Bibiheybət məscidindən yeni yol ilə hərəkət müvəqqəti məhdudlaşdırılır

Bibiheybət məscidindən şəhər istiqamətinə nəqliyyatın yeni yol ilə hərəkəti müvəqqəti məhdudlaşdırılır.Azərbaycan Avtomobil Yolları Dövlət Agentliyindən Azərtac-a bildirilib ki, aparılan tikinti-bərpa işləri ilə əlaqədar olaraq Bibiheybət məscidindən şəhər istiqamətinə yeni yol ilə hərəkət müvəqqəti məhdudlaşdırılır. Avtonəqliyyat vasitələrinin hərəkəti köhnə yol ilə 20-ci sahə adlanan ərazidən keçməklə şəhər istiqamətinə doğru təmin olunacaq.Məhdudlaşma ərazidə tikinti-bərpa işləri aparılan bir-neçə gün ərzində qüvvədə olacaq.xeber100.com  

“Azəriqaz” İstehsalat Birliyi işləmək imkanlarını səfərbər edir

Məlum olduğu kimi Azərbaycan Respublikasının Hökuməti tərəfindən koronavirus (COVID-19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam etdirilir. Xəstəlikdən vətəndaşların özünü daha ciddi qorumasına şərait yaratmaq məqsədilə bəzi dövlət qurumlarının əməkdaşları martın 29-dan aprelin 29-dək əməkhaqqı saxlanılmaqla növbədənkənar məzuniyyətə göndərilir. “Azəriqaz” İstehsalat Birliyi də Hökumətin tələb və tövsiyələrini nəzərə alaraq bir qrup işçi üçün növbədənkənar məzuniyyət qrafiki tərtib edib.“Azəriqaz” İstehsalat Birliyindən Azərtac-a bildirilib ki, qurumun strukturuna daxil olan bütün təşkilatların rəhbərləri və onların müavinləri, növbəli iş rejimi və ya iş qrafiki ilə işləyən işçilər növbədənkənar məzuniyyətə göndərilməyəcək. Lakin yaşı 60 yaşdan yuxarı olan şəxslər, öhdəsində azyaşlı uşağı olan qadınlar, onkoloji və ya ağciyər xəstəliyi olan şəxslər, özünün və ya ailə üzvlərindən birinin qrip, soyuqdəymə, halsızlıq və digər bu kimi halları olanlar, xroniki xəstəliyi olanlar növbədənkənar məzuniyyətə göndəriləcək. Bundan başqa məzuniyyət siyahısı tərtib edilərkən işə çıxarılması zəruri hesab edilməyən digər şəxslər, yəni evdən çalışması mümkün olan və ofisə gəlmədən də evdən işləyə bilən işçilərə üstünlük verilib. Yəni qurum sabahdan etibarən, daha az işçi qüvvəsi ilə maksimum işləmək imkanlarını səfərbər edir.Bu qərar təkcə ştat cədvəli ilə çalışanlara deyil, xidməti müqavilə ilə işə cəlb olunanlara da (başqa sözlə sosial yardım alan fərdi sahibkarlar) şamil olunur.xeber100.com

İqtisadiyyat Nazirliyinin məlumatına görə…

Baş Nazirin müvafiq tapşırığına uyğun olaraq, koronavirus (COVID-19) pandemiyasına yoluxma riskinin qarşısının alınması məqsədilə Hökumət Evində profilaktik və məhdudlaşdırıcı tədbirlər həyata keçirilir.İqtisadiyyat Nazirliyinin mətbuat xidmətindən Azərtac-a bildirilib ki, nazir Mikayıl Cabbarovun müvafiq əmri ilə nazirliyin strukturları üçün xüsusi iş rejimi müəyyən olunub. Nazirliyin Aparatının və strukturlarının yerləşdiyi inzibati binalara giriş-çıxış üçün xüsusi rejim tətbiq edilib. Bununla əlaqədar, nazirliyin Aparatının yerləşdiyi inzibati binada (Hökumət Evi) fəaliyyət göstərən dövlət qurumlarına və təşkilatlara müvafiq tövsiyə məktubları göndərilib.Eyni zamanda, Baş Nazirin müvafiq göstəriş-məktubuna əsasən, Hökumət Evində fəaliyyəti məhdudlaşdırılmayan qurumlarda iş həftəlik növbəli rejimdə həyata keçirilir.Bununla yanaşı, Hökumət Evində mütəmadi dezinfeksiya işləri görülür. Növbəti dezinfeksiya martın 27-də aparılacaq.xeber100.com

İqtisadiyyat Nazirliyinin məlumatına görə…

Koronavirus pandemiyasının (COVİD-19) yayılması təhlükəsi ilə bağlı məhdudlaşdırıcı tədbirlərin həyata keçirildiyini və obyektlərdə koronavirusa yoluxma halı qeydə alınarsa, həmin şəxslə (şəxslərlə) birlikdə işçilərin tam tərkibdə karantinə alınacağını nəzərə alaraq, iş fəaliyyəti məhdudlaşdırılmayan həyat əhəmiyyətli, eləcə də mühüm istehsal, emal və satış obyektlərinin fasiləsiz fəaliyyətini təmin etmək məqsədilə müəssisə və şirkət rəhbərlərinə işçilərin həftəlik növbə əsasında 50 faizinin işə cəlb edilməsi tövsiyə olunur.Azərtac xəbər verir ki, bu barədə İqtisadiyyat Nazirliyinin məlumatında bildirilir.Məlumatda deyilir: “Belə ki, obyektdə işləyən şəxsdə (şəxslərdə) koronavirusa yoluxma baş verərsə, həmin şəxslə (şəxslərlə) birlikdə olan digər işçilər tam tərkibdə karantinə alınmalı, müvafiq dezinfeksiya tədbirlərindən sonra işçilərin digər 50 faizi ilə obyektin fasiləsiz fəaliyyəti təmin edilməlidir”.xeber100.com

