“Səbail” futbol klubu öz meydanında “Zirə”ni qəbul edib

Sentyabrın 12-də futbol üzrə Azərbaycan Premyer Liqasının 2020-2021-ci il mövsümünün II turunun növbəti oyunu keçirilib.Azərtac xəbər verir ki, turun ikinci oyun günündə “Səbail” klubu öz meydanında “Zirə”ni qəbul edib.Qarşılaşma zirəlilərin 2:0 hesablı qələbəsi ilə başa çatıb.Oyunda hesab 47-ci dəqiqədə açılıb. “Zirə”nin futbolçusu Davit Volkov fərqlənib. Qoldan 20 dəqiqə sonra “Zirə” hesab arasında fərqi iki topa çatdırıb. Hakimin təyin etdiyi penaltini Ruslan Qurbanov dəqiq zərbə ilə tamamlayıb.Beləliklə, “Zirə” mövsümdə Rəşad Sadıqovun rəhbərliyi altında ilk qələbəsini qazanıb.Bu nəticədən sonra xallarının sayını 4-ə çatdıran “Zirə” turnir cədvəlində üçüncü pilləyə yüksəlib. “Səbail” isə ardıcıl ikinci məğlubiyyətini qazanaraq xalsız qalıb.Xatırladaq ki, turun ilk oyun günündə “Neftçi” klubu “Sumqayıt”a məğlub olub. “Qarabağ”-“Keşlə” oyununda isə qalib müəyyənləşməyib - 0:0.Tura ayın 13-də baş tutacaq “Sabah”–“Qəbələ” qarşılaşmaları ilə yekun vurulacaq.xeber100.com

İngiltərə Premyer Liqasının 2020-2021-ci il mövsümündə

Sentyabrın 12-də futbol üzrə İngiltərə Premyer Liqasının 2020-2021-ci il mövsümünün I turunun növbəti oyunu keçirilib.Azərtac xəbər verir ki, turun ilk oyun gününün növbəti oyununda son çempion “Liverpul” öz meydanında debütant “Lids Yunayted” komandasını qəbul edib.Məhsuldarlığı ilə seçilən görüş meydan sahiblərinin 4:3 hesablı qələbəsi ilə başa çatıb.“Liverpul”un heyətində Məhəmməd Salah (4, 33, 88), Viljil van Deyk (20), “Lids Yunayted”in isə Jak Harrison (12), Patrik Bamford (30) və Mateusz Kliç (66) fərqləniblər.Günün digər görüşündə “Kristal Palas” öz meydanında “Southemton” komandasını (1:0), “Arsenal” isə səfərdə “Fulhem” klubunu məğlub edib - 3:0.Turun ilk oyun gününün son görüşü “Vest Ham Yunayted” və “Nyukasl Yunayted” komandaları arasında olacaq.xeber100.com

Tennis üzrə “Böyük dəbilqə” seriyasından ABŞ açıq turnirində

Sentyabrın 12-də tennis üzrə “Böyük dəbilqə” seriyasından ABŞ açıq turnirində (US Open) qadınlar arasında final görüşü keçirilib.Azərtac xəbər verir ki, ümumi mükafat fondu 54,4 milyon dollar olan turnirin həlledici görüşündə Yaponiya tennisisçisi Naomi Osaka və belaruslu Viktoriya Azarenko üz-üzə gəlib.Görüş yaponiyalı idmançının qələbəsi ilə başa çatıb - 1:6, 6:3, 6:3.İyirmi iki yaşlı tennisisçi karyerasında ikinci dəfə “US Open” turnirinin qalibi adını qazanıb.O, sonuncu dəfə 2018-ci ildə bu titula yiyələnib.Bu titulun son qalibi kanadalı tennisçi Byanka Andresku olub.Qeyd edək ki, yarımfinal mərhələsində Naomi ABŞ idmançısı Jennifer Bredini (6:7, 6:3, 3:6), Viktoriya Azarenko isə turnirin altıqat qalibi Serena Vilyamsı (6:7, 6:3, 3:6) məğlub edib.xeber100.com

Türkiyə çempionatının birinci turunun ikinci oyun günündə

Sentyabrın 12-də futbol üzrə Türkiyə çempionatının birinci turunun ikinci oyun günündə "Qalatasaray" doğma meydanda "Qaziantep"i qəbul edib.Azərtac xəbər verir ki, "Türk Telekom" stadionunda keçirilən görüşə meydan sahibləri fəal başlayıblar. Qarşılaşmanın 8-ci dəqiqəsində İstanbul təmsilçisinin hücumçusu Radamel Falkao hesabı açıb. İstanbullular matçın 28-ci və 40-cı dəqiqələrində fərqlənərək komandalarının qələbəsini rəsmiləşdiriblər. "Qalatasaray"ın qollarını Emre Kılınç və Radamel Falkao vurub. "Qaziantep" vurulan qollardan birinin əvəzini çıxsa da məğlubiyyətdən xilas ola bilməyiblər.Beləliklə, "Qalatasaray" Türkiyə çempionatının birinci turuna qələbə ilə başlayıb.Yeni mövsümdə Superliqada 21 komanda yarışır. Birinci turda "Konyaspor" istirahət edir.Turun digər oyunlarında "Fatih Karagümrük" doğma meydanda "Yeni Malatyaspor"un qapısından üç cavabsız qol keçirib. "Sivasspor" isə öz meydanında "Alanyaspor"a iki cavabsız qolla uduzub. "Göztəpə" isə "Dənizlispor"u 5:1 hesabı ilə darmadağın edib.Turun digər matçları sentyabrın 13-də "Ankaragücü" - "Ərzurumspor", "Kayserispor" - "Kasımpaşa", "Antalyaspor" – "Gənclərbirliyi" və b.xeber100.com    

