Təhsil müəssisələrinin boş qalan plan yerlərinə qəbul başlanır

Dövlət İmtahan Mərkəzi (DİM) ümumi orta təhsil bazasında (9 illik) orta ixtisas təhsili müəssisələrinin boş qalan yerləri üzrə avqustun 23-dən 30‑dək internet vasitəsilə ixtisas seçimi elan edir.DİM-dən Azərtac-a bildiriblər ki, ixtisas seçiminə qəbul (buraxılış) imtahanında (hər iki mərhələ üzrə) ümumi balı 40-dan, Azərbaycan (rus) dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılırlar.İmtahan nəticələrinə görə, orta ixtisas təhsili müəssisələrinə qəbul olunan abituriyentlərin boş qalan yerlərə keçirilən müsabiqədə iştirak etmək hüququ yoxdur.Boş qalan ixtisasların siyahısı “Abituriyent” jurnalının xüsusi buraxılışında təqdim olunub.İxtisas kodlarının ardıcıllığını abituriyent özü müəyyənləşdirir. Müsabiqə zamanı həmin ardıcıllıq hüquqi əsas kimi nəzərə alınır və abituriyent müsabiqədən keçdiyi ixtisasların birincisinə yerləşdirilir.Elektron ərizəsini təsdiqləməyən abituriyentlər müsabiqəyə buraxılmayacaqlar.Xüsusi qabiliyyət tələb edən ixtisasları yalnız müvafiq komissiya tərəfindən keçirilən qabiliyyət imtahanlarından “məqbul” alan abituriyentlər seçə bilərlər. Abituriyentlər xüsusi qabiliyyət tələb edən ixtisaslarla yanaşı, digər ixtisasları da seçə bilərlər.xeber100.com

Təhsil Nazirliyinin məlumatına görə…

“Asan peşə” layihəsi üzrə ilk peşə-ixtisas təhsili müəssisələrinin boş qalan yerlərinə əlavə ixtisas seçiminə avqustun 28-də başlanılacaq.Təhsil Nazirliyindən Azərtac-a bildiriblər ki, ilk peşə-ixtisas təhsili müəssisələrinə ərizə qəbulu “ASAN xidmət” mərkəzlərinin və müvafiq təhsil müəssisələrinin sənəd qəbulu komissiyalarında ödənişsiz şəkildə həyata keçirilib. Ümumilikdə 10 min 277 nəfər qeydiyyatdan keçib.Ötən tədris ilindən etibarən Təhsil Nazirliyinin və “ASAN xidmət”in birgə təşkilatçılığı ilə həyata keçirilən “ASAN peşə” layihəsinin əsas məqsədi dövlət ilk peşə-ixtisas təhsili müəssisələrinə qəbulun rahatlığını və obyektivliyini təmin etməkdir.xeber100.com

Tələbə qəbulunun nəticələri haqqında statistik göstəricilər açıqlanıb

Dövlət İmtahan Mərkəzi (DİM) tam (11 illik) orta təhsil bazasında orta ixtisas təhsili müəssisələrinə tələbə qəbulunun nəticələri haqqında bəzi statistik göstəriciləri açıqlayıb.DİM-dən Azərtac-a bildiriblər ki, 2017/2018-ci tədris ili üçün orta ixtisas təhsili müəssisələrində 8 min 4 plan yerləri ayrılıb. Keçirilən müsabiqənin nəticələrinə əsasən 7 min 806 nəfər orta ixtisas təhsili müəssisələrinə qəbul olub. Qəbul planı ümumilikdə 97,51 faiz yerinə yetirilib. Xüsusi qabiliyyət tələb etməyən ixtisaslar üzrə plan yerləri 100 faiz dolub. Yalnız xüsusi qabiliyyət tələb edən ixtisaslar üzrə 199 yer (2.49 faiz) boş qalıb. Tələbə qəbulu aparılan 54 orta ixtisas təhsili müəssisəsinin 42-də qəbul planı 100 faiz yerinə yetirilib.Orta ixtisas təhsili müəssisələrinə qəbul olan abituriyentlər avqustun 22‑dən 31‑dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər (abituriyentlər tələb olunan sənədlərin siyahısını qəbul olduqları təhsil müəssisəsindən öyrənə bilərlər). Həmin müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri tədris müəssisəsinə göndərilməyəcək.xeber100.com

