Manatın ortaçəkili məzənnəsi 1,7000 səviyyəsində formalaşıb

Oktyabrın 9-da Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın ortaçəkili məzənnəsi 1,7000 səviyyəsində formalaşıb.xeber100.com

“Brent” markalı neftin qiyməti azalıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,78 dollar azalaraq 83,38 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,52 dollar ucuzlaşaraq 73,82 dollar olub.xeber100.com

“Caspian Energy Forum Kvemo Kartli” keçiriləcək

Noyabrda Tbilisidə “Caspian Energy Forum Kvemo Kartli” keçiriləcək.“Caspian European Club”dan Azərtac-a bildirilib ki, Kvemo Kartli regionunun Qubernatoru Şota Rexviaşvilinin “Caspian European Club”un sədrinin birinci müavini və baş icraçı direktoru Telman Əliyevlə görüşünün əsas mövzusu Tbilisidə “Caspian Energy Forum Kvemo Kartli”nin təşkili olub.“Biz “Caspian European Club”un üzv şirkətləri ilə Kvemo Kartli regionu arasında sıx əlaqələrin qurulması ideyasını dəstəkləyir və bu məsələdə hərtərəfli kömək göstərməyə hazırıq”, - deyə Ş.Rexviaşvili söyləyib.Qubernatorun sözlərinə görə, “Caspian Energy Forum Kvemo Kartli” sıralarında dünyanın 70 ölkəsindən olan 5 mindən çox şirkəti birləşdirən “Caspian European Club” ilə Kvemo Kartli regionu arasında uzunmüddətli, ikitərəfli, qarşılıqlı səmərəli və məhsuldar əməkdaşlığın əsasını qoyacaq.İkigünlük “Caspian Energy Forum Kvemo Kartli”nin əsas mövzularından biri bu regionda kənd təsərrüfatı və turizmin fəal inkişafı olacaq. Birinci gün Gürcüstan hökumətinin üzvlərinin və biznesmenlərinin iştirakı ilə plenar sessiyalar keçiriləcək. İkinci gün sahibkarları regionun investisiya imkanları və fəaliyyətdə olan müəssisələrlə tanış etmək məqsədilə Kvemo Kartli regionu üzrə tur təşkil olunacaq.Foruma hazırlıq çərçivəsində, həmçinin Gürcüstanın iqtisadiyyat və davamlı inkişaf nazirinin müavini Genadi Arveladze, Gürcüstanın İqtisadiyyat və Davamlı İnkişaf Nazirliyinin nəzdində Milli Turizm Administrasiyasının rəhbəri Giorgi Çokovadze, eləcə də Gürcüstanın ətraf mühit və kənd təsərrüfatı nazirinin iki müavini – Georgi Xanişvili və Nino Tandilaşvili ilə konsultasiya təşkil olunacaq.T.Əliyevin sözlərinə görə, “Caspian European Club”un üzv şirkətləri Gürcüstana, xüsusilə də Kvemo Kartli regionuna böyük maraq göstərirlər: “Biz özəl investorları Kvemo Kartli regionunun kənd təsərrüfatı və turizm sektoruna cəlb etmək üçün səylərimizi əsirgəməməyə çalışırıq”.Görüş çərçivəsində “Caspian European Club”, “Caspian American Club”, “Caspian Asian Club” və “Caspian Energy International Media Group”un maraqlarını təmsil edən “Caspian Ernergy Georgia LLC” şirkətinin fəaliyyəti ilə bağlı məsələlər müzakirə olunub.xeber100.com

“Interbrand” agentliyi dünya brendlərinin reytinqini tərtib edib

"Interbrand" agentliyi yeni düzəlişdə dünyanın ən bahalı brendlərinin reytinqini tərtib edib.Milli.az bildirir ki, reytinqə "Apple" başçılıq edir. Markanın dəyəri bir ildə 16% artıb və ümumi dəyəri 200 milyard dolları aşıb. İkinci pillədə 155 milyard dollarlıq dəyəri ilə "Google" qərarlaşıb. Üçlüyü isə 101 milyard dollarlıq marka dəyəri ilə "Amazon" sonlandırıb. İlk üçlüyün ümumi marka dəyəri 500 milyard dollardır.İlk onluğa, həmçinin "Microsoft", "Coca-Cola", "Samsung", "Toyota", "Mercedes-Benz", "Facebook", "McDonald's" və s. kimi markalar daxil olmağı bacarıb. Qiymətləndirməyə daxil olan markaların yarıdan çoxu texnologiya, avtomobil istehsalı, FMCG, maliyyə xidmətləri, lüks mallar aiddir.İlk dəfə olaraq reytinqə "Spotify" daxil olub. O reytinqdə 5,2 milyard dollarlıq marka dəyəri ilə, 92-ci olub. İlk dəfə reytinqə daxil olan markalar arasında "Subaru" da var. Belə ki, adıçəkilən marka 4,2 milyard dollarlıq marka dəyəri ilə 100-cü olub.Dünyada ümumi olaraq 100 ən bahalı brendlərin dəyəri 2017-ci illə müqayisədə 7,7% artıb və 2 trilyon dollara çatıb.xeber100.com

