Dövlət İmtahan Mərkəzi abituriyentlərə müraciət edib

Dövlət İmtahan Mərkəzi (DİM) Azərbaycan Dövlət Dəniz Akademiyasının gəmi energetik qurğularının istismarı mühəndisliyi, dəniz naviqasiyası mühəndisliyi və elektrik mühəndisliyi ixtisasları üzrə müsabiqədə iştirak etmək istəyən abituriyentlərlə bağlı məlumat yayıb.DİM-dən Azərtac-a bildiriblər ki, müsabiqədə 2017/2018-ci tədris ilində ali təhsil müəssisələrinin I ixtisas qrupu üzrə keçirilən qəbul imtahanlarında tələb olunan şərtləri ödəyən abituriyentlər iştirak edə bilərlər. Həmin abituriyentlər iyulun 31-dən avqustun 3-dək Bakı şəhəri, Yasamal rayonu, Kazım Kazımzadə, ev 120 A (Gömrük Hospitalının yanı) ünvanında yerləşən “AXDG” QSC-nin 1 saylı poliklinikasında xüsusi tibbi və psixoloji müayinədən keçməlidirlər.Müayinədən uğurla keçən abituriyentlər üçün ixtisas seçimi avqustun 6-dan 10-dək davam edəcək.xeber100.com

Apellyasiya Komissiyası yaradılıb

Dövlət İmtahan Mərkəzi (DİM) yanğınla əlaqədar təxliyə olunan abituriyentlər üçün iyulun 27-də keçirilmiş yeni qəbul imtahanında istifadə edilmiş test tapşırıqlarının məzmunu ilə əlaqədar abituriyentlərin müraciətlərinə baxılması üçün Apellyasiya Komissiyası yaradıb.DİM-dən Azərtac-a bildirilib ki, Apellyasiya Komissiyası Bakı şəhəri, Abdulvahab Salamzadə küçəsi, 28 ünvanında (Bakı Asiya Universitetinin binasında) fəaliyyət göstərir.Abituriyentlər Apellyasiya Komissiyasına iyulun 28-də saat 10:00-dan 17:00-dək şəxsiyyəti təsdiq edən sənədin əslini təqdim etməklə şəxsən müraciət edə bilərlər.Apellyasiya Komissiyasının işi başa çatdıqdan sonra imtahanlarla bağlı heç bir müraciətə baxılmır.xeber100.com

Kooperasiya Universitetində keçirilən imtahanda…

Azərbaycan Kooperasiya Universitetində (AKU) keçirilən imtahanda iştirak edən və binadan kənarda baş vermiş yanğın hadisəsi ilə əlaqədar təxliyə olunan abituriyentlər üçün iyulun 27-də yenidən qəbul imtahanı keçirilir.Azərtac xəbər verir ki, imtahanda 800-dən artıq abituriyent iştirak edir.Xatırladaq ki, iyulun 22-də Dövlət İmtahan Mərkəzi (DİM) I və IV ixtisas qrupları üzrə ali təhsil müəssisələrinə qəbul imtahanı keçirib. İmtahan zamanı Bakının Nərimanov rayonundakı AKU-nun əsas binasından kənarda – idman zalında elektrik naqillərində yanğın baş verib. Yanğının imtahan keçirilən binaya keçmə ehtimalı olmasa da, tüstülənmə olub. Təhlükəsizliyin təmin edilməsi məqsədilə bütün imtahan iştirakçılarının imtahan binasından təxliyə olunması, habelə AKU-da keçirilən qəbul imtahanında iştirak edən abituriyentlərin yenidən imtahan verməsi barədə qərar qəbul edilib.xeber100.com

