Təhsil Nazirliyinin məlumatına görə…

Yanvarın 10-da ötən illərdə diaqnostik qiymətləndirmədə müxtəlif səbəblərdən iştirak edə bilməyən və ya işə yeni qəbul olunan müəllimlərin qiymətləndirilməsinə başlanılıb.Təhsil Nazirliyindən Azərtac-a bildiriblər ki, Azərbaycan Memarlıq və İnşaat Universitetində keçirilən qiymətləndirmədə 2 min 300-dək müəllimin iştirakı nəzərdə tutulur.Qiymətləndirmədə Bakı, Sumqayıt, Şirvan şəhərlərinin, Abşeron, Hacıqabul, Sabirabad, Qubadlı rayonlarının, Təhsil Nazirliyinin tabeliyindəki ümumi təhsil müəssisələrinin və xüsusi internat məktəblərinin müəllimləri iştirak edirlər. Eyni zamanda, bu qiymətləndirməyə Şuşa rayonunun Bakı şəhərində fəaliyyət göstərən ümumi təhsil müəssisələrinin müəllimləri də qatılıblar.Diaqnostik qiymətləndirmə yanvarın 11-də davam edəcək.xeber100.com

İngilis dili kursları təşkil ediləcək

Bu tədris ilinin yaz semestrindən etibarən “ADA” Universiteti tərəfindən akademik və peşəkar məqsədlər üçün həyata keçirilən ingilis dili proqramı hamı üçün açıq olacaq.Universitetdən Azərtac-a bildiriblər ki, bu ali təhsil ocağı ictimaiyyətdən tez-tez aldığı sorğulara və xahişlərə cavab olaraq belə qərar qəbul edib.Proqramın direktoru Arzu Məmmdovanın sözlərinə görə, bu tipli təlim proqramı daha çox ingilis dilində ali təhsil almaq, beynəlxalq tədqiqatlar aparmaq və karyeralarında xarici dili geniş istifadə edən şəxslər üçün nəzərdə tutulub.Proqram bu ali təhsil ocağının öz bakalavr və magistr tələbələrinə tətbiq etdiyi bir proqramdır. Universitetə qəbul olunan tələbələr ingilis dilini bir il ərzində onlara ali təhsil almaq imkanı verə biləcək səviyyəyədək inkişaf etdirə bilirlər.Proqrama yaşı 15 və daha yuxarı olan tələbələr sənəd verə bilərlər. Kursları müvəffəqiyyətlə bitirənlərə “ADA” Universitetinin sertifikatı təqdim edilir.xeber100.com

Təhsil Nazirliyinin məlumatına görə…

Ötən illərdə diaqnostik qiymətləndirmədə müxtəlif səbəblərdən iştirak edə bilməyən və ya işə yeni qəbul edilən müəllimlər üçün imtahan keçirilir.Təhsil Nazirliyindən Azərtac-a bildiriblər ki, Azərbaycan Memarlıq və İnşaat Universitetinin idman zalında təşkil olunan imtahanda Bakı, Sumqayıt, Şirvan şəhərlərinin, Abşeron, Hacıqabul, Sabirabad, Qubadlı rayonlarının, nazirliyin tabeliyindəki ümumi təhsil müəssisələrinin və xüsusi internat məktəblərinin müəllimləri iştirak edirlər. Eyni zamanda, Şuşa rayonunun Bakı şəhərindəki ümumi təhsil müəssisələrində çalışan müəllimlər də bu imtahana qatılıblar.İmtahan yanvarın 11-də davam edəcək.xeber100.com

“Məktəb psixoloqlarının peşəkar inkişafı” layihəsinə başlanılıb

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərində “Məktəb psixoloqlarının peşəkar inkişafı” layihəsinə başlanılıb.BŞTİ-dən Azərtac-a bildiriblər ki, ilk təlim Binəqədi, Nəsimi və Nərimanov rayonları üzrə ümumi təhsil məktəblərinin bir qrup psixoloqlarının iştirakı ilə 8 nömrəli tam orta məktəbdə keçirilib. Təlimlərin fevraladək davam etdirilməsi nəzərdə tutulub.Layihənin məqsədi məktəb psixoloqlarının peşə bacarıqlarını inkişaf etdirmək, onları vəzifə və hüquq öhdəlikləri ilə bağlı maarifləndirmək, uşaqlarla həyata keçirdikləri psixoloji işlərin keyfiyyətini yüksəltmək və ailə-məktəb əməkdaşlığını intensivləşdirməkdir.Layihə çərçivəsində əvvəlcə ümumi təhsil məktəblərinə “Ehtiyacların müəyyən edilməsi” adlı sorğu göndərilib.xeber100.com  

2016-2017-ci tədris ilinin monitorinqi aparılıb

Yanvarın 9-da Azərbaycan Dövlət Pedaqoji Universitetində (ADPU) 2016-2017-ci tədris ilinin payız semestri imtahan sessiyasının monitorinqi aparılıb.Azərtac xəbər verir ki, ADPU-nun rektoru Cəfər Cəfərov təhsil naziri Mikayıl Cabbarovun ötən il dekabrın 26-da “İmtahan sessiyasının təşkili və keçirilməsi barədə” müvafiq əmr imzaladığını diqqətə çatdırıb, universitetdə imtahanların təşkili barədə məlumat verib.Rektor bildirib ki, imtahan sessiyasının Təhsil Nazirliyinin normativ-hüquqi aktlarına uyğun şəffaf, obyektiv və müvəffəqiyyətlə keçirilməsi məqsədilə apelyasiya komissiyası, həmçinin fakültələr, magistratura və doktorantura şöbəsi üzrə münaqişə komissiyaları, imtahan qərargahı yaradılıb. Cari tədris ilində ADPU-ya qəbul olunmuş birinci kurs tələbələrinin və arzu edən digər kurs tələbələrinin kollokvium və semestr imtahanları yazılı qaydada aparılır.xeber100.com

