Dövlət İmtahan Mərkəzinin məlumatına görə…

Ümumi orta (9 illik) təhsil bazasında orta ixtisas təhsili müəssisələrinin (kolleclərin) xüsusi qabiliyyət tələb edən ixtisasları üzrə elektron qeydiyyatdan keçmiş abituriyentlərin qabiliyyət imtahanlarına başlanılıb.Dövlət İmtahan Mərkəzindən (DİM) Azərtac-a bildirilib ki, buraxılış (qəbul) imtahanında topladıqları ümumi balları müvafiq müsabiqə şərtlərini ödəyən və elektron qeydiyyatdan keçən abituriyentlər iyulun 19-dan 23-dək qabiliyyət imtahanında iştirak edirlər. Abituriyentlər “qabiliyyət imtahanına buraxılış vərəqəsi”ni qeydiyyatdan keçdikləri səhifədən çap edib götürə bilərlər. Buraxılış vərəqəsində qabiliyyət imtahanının yeri və tarixi göstərilib. Qabiliyyət imtahanları DİM-in təşkil etdiyi Yaradıcılıq Qabiliyyətinin Yoxlanılması Komissiyaları (YQYK) tərəfindən mərkəzləşdirilmiş qaydada keçirilir. YQYK-lar Bakı, Naxçıvan, Gəncə, Şəki, Lənkəran, Bərdə, Göyçay, Şirvan şəhərlərində fəaliyyət göstərir.Qabiliyyət imtahanlarının nəticəsi “məqbul” və ya “qeyri məqbul”la (5 ballıq şkala üzrə) qiymətləndirilir. Üç və daha yüksək bal (bədən tərbiyəsi və idman ixtisası üzrə 4 bal) “məqbul” qiymət hesab edilir.Xüsusi qabiliyyət tələb edən ixtisasları yalnız müvafiq komissiya tərəfindən keçirilən qabiliyyət imtahanlarından “məqbul” qiymət alan abituriyentlər seçə bilərlər. Abituriyentlər xüsusi qabiliyyət tələb edən ixtisaslarla yanaşı, digərlərini də seçə bilərlər. Xüsusi qabiliyyət tələb edən ixtisaslar üzrə müsabiqənin keçirilmə şərtləri barədə “Abituriyent” jurnalının üçüncü nömrəsində ətraflı məlumat əldə etmək olar.xeber100.com

Təhsil Nazirliyinin məlumatına görə…

Bakı Mühəndislik Universiteti (BMU) Himayəçilər Şurasının ilk iclası keçirilib.Təhsil Nazirliyindən Azərtac-a bildiriblər ki, müvafiq qurumların nümayəndələrinin, professor və müəllimlərin iştirak etdikləri iclasda BMU-nun rektoru Havar Məmmədov rəhbərlik etdiyi ali təhsil müəssisəsində Himayəçilər Şurasının fəaliyyəti barədə məlumat verib. Qeyd edilib ki, ötən müddət ərzində şuranın tərkibi formalaşdırılıb və təsdiq olunub.Təhsil nazirinin müavini C.Bayramov bildirib ki, şuranın əsas vəzifələri universitetin strateji istiqamətlərini müəyyən etmək, eyni zamanda, illik büdcənin və onun icrasının təsdiq edilməsi, audit komitəsinin işinin təşkili, ali təhsil müəssisəsinin elm, təhsil, innovasiya mərkəzi kimi fəaliyyətinin genişləndirilməsi, maddi-texniki bazasının yaxşılaşdırılmasından ibarətdir.xeber100.com

