Bölgələrdə vətəndaşların qəbulu davam edir

Dövlət İmtahan Mərkəzinin (DİM) Direktorlar Şurasının sədri Məleykə Abbaszadə sentyabrın 22-də Ağsu şəhərində vətəndaşları qəbul edəcək.DİM-dən Azərtac-a bildiriblər ki, saat 11:00-da Ağsu şəhərindəki Uşaq-Gənclər Bədii Yaradıcılıq Mərkəzində keçiriləcək qəbulda Ağsu, Göyçay, Ucar və Kürdəmir rayonlarının sakinləri iştirak edə bilərlər.xeber100.com

İşə qəbul üzrə müsabiqənin ikinci turu başa çatıb

Müəllimlərin işə qəbulu üzrə müsabiqənin ikinci turu başa çatıb.Təhsil Nazirliyindən Azərtaac-a bildiriblər ki, bu mərhələdə 933 nəfər müəllim olmaq hüququ qazanıb. Ümumtəhsil müəssisələrində işləyən 125 müəllim bu mərhələdə iş yerini dəyişib.Müsahibədən uğurla keçərək müəllim adını qazanan namizədlər sentyabrın 15-dək təyin olunduqları müəssisələrdə və ya yerli təhsili idarəetmə orqanlarında qeydiyyatdan keçməlidirlər. Namizədlərin nəticələri onların şəxsi səhifələrinə göndərilir.Qeyd edək ki, müsabiqənin birinci mərhələsi üzrə 4 min 454 nəfər müəllim adını qazanıb.Ötən və cari tədris ilində keçirilmiş müsabiqənin nəticələrinə əsasən, müvafiq keçid balını toplamış şəxslər barədə məlumatlar rayon (şəhər) təhsil şöbələrinin (idarələrinin) rəsmi saytında yerləşdirilib. Ümumtəhsil müəssisələrində boş qalan vakant yerlərə müddətli müqavilə əsasında işə qəbul zamanı bal ardıcıllığı nəzərə alınmaqla həmin məlumatlardan istifadə olunması nəzərdə tutulub.xeber100.com

Dövlət İmtahan Mərkəzinin məlumatına görə…

Bu gün tam (11 illik) orta və ümumi (9 illik) orta təhsil bazasında orta ixtisas təhsili müəssisələrinin (kolleclərin) boş qalan plan yerlərinə qəbul olunanların qeydiyyatı başa çatır.Dövlət İmtahan Mərkəzindən Azərtac-a bildiriblər ki, abituriyentlər saat 17.00-dək tələb olunan sənədləri təqdim etməklə qəbul olunduqları təhsil müəssisəsində qeydiyyatdan keçməlidirlər. Abituriyentlər tələb olunan sənədlərin siyahısını qəbul olunduqları təhsil müəssisəsindən öyrənə bilərlər.Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olunanlar siyahısından xaric ediləcək.xeber100.com

2017/2018-ci tədris ili üçün magistr qəbulu başa çatıb

Azərbaycan Dövlət İqtisad Universitetinin (UNEC) Beynəlxalq Magistratura və Doktorantura Mərkəzinə (BMDM) 2017/2018-ci tədris ili üçün magistr qəbulu başa çatıb.UNEC-dən Azərtac-a bildirilib ki, magistratura təhsilinin səmərəli və beynəlxalq standartlar səviyyəsində aparılması üçün yaradılan BMDM-də plan yerlərinin 99 faizinə magistr qəbulu həyata keçirilib. Qəbul olunan magistrlərin 95,6 faizi ilk turda UNEC-i seçib. Bu tədris ili üzrə Azərbaycanın ali təhsil müəssisələrinin magistratura pilləsinə keçirilən qəbul imtahanlarında ölkə üzrə ən yüksək bal toplayan ilk üçlük - Yaşar Nəsibov, Cavid Əliyev və Turqay Şirinbəyli BMDM-də magistr təhsili almağa qərar veriblər.Qeyd edək ki, BMDM-də tədris 11 ixtisas 39 ixtisaslaşma üzrə Azərbaycan, türk, rus və ingilis dillərində həyata keçirilir.xeber100.com

Təhsil Nazirliyinin məlumatına görə…

“Asan peşə” layihəsi üzrə boş qalan yerlərə əlavə ixtisas seçimlərinin nəticələri açıqlanıb.Təhsil Nazirliyindən Azərtac-a bildiriblər ki, bu mərhələdə 3033 nəfər ilk peşə-ixtisas təhsili müəssisələrinə qəbul olunub.İxtisas seçimindən müvəffəqiyyətlə keçən şəxslər - təhsil haqqında sənədin əsli, tibbi arayış, şəxsiyyət vəsiqəsi (surəti), 3x4 santimetr ölçüdə 4 ədəd fotoşəkil, hərbi mükəlləfiyyət barədə sənəd (hərbi mükəlləfiyyətlilər) sentyabrın 11-dən 13-dək qəbul olunduqları ilk peşə-ixtisas təhsili müəssisəsinə təqdim etməlidirlər.Qeyd edək ki, birinci mərhələdə 8651 nəfər ilk peşə-ixtisas təhsili müəssisələrinə qəbul olunub. İlk peşə-ixtisas təhsili müəssisələrinə ərizə qəbulu "ASAN xidmət” mərkəzlərinin və müvafiq təhsil müəssisələrinin sənəd qəbulu komissiyalarında ödənişsiz formada həyata keçirilib.Ötən tədris ilindən başlayaraq Təhsil Nazirliyi və “ASAN xidmət”in birgə həyata keçirdiyi “ASAN peşə” layihəsinin əsas məqsədi dövlət ilk peşə-ixtisas təhsili müəssisələrinə qəbulun rahatlığını və obyektivliyini təmin etməkdir.xeber100.com