21 Sentyabr -Sülh Gününə həsr olunmuş futbol turniri keçiriləcək

21 Sentyabr - Ümumdünya Sülh Gününə həsr olunmuş futbol turniri keçiriləcək.Azərtac xəbər verir ki, Xüsusi Olimpiya Komitəsinin təşkilatçılığı ilə keçiriləcək turnirdə həm sağlam, həm də sağlamlıq imkanları məhdud idmançılar birgə mübarizə aparacaqlar.Turnir sentyabrın 16-da Şağan Olimpiya İdman Kompleksində təşkil olunacaq.xeber100.com

Azərbaycan Premyer Liqasında ikinci turun növbəti oyunu keçirilib

Sentyabrın 11-də futbol üzrə Azərbaycan Premyer Liqasında ikinci turun növbəti oyunu keçirilib.Azərtac xəbər verir ki, turun ilk oyun gününün ikinci matçında son çempion “Qarabağ" klubu səfərdə “Keşlə”nin qonağı olub. Qarşılaşma qolsuz bərabərliklə başa çatıb.Bu nəticədən sonra xallarının sayını 4-ə çatdıran “Qarabağ” liderliyini qoruyub. Eyni xala malik “Keşlə” isə 2-ci pillədə qərarlaşıb.Günün digər oyununda “Neftçi” öz meydanında “Sumqayıt”a 0:2 hesabı ilə uduzub.Qeyd edək ki, tura sentyabrın 12-də keçiriləcək “Səbail”- “Zirə” və sentyabrın 13-də baş tutacaq “Sabah” – “Qəbələ” qarşılaşmaları ilə yekun vurulacaq.xeber100.com

“Paris Sen-Jermen” futbol klubu heyətinə yeni müdafiəçi cəlb edib

Fransanın “Paris Sen-Jermen” futbol klubu heyətinə yeni müdafiəçi cəlb edib.Azərtac xəbər verir ki, Paris təmsilçisi İtaliyanın “Roma” komandasının müdafiəçisi Alessandro Florenzini 2020-2021-ci il mövsümünün sonunadək icarəyə götürüb. “Paris Sen-Jermen”in 29 yaşlı oyunçu üçün 500 min avro icarə haqqı ödəyib. Klub mövsümün sonunda 9 milyon avro ödəyərək italiyalı futbolçunu birdəfəlik almaq hüququna malikdir.Qeyd edək ki, Florenzi yeni klubunda 24 nömrəli formanı geyinəcək.xeber100.com

Tennis üzrə “Böyük dəbilqə” seriyasından ABŞ açıq turnirində

Sentyabrın 12-də tennis üzrə “Böyük dəbilqə” seriyasından ABŞ açıq turnirində (US Open) kişilər arasında ikinci finalçı müəyyənləşib.Azərtac xəbər verir ki, turnirin ikinci yarımfinal görüşündə Danil Medvedev (Rusiya) və Dominik Tim (Avstriya) üz-üzə gəliblər. İki saat 53 dəqiqə davam edən görüş avstriyalı tennisçinin qələbəsi ilə başa çatıb - 6:2, 7:6 (9:7), 7:6 (7:5).Dominik Tim turnirin həlledici görüşündə almaniyalı Aleksander Zverev ilə qarşılaşacaq.A.Zverev yarımfinalda Pablo Karreno-Busta (İspaniya) üzərində çətin qələbə qazanıb - 6:3, 6:2, 3:6, 4:6, 3:6.Ümumi mükafat fondu 53,4 milyon dollar təşkil edən turnirə sentyabrın 13-də yekun vurulacaq.xeber100.com

İngiltərə Premyer Liqasının 2020-2021-ci il mövsümünə start verilib

Sentyabrın 12-də futbol üzrə İngiltərə Premyer Liqasının 2020-2021-ci il mövsümünə start verilib.Azərtac xəbər verir ki, çempionatın açılış matçında “Arsenal” səfərdə “Fulhem” ilə üz-üzə gəlib. London derbisində “topçular” 3:0 hesabı ilə qələbə qazanıblar. Görüşdə hesab 8-ci dəqiqədə açılıb. “Arsenal”ın hücumçusu Aleksandr Lakazet mövsümün ilk qoluna imza atıb. Matçın 49-cu dəqiqəsində Qabriel Dos Santos, 57-ci dəqiqədə isə Pyer-Emerik Obameyanq fərqləniblər.Tura sentyabrın 14-də yekun vurulacaq.xeber100.com

“Monako” futbolçusunun “Başakşəhər”ə keçidi rəsmiləşib

Fransanın “Monako” klubunun futbolçusu Naser Şadlinin İstanbulun “Başakşəhər” komandasına keçidi rəsmiləşib.Azərtac klubun saytına istinadla xəbər verir ki, belçikalı yarımmüdafiəçi ilə 1+1 illik müqavilə imzalanıb. Onun yeni klubunda 11 nömrəli forma geyinəcəyi bildirilib.Qeyd edək ki, 31 yaşlı futbolçu 2018-ci ildən “Monako”da oynayıb.xeber100.com