Bakı Şəhəri üzrə Təhsil İdarəsinin məlumatı

Bakı məktəbliləri III ixtisas qrupu üzrə ali məktəblərə qəbul imtahanında ən yüksək nəticə göstəriblər.Bakı Şəhəri üzrə Təhsil İdarəsindən (BŞTİ) Azərtac-a bildiriblər ki, bu qurumun tabeliyindəki 278 nömrəli məktəbin məzunu Pərvin Əhmədova və 111 nömrəli məktəbin məzunu İlhamə Hüseynova bütün test suallarına düzgün cavab verərək 700 bal toplayıblar. Pərvin Əhmədova respublika fənn olimpiadasında Azərbaycan tarixi fənni üzrə 2015-ci və 2016-cı illərdə qızıl medal qazanıb, “Ədəbiyyat biliciləri” müsabiqəsində isə 2017-ci ildə I yeri tutub. Həmçinin Bakı şəhəri üzrə keçirilən şeir müsabiqələrində 2014-cü və 2015-ci illərdə I yerə layiq görülüb, “Parlaq zəka” intellektual oyununda 2016-cı və 2017-ci illərdə tarix və coğrafiya fənnləri üzrə I yerə sahib olub. O, IX sinfi xüsusi fərqlənmə şəhadətnaməsi ilə bitirib, XI sinfi əla qiymətlərlə başa vurub.İlhamə Hüseynova isə respublika fənn olimpiadasında Azərbaycan tarixi fənni üzrə 2015-ci ildə gümüş, 2016-cı ildə bürünc medal qazanıb. O, IX sinfi xüsusi fərqlənmə şəhadətnaməsi ilə başa vurub, XI sinfi fərqlənmə ilə bitirdiyinə görə qızıl medal almaq üçün namizədliyi irəli sürülüb.Ümumilikdə bu il ali məktəblərə qəbul imtahanlarının nəticələrinə görə hələlik 12 abituriyent 700 bal toplayıb.I və IV ixtisas qrupları üzrə imtahanda yeddi nəfər maksimum nəticə göstərib. İmtahanda I ixtisas qrupu üzrə BŞTİ-nin tabeliyindəki 220 nömrəli məktəb-liseyin məzunu Xalidə Əliyeva, 162 nomrəli tam orta məktəbin məzunu Mahirə Əsədzadə, akademik Zərifə Əliyeva adına Liseyin məzunu Elmir Əhmədov, Gəncə məktəblisi Abdulla Əsgərzadə, İsmayıllı rayonu Lahıc qəsəbə məktəbinin məzunu Vahab Cəbrayılov, IV ixtisas qrupu üzrə isə BŞTİ-nin tabeliyindəki 287 nömrəli “Zəkalar” liseyinin məzunu Nemət Yusifov və Sumqayıt şəhəri təbiət elmləri təmayüllü gimnaziyanın məzunu Eldar Əfəndiyev ən yüksək nəticə göstəriblər. II ixtisas qrupu üzrə akademik Zərifə Əliyeva adına Liseyin yetirməsi Səbinə İsmayılova, Türkiyə Diyanət Vəqfi Bakı Türk liseyinin məzunu Cavad Əliyev və Ağcabədi şəhəri 3 saylı məktəb-liseyin məzunu Arzu Məmmədzadə 700 bal toplayıblar.xeber100.com

2017/2018-ci tədris ili üçün qəbulun nəticələri elan edilib

Dövlət İmtahan Mərkəzi (DİM) iyulun 15-də saat 16:00-dan etibarən 2017/2018-ci tədris ili üçün rezidenturaya qəbulun nəticələrini elan edib.DİM-dən Azərtac-a bildiriblər ki, nəticələri bu qurumun internet saytından və ya iş nömrəsini mobil telefonla 7727 nömrəsinə göndərməklə öyrənmək olar. İki mərhələ üzrə keçirilən qəbul imtahanlarının nəticələrinə əsasən, müsabiqədə iştirak edən 508 namizəddən 470-i təhsilini rezidenturada davam etdirmək hüququ qazanıb. Onlardan 154-ü oğlan, 316-sı isə qızlardır. 285 namizəd cari ilin, 185 namizəd isə əvvəlki illərin məzunudur.Qəbul olan namizədlərin siyahısının və ixtisaslaşmalar üzrə formalaşmış keçid ballarının əks olunduğu “Rezidentura” jurnalının dördüncü sayını iyulun 17-dən etibarən aşağıdakı ünvanlarda yerləşən “Abituriyent” satış köşklərindən sifariş etmək olar.xeber100.com