2017-2018-ci tədris ili üçün qəbul imtahanı keçirilib

İyulun 27-də Azərbaycan Dövlət Neft və Sənaye Universitetinin (ADNSU) nəzdində fəaliyyət göstərən Fransa-Azərbaycan Universitetinə (UFAZ) 2017-2018-ci tədris ili üçün qəbul imtahanı keçirilib.Dövlət İmtahan Mərkəzinin mərkəzləşdirilmiş qəbul imtahanında birinci qrup üzrə 500-dən çox bal toplamış abituriyentlərdən 428-i UFAZ-a qəbul imtahanında iştirak üçün qeydiyyatdan keçib. UFAZ-da müvafiq ixtisaslar üzrə 120 dövlət sifarişli və 40 ödənişli əsaslarla, ümumilikdə 160 tələbənin təhsil alması nəzərdə tutulur.Azərtac xəbər verir ki, saat 10.00-da başlanan imtahan saat 12.00-da başa çatıb. İmtahanda abituriyentlər ümumi təhsil pilləsindəki tədris dillərinə uyğun (Azərbaycan və ya rus) riyaziyyat, kimya, fizika və ümumi biliklər bloku üzrə hər birindən on test sualını cavablandırıb, ingilis dilində qrammatik çalışma və esse yazıblar.İmtahanın nəticələri iyulun 28-də elan olunacaq.Xatırladaq ki, UFAZ-da dörd ixtisas üzrə - geofizika mühəndisliyi, kimya mühəndisliyi, kompüter elmləri, neft-qaz mühəndisliyi ixtisasları üzrə tədris həyata keçirilir.UFAZ-ın məzunları Strasburq Universitetinin və ADNSU-nun diplomlarını alacaqlar.xeber100.com

2017/2018-ci tədris ili üçün qabiliyyət imtahanı keçiriləcək

Dövlət İmtahan Mərkəzi (DİM) iyulun 29-da 2017/2018-ci tədris ili üçün ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün qabiliyyət imtahanı keçirəcək.DİM-dən Azərtac-a bildiriblər ki, bu mərhələdə 2017-ci ilin iyulun 21-dən 24-dək jurnalistika ixtisasına qəbul olmaq üçün internet vasitəsilə anket dolduraraq qeydiyyatdan keçən və III ixtisas qrupu üzrə test imtahanı verərək müsabiqə şərtini ödəyən abituriyentlər iştirak edə biləcəklər.İmtahan Bakıda və DİM-in regional bölmələrinin yerləşdiyi Naxçıvan, Gəncə, Lənkəran, Şəki, Bərdə, Göyçay, Şirvan, Xaçmaz şəhərlərində təşkil olunacaq.xeber100.com

Dövlət İmtahan Mərkəzinin məlumatı

Azərbaycan Dövlət Aqrar Universitetinin torpaqşünaslıq və aqrokimya ixtisasının həm dövlət sifarişi, həm də ödənişli əsaslarla ayrılan yerləri üzrə müsabiqədə ümumi balı 150-dən az olmayan abituriyentlər iştirak edə bilərlər.Azərtac Dövlət İmtahan Mərkəzinin saytına istinadla xəbər verir ki, bu barədə “Abituriyent” jurnalının dördüncü sayına edilən əlavədə məlumat verilib.Bildirilib ki, fənlər üzrə cavablara nisbi bal məhdudiyyəti tətbiq olunmur.xeber100.com

Dövlət İmtahan Mərkəzinin məlumatı

Dövlət İmtahan Mərkəzi Azərbaycan Kooperasiya Universitetində keçirilən qəbul imtahanında iştirak edən abituriyentlərlə bağlı məlumat yayıb.Məlumatda bildirilir ki, iyulun 22-də Azərbaycan Kooperasiya Universitetində keçirilən imtahanda iştirak edən və binadan kənarda baş vermiş yanğın hadisəsi ilə əlaqədar təxliyə olunan abituriyentlər üçün qəbul imtahanı iyulun 27-də keçiriləcək.Həmin abituriyentlər üçün “imtahana buraxılış vərəqəsi” iyulun 25-də gün ərzində Dövlət İmtahan Mərkəzinin saytında yerləşdiriləcək.xeber100.com

