Futbolçulardan ibarət millimiz yoxlama görüşləri keçirəcək

On yeddi yaşadək futbolçulardan ibarət Azərbaycan millisi Monteneqro ilə yoxlama görüşləri keçirəcək. AFFA-nın rəsmi saytı xəbər verir ki, oyunların tarixi və yeri də artıq bəllidir. Bakıda təlim-məşq toplanışına başlayan U-17 monteneqrolu həmyaşıdları ilə avqustun 15-də və 18-də üz-üzə gələcək. Hər iki qarşılaşma “Dalğa Arena”da keçiriləcək və saat 18:30-da başlayacaq.xeber100.com

Voleybolçulardan ibarət millimiz üç yoxlama oyunu keçirib

Avropa çempionatına hazırlıqları davam etdirən qadın voleybolçulardan ibarət millimiz Sloveniyadakı təlim-məşq toplanışı çərçivəsində üç yoxlama oyunu keçirib. Bu barədə Azərbaycan Voleybol Federasiyasından məlumat verilib. Komandamız ilk yoxlama matçında Kamerun yığması ilə qarşılaşıb və oyun 2:2 hesabı ilə yekunlaşıb. Qızlarımız növbəti iki yoxlama oyununu isə yerli yığmaya qarşı keçiriblər. Qarşılaşmaların birində Sloveniya yığması 3:1 hesabı ilə qalib gəlib. Növbəti qarşılaşma isə komandamızın 3:2 hesablı qələbəsi ilə başa çatıb. Qeyd edək ki, millimiz Sloveniyada daha bir yoxlama görüşü keçirəcək və rəqib Macarıstan yığması olacaq.xeber100.com

UEFA Çempionlar Liqasının III təsnifat mərhələsində

UEFA Çempionlar Liqasında III təsnifat mərhələsinin növbəti oyunları keçirilib. Bu mərhələnin ikinci oyun günündə 3 matç oynanılıb. Fransa "Marsel"i Yunanıstanda "Panatinaikos"a gözlənilmədən məğlub olub – 0:1. İsrailin "Makkabi" (Hayfa) klubu səfərdə Slovakiyanın "Slovan" komandasına qalib gəlib - 2:1. Şotlandiyanın "Reyncers" komandası isə öz meydanında İsveçrə "Servett"indən eyni hesabla üstün olub - 2:1. Qeyd edək ki, komandalar arasında cavab görüşləri gələn həftə oynanılacaq.xeber100.com

“Sabah” və “Neftçi” futbol klubları ilk oyunlarını keçirəcəklər

"Sabah" və "Neftçi" klubları avqustun 10-da UEFA Konfrans Liqasının III təsnifat mərhələsində ilk oyunlarını keçirəcəklər. “Sabah”-“Partizan” komandalarının qarşılaşması saat 20:00-da “Bank Respublika Arena”da start götürəcək. Matçı gürcüstanlı FIFA referisi Giorgi Kruaşvili idarə edəcək. “Neftçi” komandası isə bu raundun ilk duelində Türkiyə nəhəngi “Beşiktaş”ı sınağa çəkəcək. “Neftçi Arena”da oynanılacaq görüş saat 21:00-da başlayacaq. Qarşılaşmanı isveçrəli baş hakim Lukas Fandrix idarə edəcək.xeber100.com

Azərbaycan millisi Avropa çempionatının final mərhələsində iştirak edəcək

Qadın voleybolçulardan ibarət Azərbaycan millisi ardıcıl onuncu dəfə Avropa çempionatının final mərhələsində iştirak edəcək. Bu barədə Azərbaycan Voleybol Federasiyasından məlumat verilib. Avqustun 15-dən sentyabrın 3-dək reallaşacaq “Avro-2023”ün oyunlarını “CBC Sport” telekanalı canlı yayımlayacaq. Qeyd edək ki, komandamız C qrupunda yer alıb. Rəqiblərimiz Almaniya, Çexiya, İsveç, Türkiyə və Yunanıstan yığmalarıdır.xeber100.com

“Neftçi” futbol klubu ilə qarşılaşacaq “Beşiktaş”ın heyəti açıqlanıb

UEFA Konfrans Liqasının III təsnifat mərhələsində “Neftçi” ilə qarşılaşacaq Türkiyənin “Beşiktaş” klubunun Bakıya gətirəcəyi heyət açıqlanıb. Xarici KİV-lər bildirir ki, bu gün Azərbaycana yollanacaq komandanın heyətində 23 oyunçu yer alacaq. Qapıçılar: 1. Ersin Destanoğlu, 34. Mert Günok, 97. Utku Yuvakuran. Müdafiəçilər: 3. Fransisko Montero, 4. Onur Bulut, 6. Omar Kolli, 12. Daniel Emerti, 24. Valentin Rosye, 77. Umut Meraş. Yarımmüdafiəçilər: 8. Salih Uçan, 17. Kərəm Kesgin, 19. Amir Haciahmetoviç, 20. Necip Uysal, 21. Dəmir Tıknaz, 23. Kartal Yılmaz, 41. Oğuzhan Akgün, 71. Cin Onana, 83. Gedson Fernandeş, 99. Emrecan Bulut. Hücumçular: 7. Ante Rebiç, 10. Vensan Abubakar, 40. Cekson Muleka, 90. Semih Kılıçsoy. Qeyd edək ki, avqustun 10-da “Neftçi Arena”da keçiriləcək “Neftçi” – “Beşiktaş” görüşü saat 21:00-da başlayacaq.xeber100.com

