İspaniyanın “AS” qəzeti yazır…

İspaniyanın nüfuzlu idman nəşri olan “AS” qəzeti futbol üzrə Topaz Premyer Liqasının sonuncu turundan yazıb.Azərtac xəbər verir ki, “Qarabağ” Azərbaycan liqasında xal itkisi ilə üzləşdi” sərlövhəli yazıda Premyer Liqanın 9-cu turunun mərkəzi qarşılaşması olan “Qəbələ”-“Qarabağ” oyunu haqqında ətraflı məlumat verilib.Məqalədə qeyd olunub ki, bu turda “Qəbələ”yə uduzmasına baxmayaraq, “Qarabağ” çempionatda liderliyini qoruyur. Yazıda 9-cu turun digər qarşılaşmasında “Sumqayıt”a 1:2 hesabı ilə məğlub olan “Zirə”nin üçüncü pilləyə gerilədiyi vurğulanıb.Xatırladaq ki, Topaz Premyer Liqasının 9-cu turunun sonuncu və mərkəzi qarşılaşmasında “Qəbələ” doğma meydanda “Qarabağ” komandasına 1:0 hesabı ilə qalib gəlib. Hazırda hər iki komandanın 19 xalı olsa da, bir oyun az keçirən ağdamlılar top fərqinə görə liderliyi davam etdirirlər.xeber100.com

Ağır atletika üzrə Avropa çempionatına yekun vurulub

Albaniyanın Dürres şəhərində 20-23 yaşlı gənclər arasında ağır atletika üzrə Avropa çempionatına yekun vurulub.Azərtac xəbər verir ki, turnirdə Azərbaycanın gənclərdən ibarət yığma komandasının doqquz üzvü körpücük üzərinə çıxıb.Millimiz yarışı 1 medalla başa vurub. Təmsilçimiz Hüseyn İsmayılov (94 kq) yaşı 20-dək olan atletlər arasında yarışda fərqlənib. Hüseyn birdən qaldırma hərəkətində 158 kiloqramı ram edib və bu hərəkətdə üçüncü olub. Atletimiz təkanla qaldırma hərəkətində 188 kiloqramı qaldıraraq bu hərəkətdə dördüncü olub. Hüseyn İsmayılov toplam 346 kiloqramı (158+188) nəticə ilə Avropa çempionatında bürünc medal qazanıb.Yarışda 36 ölkədən 405 atlet (170 qadın və 235 kişi) birincilik uğrunda mübarizə aparıb.xeber100.com

Cüdoçular arasında dünya birinciliyində fərdi yarışlar başa çatıb

Xorvatiyanın paytaxtı Zaqrebdə keçirilən gənc cüdoçular arasında dünya birinciliyində fərdi yarışlar başa çatıb. Azərbaycan millisi mundialın sonuncu günündə daha bir uğura imza atıb.Azərbaycan Cüdo Federasiyasından Azərtac-a bildiriblər ki, 100 kiloqram çəki dərəcəsində ölkəmizi təmsil edən Zelim Kotsiyev finala gedən yolda Koreya, Özbəkistan, Avstriya və Tacikistandan olan rəqiblərinə qalib gəlib. Həlledici qarşılaşmada Z.Kotsiyevin rəqibi erməni əsilli Rusiya idmançısı Armen Adamyan olub. Cüdoçumuz bu görüşdə əzmkar mübarizə apararaq qələbə qazanıb. Zaqrebdə Azərbaycan cüdoçusuna dünya birinciliyinin qızıl medalı təqdim olunub və onun şərəfinə dövlət himnimiz səsləndirilib, bayrağımız qaldırılıb.Bununla da millimiz kişilərin fərdi yarışlarında bütün rəqiblərindən daha yaxşı nəticə göstərərək birinci yeri tutub. Azərbaycan cüdoçuları Yaponiya, Rusiya, Gürcüstan, Braziliya, Almaniya, Özbəkistan, Türkiyə, Fransa, İtaliya və digər milli komandaları qabaqlayıblar. Ümumi komanda hesabında isə gənclərimiz yalnız Yaponiyadan geri qalaraq ikinci olublar.Xatırladaq ki, dünya çempionatında Hidayət Heydərov (73 kq), Zelim Kotsiyev (100 kq) qızıl, Natiq Qurbanlı (55 kq), Kəramət Hüseynov (60 kq) gümüş və Nəzakət Əzizova (52 kq) bürünc medal əldə ediblər.Qeyd edək ki, 83 ölkədən 590 idmançının (346 oğlan, 244 qız) mübarizə apardığı birincilikdə Azərbaycan milli komandası 15 cüdoçu (10 oğlan, 5 qız) ilə təmsil olunub.xeber100.com