2017/2018-ci tədris ili üçün ali təhsil müəssisələrinə qəbul imtahanı keçirilir

Dövlət İmtahan Mərkəzi (DİM) bu gün 2017/2018-ci tədris ili üçün ali təhsil müəssisələrinə qəbul olmaq istəyən abituriyentlər üçün II və III ixtisas qrupları üzrə qəbul imtahanı keçirir.DİM-dən Azərtac-a verilən məlumata görə, imtahan respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmazda ümumilikdə 66 binada aparılır. İmtahan bütün binalarda eyni vaxtda - saat 11:00-da başlayıb və 3 saat davam edəcək. İmtahanların idarə olunmasına 242 imtahan rəhbəri və orta ümumtəhsil müəssisələrindən 2728 nəzarətçi-müəllim cəlb edilib.İmtahanlarda 34041 abituriyent iştirak edir. Onlardan 17888-i II qrup üzrə, 16153-ü III qrup üzrə imtahan verir.İmtahan başa çatdıqdan dərhal sonra müstəqil ekspertlər tərəfindən test tapşırıqlarının ekspertizası aparılacaq. Həmin gün “Space” telekanalında canlı yayımlanan “Abituriyent” verilişində DİM-in məsul əməkdaşları və ekspertlər tərəfindən imtahanda istifadə olunmuş sualların düzgün cavabları və test tapşırıqları ilə bağlı geniş izahat veriləcək. İmtahanda istifadə olunmuş sualların düzgün cavabları, eyni zamanda, DİM-in internet saytında və Facebook səhifəsində yerləşdiriləcək.Abituriyentlərin cavab kartlarının emalı başa çatdıqdan sonra nəticələr və hər bir abituriyentin cavab kartının qrafik təsviri imtahandan 3-4 gün sonra DİM-in internet saytında yerləşdiriləcək.xeber100.com

Təhsil Nazirliyinin məlumatına əsasən…

İyulun 14-də Təhsil Nazirliyində tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi məqsədilə elektron sənəd qəbuluna başlanılmasına dair mətbuat konfransı keçirilib.Azərtac xəbər verir ki, konfransda Təhsil Nazirliyinin ictimaiyyətlə əlaqələr sektorunun müdiri Cəsarət Valehov bu barədə məlumat verib. Bildirilib ki, ölkə daxilində yerləşən orta ixtisas təhsili müəssisələri tələbələrinin köçürülməsi də elektron qaydada aparılacaq. İyulun 17-dən başlanacaq sənəd qəbulu transfer.edu.az portalı vasitəsi ilə həyata keçiriləcək və bu proses avqustun 15-dək davam edəcək. Konfransda qeyd olunub ki, ötən tədris ili üzrə 233 nəfər tələbə transfer.edu.az portalı vasitəsilə seçdikləri ali təhsil müəssisələrinə, 46 nəfər isə orta ixtisas təhsili müəssisələrinə köçürülüb.xeber100.com

2018-2019-cu illər üçün layihə müsabiqəsi elan edilir

Azərbaycan Milli Elmlər Akademiyası (AMEA) Belarus Dövlət Elm və Texnologiya Komitəsi ilə birgə 2018-2019-cu illər üçün layihə müsabiqəsi elan edir.AMEA-dan Azərtac-a bildiriblər ki, müsabiqənin şərtlərinə əsasən, layihə təklifləri aqrar elmlər, biotibb və farmakologiya sahələri üzrə təqdim edilməlidir.Layihə təklifləri iyulun 14-dən sentyabrın 15-dək AMEA Rəyasət Heyəti aparatının beynəlxalq əlaqələr idarəsi tərəfindən qəbul edilir.xeber100.com