Yay məktəbi ilə bağlı mətbuat konfransı keçirilib

İyulun 24-də Təhsil Nazirliyində “Azərbaycan üçün öyrət” təhsil proqramı çərçivəsində başlanılan yay məktəbi ilə bağlı mətbuat konfransı keçirilib.Azərtac xəbər verir ki, konfransda təhsil nazirinin müavini Firudin Qurbanov yay məktəbi barədə məlumat verib. Bildirilib ki, yay məktəbinin məqsədi bölgələrdə yaşayan və ya təhsil alan, akademik göstəriciləri orta olan tələbələrin karyera inkişaflarına, eləcə də dünyagörüşünün formalaşmasına təsir etmək, onlara informasiya texnologiyalarından istifadədə, iş seçimi və axtarışında kömək göstərən bilik və bacarıqlar verməkdir.İyulun 31-dək davam edəcək yay məktəbi çərçivəsində ölkənin səkkiz bölgəsində yaşayan gənclər karyera və fərdi inkişaf təlimlərində, intellektual yarışlarda iştirak edəcəklər.Bakı şəhərindən yola düşən “Təhsil avtobusu - 2017” Quba-Masallı-Sabirabad-Gəncə-Mingəçevir-Zaqatala-İsmayıllı-Bakı marşrutu üzrə səyahət edəcək. “Azərbaycan Respublikasında təhsilin inkişafı üzrə Dövlət Strategiyası”na uyğun həyata keçirilən layihə keyfiyyətli təhsil üçün bərabər imkanların yaradılmasına xidmət edən təhsil proqramıdır.Xatırladaq ki, 2016-cı ildə keçirilən proqram nəticəsində səkkiz gün ərzində iki min kilometr yol qət edilib, Bakı və dörd rayonun (Lənkəran, Quba, Gəncə və Şəki) məktəblərindən 200-dən çox şagird seçilib, təlimçi və ekspertlər tərəfindən yüz akademik saat təhsil proqramı və komanda-öyrədici oyunları keçirilib.Yay məktəbi Təhsil Nazirliyi, “Engin” LTD MMC və “Kapital Bank”ın təşkilatçılığı, “Bakcell”, “Qala Express” MMC, “GoldenPay”, “Microsoft Azərbaycan” və “PAŞA Sığorta” şirkətlərinin dəstəyi, Azərbaycan İntellektual Klublar Assosiasiyası, “ARB TV”, “ASAN xidmət”, “BİR” Tələbə-Könüllü proqramı, “Edutainment.az”, “İstək” liseyi, “SABAH” qrupları, “Şərq-Qərb” Nəşriyyat və Poliqrafiya Evi, “Təhsil TV” və “Youth Inc.” Sahibkarlıq Proqramının tərəfdaşlığı ilə keçirilir.xeber100.com

Dövlət İmtahan Mərkəzinin məlumatına görə…

İyunun 22-də I və IV ixtisas qrupları üzrə ali təhsil müəssisələrinə qəbul imtahanı keçirilib.Dövlət İmtahan Mərkəzindən (DİM) Azərtac-a bildirilib ki, imtahan zamanı Bakının Nərimanov rayonunda Azərbaycan Kooperasiya Universitetinin əsas binasından kənarda – idman zalında elektrik naqillərində yanğın baş verib.DİM-in Direktorlar Şurasının sədri Məleykə Abbaszadə dərhal yanğın baş verən əraziyə gəlib. Yanğının imtahan keçirilən binaya keçmə ehtimalı olmasa da, tüstülənmə baş verib və təhlükəsizliyinin təmin edilməsi məqsədilə bütün imtahan iştirakçılarının imtahan binasından təxliyə olunması barədə qərar qəbul edilib.Azərbaycan Kooperasiya Universitetində keçirilən qəbul imtahanında iştirak edən abituriyentlərin nəzərinə çatdırılır ki, DİM tərəfindən onların yenidən imtahan verməsi üçün imkan yaradılacaq.xeber100.com

I və IV ixtisas qrupları üzrə qəbul imtahanı keçirilir

İyulun 22-də Dövlət İmtahan Mərkəzi (DİM) 2017/2018-ci tədris ili üçün Azərbaycan Respublikasının ali təhsil müəssisələrinə I və IV ixtisas qrupları üzrə qəbul imtahanı keçirir.DİM-dən Azərtac-a bildiriblər ki, respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində aparılan imtahanda 27 min 961 abituriyentin iştirakı gözlənilir. Onlardan 23 min 510 abituriyent I qrup üzrə, 4 min 451 abituriyent IV qrup üzrə imtahan verəcək.İmtahan saat 11.00-da başlanacaq və saat 14.00-da başa çatacaq.Abituriyentlərdən 25 min 500 nəfəri Azərbaycan bölməsinin (I qrup üzrə 21 min 543, IV qrup üzrə 3 min 957 nəfər), 2 min 461 nəfəri isə rus bölməsinin (I qrup üzrə 1967, IV qrup üzrə 494 nəfər) məzunlarıdır.xeber100.com