrələnərək öz poeziya yaradıcılığını zənginləşdirə bilmişdir.TÜRKSOY və Anadolu Universitetinin təşkilatçılığı ilə Şəhriyar yaradıcılığına həsr olunan daha bir anım mərasimi isə Türkiyənin Əskişəhər şəhərində keçirilib.xeber100.com

Terror qurbanlarının xatirəsinə həsr edilmiş barelyefin açılışı olub

Fevralın 18-də Azərbaycan Dövlət Neft və Sənaye Universitetində (ADNSU) 30 aprel terror qurbanlarının xatirəsinə həsr edilmiş barelyefin açılışı olub.ADNSU-dan Azərtac-a bildiriblər ki, açılış mərasimində universitetin rektoru, professor Mustafa Babanlı terror hadisəsinin bəşəri bəla olduğunu və onun qarşısının alınmasının zərurililiyini vurğulayıb. Rektor terror qurbanlarının xatirəsinin heç vaxt unudulmayacağını bildirib.Barelyefin hazırlanmasında əməyi olan, Azərbaycan Dövlət Rəssamlıq Akademiyasının rektoru Ömər Eldarov faciə qurbanlarının xatirəsinin əbədiləşdirilməsinin əhəmiyyətindən bəhs edib.Milli Məclisin deputatları Məlahət İbrahimqızı, Hüseynbala Mirələmov terror hadisəsinin ağır nəticələrindən danışıb, 30 aprel terror qurbanlarının xatirəsinin əbədiləşdirilməsinin təqdirəlayiq hal olduğunu vurgulayiblar.Mərasimdə çıxış edən, 30 aprel terror qurbanlarının doğmaları və yaxınları barelyefin hazırlanmasında əməyi olanlara minnətdarlıqlarını bildiriblər.xeber100.com