“Azerbaijan Fashion Week” moda həftəsinin 7-mövsümü keçiriləcək

Mayın 17-dən 19-dək Bakıda “Fairmont Baku Flame Towers” otelində “Azerbaijan Fashion Week” rəsmi moda həftəsinin yeddinci mövsümü keçiriləcək. İlk parlament respublikası - Azərbaycan Demokratik Cümhuriyyətinin 100 illiyi ilə əlaqədar “Azerbaijan Fashion Week”də bir sıra dəb nümayişləri təşkil olunacaq.“Azerbaijan Fashion Week” təşkilatçıları Azərtac-a bildiriblər ki, 7-ci mövsümün qonaqları tanınmış azərbaycanlı modelyer-dizayner, Əməkdar İncəsənət Xadimi Fəxriyyə Xələfova, həmçinin Diana Əhədpur Kəngərli, Alex Chzhen, Yerlan Zholdasbek, Makhaim, Mak Mari kimi tanınmış dizaynerlər olacaq.Moda həftəsi çərçivəsində “Azerbaijan Fashion Week” Azərbaycan qadınlarının gözəllik və dəb tarixinə dalmağa imkan yaradacaq. Gözləriniz önündə yüz il müddətində dəyişən obrazlar canlanacaq. Dəb həftəsinin qonaqları son əsrin dəb təkamülünün şahidi olacaqlar.2018-2019 Payız-Qış mövsümü sürprizlər hazırlayır. Azərbaycan dizaynerləri inkişaf edir, güclənir, moda cəmiyyətinin yeni üzvlərinin sayı həndəsi silsilə üzrə artır. Əsas nümayiş proqramı ilə yanaşı, ənənəvi hala çevrilən “Showroom АFW” də təşkil olunacaq.“Showroom АFW”in əsas məqsədi - butik sahibləri və bayerlərə uzun-uzadı vasitəçi zəncirindən yan keçərək və axtarışlar üçün vaxt itirmədən dizaynerlərlə bilavasitə ünsiyyətə girmək, mövsümün yenilikləri barədə öyrənmək, yerində və zamanında öz brendini tapmaq, öz qarderobu üçün yeni geyim seçmək imkanı yaratmaqdır.Öz fəaliyyəti dövründə yüksək səviyyəli təşkilatçılığı və ölkənin moda hadisəsinin aparıcısı statusunu qazanması sayəsində “Azerbaijan Fashion Week”in təşkilat komitəsi, ölkənin və regionun fashion-cəmiyyətində tanınması üçün bir çox tərəfdaşlıq müqavilələri bağlayıb. Hazırda “Mercedes-Benz Fashion Week Russia”, “Kazakhstan Fashion Week”, “Tbilisi Fashion Week”, “Caspian Fashion Week”, “Belarus Fashion Week”, “Krasnodar Fashion Week”, “Volqa Fashion Week” – “Azerbaijan Fashion Week”in tərəfdaşlarıdır.  

Şuşanın işğalının 26–cı ildönümü ilə əlaqədar…

Şuşa şəhərinin Ermənistan silahlı qüvvələri tərəfindən işğalının 26–cı ildönümü ilə əlaqədar Qarabağ mədəniyyətinin canlı yadigarı olan Şuşa Dövlət Musiqili Dram Teatrı bir sıra anım mərasimləri keçirib.Azərtac xəbər verir ki, Bakının Pirallahı rayonunda, İqtisad Universitetində və “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi və Şuşa Rayon İcra Hakimiyyətinin təşkilatçılığı ilə Şuşa şəhər 1 nömrəli orta məktəbdə keçirilən anım mərasimlərində Elnurə Abdullayevanın “Əsgər papağı” tamaşası oynanılıb.Səhnə əsərində erməni vandallarının Azərbaycanın dinc sakinlərinə qarşı törətdiyi qətliamdan bəhs edilir. Tamaşanın quruluşçu rejissoru Sərdar Gözəlov, quruluşçu rəssamı Valeh Məmmədov, musiqi tərtibatçısı Mir Vüqar Nəsirovdur.xeber100.com