Məşqçi və cüdoçular üçün seminar keçirilib

Cüdo Federasiyasının təşkilatçılığı ilə məşqçi və cüdoçular üçün seminar keçirilib.Azərtac xəbər verir ki, seminarda federasiya tərəfindən Naxçıvan şəhərinə ezam olunmuş təcrübəli mütəxəssislər, beynəlxalq dərəcəli hakimlər cüdonun daim inkişafda olan texnika və qaydaları haqqında ətraflı məlumat veriblər.Məşqçinin tələbələri, yarışa hazırlıq prosesi, çəki və qidalanmaya nəzarət barədə təlimatlar verilib, onların yarışlarda tələbələrini idarə etmə bacarığı, özünü aparma qaydalarını tam bacarma qabiliyyəti geniş müzakirə olunub. Seminarda yeniyetmə idmançılara əyani və praktiki təlimlər keçirilib.Qeyd edək ki, Naxçıvanda yeniyetmələr arasında cüdo üzrə şəhər açıq birinciliyi keçiriləcəkdir.xeber100.com

Topaz Premyer Liqasının IX turunun ilk oyununda

Oktyabrın 21-də Topaz Premyer Liqasının IX turunun ikinci gününün ilk oyununda Gəncə şəhər stadionunda “Kəpəz” klubu paytaxt təmsilçisi “Neftçi”ni qəbul edib.Azərtac xəbər verir ki, baş hakim Əliyar Ağayevin idarə etdiyi görüşdə qonaqlar minimal hesabla qalib gəliblər. Oyunda yeganə qolu 41-ci dəqiqədə Ruslan Abışov meydan sahiblərinin qapısından keçirib.Matçın ikinci hissəsində “Kəpəz”in hesabı bərabərləşdirmək səyləri heç bir nəticə verməyib və görüş “Neftçi”nin minimal hesablı qələbəsi ilə yekunlaşıb.Beləliklə, ardıcıl üçüncü qələbəsini qazanaraq xallarının sayını 10-a çatdıran “Neftçi” beşinci pilləyə yüksəlib. “Kəpəz” klubu isə dörd xalla turnir cədvəlində sonuncudur.Günün ikinci qarşılaşmasında isə “Kapital Bank Arena”da “Sumqayıt və “Zirə” klubları üz-üzə gələcəklər.Turun maraqla gözlənilən qarşılaşması oktyabrın 22-də keçiriləcək. Həmin gün “Qəbələ” komandası “Qarabağ” klubunu qəbul edəcək.Hazırda turnir cədvəlinə 19 xalla “Qarabağ” başçılıq edir. Hesabında 18 xal olan “Zirə” ikinci, “Qəbələ” 16 xalla üçüncü pillədədir.xeber100.com

“Sumqayıt” klubu “Zirə” ilə qarşılaşıb

Azərbaycan Premyer Liqasının IX turunun ikinci oyun gününün sonuncu görüşündə “Sumqayıt” klubu “Zirə” ilə qarşılaşıb.Azərtac xəbər verir ki, “Kapital Bank Arena”da baş hakim İnqilab Məmmədovun idarə etdiyi matçın dördüncü dəqiqəsində “Zirə”nin futbolçusu Sadio Tounkara hesabı açıb. Görüşün 37-ci dəqiqəsində Amil Yunanov hesabda tarazlığı bərpa edib – 1:1. Oyunun ilk hissəsi bu hesabla da başa çatıb.İkinci hissənin sonlarında meydan sahibləri hesabda önə çıxa bilib. Vurğun Hüseynov 83-cü dəqiqədə “Sumqayıt”ın ikinci qolunu vurub – 2:1. Görüşdə qapılara başqa qol vurulmayıb.Bu qələbədən sonra “Sumqayıt” klubu 13 xalla dördüncü pillədəki mövqeyini möhkəmləndirib.Turun maraqla gözlənilən qarşılaşması oktyabrın 22-də olacaq. Həmin gün “Qəbələ” komandası “Qarabağ” klubunu qəbul edəcək.Hazırda turnir cədvəlinə 19 xalla “Qarabağ” başçılıq edir. Hesabında 18 xal olan “Zirə” ikinci, “Qəbələ” 16 xalla üçüncü pillədədir.xeber100.com

“Corsican Circuit” beynəlxalq şahmat turniri keçiriləcək

Oktyabrın 21-də Fransanın Bastiya şəhərində 21-ci “Corsican Circuit” beynəlxalq şahmat turniri keçiriləcək.Azərtac xəbər verir ki, beynəlxalq turnirdə Azərbaycanı qrossmeyster Namiq Quliyev təmsil edəcək.Əvvəlcə 81 şahmatçının, o cümlədən 9 qrossmeysterin iştirakı ilə “Open Oscaro” keçiriləcək. Turnir İsveçrə sistemi üzrə keçiriləcək və 9 turdan ibarət olacaq. Onun yekunlarına əsasən rapid üzrə “Corsica Masters” turnirinin 16 iştirakçısı müəyyən ediləcək. “Corsica Masters” oktyabrın 29-da Ayaçço şəhərində keçiriləcək.Beynəlxalq şahmat turnirinin reytinq-favoritləri amerikalı Qata Kamski, rusiyalı Aleksey Dreyev və ukraynalı Vladimir Onişşukdur.xeber100.com

