Həcc ziyarəti ilə bağlı sənədlərin qəbuluna start verilir

Sabahdan Azərbaycanda bu ilki Həcc ziyarəti ilə bağlı sənədlərin qəbuluna start verilir.Apa-nın məlumatına görə, fevralın 12-dən Həcc ziyarətində iştirak etmək istəyən zəvvarlar Qafqaz Müsəlmanları İdarəsinə (QMi) pasport (biometrik), şəxsiyyət vəsiqəsinin surəti, 4Х6 ölçülü 4 ədəd şəkil (qadınlar başı örtülü), sağlamlıq haqqında arayışı təqdim etməlidirlər.Eyni zamanda bu ilki Həcc ziyarətinin qiyməti də məlum olub. Bu il ötənilki kimi iki variantda deyil, bir varianta həcc ziyarəti üçün qiymət müəyyənləşib. Həcc ziyarətinin qiyməti 4150 dollardır.QMİ-dən Apa-ya xəbəri təsdiqləyiblər.xeber100.com

“İslam Həmrəyliyi İli” çərçivəsində

Dini Qurumlarla İş üzrə Dövlət Komitəsinin (DQİDK) “İslam Həmrəyliyi İli” çərçivəsində çap etdirdiyi nəşrlərin geniş ictimaiyyətə təqdim edilməsi məqsədilə dekabrın 20-də kitab sərgisi keçirilib.Azərtac xəbər verir ki, sərgidə Dini Qurumlarla İş üzrə Dövlət Komitəsinin rəhbərliyi, Bakı Dövlət Universitetinin ilahiyyat fakültəsinin və Bakı İslam Universitetinin müəllim-tələbə heyəti, eləcə də ictimaiyyətin nümayəndələri iştirak ediblər.DQİDK sədrinin müavini Gündüz İsmayılov sərginin açılışında çıxış edərək “İslam Həmrəyliyi İli” çərçivəsində Dini Qurumlarla İş üzrə Dövlət Komitəsi tərəfindən milli mənəvi dəyərlərimizin qorunması, xalqımızın tolerant və multikultural ideyalarının və ənənəvi dini dəyərlərinin təbliği, dövlət-din münasibətlərinin fəlsəfi-siyasi, hüquqi əsasları və sosial-analitik təhlili, həmçinin dini maarifləndirmə işinin təşkili məqsədilə bir sıra kitab, kitabça və digər məlumat materiallarının hazırlanaraq çap edildiyini bildirib.xeber100.com    

Özbəkistan İslam Akademiyası yaradılır

Prezident Şavkat Mirziyoyevin Fərmanı ilə Özbəkistan İslam Akademiyası (ÖİA) yaradılır.Azərtac xəbər verir ki, Fərmana görə, Özbəkistan Müsəlmanları İdarəsi yeni yaradılan qeyri-hökumət elmi-tədqiqat qurumunun təsisçisidir. Akademiyada magistratura, baza doktoranturası və doktorantura fəaliyyət göstərəcək.Özbəkistan, Azərbaycan, Türkiyə, Qazaxıstan, Qırğızıstan, Türkmənistan, Tacikistan, Rusiya və digər ölkələrin vətəndaşları təhsil və elmi-tədqiqat işləri üçün Akademiyaya müqavilə-qrant əsasında qəbul ediləcəklər.Fərmanda bildirilir ki, Akademiya 2018-2019-cu təhsil ili üçün magistraturaya 16 tələbə qəbul edəcək.xeber100.com

Bölgələrdə vətəndaşların qəbulu davam edir

Mərkəzi icra hakimiyyəti orqanlarının rəhbərləri tərəfindən bölgələrdə vətəndaşların qəbulu davam edir.Dini Qurumlarla İş üzrə Dövlət Komitəsinin sədri Mübariz Qurbanlı dekabrın 19-da Yevlax şəhərində Mingəçevir, Ağdaş, Yevlax və Bərdə rayonlarının sakinlərini qəbul edəcək.Komitədən Azərtac-a bildiriblər ki, qəbul Yevlax şəhəri Heydər Əliyev Mərkəzində keçiriləcək.xeber100.com  

