Arxeoloji turizm kompleksində sərgi-yarmarka təşkil olunub

Noyabrın 20-də Orta Əsr Ağsu şəhəri arxeoloji turizm kompleksində “Ağsuda xalçaçılıq” adlı sərgi-yarmarka təşkil olunub.Azərtac xəbər verir ki, sərgi-yarmarkanı layihənin rəhbəri Fariz Xəlilli açıb. O, “Kənd həyat tərzinin inkişafında qadınların rolu” layihəsi çərçivəsində 6 ay ərzində görülən işlərdən bəhs edib. Bildirib ki, sərgi-yarmarkaya Gəgəli, Bico və Qəşəd kəndlərində toxunan iri xalçalarla yanaşı, namazlıq, hədiyyəlik, xurcun kimi xırda xalça və palaz nümunələri də çıxarılıb. Eyni zamanda, həvəskar qızların qonşu İsmayıllı Peşə Tədris Mərkəzində xalçaçılıq kursu kimi tədris ocaqlarına cəlb olunmalarının vacibliyi vurğulanıb.Tədbirdə iştirakçılara layihə ilə əlaqədar kitab və tanıdıcı flayerlər təqdim edilib, peşəkar və gənc xalçaçılara sertifikatlar verilib.xeber100.com

Dövlət Məşğulluq Xidmətinin təsdiq etdiyi qrafikə əsasən…

Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin təsdiq etdiyi qrafikə əsasən Qəbələ rayon Məşğulluq Mərkəzində “Əmək yarmarkalarının təşkili və keçirilməsinin əhəmiyyəti” mövzusunda “dəyirmi masa” təşkil olunub.Toplantıda rayon icra hakimiyyətinin, idarə və təşkilatların nümayəndələri çıxış edərək sosial tərəfdaşlığın əhəmiyyətindən, bu istiqamətdə əhalinin məlumatlandırılması və təklif olunan vakansiyalar haqqında müntəzəm məlumat almaq imkanlarının genişləndirilməsi üçün yaradılmış vahid informasiya bazasının əhəmiyyətindən söz açıblar. Qeyd olunub ki, işsiz vətəndaşların işlə təmin olunması və onların peşə hazırlığı məsələləri dövlətin diqqət mərkəzində saxlanılır.Tədbirdə iştirakçıları maraqlandıran məsələlərlə bağlı suallar cavablandırılıb.xeber100.com

Baş prokuror vətəndaşları qəbul edəcək

Bölgələrdə vətəndaşların qəbulu cədvəlinə uyğun olaraq, Baş prokuror Zakir Qaralov noyabrın 25-də saat 10:00-da Şabran rayon prokurorluğunun inzibati binasında Şabran, Quba, Qusar, Xaçmaz və Siyəzən rayonlarında yaşayan vətəndaşların qəbulunu keçirəcək.Baş Prokurorluğun mətbuat xidmətindən Azərtac-a bildiriblər ki, qəbulda vətəndaşların prokurorluq orqanlarının səlahiyyətlərinə aid müraciətlərinə baxılacaq.xeber100.com

Əmək və əhalinin sosial müdafiəsi naziri vətəndaşları qəbul edib

Əmək və əhalinin sosial müdafiəsi naziri S.Müslümov Qusar rayonunda bu rayonun və Quba, Xaçmaz, Şabran, Siyəzən rayonlarının sakinlərini fərdi qaydada qəbul edib.Nazirliyin ictimaiyyətlə əlaqələr şöbəsindən Azərtac-a bildiriblər ki, vətəndaşlar əsasən sosial müdafiə, imtiyazlı şəxslərin dövlət büdcəsi hesabına mənzillə təmin edilməsi, əmək hüquqlarının müdafiəsi, pensiya hüququnun müəyyən olunması, məşğulluq, aktiv əmək bazarı proqramlarına, o cümlədən peşə hazırlığına cəlb edilmə, reabilitasiya vasitəsi və protez-ortopedik məmulatla təmin olunma, bərpa müalicəsinə köməklik göstərilməsi və s. məsələlərlə bağlı müraciət ediblər. Müraciətlər dinlənilib və onların obyektiv şəkildə cavablandırılması, sorğu xarakterli müraciətlərlə bağlı vətəndaşlara hüquqi izahatların verilməsi təmin olunub.xeber100.com

Ekologiya və təbii sərvətlər naziri vətəndaşlarla görüşəcək

Ekologiya və təbii sərvətlər naziri Hüseyn Bağırov noyabrın 25-də İsmayıllı, Qəbələ və Oğuz rayonlarında yaşayan vətəndaşları qəbul edəcək.Nazirliyin mətbuat xidmətindən Azərtac-a bildirilib ki, qəbul saat 10:00-da ismayıllı şəhərində yerləşən Heydər Əliyev Mərkəzində keçiriləcək.Qəbula gəlmək istəyən vətəndaşlardan qeydiyyatdan keçmək üçün [email protected] və [email protected] elektron poçt ünvanları, Ekologiya və Təbii Sərvətlər Nazirliyinin 168 “Qaynar xətt”i ilə əlaqə saxlamaları, həmçinin 11 saylı ərazi ekologiya və təbii sərvətlər şöbəsinə (əlaqə telefonları: 020-285-33-47, 050-411-00-18, 055-261-49-94) müraciət etmələri xahiş olunur.xeber100.com

