Təhsil müəssisələrində diaqnostik qiymətləndirilmə başlayıb

Dekabrın 15-də Salyan, Neftçala və Biləsuvar rayonlarının dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsinə başlanılıb.Təhsil Nazirliyindən Azərtac-a bildiriblər ki, Masallı Olimpiya İdman Kompleksində keçirilən diaqnostik qiymətləndirmədə 4.500-dək müəllim iştirak edir.Diaqnostik qiymətləndirmə dekabrın 16-dək davam edəcək.xeber100.com

“Praktik məsləhətlər üçün regional sessiya” mövzusunda seminar keçirilir

Dekabrın 15-də “ADA” Universitetində “Praktik məsləhətlər üçün regional sessiya” mövzusunda ikigünlük seminar öz işinə başlayıb.“ADA” Universitetinin prorektoru F.İsmayılov bildirib ki, tədbirin keçirilməsinin əsas məqsədi innovativ ekosistemin qurulmasına və yüksək texnologiyalar sahəsində sahibkarlığın inkişafına töhfə verməkdir.Təhsil nazirinin müavini C.Bayramov, İqtisad Universitetinin rektoru Ə.Muradov vurğulayıblar ki, seminarda iştirak edən ali təhsil müəssisələrinin müəllim və yuxarı kurs tələbələri innovativ sahibkarlıq fəaliyyəti üzrə lazımi bilik və bacarıqlar əldə edəcəklər. Həmçinin keçiriləcək intensiv təlimlər zamanı startap sahibkarlara biznes ideyalarının kommersiyalaşdırılması, potensial investorlara isə sərmayələri üçün perspektivli sahələri təyin etmələri məqsədilə təkliflər veriləcək.xeber100.com    

İqtisad Universitetində seminar keçiriləcək

Dekabrın 15-16-da “Praktik məsləhətlər üçün regional sessiya” mövzusunda seminar keçiriləcək.Təhsil Nazirliyindən Azərtac-a bildiriblər ki, seminar “ADA” Universiteti və Azərbaycan Dövlət İqtisad Universitetində keçiriləcək.Seminarda ali təhsil müəssisələrinin müəllim və yuxarı kurs tələbələri innovativ sahibkarlıq fəaliyyəti üzrə lazımi bilik və bacarıqlar əldə edəcəklər. Eyni zamanda, keçiriləcək intensiv təlimlər zamanı startap sahibkarlara biznes ideyalarının kommersiyalaşdırılması, potensial investorlara isə sərmayələri üçün perspektivli sahələri təyin etmələri məqsədilə təkliflər veriləcək.2008-ci ildən Rusiya Federasiyasında keçirilən bu seminarların ölkəmizdə ilk dəfə təşkili planlaşdırılır. Bu günədək keçirilmiş eyniadlı 160 tədbirdə 11 min nəfər iştirak edib. Seminarlarda innovativ sahibkarlıq fəaliyyəti üçün vacib olan bilik və praktik bacarıqlar əldə edilib.xeber100.com

Karyera imkanları müzakirə edilib

İqtisad Universiteti tələbələrinin Azərbaycan Türkiyə İş Adamları Birliyinin (ATİB) rəhbəri Camal Yangın ilə görüş olub.UNEC-dən Azərtac-a bildirilib ki, görüşdə C.Yangın biznes həyatının incəliklərini açıqlayıb. O, iş həyatında qarşıya çıxan çətinliklərin dəf edilməsində və məzunların ilk karyera addımlarını atmaqda faydalı olacaq məsləhət və tövsiyələr verib.Sonda tələbələrin sualları əsasında müxtəlif mövzularda diskussiyalar aparılıb.xeber100.com

Əməkdaşlıq müqaviləsi imzalanacaq

Bakı Ali Neft Məktəbinin (BANM) rektoru E.Qasımov Belarus Dövlət Rabitə Akademiyasının universitetəqədərki hazırlıq fakültəsinin dekanı Yuri Stepancukla görüşüb.BANM-dən Azərtac-a bildiriblər ki, görüşdə bu ali məktəbin rektoru E.Qasımov perspektivlər barədə qonağa məlumat verib. Görüşdə əlaqələrin qurulması və gələcək əməkdaşlığın inkişafı üçün müqavilə imzalanması barədə də tərəflər arasında razılıq əldə olunub.xeber100.com

