Dünya birjalarında neftin qiyməti…

Dünya birjalarında neftin qiyməti 1 dollaradək bahalaşıb.Azərtac xəbər verir ki, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,85 dollar bahalaşaraq 51,45 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,92 dollar artaraq 57,17 dollar təşkil edib.xeber100.com

Avtonəqliyyat vasitələrinin hərəkəti məhdudlaşdırılacaq

Oktyabrın 14-də axşam saat 22:00-dan etibarən Bakının Xətai rayonu, Yusif Səfərov küçəsində üfüqi nişanlanma xətlərinin yenidən çəkilişi işləri ilə əlaqədar avtonəqliyyat vasitələrinin hərəkəti tam və ya qismən mədudlaşdırılacaq.Bu barədə Azərtac-a “Azəravtoyol” ASC-nin mətbuat xidmətindən bildirilib.Sözügedən ərazidə rənglənmə işlərinin səhər saatlarınadək yekunlaşdırılması nəzərdə tutulub."Azəravtoyol” ASC tərəfindən avtonəqliyyat vasitələrinin hərəkətinin tənzimlənməsi məqsədilə yol-cizgi və yolgöstərici xətlərinin yenidən rənglənməsi və yenilərinin çəkilməsi işləri davam etdirilir.xeber100.com

Banklar gücləndirilmiş iş rejiminə keçəcək

İkinci Bakı Şopinq Festivalı ilə əlaqədar olaraq Azərbaycan Respublikası Maliyyə Bazarlarına Nəzarət Palatasının (MBNP) tövsiyəsi ilə oktyabrın 15-dən etibarən 24 bankın 58 filial və şöbəsi gücləndirilmiş iş rejimində fəaliyyət göstərəcək.MBNP-nin mətbuat xidmətindən Azərtac-a bildiriblər ki, festival dövründə ölkə vətəndaşları və qonaqların valyuta mübadiləsi xidmətlərindən rahat və fasiləsiz yararlana bilmələri üçün bankların 7 filial və şöbəsi həftənin bütün günləri 24 saat, digərləri isə şənbə və bazar günləri də daxil olmaqla gücləndirilmiş iş rejimində xidmət göstərəcək.xeber100.com

“Azərbaycan Dəmir Yolları” QSC-nin məlumatı

Bakıdan Naxçıvana dəmir yolu xətti yaradılacaq.Azərtac xəbər verir ki, bu barədə “Azərbaycan Dəmir Yolları” QSC-nin sədri Cavid Qurbanov jurnalistlərə açıqlamasında deyib.O bildirib ki, bu xəttin yaradılması Türkiyə və ya İran üzərindən mümkündür. Bakı-Tbilisi-Qars dəmir yolu xətti istifadəyə verildikdən sonra Qarsdan Sədərəkə dəmir yolu xətti çəkilə bilər. Bu layihənin dəyəri 2-2,5 milyard dollar təşkil edir. Türkiyə dövlətinin bu maliyyəni nə vaxt ayıracağı məlum deyil.C.Qurbanovun sözlərinə görə, Bakıdan Naxçıvana dəmir yolu əlaqəsinin yaradılması İran istiqamətindən də həyata keçirmək mümkündür. İranda “Şimal-Cənub” Beynəlxalq Nəqliyyat Dəhlizi tikildikdən sonra, bu ölkədən keçərək 1450 kilometr məsafəni qatarla Bakıdan Naxçıvana qət etmək mümkün olacaq. Bu yolun maliyyə dəyəri 1 milyard dollar təşkil edir. İran tərəfi yolun torpağını almağı öhdəsinə götürüb. Bütün bu tikinti işləri yekunlaşandan sonra İrandan keçməklə yəni 1450 kilometr ötməklə Bakıdan Naxçıvana məsafə qət edə biləcəyik. Dövlət başçısı da bu layihənin reallaşmasında maraqlıdır.xeber100.com

Avropa Banklar Federasiyasının 45-ci toplantısı keçirilib

Azərbaycan Banklar Assosiasiyasının (ABA) icraçı direktoru Yunus Abdulov Avropa Banklar Federasiyasının (ABF) Brüssel şəhərində keçirilən 45-ci toplantısında iştirak edib.Azərtac ABA-ya istinadla xəbər verir ki, iclasda Avropa İttifaqı ölkələrində baş verən son hadisələr, Avropa İnvestisiya Bankının Qərbi Balkan və Avropa İttifaqında rolu, risklərin azaldılması üçün tədbirlər və bu barədə danışıqlar, "FinTechs"in diqqət mərkəzində olması, üzvlüyün inkişafı, həmçinin digər məsələlər müzakirə edilərək fikir mübadiləsi aparılıb.Qeyd edək ki, Almaniyanın Frankfurt şəhərində də nümayəndəliyi olan ABF-nin baş qərargahı Brüsseldə yerləşir. Avropanın 32 ölkəsinin banklar assosiasiyaları federasiyanın üzvüdür. Bu assosiasiyalar, ümumilikdə 3500 Avropa banklarını və 2 milyon bank əməkdaşını təmsil edir. ABA federasiyanın təcrübəsindən sıx faydalanır. ABA-nın icraçı direktoru Yunus Abdulov federasiyanın Brüsseldəki baş ofisində iş təcrübəsinə malikdir. Hazırda ABA-nın nəzdində fəaliyyət göstərən ekspert qruplarının işinin təşkilində mövcud xarici təcrübə tətbiq olunmaqdadır. ABA 2008-ci ilin fevralından ABF-nin assosiativ üzvüdür.xeber100.com

