Dövlət İmtahan Mərkəzinin məlumatı

2017/2018-ci tədris ili üçün Azərbaycan Respublikasının tam (11 illik) orta təhsil bazasında orta ixtisas təhsili müəssisələrinin boş qalan plan yerlərinə ixtisas seçimi sentyabrın 6-sı saat 23:59-dək davam edəcək.Dövlət İmtahan Mərkəzindən Azərtac-a bildirilib ki, orta ixtisas təhsili müəssisələrinin 1412 boş qalan plan yeri müsabiqəyə çıxarılıb. Bu gün saat 9:30-a olan məlumata əsasən, 1508 abituriyent ixtisas seçərək ərizəsini təsdiq edib.Hər hansı bir təhsil müəssisəsinə qəbul olub qeydiyyatdan keçən şəxslər boş qalan plan yerlərinin ixtisas seçiminə buraxılmırlar.xeber100.com

“Universitetlərin strateji inkişafı” mövzusunda seminar keçirilir

Bakıda Təhsil İnstitutunun təşkilatçılığı ilə Avropa Komissiyasının TAIEX (Texniki Yardım və İnformasiya Mübadiləsi) proqramı çərçivəsində “Universitetlərin strateji inkişafı” mövzusunda təlim-seminar keçirilir. Azərtac xəbər verir ki, seminarda Təhsil Nazirliyinin, Təhsil İnstitutunun və yerli təhsili idarəetmə qurumlarının əməkdaşları, təhsil ekspertləri, ali təhsil müəssisələrinin nümayəndələri iştirak edirlər.Təhsil Nazirliyinin təhsilin inkişafı proqramları şöbəsinin müdiri və Təhsil İnstitutunun direktor vəzifəsini icra edən Emin Əmrullayev mövzunun əhəmiyyətindən danışıb.Qeyd olunub ki, seminarın məqsədi ali təhsil müəssisələrinin rəhbərlərinə və idarəçilərinə, həmçinin digər müvafiq təşkilatların nümayəndələrinə universitetlərin inkişafına dəstək ola biləcək bilik və bacarıqları aşılamaq, mövcud problemlərin həlli yollarını müəyyənləşdirməkdən ibarətdir.Təhsil ekspertləri Axim Albrext, Lukas Bişof (Almaniya), Maria de Lourdes Maxado-Taylor (Portuqaliya) ali təhsil müəssisələrinin strateji inkişafı barədə fikirlərini bildirib, təlim-seminarın səmərəli olacağına əminliklərini vurğulayıblar.Sonra mütəxəssislərin “Universitetin strategiyasının hazırlanması: qiymətləndirmə və planlaşdırma” və digər mövzularda təqdimatları dinlənilib, geniş müzakirələr aparılıb.Seminar sentyabrın 6-da başa çatacaq.TAIEX proqramının məqsədi təlimlər, seminarlar vasitəsilə Avropa İttifaqı ölkələrində mövcud olan bilik və təcrübəni digər ölkələrdəki dövlət qurumları ilə paylaşmaqdan ibarətdir.xeber100.com

Dövlət İmtahan Mərkəzinin məlumatı

2017/2018-ci tədris ili üçün Azərbaycan Respublikasının tam (11 illik) orta təhsil bazasında orta ixtisas təhsili müəssisələrinin boş qalan plan yerlərinə internet vasitəsilə sentyabrın 1-dən 6-dək ixtisas seçimi aparılacaq.DİM-dən Azərtac-a bildiriblər ki, ixtisas seçiminə tam (11 illik) orta təhsil bazasında orta ixtisas təhsili müəssisələrinə 2017-ci ildə ərizə təqdim etmiş və ümumi balı 30-dan, Azərbaycan (rus) dili və riyaziyyat fənlərinin hər biri üzrə minimal balı 8-dən az olmayan (xarici dil fənninə nisbi bal məhdudiyyəti tətbiq edilmir) abituriyentlər buraxılırlar.Orta ixtisas təhsili müəssisələrinin xüsusi qabiliyyət imtahanı tələb edən ixtisaslarını isə yalnız qabiliyyət imtahanlarından “məqbul” alan və test imtahanında topladıqları ümumi balı 25-dən olmayan abituriyentlər seçə bilərlər. Fənlər üzrə nisbi bal məhdudiyyəti tətbiq olunmur.Abituriyentlərə xüsusi qabiliyyət tələb edən ixtisaslarla yanaşı, digər ixtisasları da seçmək imkanı verilir.Qeyd edək ki, hər hansı bir təhsil müəssisəsinə qəbul olub qeydiyyatdan keçən şəxslər boş qalan plan yerlərinin ixtisas seçiminə buraxılmırlar.xeber100.com