Təhsil nazirliyinin məlumatına görə…

Təhsil naziri Mikayıl Cabbarov yanvarın 16-da saat 11.00-da Şirvan şəhərindəki Mədəniyyət Mərkəzində mərkəzi icra hakimiyyəti orqanları rəhbərlərinin 2017-ci ilin yanvar ayında şəhər və rayonlarda vətəndaşların qəbulu cədvəlinə uyğun olaraq, Sabirabad, Saatlı, İmişli rayon və Şirvan şəhər sakinlərini qəbul edəcək.Qəbulda həmin rayonlarda və şəhərdə müvəqqəti məskunlaşmış məcburi köçkünlər də iştirak edə bilərlər.xeber100.com

“Sabahın alimləri” altıncı respublika müsabiqəsində…

Bu il keçiriləcək “Sabahın alimləri” altıncı respublika müsabiqəsində Bakı Dövlət Universitetinin nəzdində fəaliyyət göstərən “Gənc İstedadlar” liseyinin 25 şagirdi 15 layihə ilə iştirak edəcək.Liseyin direktoru, professor Qasım Hüseynov Azərtac-a bildirib ki, rəhbərlik etdiyi təhsil müəssisəsində bu müsabiqəyə geniş hazırlıq işləri aparılır. Liseyin 57 şagirdi respublika fənn olimpiadasına qatılacaq.Təhsil ocağında ötən il qazanılan nailiyyətlərdən danışan direktor qeyd edib ki, liseydə 610 şagird təhsil alır. 2016-cı ildə təhsil müəssisəsini iki nəfər qızıl, dörd nəfər gümüş medalla bitirib. Əlli məzunun hamısı ali məktəblərə, o cümlədən səkkiz nəfər xarici ölkələrin nüfuzlu universitetlərinə qəbul olunub.xeber100.com

Müəllimlər üçün imtahan keçiriləcək

Yanvarın 10-11-də ötən illərdə diaqnostik qiymətləndirmədə müxtəlif səbəblərdən iştirak edə bilməyən və ya işə yeni qəbul olunan müəllimlər üçün imtahan keçiriləcək.Təhsil Nazirliyindən Azərtac-a bildiriblər ki, imtahanlar Azərbaycan Memarlıq və İnşaat Universitetinin idman zalında təşkil olunacaq.İmtahanlarda Bakı, Sumqayıt, Şirvan şəhərlərinin, Abşeron, Hacıqabul, Sabirabad, Qubadlı rayonlarının, Təhsil Nazirliyinin tabeliyindəki ümumi təhsil müəssisələrinin və xüsusi internat məktəblərinin müəllimləri iştirak edəcəklər. Eyni zamanda, Şuşa şəhərinin Bakıdakı ümumi təhsil müəssisələrində çalışan müəllimlər də bu imtahanlara qatılacaqlar.xeber100.com

2017/2018- ci tədris ili üzrə təqaüd proqramı elan edilib

Rusiya Federasiyası 2017/2018- ci tədris ili üzrə təqaüd proqramı elan edib.Təhsil Nazirliyindən Azərtac-a bildiriblər ki, təqaüdlə bağlı yanvarın 9-dək müraciət etmək olar.Müraciət üçün namizədlər russia.study portalı vasitəsilə qeydiyyatdan keçməli və müraciət formasını doldurmalıdırlar. Göstərilən tarixdən sonra qeydiyyatdan keçənlərin namizədlikləri nəzərə alınmır.xeber100.com

Təhsil Nazirliyinin məlumatına görə…

2016-cı ildə Təhsil Nazirliyinə vətəndaşlar tərəfindən 220 min 880 müraciət daxil olub.Nazirlikdən Azərtac-a bildiriblər ki, müraciətlərdən 195 min 573-ü Vətəndaşlarla iş bölməsi, 25 min 307-si (ərizə, teleqram) isə Dəftərxana sektoru tərəfindən qəbul olunub. Statistikaya əsasən, Telefon Məlumat Mərkəzi (“Qaynar xətt” xidməti, telefon: 146) ötən il 146 min 38 zəng qəbul edib. Vətəndaşların Qəbulu Mərkəzində isə həmin dövrdə 49 min 535 vətəndaşa xidmət göstərilib.Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll edilib. Daxil olan müraciətlər daha çox ali təhsil sənədlərinin (diplomların) tanınması (nostrifikasiya), müəllimlərin işə qəbulu, yerdəyişməsi və diaqnostik qiymətləndirilməsi, ümumi təhsil müəssisələrində şagirdlərin yerdəyişməsi və birinci sinfə qəbulu, təhsil haqqından azad olunma ilə bağlı məsələləri əhatə edib.xeber100.com