Beynəlxalq Aeroportundan reyslər ikinci terminaldan həyata keçiriləcək

Heydər Əliyev Beynəlxalq Aeroportundan yerinə yetirilən reyslərin sayının azalması ilə əlaqədar 24 mart saat 00:00-dan etibarən bütün reyslər ikinci terminaldan (Terminal 2) həyata keçiriləcək.Bu barədə Azərtac-a “Azərbaycan Hava Yolları” QSC-nin mətbuat xidmətindən bildirilib.Qeyd edək ki, koronavirus infeksiyasının (COVID-19) yayılması ilə mübarizə çərçivəsində “Azərbaycan Hava Yolları”nın bütün struktur bölmələri gücləndirilmiş rejimdə və dövlət strukturları ilə sıx əməkdaşlıqda işləyir.

“Aeroflot” aviaşirkəti Azərbaycana uçuşları dayandırır

Rusiyanın “Aeroflot” aviaşirkəti Azərbaycana uçuşları dayandırır.Azərtac xəbər verir ki, “Aeroflot” koronavirus pandemiyası ilə əlaqədar martın sonlarında 7 ölkəyə, o cümlədən Azərbaycana uçuşları dayandırır. Bu barədə şirkətin saytında məlumat verilib. Belə ki, Bakıya uçuşlar martın 29-dan aprelin 30-dək həyata keçirilməyəcək.Şirkət Helsinki, Stokholm, Zaqreb, Sofiya və Afinaya da reysləri müvəqqəti ləğv edib.xeber100.com

“Azəriqaz” qeyri-iş günlərində fəaliyyətini davam etdirir

“Azəriqaz” İstehsalat Birliyi Novruz bayramındakı qeyri-iş günlərində tam iş günü rejimində fəaliyyətini davam etdirir.İstehsalat Birliyindən Azərtac-a verilən məlumata görə, martın 15-dən 19-dək Heydər Əliyev prospektində yerləşən 5 saylı “ASAN xidmət” mərkəzində bir pəncərədə göstərilən xidmətlər 2 gündür ki, dayandırılıb. Müştəri xidmətləri yalnız Birliyin Mərdəkan, Xırdalan və Sabunçu xidmət sahələrində, Gəncə, Şəmkir, Tərtər, Zaqatala, Ağsu, Lənkəran, Xaçmaz, Salyan Regional qaz istismar İdarələri, Bakı Regional qaz istismar Departamenti və Sumqayıt qaz istismar Sahəsində həyata keçirilir. Bundan başqa Bakı Regional Qazın Satışı Departamentinin inzibati binasında da abonentlərə eyni xidmətlər təqdim olunur.Qarşıdakı 8 gün ərzində vətəndaşlara itirilmiş və ya zədələnmiş smart kartların bərpası, yeni qazlaşma nəticəsində quraşdırılmış smart tipli sayğacın kartının verilməsi, koda düşmüş kartların bərpası və digər zəruri xidmətlər göstəriləcək.xeber100.com

“Belavia” şirkətinin məlumatı əsasında…

Belarusda yaşayan Azərbaycan vətəndaşlarının vətənə qayıtması üçün çarter reyslər təşkil olunacaq.“Belavia” şirkətindən Azərtac-a bildirilib ki, koronavirusla bağlı Azərbaycan və Belarus arasında hava məkanı qapalı olduğundan şirkət martın 21, 25 və 29-da yerli vaxtla 23:15 Bakıya xüsusi reysləri reallaşdıracaq. Martın 22, 26 və 30-da isə yerli vaxtla 04:35-də Bakıdan Minskə aviareyslər həyata keçiriləcək.Biletlər artıq “Belavia” şirkətinin ofisində satılır. Biletlər yalnız Azərbaycan və Belarus vətəndaşları üçün satılacaq.xeber100.com

İqtisadiyyat Nazirliyində profilaktik tədbirlər davam etdirilir

Koronavirus infeksiyasının (COVID-19) yarada biləcəyi təhlükənin qarşısının alınması məqsədilə Azərbaycan Respublikası Baş Nazirinin sədrliyi ilə yaradılmış hökumət komissiyasının təsdiq etdiyi Fəaliyyət Planına uyğun olaraq, İqtisadiyyat Nazirliyində profilaktik tədbirlər davam etdirilir.Nazirliyin mətbuat xidmətindən Azərtac-a bildirilib ki, bu məqsədlə infeksiyaya qarşı mübarizənin təşkil edilməsi, xəstəliyə yoluxma hallarına yol verilməməsi və onun qarşısının alınması, bu sahədə aparılan profilaktik tədbirlərin effektivliyinin daha da artırılması məqsədilə nazirlik əməkdaşları üçün təlimat hazırlanıb.Təlimatda nəzərdə tutulan tədbirlərə ciddi əməl olunması barədə nazirliyin strukturlarına müvafiq göstəriş verilib.xeber100.com  

İçməli suyun verilməsində məhdudiyyətlər olacaq

Binəqədi və Biləcəri qəsəbələrinin bir hissəsində içməli suyun verilməsində məhdudiyyətlər olacaq.“Azərsu” ASC-dən Azərtac-a bildirilib ki, Bakı-Sumqayıt avtomobil yolunun Xırdalan dairəsi ərazisində genişləndirilməsi layihəsi çərçivəsində ərazidən keçən su xətlərinin yenilənməsi ilə əlaqədar martın 19-da gün ərzində Binəqədi və Biləcəri qəsəbələrinin bir hissəsinə içməli suyun verilməsində məhdudiyyətlər olacaq.xeber100.com