Qafqaz Müsəlmanları İdarəsinin məlumatı

Qafqaz Müsəlmanları İdarəsinin (QMİ) sədri şeyxülislam Allahşükür Paşazadə noyabrın 22-də Rusiya Federasiyasına səfər edəcək.QMİ-nin mətbuat xidmətindən Azərtac-a bildiriblər ki, səfərin məqsədi noyabrın 23-də Rusiya Federasiyasının Sankt-Peterburq şəhərində Dini Qurumlarla İş üzrə Dövlət Komitəsi, Qafqaz Müsəlmanları İdarəsi, Sankt-Peterburq Dövlət Universiteti, Sankt-Peterburq və Rusiyanın Şimali-Qərb regionu üzrə Ruhani İdarəsinin birlikdə təşkil edəcəyi “Rusiya-Azərbaycan: sülh, təhlükəsizlik və əməkdaşlıq naminə konfessiyalararası dialoq və İslam həmrəyliyi” mövzusunda konfransda iştirak etməkdir.Azərbaycan-Rusiya mənəvi əlaqələrinin inkişafı üçün böyük əhəmiyyət kəsb edən beynəlxalq tədbirdə ölkəmizi QMİ sədri ilə bərabər ənənəvi dini konfessiyaların başçıları - Rus Pravoslav Kilsəsinin Bakı və Azərbaycan Yeparxiyasının Arxiyepiskopu Aleksandr İşein, Dağ yəhudiləri icmasının başçısı Milix Yevdayev və Bakıdakı Katolik icmasının ordinarisi Vladimir Fekete təmsil edəcəklər.Səfər çərçivəsində Azərbaycan nümayəndə heyətinin Sankt-Peterburq şəhərinin rəhbərliyi, tanınmış ictimai-siyasi, elm və din xadimləri ilə yüksək səviyyəli görüşləri nəzərdə tutulur.xeber100.com

Beynəlxalq konfrans keçiriləcək

Noyabrın 23-də Sankt-Peterburqda “Rusiya-Azərbaycan: sülh, təhlükəsizlik və əməkdaşlıq naminə konfessiyalararası dialoq və İslam həmrəyliyi” mövzusunda Beynəlxalq konfrans keçiriləcək.Azərtac xəbər verir ki, konfrans Azərbaycanın Rusiyadakı səfirliyinin dəstəyi ilə Qafqaz Müsəlmanları İdarəsi, Azərbaycan Respublikasının Dini Qurumlarla İş üzrə Dövlət Komitəsi, Sankt-Peterburq və Rusiyanın Şimal-Qərb Regionu Müsəlmanları Dini İdarəsi tərəfindən təşkil edilir.Gözlənildiyinə görə, konfransda yuxarıda göstərilən təşkilatların rəhbərləri, Milli Məclisin deputatları, Azərbaycanın, Rusiyanın, müxtəlif xarici ölkələrin dövlət və dini qurumlarının nümayəndələri, tanınmış alimlər və ictimai xadimlər iştirak edəcəklər.

“Tolerantlıq örnəyi Azərbaycan” adlı konfrans keçirilir

Noyabrın 15-də Dini Qurumlarla İş üzrə Dövlət Komitəsinin təşkilatçılığı ilə Bakıda 16 noyabr - Beynəlxalq Tolerantlıq Günü münasibətilə “Tolerantlıq örnəyi Azərbaycan” adlı konfrans keçirilir.Azərtac xəbər verir ki, konfransda çıxış edən Dini Qurumlarla İş üzrə Dövlət Komitəsinin sədrinin müavini Səyyad Salahlı Azərbaycan cəmiyyətindəki mövcud tolerantlıq ənənələrindən, onun qorunub saxlanılması istiqamətində görülən işlərdən ətraflı bəhs edib.Konfransda digər çıxış edənlər də Azərbaycanda dini müxtəlifliyin tolerant əsaslarının təhlili və qorunub saxlanılması, ölkəmizin nümunəvi dini tolerantlıq modeli, eyni zamanda, Azərbaycanın əldə etdiyi multikultural nailiyyətlərin dünyada təbliği barədə fikirlərini səsləndiriblər.Tədbir müzakirələrlə davam etdirilir.xeber100.com

