Azərbaycana 7503 çeşiddə məhsul idxal edilib

Ötən il Azərbaycana 7503 çeşiddə məhsul idxal edilib.Azərtac xəbər verir ki, bu barədə Dövlət Gömrük Komitəsi məlumat yayıb.Qeyd edək ki, 2019-cu ildə Azərbaycanda idxal əməliyyatlarının dəyəri 13 milyard 667,2 milyon ABŞ dolları olub.xeber100.com

Ukrayna Dövlət Statistika Komitəsinin məlumatına görə…

2019-cu ildə Azərbaycan və Ukrayna arasında idxal-ixrac əməliyyatlarının həcmi 808 milyon dollara yaxın olub.Ukrayna Dövlət Statistika Komitəsindən Azərtac-a bildirilib ki, il ərzində Azərbaycandan bu ölkəyə 340,5 milyon dollarlıq məhsul ixrac olunub. Hesabat ilində Azərbaycanın Ukraynadan idxal etdiyi məhsulun dəyəri isə 467,1 milyon dollar təşkil edib.Qeyd edək ki, postsovet məkanında Ukrayna Azərbaycanla ticarət dövriyyəsinin həcminə görə Rusiyadan sonra ikincidir.xeber100.com  

Mərkəzi Bank depozit hərracının nəticələrini açıqlayıb

Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının nəticələrini açıqlayıb.AMB-dən Azərtac-a bildirilib ki, yanvarın 13-də Mərkəzi Bank tərəfindən 14 gün müddətinə vəsaitlərin cəlb edilməsi üzrə keçirilmiş depozit hərracında tələb 883,95 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 5,76 faiz təşkil edib.xeber100.com

Nağdsız ödəniş sisteminə keçəcək avtobuslar müəyyənləşib

Nağdsız ödəniş sisteminə keçəcək növbəti marşrut xətti üzrə avtobuslar müəyyənləşib.Bakı Nəqliyyat Agentliyindən Azərtac-a bildirilib ki, növbədə 46 nömrəli müntəzəm marşrut xətti üzrə avtobuslardır. Digər müntəzəm marşrut xətləri üzrə də nağdsız ödəniş sisteminə keçidlə bağlı işlər davam etdirilir. İş prosesinə uyğun olaraq qarşıdakı günlərdə digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Nağd qaydada fəaliyyət göstərən avtobuslar mərhələli şəkildə xətlərdən çıxarılaraq onlarda müəyyən texniki montaj, kabelləşmə işləri görülür. Proses sərnişindaşımada fasiləsizliyin pozulmamasını, görülən işlərin sərnişinlərə təsir etməməsini nəzərə alınmaqla icra olunur.xeber100.com

Azərbaycan Avtomobil Yolları Dövlət Agentliyinin məlumatı

Müntəzəm sərnişindaşıma ilə məşğul olan avtobusların, həmçinin digər nəqliyyat vasitələrinin təhlükəsiz hərəkətinin təmin olunması məqsədilə Bibiheybət yolunda hərəkətin təşkilində müvəqqəti dəyişiklik olunub.Azərbaycan Avtomobil Yolları Dövlət Agentliyindən (AAYDA) Azərtac-a bildirilib ki, bunun üçün sözügedən ərazidə AAYDA-nın Bakı Nəqliyyat Agentliyi ilə birgə hazırladığı layihə əsasında zəruri nişanlanma və xətlənmə işləri aparılıb.Bununla da bir müddət bundan əvvəl yolda təhlükəsiz hərəkəti təmin etmək üçün müvəqqəti olaraq bərpa edilən 2 zolaqdan biri şəhərə giriş istiqamətdə bütün hərəkət iştirakçıları üçün, digər zolaq isə yalnız şəhərdən çıxan müntəzəm sərnişindaşıma ilə məşğul olan avtobuslar üçün ayrılıb. Digər avtonəqliyyat vasitələri “20-ci sahə” adlanan ərazidən istifadə etməklə hərəkət edə bilərlər.Beləliklə də sözügedən ərazidə avtobusların hərəkəti ilə bağlı yaşanan problem aradan qaldırılıb.Ümumilikdə ərazidə tikinti-bərpa işlərinin tam olaraq 2020-ci ilin ilk rübü ərzində yekunlaşdırılması nəzərdə tutulub. Digər hərəkət zolaqlarının bərpası da məhz ərazidə tikinti-bərpa işləri tam yekunlaşdıqdan sonra mümkün olacaq.xeber100.com

