“YARAT” Müasir İncəsənət Mərkəzi təqdim edir

Aprelin 3-də “YARAT” Müasir İncəsənət Mərkəzində rumın istehsalı olan “Başsız xoruz” filmi nümayiş olunacaq.Azərtac xəbər verir ki, rejissor Radu Gabreanın quruluş verdiyi ekran əsərinin xronometrajı 98 dəqiqədir. Dram janrında olan filmdə baş rolda tanınmış aktyorlar David Simmerşid, Alisiya Baxleda və İoana Yakob çıxış edir.Film keçid dövründə həddi buluğa çatmış gəncin emosional hekayəsindən bəhs edir. 23 avqust 1944-cü il: Rumıniyanın Transilvaniya vilayətinin kiçik bir şəhərində 16 yaşlı Feliks Qoldşmit məktəbi bitirmə münasibətilə buraxılış balına getmək üçün öz sinif yoldaşlarını gözləyir.Uşaqlar üçün məhz bu mühüm gündə, Rumıniya müttəfiqi olan nasist Almaniyası ilə əlaqələri pozur və Karpat dağlarının ətəyindəki yaşayan etnik alman köçərilərinin 800 illik tarixçəsinə son qoyur.Film rumın dilində ingilis subtitrləri ilə nümayiş olunacaq.xeber100.com

V Respublika elmi ifaçılıq müsabiqəsinə başlanılıb

Aprelin 2-də Üzeyir Hacıbəyli adına Bakı Musiqi Akademiyasında (BMA) bəstəkar Qara Qarayevin 100 illiyinə həsr olunmuş pianoçuların V Respublika elmi ifaçılıq müsabiqəsinə başlanılıb.Azərtac xəbər verir ki, müsabiqəyə respublikanın şəhər və rayonlarından olan bütün yaş qrupu üzrə 144 iştirakçı qatılıb.Tədbirdə BMA-nın rektoru F.Bədəlbəyli çıxış edərək müsabiqənin əhəmiyyətindən danışıb. Müsabiqənin münsiflər heyətində BMA-nın professorları ilə yanaşı, Qara Qarayevin qızı, İstanbul Dövlət Texniki Universitetinin Türk Klassik Musiqisi Dövlət Konservatoriyasının şöbə müdiri Züleyxa Qarayeva-Bağırova da təmsil olunur.Qeyd edək ki, bu, BMA-nın eksperimental laboratoriyası olan məktəb-studiyanın bazasında professor Tərlan Seyidov tərəfindən işlənilmiş proqram əsasında yeni elmi-ifaçılıq müsabiqəsidir. Müsabiqənin məqsədi təcrübənin ifaçılıq nəzəriyyəsi ilə əlaqələndirilməsi və geniş profilli musiqiçinin kompleksli inkişafının təkmilləşdirilməsidir.Müsabiqənin şərtinə əsasən hər bir iştirakçı ifa etdiyi proqramın məruzəsi ilə çıxış edəcək.xeber100.com