“Eurovision-2018” beynəlxalq müsabiqəsinə start verilib

Portuqaliyanın paytaxtı Lissabonda "Eurovision-2018" beynəlxalq mahnı müsabiqəsinə start verilib.Azərtac xəbər verir ki, bu barədə müsabiqənin rəsmi saytında dərc olunmuş məlumatda bildirilir. Məlumata görə, təntənəli açılış mərasimi Lissabonun İncəsənət, Memarlıq və Texnologiya Muzeyində keçirilib.Bu il müsabiqəyə 43 ölkə qatılıb. "Eurovision-2018"in birinci yarımfinalı mayın 8-də, ikinci yarımfinalı mayın 10-da, final mərhələsi isə mayın 12-də baş tutacaq.Azərbaycanı müsabiqədə "X my heart" mahnısı ilə Aysel Məmmədova təmsil edir.Püşkatmaya əsasən, ölkəmizi müsabiqədə təmsil edən Aysel Məmmədova birinci yarımfinalın ilk yarısında çıxış edəcək.Ölkəmizin bu mərhələdə rəqibləri Albaniya, Belarus, Belçika, Bolqarıstan, Çexiya, Estoniya, İslandiya, İsrail və Litva nümayəndələri olacaq.Finala hər yarımfinaldan 10 ölkə adlayacaq. Böyük beşlik ölkələri (Fransa, Almaniya, İtaliya, İspaniya və Böyük Britaniya) və müsabiqənin ev sahibi olan Portuqaliya ilə birlikdə finalda qalib adı uğrunda 26 iştirakçı yarışacaq.Qeyd edək ki, “Eurovision-2017” mahnı müsabiqəsinin qalibi Portuqaliya təmsilçisi Salvador Sobral olub. O, “Amar pelos dois” mahnısı ilə 758 xal toplayaraq müsabiqənin qalibi adını qazanıb.xeber100.com

Beynəlxalq musiqi festivalı keçiriləcək

Bu ilin avqustunda Gürcüstanın Batumi şəhərində “Böyük İpək Yolunda ulduzunu tap” adlı ilk beynəlxalq musiqi festivalı keçiriləcək.Bu mötəbər musiqi yarışmasında Azərbaycanı gənc müğənni Emilya Yaqubova təmsil edəcək.Azərtac xəbər verir ki, bu barədə "Disconet Silk Road Star Georgia" təşkilatının nümayəndələri bu gün keçirdikləri brifinqdə məlumat veriblər.Bildirilib ki, festivalda Gürcüstan, Azərbaycan, Çin, Türkiyə, Yunanıstan, Qazaxıstan, Özbəkistan, Türkmənistan, Ukrayna, bəzi Şərqi Avropa ölkələri də daxil olmaqla 14 dövlətin nümayəndəsi iştirak edəcək.xeber100.com

Dövlət Film Fondunun məlumatı əsasında…

Mayın 8-də Nizami Kino Mərkəzində “Heydər Əliyev və Azərbaycan kinosu” adlı elmi-nəzəri konfrans keçiriləcək.Dövlət Film Fondundan Azərtac-a bildirilib ki, konfransda ümummilli Liderin həyat və fəaliyyətindən, dövlətçiliyimizin tarixindəki rolundan danışılacaq.Konfrans çərçivəsində Ümummilli Liderə həsr edilmiş “Heydər Əliyev - ömür yolu” sənədli filmi nümayiş olunacaq.xeber100.com

Xalq Cümhuriyyətinin 100 illik tədbirləri çərçivəsində

Ukraynanın İvano-Frankovsk şəhərində “Karpatski Prostor” adlı beynəlxalq festival və Azərbaycan Xalq Cümhuriyyətinin 100 illik tədbirləri çərçivəsində azərbaycanlı rəssamlar Əkbər Cavadovun və Rasim Seydimovun əsərləri nümayiş etdirilib.Azərtac xəbər verir ki, İvano-Frankovsk Şəhər Administrasiyası rəhbərinin və Azərbaycanın Ukraynadakı səfirliyinin təşkilatçılığı ilə baş tutan sərgidə şəhər meri Ruslan Marçinkiv, Azərbaycan, Macarıstan, Bolqarıstan, Gürcüstan və digər ölkələrin səfirləri, ictimai xadimləri, media nümayəndələri iştirak ediblər.İvano-Frankovsk Şəhər Administrasiyasının rəhbəri Ruslan Marçinkiv çıxış edərək Azərbaycan və Ukrayna arasında mədəni əlaqələrdən danışıb. Bildirib ki, Azərbaycanın Ukraynadakı səfirliyinin yaxından iştirakı nəticəsində hər il İvano-Frankovsk şəhərində keçirilən “Karpatski Prostor” beynəlxalq festivalında Azərbaycan mədəniyyəti, mətbəxi geniş təbliğ olunur. Bu il də Azərbaycan Xalq Cümhuriyyətinin 100 illiyi ilə bağlı geniş təqdimatlar olacaq.xeber100.com