“Elektron Təhsil” Respublika müsabiqəsinə başlanılacaq

Sentyabrın 6-da “Elektron Təhsil” Respublika müsabiqəsinə başlanılacaq.Təhsil Nazirliyindən Azərtac-a bildiriblər ki, müsabiqənin əsas məqsədi tədris prosesində informasiya texnologiyalarına əsaslanan yenilikçi tədris üsullarını təşviq etməkdir. Müsabiqə müəllim, şagird və tələbələr tərəfindən yaradılmış elektron tədris vəsaitlərini geniş istifadəçi auditoriyasına tanıtmağa, tədris prosesində İKT-dən və elektron resurslardan fəal istifadə imkanlarını genişləndirməyə şərait yaradır.Müsabiqə üç istiqamət olmaqla, altı nominasiya üzrə keçiriləcək. Müsabiqə ilə bağlı daha ətraflı məlumatı musabiqe.edu.az saytından almaq mümkündür.xeber100.com

Təhsil Nazirliyinin məlumatına görə…

“Asan peşə” layihəsi üzrə boş qalan yerlərə əlavə ixtisas seçiminə başlanılıb.Təhsil Nazirliyindən Azərtac-a bildiriblər ki, əlavə ixtisas seçimində iştirak üçün “ASAN xidmət” mərkəzlərinə və ilk peşə-ixtisas təhsili müəssisələrinə müraciət etmək mümkündür. Sentyabrın 7-dək davam edəcək bu prosesə birinci mərhələdə iştirak edənlərlə yanaşı, ilk peşə-ixtisas təhsili müəssisələrinə qəbul olunmaq istəyən digər şəxslər də qatıla bilərlər.İlk peşə-ixtisas təhsili müəssisələrinə ərizə qəbulu “ASAN xidmət” mərkəzlərinin və müvafiq təhsil müəssisələrinin sənəd qəbulu komissiyalarında ödənişsiz formada həyata keçirilir.Qeyd edək ki, avqustun 1-dən 22-dək keçirilən birinci mərhələdə 8 min 651 nəfər ilk peşə-ixtisas təhsili müəssisələrinə qəbul olunub.Bakı və Gəncə şəhərlərindəki dövlət ilk peşə-ixtisas təhsili müəssisələrinə həm dövlət hesabına, həm də ödənişli əsaslarla qəbul yalnız “ASAN xidmət” mərkəzlərində aparılır. Sumqayıt, Abşeron, Bərdə, Masallı, Sabirabad, Qəbələ şəhər və rayonlarındakı ilk peşə-ixtisas təhsili müəssisələrinə dövlət hesabına qəbul “ASAN xidmət” mərkəzlərində, ödənişli əsaslarla qəbul isə ilk peşə-ixtisas təhsili müəssisələri tərəfindən həyata keçirilir.Təhsil Nazirliyi və “ASAN xidmət”in birgə həyata keçirdiyi “ASAN peşə” layihəsinin əsas məqsədi dövlət ilk peşə-ixtisas təhsili müəssisələrinə qəbulun obyektivliyini təmin etməkdir.xeber100.com

“Tvinning” layihəsinin yekun konfransı keçirilib

Avqustun 29-da Təhsil Nazirliyinin və Avropa İttifaqının (Aİ) “Ali təhsil sisteminin Avropa ali təhsil məkanının tələblərinə daha da uyğunlaşdırılması məqsədilə Azərbaycan Respublikasının Təhsil Nazirliyinə dəstək göstərilməsi” üzrə “Tvinning” layihəsinin yekun konfransı keçirilib.Azərtac xəbər verir ki, tədbirin keçirilməsində məqsəd Aİ-nin vəsaiti hesabına icra olunan “Tvinning” layihəsinin nəticələrini, eləcə də Təhsil Nazirliyinin ali təhsilin və tədqiqatın keyfiyyətinin yüksəldilməsinə dair yeni planlarını ictimaiyyətin nəzərinə çatdırmaq olub.Layihənin əsas nailiyyətlərindən biri ali təhsilin keyfiyyətinin yüksəldilməsi sahəsində yeni akkreditasiya və keyfiyyətin qiymətləndirilməsi standartlarının hazırlanmasıdır. Layihə çərçivəsində Azərbaycanın üç pilot universitetində - Dövlət İqtisad Universiteti, Dövlət Pedaqoji Universiteti və Texniki Universitetdə keyfiyyət qiymətləndirmələri reallaşdırılıb və layihə çərçivəsində hazırlanmış standartlar sınaqdan keçirilib.Konfransda Aİ-nin Azərbaycandakı nümayəndəliyinin rəhbərinin müavini Jeroen Villems və Estoniyanın müvəqqəti işlər vəkili İnderek Kiverik çıxış edərək layihənin əhəmiyyətindən danışıblar.xeber100.com

