Trans-Anadolu Boru Kəməri layihəsində…

"Cənub Qaz Dəhlizi" QSC tərəfindən Çoxtərəfli İnvestisiyalar üzrə Zəmanət Agentliyinin zəmanəti ilə Trans-Anadolu (TANAP) Boru Kəməri layihəsinin maliyyələşdirilməsi üçün 750 mln. ABŞ dolları məbləğində sindikatlaşdırılmış kredit müqaviləsi imzalanıb."Cənub Qaz Dəhlizi" QSC-dən "Apa-Economics"ə verilən məlumata görə, bu ilin iyunun 29-da Cənub Qaz Dəhlizi (CQD) layihəsinin tərkib hissəsi olan TANAP layihəsinin dəstəklənməsi məqsədilə Azərbaycanın dövlət zəmanəti, habelə Çoxtərəfli İnvestisiyalar üzrə Zəmanət Agentliyinin (MIGA) zəmanəti ilə 500 mln. dollar və 215 mln. avro ilə, ümumilikdə 750 mln. dollar məbləğində sindikatlaşdırılmış kreditin “Cənub Qaz Dəhlizi” QSC-yə ayrılmasına dair kredit və zəmanət müqavilələri imzalanıb.Qeyd olunan kredit müqaviləsinə dair dövlət zəmanəti müqaviləsini Azərbaycan Respublikası adından maliyyə naziri Samir Şərifov, kredit müqaviləsini isə CQD QSC-nin Baş direktoru Əfqan İsayev imzalayıb.Xatırladaq ki, MIGA 1988-ci ildə Dünya Bankı Qrupunun tərkib hissəsi kimi üzv ölkələrdə birbaşa investisiyaların stimullaşdırılması məqsədilə yaradılan beynəlxalq maliyyə-kredit institutudur. Bu qurum investisiyaların qeyri-kommersiya risklərdən sığortalanmasını həyata keçirir. Azərbaycan 1992-ci ildə Dünya Bankının, o cümlədən MIGA-nın üzvü olub.xeber100.com

“Bakı Metropoliteni” QSC-nin məlumatına görə…

Yay mövsümünün başlanması və sərnişin sayının azalması ilə əlaqədar olaraq, iyul ayının əvvəlindən metropoliten qatarlarının hərəkət qrafikində dəyişikliklər ediləcək.Azərtac xəbər verir ki, bu barədə “Bakı Metropoliteni” QSC-dən məlumat verilib.Bildirilib ki, qrafik bir qayda olaraq, sərnişin axınının optimal şəkildə təmin olunması məqsədini daşımaqla yay və qış mövsümü üçün ayrıca tərtib edilir. “Bakı Metropoliteni” QSC-nin sədri Zaur Hüseynovun əmrinə əsasən, iyul ayının 1-dən metropolitendə qatarların hərəkəti yay qrafikinə keçiləcək.Yay qrafikinə uyğun olaraq, xəttə əvvəlkinə nisbətən az sayda qatar buraxılacaq. Bu da qatarlararası intervalların cüzi artmasına səbəb olacaq. Yəni, sərnişinlərin əsas axın saatlarında metronun “Həzi Aslanov” stansiyasından “28 May” stansiyasına qədər və əks istiqamətdə hərəkət edən qatarlar arasındakı fasilə, qış dövründə olduğu kimi, 2 dəqiqə deyil, 2,5 dəqiqə olacaq. Sərnişinlərin az olduğu səhər və axşam saatlarında bu sahədə 3 dəqiqə və daha çox intervala hesablanmış hərəkət təşkil ediləcək.Metronun “28 May” stansiyasında yol “İçərişəhər” və “Dərnəgül” stansiyalarına doğru olmaqla, 2 istiqamətə ayrıldığına görə, həmin istiqamətlərdə qatarlararası intervallar iki dəfə böyüməklə, gur vaxtlarında 5, başqa vaxtlarda 6 dəqiqə və daha çox olacaq.Yay qrafiki yeni tədris ilinin başlanmasına kimi qüvvədə olacaq.xeber100.com

“Azeri Light” markalı neftin qiyməti ucuzlaşıb

Dünya birjalarında neftin qiyməti ucuzlaşıb.Azərtac xəbər verir ki, “Azeri Light” markalı neftin bir barrelinin qiyməti 0,34 dollar ucuzlaşaraq 78,61 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,09 dollar azalaraq 77,76 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,22 dollar ucuzlaşaraq 73,23 dollar təşkil edib.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 2,7 dollar bahalaşaraq 78,95 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,23 dollar azalaraq 77,39 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,32 dollar ucuzlaşaraq 72,44 dollar təşkil edib.xeber100.com