Elmi-Texniki Konfrans öz işinə başlayıb

Dekabrın 8-də Neft və Sənaye Universitetində Azərbaycanın dövlət müstəqilliyinin 25 illiyinə həsr olunan, Tələbələrin 65-ci Elmi-Texniki Konfransı öz işinə başlayıb.Qeyd edək ki, konfransın təşkilinin əsas məqsədi bacarıqlı və savadlı tələbələri aşkara çıxarmaq və onların bacarıqlarının gələcək layihələrdə tətbiqinə nail olmaqdır.Konfransa 240 məruzə təqdim olunub. Konfrans dekabrın 13-də başa çatacaq.xeber100.com

“TOPs layihəsi – fiziki tərbiyə üzrə müasir təhsil texnologiyalarının yaradılması”…

Dekabrın 6-da Bədən Tərbiyəsi və İdman Akademiyasında (ADBTİA), Təhsil Nazirliyi və Böyük Britaniyanın “British Council” təşkilatı arasında 2016-2017-ci tədris ilində “TOPs layihəsi - fiziki tərbiyə üzrə müasir təhsil texnologiyalarının yaradılması” layihəsi üzrə əməkdaşlığa dair niyyət protokolunun imzalanma mərasimi keçirilib.Əvvəlcə ötən tədris ilini əhatə edən TOPs layihəsinin qiymətləndirilməsi hesabatına dair videotəqdimat olub.Azərtac xəbər verir ki, mərasimdə ADBTİA-nın rektoru Fuad Hacıyev rəhbərlik etdiyi ali məktəbin fəaliyyətindən, təhsilin inkişafı istiqamətində reallaşdırılan tədbirlərdən danışıb.Rektor, eyni zamanda, TOPs layihəsinin əhəmiyyətini diqqətə çatdırıb.xeber100.com

Bakı Dövlət Universitetinin məlumatı…

Gənclər Fondunun dəstəyi ilə “Odlar yurdu – Azərbaycan” layihəsi reallaşdırılıb.Bakı Dövlət Universitetindən Azərtac-a bildiriblər ki, layihənin məqsədi tələbə-gənclər arasında coğrafiya, mədəniyyət, tarix üzrə inşa yazı müsabiqəsinin keçirilməsi idi.Üç gün davam edən bilik yarışmasında tələbə gənclər müvafiq mövzular üzrə inşa yazılarını təşkilat komitəsinə təqdim ediblər.Layihənin sonunda tələbə gənclərə buklet və sertifikatlar verilib.xeber100.com

Təhsil İdarəsi səyyar qəbul keçirəcək

Dekabrın 9-da Bakı Şəhəri üzrə Təhsil İdarəsi (BŞTİ) tərəfindən Bakının Pirallahı, Xəzər və Sabunçu rayonları üzrə səyyar qəbul keçiriləcək.BŞTİ-dən Azərtac-a bildiriblər ki, Bakıdakı 311 nömrəli tam orta məktəbdə təşkil olunacaq səyyar  qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmini üçün sistemli iş aparılması məqsədlərinə xidmət edir.xeber100.com  

“Çinin XX əsr siyasi tarixi” mövzusunda elmi seminar keçirilib

Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu “Çinin XX əsr siyasi tarixi” mövzusunda elmi seminar keçirib.ADU-dan Azərtac-a bildirilib ki, seminarda Konfutsi İnstitutunun Azərbaycan tərəfdən direktoru, Rafiq Abbasov Çində siyasi sistemin formalaşması tarixindən bəhs edib, XX əsrdə Çin siyasi liderlərinin fəaliyyətinin elmi təhlilinin vacibliyini vurğulayıb. R.Abbasov, həmçinin xalq inqilabının lideri, Çin Kommunist Partiyası və Çin Xalq Respublikasının (ÇXR) banisi olan Mao Tszedunun ölkənin tarixindəki rolunun düzgün araşdırılmasının zəruriliyini qeyd edib.xeber100.com