III Beynəlxalq Türk Dünyası konfransı işə başlayıb

Sentyabrın 11-də Azərbaycan Dövlət Neft və Sənaye Universitetində (ADNSU) Kimya elmləri və texnologiyaları III Beynəlxalq Türk Dünyası konfransı işə başlayıb.Azərtac xəbər verir ki, tədbirdə Azərbaycan, Türkiyə, Rusiya, Qazaxıstan, Türkmənistan, Pakistan, Qırğızıstan və digər ölkələrdən olan alim və mütəxəssislər iştirak edirlər.Konfransda müxtəlif mövzularda məruzələr dinlənilib.xeber100.com

Bakı Dövlət Universitetinin məlumatı

Bakı Dövlət Universitetinin (BDU) nəzdində fəaliyyət göstərən “Gənc istedadlar” liseyində təhsilin inkişafı istiqamətində əhəmiyyətli tədbirlər reallaşdırılır, ürəkaçan nəticələr qazanılır.Universitetdən Azərtac-a bildiriblər ki, liseyi bu il bitirən 46 məzunun hamısı ali təhsil müəssisələrinə keçirilən qəbul imtahanlarında uğur qazanaraq universitetlərə qəbul olunublar.Məzunlardan 13-ü qəbul imtahanlarında 600-dən çox bal toplayıb.xeber100.com

Abituriyent kursları üzrə yekun hesabatı təqdim olunub

Sentyabrın 8-də Beynəlxalq Mətbuat Mərkəzində “Kaspi” Təhsil Şirkətinin 2016/2017-ci tədris ilinin abituriyent kursları üzrə yekun hesabatı təqdim olunub.Azərtac xəbər verir ki, “Kaspi” Təhsil Şirkətinin təsisçisi Sona Vəliyeva şirkətin inkişaf mərhələləri və fəaliyyəti barədə məlumat verib.Qeyd olunub ki, 2016/2017-ci tədris ilində şirkətin abituriyent hazırlıq kurslarını 324 nəfər bitirib. Onların 311-i builki qəbul imtahanlarında yüksək bal toplayaraq nüfuzlu ali məktəblərə qəbul olunublar. “Kaspi” liseyinin isə 21 məzununun hamısı ali məktəblərə daxil olub. “Kaspi”nin məzunlarından bir nəfər isə 700 bal toplayaraq ən yüksək nəticə göstərib.Tədbirdə “Kaspi” Təhsil Şirkətinin 10 illik fəaliyyəti ilə bağlı videoçarx nümayiş olunub.xeber100.com

Beynəlxalq elmi konfrans keçiriləcək

Sentyabrın 19-dan 21-dək Milli Elmlər Akademiyasının Dendrologiya İnstitutunda “İqlim dəyişkənliyinin flora biomüxtəlifliyinə təsiri” mövzusunda beynəlxalq elmi konfrans keçiriləcək.Dendrologiya İnstitutundan Azərtac-a bildiriblər ki, “Qlobal dəyişkənliyin biomüxtəlifliyə və bioloji ehtiyatlara təsiri”, “Ətraf mühitin çirkləndiricilərinin iqlim dəyişkənliyinə təsiri”, “Təbii və antropogen amillərin biomüxtəlifliyə təsiri”, “Biomüxtəlifliyin saxlanılma problemləri” və digər bölmələr üzrə keçiriləcək tədbirdə alim və mütəxəssislərin müxtəlif mövzularda məruzələri dinləniləcək, geniş müzakirələr aparılacaq.xeber100.com  

“Elektron Təhsil” müsabiqəsinə başlanılıb

Sentyabrın 6-da “Elektron Təhsil” Respublika müsabiqəsinə başlanılıb.Təhsil Nazirliyindən Azərtac-a bildiriblər ki, müsabiqənin əsas məqsədi tədris prosesində informasiya texnologiyalarına əsaslanan yeni tədris üsullarını təşviq etməkdir. Müsabiqə müəllim, şagird və tələbələr tərəfindən yaradılmış elektron tədris vəsaitlərini geniş istifadəçi auditoriyasına tanıtmağa, tədris prosesində İKT-dən və elektron resurslardan fəal istifadə imkanlarını genişləndirməyə şərait yaradır.Müsabiqə üç istiqamət olmaqla, altı nominasiya üzrə keçirilir.Müsabiqə qaliblərinə noutbuk, planşet, printer və digər mükafatlar təqdim olunacaq.xeber100.com