Dini Qurumlarla İş üzrə Dövlət Komitəsinin təşkilatçılığı ilə…

Noyabrın 10-da Azərbaycan Respublikası Dini Qurumlarla İş üzrə Dövlət Komitəsinin təşkilatçılığı ilə Bakıda “Dini maarifləndirmə işi: mövcud vəziyyət və imkanlar” mövzusunda konfrans keçirilir.Azərtac xəbər verir ki, konfransı açan Dini Qurumlarla İş üzrə Dövlət Komitəsi sədrinin birinci müavini Səyyad Salahlı dini maarifləndirmə işinin əhəmiyyətindən danışıb.Konfransda milli mənəvi, dini dəyərlərin cəmiyyətdə təbliğinin hansı əsaslar üzrə aparılması, son illərdə dövlətin geniş vüsət almış din siyasətinin müxtəlif vasitələrlə ictimaiyyətə çatdırılması yolları, dövlətçiliyimizi və milli mənəvi irsimizi qorumaq, təbliğ etmək kimi məsələlər, eyni zamanda, dini maarifləndirmə işinin təşkili sahəsində əldə edilmiş nailiyyətlər və qarşıda duran vəzifələr müzakirə olunur.Tədbirdə Dini Qurumlarla İş üzrə Dövlət Komitəsinin, Bakı İslam Universitetinin rəhbərliyi, universitetin müəllim-tələbə heyəti, eləcə də dini sahədə fəaliyyət göstərən ekspertlər və ictimaiyyət nümayəndələri iştirak edirlər.xeber100.com

Beynəlxalq konfrans işə başlayıb

Oktyabrın 18-də Daşkənddə “İslam həmrəyliyi Özbəkistan-Azərbaycan dostluğu timsalında” mövzusunda beynəlxalq konfrans işə başlayıb.Konfransa Rusiyanın Moskva və Sankt-Peterburq şəhərlərindən, Qaraçay-Çərkəz Respublikasından və digər müsəlman subyektlərindən, həmçinin bir sıra beynəlxalq təşkilatlardan nümayəndələr də qatılıblar.Tədbirdə Özbəkistan tərəfdən Baş nazir Abdulla Aripov, Özbəkistan Müsəlmanları İdarəsinin sədri, müfti Usmanxon Alimov, Nazirlər Kabineti yanında Dini İşlər üzrə Komitənin sədri Ortikbek Yusupov və digərləri iştirak edirlər.Konfrans müqəddəs Qurandan ayələrin oxunması ilə başlayıb.xeber100.com

Təzəpir məscidində qanvermə aksiyası keçirilib

Oktyabrın 1-də Aşura günü ilə bağlı Təzəpir məscidində qanvermə aksiyası keçirilib.Azərtac xəbər verir ki, Qafqaz Müsəlmanları İdarəsinin (QMİ) sədri şeyxülislam Allahşükür Paşazadə və ailə üzvləri, Dini Qurumlarla İş üzrə Dövlət Komitəsinin sədri Mübariz Qurbanlı, Milli Məclisin deputatı Cavanşir Paşazadə, ölkəmizdə fəaliyyət göstərən dini konfessiyaların rəhbərləri də aksiyaya qoşulublar.Dini Qurumlarla İş üzrə Dövlət Komitəsinin sədri Mübariz Qurbanlı jurnalistlərə müsahibəsində bildirib ki, əvvəllər Aşura günlərində məscidlərdə bəzi insanların özlərinə xəsarət yetirməklə qançıxarma halları olub. Bu, arzuedilməz, yolverilməz idi. Azərbaycanda bunun əvəzinə ehtiyacı olanlara könüllü qanvermə ənənəsi formalaşıb. Artıq bu ənənə bir çox qonşu ölkələrdə də nümunə kimi istifadə edilir. Aşura günü mərasimləri Qafqaz Müsəlmanları İdarəsinin fətvasına uyğun və qanun çərçivəsində keçirilir.xeber100.com