XI beynəlxalq konfrans – “AICT-2017” keçiriləcək

Sentyabrın 20-dən 22-dək Moskvada İKT-nin tətbiqi üzrə XI beynəlxalq konfrans – “AICT-2017” keçiriləcək.Azərtac ict.az saytına istinadla xəbər verir ki, konfrans Rusiya Elmlər Akademiyası (REA) V.A.Trapeznikov adına İdarəetmə Problemləri İnstitutu, “ADA” Universiteti, Moskva Fiziki-Texniki İnstitutu, Moskva Enerji İnstitutunun Milli Tədqiqat Universiteti, Rusiya Xalqlar Dostluğu Universiteti, Moskva Aviasiya İnstitutu, Rusiya Federasiyası hökuməti yanında Maliyyə Universiteti, REA-nın Neft və Qaz Problemləri İnstitutunun birgə təşkilatçılığı ilə reallaşacaq.“AICT-2017” konfransı çərçivəsində “Big Data”dan istifadə və onun idarə olunması, “Məlumatların əldə olunması (Data Mining) və informasiya mühəndisliyi”, “İKT proqramlarında ən yeni tendensiyalar”, “Tədqiqat, təhsil, humanitar və sosial elmlərdə İKT”, “Biznes, idarəetmə və iqtisadiyyatda İKT”, “Dövlət idarəçiliyində İKT”, “Tibb və səhiyyədə İKT” və s. mövzular üzrə bölmə iclasları keçiriləcək.Konfransın materialları “Scopus” və “Web of Science” beynəlxalq elmi bazalarına daxil ediləcək.Qeyd edək ki, müxtəlif illərdə keçirilmiş “AICT” beynəlxalq konfransları dünyanın 50-dən çox ölkəsi, o cümlədən Avstraliya, Azərbaycan, Əlcəzair, Banqladeş, Belarus, Çin, Finlandiya, Gürcüstan, Almaniya, Yunanıstan, Hindistan, İran, İtaliya, Yaponiya, Qazaxıstan, Koreya, Latviya, Malayziya, Pakistan, Filippin, Portuqaliya, Rumıniya, Rusiya, Slovakiya, Sudan, İspaniya, İsveç, Türkiyə, Ukrayna, Britaniya, ABŞ, Özbəkistan daxil olmaqla, yüzlərlə tədqiqatçının diqqətini cəlb edib.xeber100.com

Müəllimlərin işə qəbulu üzrə müsabiqənin sonuncu mərhələsi başlayıb

Avqustun 21-də ümumtəhsil müəssisələrinə müəllimlərin işə qəbulu üzrə mərkəzləşdirilmiş qaydada keçirilən müsabiqənin müsahibə mərhələsinə başlanılıb.Azərtac xəbər verir ki, avqustun 25-dək davam edəcək müsahibə mərhələsinin keçirilmə yeri və tarixi barədə məlumatlar namizədlərin şəxsi səhifəsinə göndərilib. Müsahibə mərhələsinə dəvət edilən namizədlərdən şəxsiyyət vəsiqəsini, ali və ya orta ixtisas təhsili haqqında diplomu və diploma əlavəni gətirmək tələb olunur.Müvafiq keçid balını toplayan, lakin topladığı bal seçdiyi vakant yeri tutmaq üçün kifayət etmədiyinə görə müsahibə mərhələsinə keçmək hüququ qazanmayan namizədlər sentyabrın əvvəllərində keçiriləcək növbəti yerləşdirmədə iştirak edə biləcəklər.Qeyd edək ki, müəllimlərin işə qəbulu üzrə müsabiqə 4 mərhələdə (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) təşkil edilir.xeber100.com

Dövlət İmtahan Mərkəzinin məlumatı

Ali təhsil müəssisələrinin boş qalan plan yerlərinə və tam orta (11 illik) təhsil bazasında kolleclərə qəbul olmaq istəyən abituriyentlərin ixtisas seçimi başa çatıb.Dövlət İmtahan Mərkəzindən Azərtac-a bildiriblər ki, ixtisas seçimi avqustun 15-dən 20-dək aparılıb. Bu il ali məktəblərə keçirilən yerləşdirmənin nəticəsində qəbulolma 85,37 faiz təşkil edib. Birinci mərhələnin nəticəsinə görə, 6 min 242 yer boş qalıb. Dövlət ali təhsil müəssisələrində vakant yerlərin sayı 3 min 663, özəl ali təhsil müəssisələrində isə 2 min 579-dur.xeber100.com

İqtisad Universitetinin məlumatına görə…

Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbinin mühasibat uçotu ixtisası İmtiyazlı Sertifikatlaşdırılmış Mühasiblər Assosiyasiyası (ACCA) tərəfindən tam akkreditasiya alıb. Bu barədə Azərtac-a UNEC-dən məlumat verilib.Mühasibat uçotu ixtisası fənlərinin, imtahan prosedurları və suallarının ən yüksək beynəlxalq tələblərə uyğun olması təsdiqlənərək tələbələrə ACCA imtahanlarından azadolmalar təqdim edilib. Belə ki, tələbələr müvafiq sənədləri təqdim etməklə ACCA kvalifikasiyalarını da əldə edəcəklər.Qeyd edək ki, ACCA-da 170 ölkədən 404 min tələbə və 140 min üzv qeydiyyatdadır.xeber100.com

