OPEC ölkələri nazirlərinin 4-cü iclasında

Bu gün Vyanada keçirilən Neft İxrac Edən Ölkələr Təşkilatı (OPEC) və qeyri-OPEC ölkələrinin nazirlərinin 4-cü iclası zamanı dünyada sənaye üsulu ilə ilk dəfə neft çıxarılan Bibiheybət neft buruğunun əski olan tablo Azərbaycan nümayəndə heyəti tərəfindən OPEC-ə hədiyyə olunub.Azərtac-ın verdiyi məlumata görə, energetika naziri Pərviz Şahbazov təqdimat zamanı bildirib ki, Azərbaycan “Əməkdaşlıq Bəyannaməsi”nin başlanğıcından etibarən öz öhdəliklərinə sadiqdir.P. Şahbazov qeyd edib ki, Azərbaycan həm də bu təşəbbüsün fəal iştirakçılarından biridir: “Azərbaycanda neft hələ qədim dövrdən çıxarılır. 1846-cı ildə dünyada sənaye üsulu ilə ilk dəfə neft məhz Azərbaycanda, Bakıda çıxarılıb. O gündən etibarən neftin yeni dövrü başlayıb və bu günə qədər uğurla davam etdirilir”.P. Şahbazov tədbir iştirakçılarına Azərbaycan prezidenti İlham Əliyevin OPEC və qeyri-OPEC ölkələrinin növbəti Nazirlər Şurasının iclasının Bakıda keçirilməsinə dair dəvətini çatdırıb. O qeyd edib ki, bu, hər kəs üçün nəinki Bakıdakı konfransda iştirak etmək, həm də dünyanın neft sənayesinin müqəddəs yeri olan Bakının gözəlliyini görmək üçün gözəl bir imkan olacaq.xeber100.com

Neftin qiyməti müxtəlif istiqamətlərdə dəyişib

Dünya birjalarında neftin qiyməti müxtəlif istiqamətlərdə dəyişib.Azərtac xəbər verir ki, “Azeri Light” markalı neftin bir barrelinin qiyməti 1,3 dollar ucuzlaşaraq 74,48 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,78 dollar artaraq 73,83 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,71 dollar bahalaşaraq 66,25 dollar təşkil edib.xeber100.com

2019-cu ildə Neft İxrac Edən Ölkələr Təşkilatının iclası keçiriləcək

2019-cu ildə Bakıda Neft İxrac Edən Ölkələr Təşkilatının (OPEC) iki iclası keçiriləcək.Bu barədə Azərtac-a Energetika Nazirliyindən bildirilib.Qeyd edilib ki, 2019-cu ilin yanvarında Bakıda Neft İxrac Edən Ölkələr Təşkilatı (OPEC) və OPEC+ Nazirlərinin Birgə Monitorinq Komitəsinin (JMMC) iclası keçiriləcək. Gələn ilin yayında isə Azərbaycan paytaxtında OPEC və qeyri-OPEC nazirlərinin 6-cı iclası baş tutacaq.Xatırladaq ki, 2016-cı il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Həmin il dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. Ötən il mayın 25-də OPEC Nazirlər Şurasının 172-ci iclası çərçivəsində təşkilata üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub. Noyabrın 30-da isə OPEC Nazirlər Şurasının 173-cü iclası çərçivəsində OPEC-ə üzv və kartelə daxil olmayan dövlətlərin nazirlərinin üçüncü görüşündə neft hasilatının azaldılmasına dair sazişin müddətinin 2018-ci ilin sonuna kimi uzadılması ilə bağlı qərar qəbul olunub. OPEC və qeyri-OPEC ölkələrinin bu yeni razılaşmasına Azərbaycan da qoşulub. Gündəlik neft hasilatının 834 min barrel həcmində saxlanmasına dair razılaşma müqabilində Azərbaycan istehsalı sutkada 35 min barrel azaltmaqla bağlı götürdüyü öhdəliyi ötən müddətdə tam yerinə yetirib.xeber100.com