“AtaBank” həftənin bütün günləri fəaliyyət göstərəcək

İkinci Bakı Şopinq Festivalı ilə əlaqədar "AtaBank" həftənin bütün günləri fəaliyyət göstərəcək.Bankdan Azərtac-a bildiriblər ki, "AtaBank"ın 2 filial və 1 şöbəsi oktyabrın 15-dən noyabrın 15-dək şənbə-bazar günləri də daxil olmaqla, saat 09:00-dan – 18:00-dək gücləndirilmiş iş rejimində işləyəcək:"Mərkəz" filialı - Bakı şəhəri, Ş.Bədəlbəyli küçəsi, 102; 09:00 – 18:00-dək (fasiləsiz)"Bakı" filialı - Bakı şəhəri, Neftçilər prospekti, 67; 09:00 – 18:00-dək (fasiləsiz)"Sahil" şöbəsi - Bakı şəhəri, Puşkin küçəsi, 9; 09:00 – 18:00-dək (fasiləsiz)Filialların müvəqqəti iş rejiminə keçidi İkinci Bakı Şopinq Festivalı zamanı həm yerli müştərilərə, həm də şəhərin qonaqlarına keyfiyyətli və fasiləsiz xidmət göstərmək məqsədilə həyata keçirilir.xeber100.com

Azərbaycan-ABŞ biznes-forumu keçiriləcək

Oktyabrın 16-da ABŞ-ın iş adamlarından ibarət nümayəndə heyətinin ölkəmizə səfəri çərçivəsində Bakıda Azərbaycan-ABŞ biznes-forumu keçiriləcək. Tədbir İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə baş tutacaq.AZPROMO-dan Azərtac-a bildiriblər ki, tədbirə tikinti və tikinti materialları, İKT, kənd təsərrüfatı texnologiyaları, mühəndislik, ödəmə sistemləri, avtomobil icarəsi, logistika, radar sistemləri, aerokosmik müdafiə sistemləri, təhlükəsizlik, layihələrin idarə olunması, maliyyə, avadanlıq, ağartı məhsulları və digər sahələrdə fəaliyyət göstərən 17 ABŞ şirkətinin qatılacağı gözlənilir.xeber100.com

Növbəti Şopinq Festivalı keçiriləcək

Bakıda İkinci Şopinq Festivalının keçirilməsi üçün Vergilər Nazirliyi bütün qüvvəsini səfərbər edəcək. Budəfəki festival keçəndəfəki festivaldan fərqli olacaq.Azərtac xəbər verir ki, bu fikri İkinci Şopinq Festivalına həsr edilmiş mətbuat konfransında vergilər nazirinin müavini Sahib Ələkbərov deyib.Nazir müavini bildirib ki, bu festivalın təşkili üçün Vergilər Nazirliyi müvafiq iş rejimində çalışacaq. Nazirliyin 30 əməkdaşı iki növbədə işləyəcək. Bir sözlə, Vergilər Nazirliyi operativ olaraq festivala tam hazırdır.Diqqətə çatdırılıb ki, budəfəki festivala artıq iki bank - AzərTürk Bank və Azərbaycan Beynəlxalq Bank xidmətlərini təklif edib.xeber100.com

“Azərbaycan kapital bazarları: imkanlar və perspektivlər” adlı konfrans keçirəcək

Oktyabrın 17-də Bakı Fond Birjası "SOCAR Capital" ilə birgə "Azərbaycan kapital bazarları: imkanlar və perspektivlər" adlı konfrans keçirəcək.Azərtac Azərbaycan Banklar Assosiasiyasına istinadla xəbər verir ki, konfransda Azərbaycan kapital bazarlarının perspektivlərindən, kapital bazarlarında maliyyələşmənin yollarından və mövcud təcrübədən danışılacaq.xeber100.com

Alman-Azərbaycan biznes-forumu keçirilir

Oktyabrın 11-də Bakıda Alman-Azərbaycan biznes-forumu keçirilir. Tədbir Alman-Azərbaycan Xarici Ticarət Palatası, Şərqi Avropa İqtisadi Əlaqələr üzrə Alman Komitəsinin və Almaniyanın Şərqi Avropa İqtisadi Birliyinin dəstəyi ilə baş tutub.Azərtac xəbər verir ki, forumun əsas mövzuları maliyyə, sənaye, nəqliyyat və logistika sahələridir. Məqsəd alman və Azərbaycan şirkətlərini biznes platforması ilə təmin etmək, onların işgüzar əməkdaşlığı üçün mövcud imkanları müzakirə etmək, öz layihə və təkliflərini təqdim etməsinə şərait yaratmaqdır.Alman-Azərbaycan Xarici Ticarət Palatası idarə heyətinin sədri Falko Haydrix ölkələrimiz arasındakı fəal və uğurlu əməkdaşlıq əlaqələrindən söz açıb, bugünkü biznes-forumun əməkdaşlığın gücləndirilməsi üçün yeni platforma olduğunu deyib.Dövlət Gömrük Komitəsinin sədri Aydın Əliyev çıxış edərək ölkəmizdə gömrük sahəsində son illər ərzində həyata keçirilən islahatlar barədə məlumat verib, komitənin yeni təklif və fikirlərə hər zaman açıq olduğunu deyib.İqtisadiyyat nazirinin müavini Sahil Babayev nazirlik ilə Alman-Azərbaycan Xarici Ticarət Palatası arasında sıx və uzunmüddətli əməkdaşlığın bu cür tədbirlər vasitəsilə daha da gücləndiyini bildirib. Azərbaycan və Almaniya arasındakı ticarət əlaqələri üçün böyük potensialın olduğunu vurğulayan S.Babayev ölkələrimiz arasında əməkdaşlığın sənaye, nəqliyyat, logistika və enerji sahələrində investisiyalar qoyaraq inkişaf etdirilməsinin əhəmiyyətini qeyd edib.xeber100.com