“Azərkosmos” ASC-nin məlumatı əsasında…

"Azərkosmos" ASC indiyə qədər milli peyklərin istismarından 100 mln. ABŞ dollarından çox gəlir əldə edib.Milli.Az xəbər verir ki, bunu "Azərkosmos"un sədri Rəşad Nəbiyev rəsmi qəzetə müsahibəsində bildirib.Onun sözlərinə görə, əldə olunan gəlirin 80%-dən çoxu ixracın payına düşür.ASC-nin sədri bu günədək peyklərin 25-dən çox ölkədə sabit müştəri bazasının formalaşdığını qeyd edib: "Bir məsələni qeyd edim ki, son illər Azərbaycanla eyni vaxtda peyk layihələrinə başlamış bir sıra yaxın region ölkələrinin imic və ya prestij xarakterli proqramlarından fərqli olaraq, bizim peyklərimiz milli qürur mənbəyimiz olmaqla yanaşı, kommersiya xarakteri daşıyır".Qeyd edək ki, "Azərkosmos" 2010-cu ildə peyklərin orbitə çıxarılması, idarə edilməsi və istismarı işlərinin həyata keçirilməsi məqsədi ilə təsis edilib. 2013-cü ildə "Azerspace 1" telekommunikasiya, 2014-cü ildə "Azersky" Yerin məsafədən müşahidəsi, bu il sentyabrın 26-da isə "Azerspace 2" telekommunikasiya peyki orbitə çıxarılıb.xeber100.com

“Buta Airways” aviaşirkətinin məlumatına görə…

2019-cu il iyunun 14-dən etibarən "Buta Airways" aşağıbüdcəli aviaşirkəti Gürcüstanın məşhur kurortu Batumiyə birbaşa aviareyslərə başlayacaq."Buta Airways" aviaşirkətinin mətbuat xidmətindən Azərtac-a bildiriblər ki, Batumi loukosterin Gürcüstanda ikinci istiqaməti olacaq. Belə ki, aviaşirkət artıq Bakıdan Tbilisiyə müntəzəm reyslər yerinə yetirir.Aviaşirkətin digər istiqamətləri kimi Bakı-Batumi (IATA: BUS) istiqaməti üzrə də minimal tarif 29 avro (bir tərəfə) təşkil edəcək. Uçuşlar həftədə iki dəfə - cümə və bazar günləri yerinə yetiriləcək.Aviabiletləri artıq aviaşirkətin rəsmi internet saytında ("Büdcə" və "Standart" tarifləri ilə, həmçinin aviaşirkətin satış ofislərində ("Super" tarifi ilə) əldə etmək mümkündür.Lou-kost aviaşirkət olaraq, "Büdcə" minimal tarifdə baqajın, əl yükünün daşınması, təyyarə göyərtəsində isti yeməklər, hava limanında qeydiyyat, eləcə də təyyarədə yer seçimi kimi əlavə xidmətlər ödəniş müqabilində təklif edilir. 10 kiloqramadək çəkisi olan əl yükünü, çəkisi 23 kiloqramadək olan baqaj və hava limanında ödənişsiz qeydiyyatı nəzərdə tutan "Super" tarifi üzrə aviabiletləri satış ofislərində əldə etmək olar. Saytda onlayn-qeydiyyat uçuşdan 24 saat əvvəl açılır və bütün tariflərdə pulsuzdur.Batumi Tbilisidən sonra Gürcüstanın məşhurluğuna görə ikinci turist şəhəridir. O, Qara dənizin şərq sahilində, Türkiyə ilə sərhədə yaxın yerləşir. Batumi sahilboyu bulvarı ilə məşhurdur. Burada gəzərkən şəhərin bir çox maraqlı, diqqətəlayiq yerlərini görmək, ecazkar mənzərənin gözəlliyindən həzz almaq mümkündür."Buta Airways" Azərbaycanın ilk aşağıbüdcəli aviaşirkətidir və "Azərbaycan Hava Yolları" QSC-nin (AZAL) struktur bölməsidir. 2016-ci ilin dekabrında əsası qoyulub. İlk reys 2017-ci il sentyabrın 1-də yerinə yetirilib. Aviaşirkətinin donanması müasir "Embraer" təyyarələrindən ibarətdir. Aviaşirkət Bakıda Heydər Əliyev Beynəlxalq Aeroportunda yerləşir.Qeyd edək ki, cari il oktyabrın 6-dan etibarən loukoster, həmçinin Türkiyənin kurort şəhəri İzmirə reyslər yerinə yetirməyə başlayacaq.xeber100.com

“Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,27 dollar azalaraq 86,02 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,26 dollar ucuzlaşaraq 76,18 dollar olub.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti bahalaşır.Azərtac xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,13 dollar artaraq 84,93 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,08 dollar bahalaşaraq 75,31 dollar olub.xeber100.com

Dövlət Neft Fondunun məlumatı əsasında…

2007-ci ildən cari il oktyabr ayının 1-dək Azərbaycan Respublikası Dövlət Neft Fondunun (ARDNF) “Şahdəniz” yatağı üzrə qazın satışından əldə olunan ümumi gəlirləri 2 milyard 506 milyon ABŞ dolları olub.Bu barədə Azərtac-a ARDNF-in ictimaiyyətlə əlaqələr departamentindən bildirilib.Xatırladaq ki, cari ilin əvvəlində “Şahdəniz” layihəsi çərçivəsində xarici sərmayəçilər tərəfindən Neft Fonduna 108 milyon dollar əlavə bonus ödənilib.xeber100.com

“Azəriqaz” İstehsalat Birliyi səyyar xidmətlər həyata keçirir

“Azəriqaz” İstehsalat Birliyi (İB) Maştağa qəsəbəsində səyyar formada xidmətlər həyata keçirir.İB-dən Azərtac-a bildirilib ki, oktyabrın 2-dən etibarən səyyar “ASAN xidmət” çərçivəsində “Azəriqaz” tərəfindən Sabunçu rayonunun Maştağa qəsəbəsində səyyar formada xidmətlər həyata keçirilir. Xüsusi tərtibatla hazırlanmış səyyar avtomobillər vasitəsilə birbaşa kütləvi sayğac dəyişikliyi olan ərazilərdə abonentlərə tam şəkildə “ASAN Kommunal” standartlarına uyğun xidmət göstərilməsi təmin edilir. Maştağa qəsəbəsində mədəniyyət və istirahət parkının ərazisində keçirilən xidmətin müddəti 1 ay nəzərdə tutulub.İstehlakçılar bu layihə çərçivəsində itirilmiş və zədələnmiş smart kartın bərpası, borc və ödəniş barədə arayışların verilməsi, abonent məlumatlarında dəyişikliklərin edilməsi, koda düşmüş kartların bərpası, zədələnmiş sayğacla bağlı ödənişin qəbulu da daxil olmaqla ümumilikdə 20 növ xidmətdən yararlana bilərlər.Əsas hədəflərdən biri də regionlarda açılacaq “ASAN Kommunal” mərkəzlərində “Azəriqaz” İstehsalat Birliyi tərəfindən müvafiq xidmətlərin təmin edilməsidir. Artıq cari il sentyabr ayının 21-dən etibarən “Azəriqaz” İstehsalat Birliyi tərəfindən respublika ərazisində fəaliyyət göstərən və xüsusi tərtibatda hazırlanmış “Səyyar ASAN” avtobus və qatarlarda Goranboy rayonundan başlayaraq Göyçay, Ağstafa, Xaçmaz, Tovuz, Ağdam, Hacıqabul, Cəlilabad, Şəki, Ağsu, Şirvan, Biləsuvar və Yevlax rayonlarında xidmətlər göstərməyə başlanılıb.Səyyar “ASAN xidmət”in həyata keçirilməsində əsas məqsəd “Azəriqaz” İstehsalat Birliyi tərəfindən xidmətlərin daha rahat, yeni və innovativ üsullarla təqdim edilməsi, abonentlər üçün əlçatanlığın təmin edilməsi və istehlakçı məmnunluğuna nail olunmasıdır.xeber100.com