Abituriyentlərin ixtisas seçimi başa çatacaq

Avqustun 20-də ali təhsil müəssisələrinin boş qalan plan yerlərinə və tam orta (11 illik) təhsil bazasında kolleclərə qəbul olmaq istəyən abituriyentlərin ixtisas seçimi başa çatacaq.Dövlət İmtahan Mərkəzindən (DİM) Azərtac-a bildiriblər ki, imtahanların nəticələrinə görə, ali təhsil müəssisələrinə qəbul olmuş abituriyentlərin boş qalan yerlərə və kolleclərə keçirilən müsabiqədə iştirak etmək hüquqları yoxdur. Elektron ixtisas seçimi ərizəsini təsdiqləməyən abituriyentlər müsabiqəyə buraxılmayacaqlar.Abituriyentlər elektron ixtisas seçimi ərizə formasında ali təhsil müəssisələrinin boş qalan yerləri olan ixtisasları ilə yanaşı, orta ixtisas təhsili müəssisələrinin ixtisaslarının da kodlarını göstərə bilərlər. Ali təhsil müəssisələrinin boş qalan (vakant) plan yerlərinin siyahısı “Abituriyent” jurnalının səkkizinci nömrəsində dərc olunub. Orta ixtisas məktəblərinin qəbul aparılan ixtisasları isə “Abituriyent” jurnalının beşinci nömrəsində yer alıb.xeber100.com

Təhsil Nazirliyinin məlumatı

Avqustun 21-dən ümumtəhsil müəssisələrinə müəllimlərin işə qəbulu üzrə mərkəzləşdirilmiş qaydada keçirilən müsabiqənin müsahibə mərhələsinə başlanılır.Təhsil Nazirliyindən Azərtac-a bildiriblər ki, Müsahibə mərhələsinin keçirilmə yeri və tarixi barədə məlumatlar namizədlərin şəxsi səhifəsinə göndərilib. Müsahibə mərhələsinə dəvət edilən namizədlərdən şəxsiyyət vəsiqəsini, ali və ya orta ixtisas təhsili haqqında diplomu və diploma əlavəni gətirmək tələb olunur.Müvafiq keçid balını toplayan, lakin topladığı bal seçdiyi vakant yeri tutmaq üçün kifayət etmədiyinə görə müsahibə mərhələsinə keçmək hüququ qazanmayan namizədlər sentyabrın əvvəllərində keçiriləcək növbəti yerləşdirmədə iştirak edə biləcəklər. Müsahibə mərhələsi avqustun 25-dək davam edəcək.Müəllimlərin işə qəbulu üzrə müsabiqə 4 mərhələdə (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) təşkil edilir.xeber100.com

Dillər Universitetində Polşa Mərkəzi yaradılacaq

Avqustun 17-də Azərbaycan Dillər Universitetinin rektoru Kamal Abdulla Polşa xarici işlər nazirinin müavini Yan Çeçiçakın başçılıq etdiyi nümayəndə heyəti ilə görüşüb.ADU-dan Azərtac-a bildiriblər ki, görüşdə çıxış edən rektor Azərbaycan-Polşa əlaqələrinin sağlam təməl üzərində qurulduğunu bildirib. K.Abdulla bu münasibətlərin gələcəkdə də ciddi və faydalı istiqamətdə inkişaf edəcəyinə ümidvar olduğunu bildirərək deyib.Polşa mədəniyyətinin, ədəbiyyatının, dilinin ADU-da təbliğ və tədris olunduğunu deyən rektor bildirib ki, qarşılıqlı faydalı əməkdaşlıq nəticəsində bu istiqamətdə daha böyük işlər görüləcək. Rektor Polşa universitetlərində də Azərbaycan dili, ədəbiyyatı, mədəniyyəti və tarixinin tədrisinin, bu məqsədlə yeni mərkəzlərin açılmasının vacibliyini vurğulayıb.ADU-da fəaliyyət göstərən mərkəzlər haqqında məlumat verən K.Abdulla universitetdə Polşa Mərkəzinin yaradılması təklifini irəli sürüb.Y.Çeçiçak ölkələrimiz arasında əlaqələrin yüksək səviyyədə inkişafı barədə rektorun səsləndirdiyi fikirlərlə həmrəy olduğunu deyib. O, ADU-da Polşa Mərkəzinin yaradılması ideyasını dəstəklədiyini və bu təşəbbüsün həyata keçirilməsi üçün lazımi addımların tez bir zamanda atılmasına çalışacağını vurğulayıb.xeber100.com