Dövlət İmtahan Mərkəzi qəbul şərtlərini açıqlayıb

Tam (11 illik) orta təhsil bazasında kolleclərin müsabiqəsinə qəbul (buraxılış) imtahanında topladığı ümumi balı 30-dan və Azərbaycan/rus dili, riyaziyyat fənlərinin hər biri üzrə balı 8-dən az olmayan (xarici dil fənni üzrə cavablara məhdudiyyət tətbiq edilmir) abituriyentlər buraxılacaqlar.Dövlət İmtahan Mərkəzindən Azərtac-a bildiriblər ki, xüsusi qabiliyyət tələb edən ixtisasların müsabiqəsinə isə ümumi balı 25-dən (fənlər üzrə cavablara məhdudiyyət tətbiq olunmur) az olmayan abituriyentlər buraxılırlar. Bu ixtisasları yalnız imtahanda topladıqları ümumi balları qeyd olunan müsabiqə şərtini ödəyən və müvafiq komissiya tərəfindən keçirilən qabiliyyət imtahanlarından “məqbul” alan abituriyentlər seçə bilərlər. Qabiliyyət imtahanlarında iştirak etmək üçün elektron qeydiyyat iyulun 18-dək davam edəcək. Qabiliyyət imtahanları isə iyulun 25-dən avqustun 3-dək keçiriləcək. 11 illik bazada kolleclərə qəbul olmaq üçün ixtisas seçimi isə avqustun 15-dən 19-dək aparılacaq.Ümumi (9 illik) orta təhsil bazasında kolleclərin müsabiqəsinə qəbul (buraxılış) imtahanında topladığı ümumi balı 40-dan, ana dili fənni üzrə balı 20-dən və riyaziyyat fənni üzrə balı 10-dan az olmayan abituriyentlər buraxılırlar.Xüsusi qabiliyyət tələb edən ixtisasları yalnız imtahanda topladıqları ümumi balı 40-dan az olmayan (fənlər üzrə bal məhdudiyyəti tətbiq olunmur) və müvafiq komissiya tərəfindən keçirilən qabiliyyət imtahanlarından "məqbul" alan abituriyentlər seçə bilərlər. Qabiliyyət imtahanlarında iştirak etmək üçün elektron qeydiyyat iyulun 18-dək davam edəcək. Qabiliyyət imtahanları isə iyulun 19-dan 23-dək keçiriləcək.Doqquzillik bazada kolleclərə qəbul olmaq üçün ixtisas seçimi iyulun 25-dən avqustun 6-dək aparılacaq.xeber100.com

Təhsil nazirliyinin məlumatına görə…

Təhsil naziri Mikayıl Cabbarov iyulun 17-də saat 11.00-da Tovuz şəhərindəki İdman Kompleksində mərkəzi icra hakimiyyəti orqanları rəhbərlərinin 2017-ci ilin iyul ayında şəhər və rayonlarda vətəndaşların qəbulu cədvəlinə uyğun olaraq, Qazax, Ağstafa, Tovuz, Şəmkir və Gədəbəy rayonlarının sakinlərini qəbul edəcək.Qəbulda həmin rayonlarda müvəqqəti məskunlaşmış məcburi köçkünlər də iştirak edə bilərlər.xeber100.com

Dövlət İmtahan Mərkəzi maarifləndirici videoçarx hazırlayıb

İyulun 14-də (II və III ixtisas qrupu) və 22-də (I və IV ixtisas qrupu) keçiriləcək ali təhsil müəssisələrinə ikinci qəbul imtahanlarında 60 mindən artıq abituriyentin iştirakı gözlənilir.Dövlət İmtahan Mərkəzi (DİM) bu imtahanlarla əlaqədar maarifləndirici videoçarx hazırlayıb. DİM-dən Azərtac-a bildirilib ki, videoçarxda abituriyentlərin imtahan prosesində özlərini rahat hiss etmələri üçün bəzi vacib qaydalar haqqında məlumat verilir.xeber100.com