Beynəlxalq Şahmat Federasiyasının məlumatı

Beynəlxalq Şahmat Federasiyasının saytında FIDE-nin yeni titul sahiblərinin (qrossmeysterlərin, ustaların, hakimlərin və təşkilatçıların) siyahısı dərc edilib.Azərtac xəbər verir ki, FIDE-nin Prezident Şurasının Antalyada keçirilən 88-ci iclasında yeni titullara Azərbaycan təmsilçiləri Ülviyyə Fətəliyeva - qadın qrossmeysteri, Abdulla Qədimbəyli - beynəlxalq usta, Məhəmməd Muradlı isə beynəlxalq ustalığa namizəd adına layiq görülüblər.xeber100.com

“Everton” klubu “Lion” kollektivini qəbul edib

Oktyabrın 19-da futbol üzrə Avropa Liqasının qrup mərhələsinin III turunun oyunları keçirilib.Azərtac xəbər verir ki, 12 qrupda ümumilikdə 24 matç oynanılıb.Turun maraqlı qarşılaşmalarından biri Liverpul şəhərində keçirilib. İngiltərənin “Everton” klubu Fransanın “Lion” kollektivini qəbul edib və 1:2 hesabı ilə məğlubiyyətə uğrayıb. Qazaxıstanın “Astana” və İspaniyanın “Real Sosyedad” klubları isə rəqiblərinə böyük hesabla qalib gəliblər. Onlar müvafiq olaraq “Makkabi” (İsrail, 4:0) və “Vardar” (Macarıstan, 6:0) kollektivlərindən üstün olublar.Günün digər oyunları isə aşağıdakı kimi nəticələnib: “A” qrupu "Vilyarreal" (İspaniya) – “Slaviya” (Praqa, Çexiya) – 2:2 “B” qrupu “Dinamo” (Kiyev, Ukrayna) – “Yanq Boyz” (İsveçrə) – 2:2 “Skenderbeu” (Albaniya) – “Partizan” (Serbiya) – 0:0 “C” qrupu “Hoffenhaym” (Almaniya) – “Başakşehir” (Türkiyə) – 3:1 “Braqa” (Portuqaliya) – “Lüdoqorets” (Bolqarıstan) – 0:2 “D” qrupu “Milan” (İtaliya) - AEK (Yunanıstan) – 0:0 “Austriya” (Avstriya) – “Riyeka” (Xorvatiya) – 1:3 “E” qrupu “Atalanta” (İtaliya) – “Apollon” (Kipr) – 3:1 “F” qrupu “Şerif” (Moldova) – “Lokomotiv” (Moskva, Rusiya) – 1:1 “Zlin” (Çexiya) – “Kopenhagen” (Danimarka) – 1:1 “G” qrupu “Hapoel” (Beer-Şeva, İsrail) – “Styaua” (Rumıniya) – 1:2 “Luqano” (İsveçrə) – “Viktoriya” (Plzen, Çexiya) – 3:2 “H” qrupu “Srvena Zvezda” (Serbiya) – “Arsenal” (İngiltərə) – 0:1 BATE (Belarus) – “Köln” (Almaniya) – 1:0 “I” qrupu “Marsel” (Fransa) – “Gimaraynş” (Portuqaliya) – 2:1 “Konyaspor” (Türkiyə) – “Zalsburq” (Avstriya) – 0:2 “J” qrupu “Zarya” (Ukrayna) – “Herta” (Almaniya) – 2:1 “Ostersun” (İsveç) – “Atletik” (İspaniya) – 2:2 “K” qrupu “Nitsa” (Fransa) – “Latsio” (İtaliya) – 1:3 “Zülte-Varegem” (Belçika) – “Vitess” (Hollandiya) – 1:1 “L” qrupu “Zenit” (Rusiya) – “Rusenborq” (Norveç) – 3:1

Həndbol Federasiyasının məlumatı əsasında…

Oktyabrın 19-da həndbol üzrə Azərbaycan çempionatının oyunu ilk dəfə olaraq paytaxtdan kənarda keçirilib.Azərbaycan Həndbol Federasiyasından Azərtac-a bildirilib ki, ölkə birinciliyinin növbəti turunda “Nur” və “İdman Akademiyası” komandaları Mingəçevirdəki “Kür” Olimpiya Tədris-İdman Mərkəzində üz-üzə gəliblər.Qarşılaşma meydan sahiblərinin 42:24 hesablı qələbəsi ilə yekunlaşıb.xeber100.com