İqtisadiyyat Nazirliyinin məlumatı…

İqtisadiyyat naziri Şahin Mustafayevin noyabrın 18-də Ağdaşda keçirilməsi nəzərdə tutulan vətəndaş qəbulunun vaxtı dəyişdirilib.İqtisadiyyat Nazirliyinin mətbuat xidmətindən Azərtac-a bildiriblər ki, qəbulun keçiriləcəyi tarix barədə əlavə məlumat veriləcək.xeber100.com

Təhsil Mərkəzi fəaliyyətə başlayıb

Aqrar Universitetdə “HUAWEI Azərbaycan” şirkətinin “Gözəl Azərbaycan” layihəsi çərçivəsində Təhsil Mərkəzi fəaliyyətə başlayıb. Azərtac xəbər verir ki, İKT sahəsində dünya liderlərindən olan “HUAWEI” şirkətinin icra etdiyi “Gözəl Azərbaycan” yeni və sosial layihədir. Layihənin məqsədi dünyaya Azərbaycan xalqını daha da yaxından tanıtmaq, eləcə də ölkənin təbii zənginliyini, müxtəlifliyini və gözəlliyini nümayiş etdirməkdir. Altı ay ərzində icra olunacaq layihə dörd müxtəlif istiqamətdə həyata keçiriləcək: “Gözəl zəkalar”, “Gözəl mədəniyyət”, “Gözəl xalq” və “Gözəl təbiət”. Layihənin istiqamətlərindən biri olan “Gözəl zəkalar” çərçivəsində Gəncədən sonra Lənkəran və Şəkidə də təhsil mərkəzləri fəaliyyətə başlayacaq. Təhsil mərkəzləri “HUAWEI” tərəfindən təmin olunan və yalnız tələbələrin istifadəsi üçün nəzərdə tutulan WİFİ, kompüterlər, həmçinin İKT-yə dair kitablarla təmin ediləcək. Layihənin regionlardakı yerli gənclər üçün yaratdığı imkanlar sayəsində tələbələr internetdə araşdırma aparacaq, kompüterlərdən istifadə edəcək, eləcə də müasir texnologiyalar sahəsində həm maariflənəcək, həm də zəruri biliklərə yiyələnə biləcəklər. Həmçinin təhsil mərkəzində hər həftənin cümə günləri “HUAWEI”nin təşkilatçılığı ilə müxtəlif tədbirlər, təlimlər və hədiyyəli oyunlar keçiriləcək. Tələbələr mərkəzdə bir-biri ilə ünsiyyət qura və dərslə məşğul ola biləcəklər. Bu təhsil mərkəzləri bir ay ərzində tələbələrin ixtiyarında olacaq.xeber100.com

“Gəncə – 2016 Avropa Gənclər Paytaxtı” layihəsi çərçivəsində…

“Gəncə - 2016 Avropa Gənclər Paytaxtı” layihəsi çərçivəsində “Məşğulluq probleminin həllində BİR ADDIM” proqramı icra olunacaq. Gənclər Fondunun dəstəyi ilə reallaşacaq layihənin məqsədi gənclərin məşğulluq probleminin həllinə töhfə vermək, onların asudə vaxtlarını səmərəli təşkil etməklə potensial kadr kimi formalaşmasına dəstək olmaqdır.Layihə “Gəncə - Avropa Gənclər Paytaxtı 2016” və “Odlar Yurdu” Gənclər İctimai birliklərinin tərəfdaşlığı ilə noyabrın 25-27-də keçiriləcək.xeber100.com   .

Beynəlxalq Multikulturalizm Mərkəzinin filialı açılıb

İsmayıllıda Bakı Beynəlxalq Multikulturalizm Mərkəzinin filialı açılıb.Bu münasibətlə “Bilik evi”ndə keçirilən tədbirdə rayon icra hakimiyyətinin başçısı, Bakı Beynəlxalq Multikulturalizm Mərkəzinin mətbuat katibi, Mərkəzin analitik təhlil şöbəsinin müdiri və b.çıxış ediblər. Tədbirdə “Multikulturalizm ili”ndə Bakı Beynəlxalq Multikulturalizm Mərkəzinin filialının açılmasının əhəmiyyətindən danışılıb. Vurğulanıb ki, filial Azərbaycanda, o cümlədən İsmayıllıda multikultural dəyərlərin qorunub saxlanılması və inkişaf etdirilməsi sahəsində mütəmadi tədbirlər keçirəcək.xeber100.com    

Dövlət Gömrük Komitəsinin sədri vətəndaşları qəbul edəcək

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin sədri  Aydın Əliyev noyabrın18-də saat 11:00-da Saatlı şəhərindəki Gənclər Mərkəzində  bu bölgədən olan vətəndaşları qəbul edəcək. Dövlət Gömrük Komitəsinin mətbuat xidmətindən Azərtac-a bildirilib ki, qəbul zamanı bölgədə yerləşən rayonların - Saatlı, Sabirabad, İmişli, Beyləqan rayonlarının və Şirvan şəhərinin sakinlərinin yalnız gömrük məsələləri ilə bağlı müraciətləri dinləniləcək. Qəbulda iştirak etmək istəyən vətəndaşlar noyabrın 17-si saat 11:00-dək “195” Çağrı Mərkəzi, Dövlət Gömrük Komitəsi (əlaqələndirici şəxs – Məmmədova Səbinə Xanlarqızı, əlaqə telefonu: (012) 404-22-00), Şirvan Gömrük İdarəsi (əlaqə telefonu: ((021) 215-34-10) ilə əlaqə saxlayıb qəbula yazıla bilərlər.xeber100.com