“Neftçi” futbol klubu növbəti oyunu barədə azərkeşlərinə müraciət edib

“Neftçi” UEFA Avropa Konfrans Liqasının III təsnifat mərhələsinin ilk oyunu çərçivəsində avqustun 10-da saat 21:00-da “Neftçi Arena”da qardaş Türkiyənin “Beşiktaş” klubu ilə qarşılaşacaq. Bununla əlaqədar olaraq “Neftçi” klubu bəyanat yayıb. Bəyanatda bildirilir ki, həm ölkəmizdə olan, həm də qardaş ölkədən gələcək azarkeşlərin təhlükəsizliyinin yüksək şəkildə təmin olunması və oyun zamanı azarkeşlər arasında yarana biləcək mümkün arzuolunmaz halların qarşısını almaq məqsədilə müvafiq preventiv tədbirlərin görülməsi planlaşdırılır. Oyuna böyük marağı nəzərə alaraq “Neftçi Arena”da keçiriləcək görüşdə İstanbul klubunun azarkeşləri üçün xüsusi sektor ayrılacaq. “Beşiktaş” azarkeşləri bu sektora bilet əldə etmək üçün qeyd edilən komandanın müvafiq qurumları ilə əlaqə yaratmalıdır. “Neftçi” azarkeşləri üçün nəzərdə tutulacaq digər sektorlarda isə təhlükəsizlik məqsədilə İstanbul klubunun forması və ya digər atributunu daşıyan azarkeşlərin, o cümlədən “Neftçi”yə aid olmayan, digər komandalara məxsus atributları daşıyan azarkeşlərin oyunu izləməsi məhdudlaşdırılacaq. Belə hallara rast gəlindikdə həmin azarkeşlər dərhal təhlükəsizlik əməkdaşları tərəfindən stadiondan çıxarılacaq. “Neftçi” PFK olaraq azarkeşlərin təhlükəsizliyi üçün nəzərdə tutulan bu tədbirlərin anlayışla qarşılanacağına inanırıq. Qeyd edək ki, oyunun biletləri bu gün “itikcet.az” saytında satışa çıxarılacaq.xeber100.com

Cüdo üzrə məşqçilik ixtisasına qabiliyyət imtahanı keçirilib

Cüdo üzrə məşqçilik ixtisasına qabiliyyət imtahanı keçirilib. Bu barədə Azərbaycan Cüdo Federasiyasından məlumat verilib. İmtahanlarda Dövlət İmtahan Mərkəzindən, Gənclər və İdman Nazirliyindən nümayəndələr, Azərbaycan Cüdo Federasiyasının qabiliyyət imtahanlarının keçirilməsi ilə bağlı təyin etdiyi imtahan komitəsinin üzvləri iştirak ediblər. İmtahanlar zamanı abituriyentlərin təhlükəsizliyi üçün müvafiq tədbirlər görülüb, cüdo üzrə normativlərin icrası üçün zəruri avandalıqlarla və tərəf müqabili ilə təmin olunublar. Abituriyentlərin qabiliyyət bacarıqlarının obyektiv qiymətləndirilməsinin keçirilməsində şəffaflıq təmin edilib.xeber100.com

UEFA Konfrans Liqasının III təsnifat mərhələsində

UEFA Konfrans Liqasının III təsnifat mərhələsində keçiriləcək “Neftçi” – “Beşiktaş” (Türkiyə) oyununun biletləri “iticket.az”da satışa çıxarılıb. Bu barədə “Neftçi” klubu məlumat yayıb. Bildirilib ki, “Neftçi Arena”da keçiriləcək qarşılaşmanın biletlərinin qiyməti 10 (1A, 2A, 4A, 5A, 1B, 2B), 15 (3B), 20 (3A) və 30 (VİP) manat təşkil edir. Qeyd edək ki, avqustun 10-da keçiriləcək oyun saat 21:00-da start götürəcək.xeber100.com

Azərbaycan Üzgüçülük Federasiyasının məlumatına görə…

MDB Oyunlarında üzgüçülük üzrə 5 idmançımız mübarizə aparacaq. Bu barədə Azərbaycan Üzgüçülük Federasiyasından məlumat verilib. Belarus Respublikasında keçirilən MDB Oyunlarına üzgüçülük üzrə Azərbaycanın yeniyetmələrdən ibarət yığma komandasının 5 üzvü qatılıb. Federasiyanın baş katibi Fəxri Həsənov bildirib ki, üzgüçülük növü üzrə ölkəmizi Tamilla Əliyeva, Anastasiya Povorokina, Səid Həmidov, Timur Beker və Orxan Əliyev təmsil edəcəklər. Komanda yarışlarda məşqçilər Nurəli Məmmədov və Elvin Hüseynovun rəhbərliyi ilə iştirak edəcək.xeber100.com