“Azəriqaz” İstehsalat Birliyinin məlumatı

Nəsimi və Binəqədi rayonlarının bəzi hissələrinə təbii qazın verilişində fasilələr yaranacaq.“Azəriqaz” İstehsalat Birliyindən Azərtac-a bildirilib ki, diametri 720 millimetrlik “Qaradağ-Digah” magistral qaz kəmərinin 23-24-cü kilometrləri arasında dayaqlar üzərinə qaldırılması zərurəti ilə əlaqədar iyunun 21-də təmir işləri tamamlananadək Nəsimi rayonunun Tbilisi prospekti və 20 Yanvar, A.Məhərrəmov, A.Qurbanov, Bakıxanov, C.Məmmədquluzadə, H.Əliyev küçələrinin, eləcə də Binəqədi rayonunun 6, 7, 8 və 9-cu mikrorayonlarının, Rəsulzadə, Xutor, Sulutəpə, Xocəsən, Biləcəri qəsəbələrinin və Motodrom adlanan ərazinin bir hissəsində təbii qazın verilişində fasilələr yaranacaq.Görülən zəruri təmir işlərinin Yeni Yasamal yaşayış massivinin bir hissəsinin də qaz təchizatına təsir göstərməsi mümkündür.Aparılan təmir işləri iyunun 22-də yekunlaşdırılaraq təbii qazın verilişində yaranan fasilə aradan qaldırılacaq.“Azəriqaz” bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com

İyunun 22-nə olan USD/AZN rəsm məzənnəsi açıqlanıb

Azərbaycan Mərkəzi Bankı (AMB) iyunun 22-nə olan USD/AZN rəsmi məzənnəsini açıqlayıb.Bankdan Azərtac-a bildiriblər ki, Azərbaycan Mərkəzi Bankının iyunun 22-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Londonun ICE birjasında “Brent” markalı neftin qiyməti…

Dünya birjalarında neftin qiyməti bahalaşır.Azərtac xəbər verir ki, “Azeri Light” markalı neftin bir barrelinin qiyməti 0,05 dollar bahalaşaraq 75,47 dollar olub.Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,27 dollar artaraq 75,35 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,36 dollar bahalaşaraq 65,43 dollar təşkil edib.xeber100.com

Amerika fond bazarında “Dow Jones” indeksi…

Amerika fond bazarında "Dow Jones" indeksi 0,41% - 24 987,47 bəndədək, "S&P 500" 0,21% - 2 773,75 bəndədək ucuzlaşıb, NASDAQ isə 0,65% - 7 747,02 bəndədək bahalaşıb."Apa-Economics" xəbər verir ki, Avropa fond bazarlarında "FTSE 100" indeksi 0,03% - 7 631,33 bəndədək, Almaniya DAX-ı 1,36% - 12 834,11 bəndədək, Fransa CAC-40-ı isə 0,93% - 5 450,48 bəndədək ucuzlaşıb.COMEX-də sonuncu hərraclarda qızılın unsiyasının qiyməti 5,40 dollar artaraq 1 285,50 dollara, gümüşün unsiyasının qiyməti 0,07 dollar artaraq 16,51 dollara satılıb.xeber100.com

Nyu-Yorkun NYMEX əmtəə birjasında neftin qiyməti azalıb

Dünya birjalarında neft ucuzlaşmaqda davam edir."Apa-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 0,36 dollar və ya 0,55% azalaraq 65,49 dollar təşkil edib.ICE London qitələrarası birjasında Brent markalı neftin qiyməti 0,54 dollar və ya 0,72% azalaraq 74,80 dollar təşkil edib.xeber100.com

Azərbaycan-Pakistan biznes forumu keçiriləcək

Bakıda Azərbaycan-Pakistan biznes forumu keçiriləcək.Azərbaycanda İxracın və İnvestisiyaların Təşviqi Fondundan (AZPROMO) "Apa-Economics"ə verilən məlumata görə, biznes forum iyul ayının 4-də İqtisadiyyat Nazirliyinin dəstəyi və AZPROMO-nun təşkilatçılığı ilə baş tutacaq.Biznes forumda iqtisadi əməkdaşlıq və əlaqələrin genişləndirilməsi perspektivləri müzakirə ediləcək.Tədbir çərçivəsində Azərbaycan və Pakistan iqtisadiyyatına, bu ölkələrin biznes və investisiya imkanlarına dair təqdimatlar keçiriləcək, iş adamları arasında ikitərəfli görüşlər təşkil olunacaq.xeber100.com

“AzeriLight” markalı neftin dəyəri azalıb

Azərbaycan nefti ucuzlaşıb."Apa-Economics" xəbər verir ki, "AzeriLight" markalı neftin 1 barelinin dəyəri 2,71 dollar və ya 3,53% azalaraq 73,99 dollar təşkil edib.xeber100.com