“AtaBank” ASC-nin lotereya kampaniyası yenidən başlayır

"AtaBank" ASC-nin bu il də hər il olduğu kimi, "Nağdsız ödə, nağd qazan" adlı ani stimullaşdırıcı lotereya kampaniyası yenidən başlayır."Nağdsız ödə, nağd qazan" – istənilən bankın plastik kart sahibinin "AtaBank"dan nağd pul qazanması şansı deməkdir! Lotereyada "AtaBank" ASC tərəfindən ticarət, ictimai-iaşə və ya xidmət obyektlərində quraşdırılmış POS-terminallar vasitəsilə Azərbaycanda fəaliyyət göstərən istənilən bank tərəfindən emissiya edilən ödəniş kartları ilə nağdsız əməliyyatlar aparan rezident şəxslər iştirak edə bilərlər.Bank kartları ilə etdiyiniz hər 25 manatlıq ödəniş çeki (və ya çekləri) sayəsində Siz 1 ani uduş lotereya kuponu əldə edirsiniz. Məhz bu lotereya Sizi şanslılardan edəcək! Lotereyanı elə yerindəcə pozun və minlərlə uduşlardan biri Sizin olsun!Ani stimullaşdırıcı lotereya kuponlarının əldə edilməsi üçün kart istifadəçisi təqvim ayı ərzində "AtaBank" ASC-nin POS-terminal şəbəkəsində nağdsız aparılmış əməliyyatlar üzrə çekləri toplayaraq bankın istənilən filial və ya şöbəsinə müraciət etməlidir.Kampaniya 1 iyun 2018-ci il tarixindən başlayıb 31 dekabr 2018-ci il tarixinədək davam edəcək.Qeyd edək ki, kampaniya bankın 25 illik yubileyinə həsr olunur.xeber100.com

Dövlət Gömrük Komitəsinin məlumatına görə…

2018-ci ilin yanvar-may aylarında dəniz nəqliyyatı ilə ümumilikdə 448 min 592 ton yük daşınıb ki, bu yüklərin dəyəri 204 milyon 856 min ABŞ dollarıdır.Dövlət Gömrük Komitəsindən Azərtac-a verilən məlumata görə, beş ayda dəniz nəqliyyatı ilə ixrac olunan 123 min 286 ton yükün dəyəri 53 milyon 229 min ABŞ dolları təşkil edir. Bu nəqliyyat növü ilə idxal olunan yüklərin həcmi 325 min 306 ton, dəyəri isə 151 milyon 626 min ABŞ dollarıdır.xeber100.com

Avtonəqliyyat vasitələrinin hərəkəti məhdudlaşdırılacaq

Avtonəqliyyat vasitələrinin təhlükəsiz hərəkətinin tənzimlənməsi məqsədilə Sabunçu yol qovşağından Zabrat qəsəbəsi istiqamətində və əksinə üfüqi nişanlanma xətlərinin yenidən rənglənməsi işləri aparılacaq.Azərbaycan Avtomobil Yolları Dövlət Agentliyinin mətbuat xidmətindən Azərtac-a verilən məlumata görə, rənglənmə işləri iyunun 27-də axşam saatlarınadək davam etdiriləcək.Bu məqsədlə avtonəqliyyat vasitələrinin hərəkəti iş aparılan zolaqlar üzrə hissə-hissə məhdudlaşdırılacaq.Sürücülərdən sözügedən ərazilərdə hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur.xeber100.com

COMEX-də sonuncu hərraclarda qızılın unsiyasının qiyməti…

Amerika fond bazarında "Dow Jones" indeksi 1,33% - 24 252,80 bəndədək, "S&P 500" 1,37% - 2 717,07 bəndədək, NASDAQ isə 2,09% - 7 532,01 bəndədək ucuzlaşıb."Apa-Economics" xəbər verir ki, Avropa fond bazarlarında "FTSE 100" indeksi 2,24% - 7 509,84 bəndədək, Almaniya DAX-ı 2,46% - 12 270,33 bəndədək, Fransa CAC-40-ı isə 1,92% - 5 283,86 bəndədək ucuzlaşıb.COMEX-də sonuncu hərraclarda qızılın unsiyasının qiyməti 4,10 dollar azalaraq 1 264,80 dollara, gümüşün unsiyasının qiyməti 0,02 dollar azalaraq 16,39 dollara satılıb.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, iyunun 25-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 812,3 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 8,01 faiz təşkil edib.xeber100.com

“Azərbaycan Xəzər Dəniz Gəmiçiliyi” QSC-nin məlumatı əsasında…

Azərbaycan Xəzər Dəniz Gəmiçiliyi qarşıdakı 10 il ərzində 72 gəmi almağı planlaşdırır.Azərtac xəbər verir ki, bu barədə "Azərbaycan Xəzər Dəniz Gəmiçiliyi" QSC-nin (AXDG) sədri Rauf Vəliyev "Dənizçi Günü" ilə bağlı keçirilən tədbirdə deyib.O bildirib ki, bu hədəfin reallaşdırılması üçün 1,5 milyard dollarlıq investisiya paketi hazırlanıb, hazırda müzakirə edilir. Bu maliyyənin bir hissəsinin AXDG, bir hissəsinin də dövlət hesabına ödənilməsi nəzərdə tutulur.xeber100.com