Bəstəkarlar İttifaqında anım tədbiri keçiriləcək

Mayın 4-də Azərbaycan Bəstəkarlar İttifaqında ümummilli lider Heydər Əliyevin anadan olmasının 95 illiyinə həsr olunan anım tədbiri keçiriləcək.Bu barədə Bəstəkarlar İttifaqının mətbuat xidmətindən məlumat verilib.Bildirilib ki, tədbirdə müasir müstəqil Azərbaycan dövlətinin memarı və qurucusu Heydər Əliyevin Azərbaycan dövləti və xalqı qarşısındakı əvəzsiz xidmətlərindən danışılacaq.xeber100.com

Britaniya Film Festivalı başlayıb

Bu gündən etibarən Nizami Kino Mərkəzində Britaniya kinematoqrafiyasının uğur qazanmış ən yaxşı yeni filmləri təqdim olunacaq. Kinosevərlər filmlər artıq Bakıda dördüncü Britaniya Film Baharı Festivalını çərçivəsində izləyə biləcəklər.Azərtac xəbər verir ki, bu sözləri “British Council Azerbaijan”nın rəhbəri Elizabet Vayt jurnalistlərə müsahibəsində deyib.O bildirib ki, festival rəhbəri olduğu qurumun ölkəmizdəki fəaliyyətinin 25-ci ildönümünə həsr edilir. Festival çərçivəsində bir-birindən maraqlı və fərqli 8 film - "Nəfəs al" (Breathe), "Dafna" (Daphne), "Korluq haqqında qeydlər" (Notes of Blindness), "Devid Boui" (David Bowie Is), "Tutqun işıqlar şəhəri" (City of Tiny Lights), "İngiltərə mənimdir" (England is Mine), "Baxıcı" (The Carer) və "Əyri ev" (Crooked House) nümayiş ediləcək.“Endi Serkisin rejissoru olduğu və mükafata layiq görülmüş “Nəfəs al” builki festivalın açılış filmi olacaq. Bütün filmlər ingilis dilində təqdim ediləcək. Filmsevərlər “Nəfəs al”, “Dafna” və “İngiltərə mənimdir” filmlərini Azərbaycan dilində alt yazılarla izləyə biləcəklər. Ümid edirəm ki, Bakı tamaşaçıları bu möhtəşəm filmləri izləmək fürsətini qaçırmayacaq. Biz Britaniya filmlərini və film rejissorlarını Azərbaycan tamaşaçılarına təqdim etmək, innovasiyalar, fərqlilik və mükəmməllik yaratmaq və yaradıcılıq mübadiləsi üçün imkanlar axtarmaq istəyirik”, - deyə E.Vayt söyləyib.xeber100.com  

Opera və Balet Teatrı may repertuarını təqdim edir

Opera və Balet Teatrının may repertuarı zəngindir. Teatrın repertuarını təqdim edirik: 3 may - “Madam Batterflyay” (ikipərdəli opera) 6 may - “Sevilya Bərbəri” (üçpərdəli opera) 12 may – “Qu gölü” 13 may - “Vaqif” 19 may – “Trubadur” 20 may - “Qaraca qız” 23 may – “Arşın mal alan” 26 may – “Yeddi gözəl” 27 may – “Aşıq Qərib”.xeber100.com  

Sumqayıt Dövlət Dram Teatrının məlumatına görə…

Sumqayıt Dövlət Dram Teatrının yaradıcı heyəti Türkiyədən qayıdıb. Teatrın truppası IV Türk Dünyası Teatr Festivalında iştirak edib.Teatrdan Azərtac–a bildirilib ki, Sumqayıt teatrı festivalda tanınmış türk dramaturqu Turqut Özakmanın “Ocaq” əsəri ilə çıxış edib. Teatrın baş rejissoru, Əməkdar Artist Firudin Məhərrəmovun quruluş verdiyi tamaşada rolları Əməkdar artistlər Fəranə Musayeva, Rauf Ağakişiyev, Cəlal Məmmədov, aktyorlar Oktay Mehdiyev, Xatirə Süleymanova, İlahə Səfərova və Şəmistan Süleymanlı canlandırıblar.Kollektiv may ayında keçiriləcək “Sərhədsiz teatr” III Şəki Beynəlxalq Teatr Festivalı çərçivəsində Azərbaycan Dövlət Musiqili Teatrının səhnəsində də eyni əsərlə çıxış edəcək.xeber100.com