Bibiheybət yolunda hərəkət istiqaməti dəyişdiriləcək

Müntəzəm sərnişindaşıma ilə məşğul olan avtobusların, həmçinin digər nəqliyyat vasitələrinin təhlükəsiz hərəkətinin təmin olunması məqsədilə Bibiheybət yolunda hərəkət istiqaməti dəyişdiriləcək.Azərbaycan Avtomobil Yolları Dövlət Agentliyindən (AAYDA) Azərtac-a bildirilib ki, bunun üçün yanvarın 10-11-də sözügedən ərazidə AAYDA-nın və Bakı Nəqliyyat Agentliyinin birgə hazırladığı layihə əsasında zəruri nişanlanma və xətlənmə işləri aparılacaq.Sürücülərdən qeyd olunan tarixlərdə sözügedən yolda hərəkətdə olarkən diqqətli olmaları, müvəqqəti yol nişanlarına və yol hərəkəti qaydalarına əməl etmələri xahiş olunur. Nişanlanma və xətlənmə işləri bitdikdən sonra ötən il dekabrın 31-də şəhər istiqaməti üzrə açılan 2 hərəkət zolağından birinin yalnız avtobuslar üçün ayrılması nəzərdə tutulur. Bununla da sözügedən ərazidə avtobusların hərəkəti ilə bağlı problem aradan qaldırılmış olacaq.xeber100.com

“Azərbaycan Hava Yolları” QSC ən punktual aviaşirkət seçilib

“Azərbaycan Hava Yolları” QSC (AZAL) Avropa üzrə 2019-cu ilin ən punktual aviaşirkəti adına layiq görülüb.QSC-dən Azərtac-a bildirilib ki, dünyanın hava səyahətləri üzrə ən böyük məlumat bazası “Official Airline Guide”ın (OAG) hesabatına görə, “Azərbaycan Hava Yolları” bütün planlaşdırılan uçuşların 86,81 faizini vaxtında yerinə yetirərək Avropa aviaşirkətləri arasında birinci yeri tutub.xeber100.com

Dövlət Avtomobil Nəqliyyatı Xidmətinin məlumatı

Sabahdan Bakıdan Cocuq Mərcanlı istiqamətinə ilk marşrut xətti istifadəyə veriləcək.Dövlət Avtomobil Nəqliyyatı Xidmətindən Azərtac-a bildirilib ki, 2 müntəzəm və 4 qeyri-müntəzəm xətt üzrə ümumilikdə 6 avtobus sərnişinlərin xidmətində olacaq. Müntəzəm marşrut xətti üzrə Bakı-Sabirabad-Saatlı-İmişli-Daşburun-Horadiz-Cocuq Mərcanlı, qeyri-müntəzəm xətt üzrə Bakı-Cocuq Mərcanlı trayektoriyası əhatə olunacaq.Aprel döyüşlərində qazanılan qələbədən sonra Cocuq Mərcanlı kəndində təhlükəsiz yaşayışın bərpa edilməsinə, məcburi köçkünlərin öz ata-baba yurdlarına qaytarılmasına əlverişli şərait yarandı. Bu məsələdə dövlət başçısının 2017-ci il yanvarın 24-də imzaladığı “Cəbrayıl rayonunun işğaldan azad edilmiş Cocuq Mərcanlı kəndinin bərpası haqqında” Sərəncamı xüsusi əhəmiyyətə malikdir. Bu sərəncama dair tədbirlərin görülməsi çərçivəsində Cocuq Mərcanlı sakinlərinin respublikanın bütün istiqamətlərinə və xüsusilə paytaxt Bakıya rahat gediş-gəlişini təmin etmək məqsədilə yeni marşrut xətlərinin istifadəyə verilməsi davam edəcək.xeber100.com

“Azeri Light” markalı neftin qiyməti 70,04 dollar təşkil edib

Azərbaycan neftinin qiyməti ucuzlaşır.Azərtac xəbər verir ki, “Azeri Light” markalı neftin bir barrelinin qiyməti 1,16 dollar geriləyərək 70,04 dollar təşkil edib.Qeyd edək ki, Azərbaycan neftinin bir barrelinin qiyməti 2001-ci ilin dekabrında minimuma enərək 19,15 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Mərkəzi Bank depozit hərracının nəticələrini açıqlayıb

Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının nəticələrini açıqlayıb.AMB-dan Azərtac-a bildirilib ki, yanvarın 7-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 909,1 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 5,76 faiz təşkil edib.xeber100.com