Dövlət İmtahan Mərkəzinin məlumatına görə…

Dövlət İmtahan Mərkəzi (DİM) test tapşırıqlarının və digər yoxlama-ölçmə materiallarının hazırlanması işinə müqavilə əsasında mütəxəssis qəbulu elan edir.DİM-dən Azərtac-a bildiriblər ki, mütəxəssis (müqaviləçi) ali təhsil müəssisələrinin bakalavriat və müxtəlif ixtisas istiqamətləri üzrə magistratura səviyyəsinə qəbul imtahanlarında istifadə ediləcək test tapşırıqlarını və digər yoxlama-ölçmə materiallarını hazırlamaq üçün bir neçə funksiyanı yerinə yetirməlidir.Bura sifariş əsasında test tapşırıqlarını və digər yoxlama-ölçmə materiallarını tərtib etmək, ekspertizasını həyata keçirmək, Azərbaycan dilindən rus dilinə və əksinə tərcümə etmək, eləcə də test tapşırıqlarının və digər yoxlama-ölçmə materiallarının tərcüməsinin ekspertizasını həyata keçirmək daxildir.xeber100.com

2017-2018-ci tədris ili üzrə “ASAN peşə” layihəsi çərçivəsində

2017-2018-ci tədris ili üzrə “ASAN peşə” layihəsi çərçivəsində ilk peşə-ixtisas təhsili müəssisələrinə qəbul olan şəxslərin qeydiyyat vaxtı uzadılıb.Təhsil Nazirliyindən Azərtac-a bildiriblər ki, avqustun 1-dən 22-dək keçirilən birinci mərhələdə 8 min 651 nəfər ilk peşə-ixtisas təhsili müəssisələrinə qəbul olunub. İxtisas seçimində müvəffəqiyyət qazanan şəxslər avqustun 30-dək (şənbə və bazar günləri daxil olmaqla) təhsil haqqında sənədin əslini, tibbi arayışı, şəxsiyyət vəsiqəsinin surətini, 3x4 santimetr ölçüsündə dörd ədəd fotoşəkli, hərbi mükəlləfiyyət barədə sənədi (hərbi mükəlləfiyyətlilər) qəbul olunduqları ilk peşə-ixtisas təhsili müəssisələrinə təqdim etməlidirlər.“Asan peşə” layihəsi üzrə boş qalan yerlərə əlavə ixtisas seçiminə avqustun 30-dan start veriləcək.Qeyd edək ki, ilk peşə-ixtisas təhsili müəssisələrinə ərizə qəbulu "ASAN xidmət” mərkəzlərinin və müvafiq təhsil müəssisələrinin sənəd qəbulu komissiyalarında ödənişsiz formada həyata keçirilib. Sənəd qəbulunda 10 min 277 nəfər qeydiyyatdan keçib. Ötən tədris ilindən etibarən Təhsil Nazirliyinin və “ASAN xidmət”in birgə təşkilatçılığı ilə həyata keçirilən “ASAN peşə” layihəsinin əsas məqsədi dövlət ilk peşə-ixtisas təhsili müəssisələrinə qəbulun rahatlığını və obyektivliyini təmin etməkdir.xeber100.com

Təhsil Nazirliyinin məlumatı

Ümumi təhsil müəssisələrinə mərkəzləşdirilmiş qaydada aparılan müəllimlərin işə qəbulu üzrə müsabiqənin müsahibə mərhələsi avqustun 26-da başa çatacaq.Təhsil Nazirliyindən Azərtac-a bildiriblər ki, bu mərhələdə müəllimlərin psixoloji durumu, ümumi dünyagörüşü yoxlanılır.Müsahibə mərhələsinin keçirilmə yeri və tarixi barədə məlumatlar namizədlərin şəxsi səhifəsinə göndərilib.Müvafiq keçid balını toplayan, lakin topladığı bal seçdiyi vakant yeri tutmaq üçün kifayət etmədiyinə görə müsahibə mərhələsinə keçmək hüququ qazanmayan namizədlər sentyabrın əvvəllərində keçiriləcək növbəti yerləşdirmədə iştirak edə biləcəklər.Müəllimlərin işə qəbulu üzrə müsabiqə dörd mərhələdə (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) təşkil edilir.xeber100.com

Dövlət İmtahan Mərkəzinin müraciətinə əsasən…

Dövlət İmtahan Mərkəzi (DİM) artıq neçə ildir ki, ali təhsil müəssisələrinə yüksək balla qəbul olan gənclərin təcrübəsinin öyrənilməsi, yayılması, ictimaiyyətə tanıdılması məqsədilə bir sıra tədbirlər həyata keçirir. Belə ki, mərkəz informasiyanın ictimaiyyətə daha da əlçatan olması üçün abiturient.az saytında ayrıca bir bölməni 600 və daha yüksək bal toplayan gənclərə həsr edib.DİM-dən Azərtac-a bildiriblər ki, saytda yalnız anket doldurmuş və “Anket suallarına cavablarınızdan nümunələrin və şəklinizin abiturient.az saytında təqdim olunmasına razısınızmı?” sualına “bəli” cavabını qeyd etmiş gənclər haqqında məlumatlar veriləcək. Altı yüz və daha yüksək bal toplayan gənclər “İş nömrəsi” və “Şəxsi kabinet”in istifadəçi adından (FİN) istifadə etməklə abiturient.az saytında təqdim olunan anket-sorğu formasını doldura bilərlər.xeber100.com