Moskvanın Mərkəzi Ədəbiyyatçılar Evində

Moskvanın Mərkəzi Ədəbiyyatçılar Evində tanınmış rus şairi, Azərbaycan paytaxtına həsr olunan bir sıra məşhur mahnıların müəllifi Aleksandr Qorodnitskinin 85 illik yubileyinə həsr olunan yubiley gecəsi keçirilib. Apa-nın Moskva müxbirinin verdiyi məlumata görə, gecədə Rusiyanın tanınmış incəsənət nümayəndələri, ictimai xadimləri, şairin oxucuları və dinləyiciləri iştirak ediblər.Gecənin aparıcısı tanınmış jurnalist, TASS İnformasiya Agentliyinin baş direktorunun müavini Mixail Qusman olub. Qusman yubilyarın onun doğma şəhəri olan Bakıya bir neçə mahnı həsr etdiyini söyləyib: "Hətta bu mahnılardan biri mənə həsr olunub. Ona görə də, Aleksandr Moiseyeviçin bu gecəni aparmağı mənə həvalə etməsi mənim üçün çox dəyərlidir. O, hətta Rusiya üzrə keçiriləcək olan bütün yubiley konsertlərinin rejissorluğunu da bakılı rejissor Cavid İmanverdiyevə həvalə edib. Aleksandr Moiseyeviçə doğma şəhərim Bakıya olan bu sevgisinə görə təşəkkürümü bildirirəm".Yubilyarı təbrik etməyə Azərbaycanın Rusiyadakı fövqəladə və səlahiyyətli səfiri Polad Bülbüloğlu da gəlib. O bildirib ki, bakılılar Aleksandr Qorodnitskini öz şairi hesab edirlər: "Onun Bakı haqqında möhtəşəm şeirləri və mahnıları var. O, müəllif mahnıları müsabiqəsində iştirak edib. Aleksandr Qorodnitskini Bakıda yaxşı tanıyırlar, sevirlər. Ona görə də, özümə borc bildim ki, Aleksandr Qorodnitskini təbrik edib, ona arzularımı çatdırım. Arzu edirəm ki, Aleksandr Moiseyeviçin 100 illik yubileyinə yığışaq. Həyat elə qurulub ki, insanlar bir vaxt həyatdan köçürlər. Lakin yaradıcı insanların etdikləri həyatda qalır və daim onları xatırladır. İndiki dövrdə elə bu qədər yaşamağın özü belə qəhrəmanlıqdır. Yubilyarı belə eleqant formada səhnədə görmək çox gözəldir. Hesab edirəm ki, Aleksandr Moseyeviç 100 yaşına kimi hələ çox şeirlər və mahnılar yazacaq və biz də onları oxuyacağıq".A. Qorodnitski Polad Bülbüloğlunun təbrikinin onun üçün gözlənilməz hədiyyə olduğunu söyləyib: "Dahi musiqiçi və diplomat istedadının bir insanda birləşməsi dünyada böyük hadisədir".Yubilyar gecədə Bakıya həsr etdiyi mahnını da ifa edib.Qeyd edək ki, Aleksandr Qorodnitski Rusiyanın geologiya və okean geoifizikası sahəsində aparıcı alimlərindən biridir. Rusiya Elmlər Akademiyasının həqiqi üzvü Qorodnitski müəllif mahnısı janrının ustalarından hesab olunur. O, "Atlantı" adlı mahnısı ilə 1966-cı ildə keçirilən Birinci Ümumittifaq müsabiqəsində ən yaxşı turist mahnısının qalibi olub.xeber100.com

Milli Dram Teatrı aprel repertuarını açıqlayıb

Milli Dram Teatrının aprel ayına olan repertuarı açıqlanıb. Nəzərdə tutulan repertuarda klassik və çağdaş əsərlər əsasında hazırlanan tamaşalar yer alıb. Azərtac repertuarı təqdim edir: 1 aprel - “Ölülər” 6 aprel – “Cəhənnəm sakinləri” 7 aprel - “Qətibə İnanc” 8 aprel - “Boy çiçəyi” 13 aprel - “Şah Qacar” 14 aprel - “Mənim günahım” 15 aprel - “Almaz” C. Cabbarlı 19 aprel - “Müfəttiş” 20 aprel - “Ölülər” 21 aprel - “Qaraca qız”, “Vəsiyyət” 22 aprel - “Çipollino”, “Cəhənnəm sakinləri”.xeber100.com

İstanbul Böyükşəhər Bələdiyyəsi təqdim edir

İstanbul Böyükşəhər Bələdiyyəsi mədəniyyət şöbəsinin rəhbərliyi aprelin 1-də "Beynəlxalq Etno Musiqi Festivalı" təşkil edəcək.Azərtac Türkiyə saytlarına istinadla xəbər verir ki, 3 gün davam edəcək festivalda türk sənətçiləri ilə yanaşı, İrlandiya, İngiltərə, Yunanıstan və Fransadan tanınmış sənətçilər, o cümlədən Azərbaycandan Ehtiram Hüseynov, Elşən Mansurov, Əliağa Sədiyev və Kamran Kərimov çıxış edəcəklər.İştirakçılar Arakanda qətlə yetirilən günahsız insanların xatirəsi üçün bir araya gələcək və festivalın açılış konsertində bu gün hələ də qətliamlara məruz qalan, didərgin düşən arakanlıların aclıq və xəstəliklərinə diqqəti çəkmək, həm də müharibə və qətliamların davam etdiyi digər ölkələrin də dərdlərini bölüşmək məqsədilə müxtəlif dillərdə əsərlər səsləndiriləcək.xeber100.com

“Kamana bağlı ömür” adlı konsert proqramı təqdim olunacaq

Aprelin 3-də  Azərbaycan Dövlət Akademik Filarmoniyasında “Kamana bağlı ömür” adlı konsert proqramı təqdim olunacaq.Filarmoniyadan Azərtac-a bildirilib ki, konsert proqramı tanınmış solistlər Sevinc Sarıyeva (xanəndə), Fəridə Malikova (kamança) və Ramiz Həsənov (tar) iştirakı ilə reallaşacaq.Konserti Xalq Artisti Teymur Göyçayevin dirijorluğu ilə Q.Qarayev adına Azərbaycan Dövlət Kamera Orkestri müşayiət edəcək.Konsert çərçivəsində xalq mahnıları, muğam və təsniflər səsləndiriləcək.xeber100.com

Opera və Balet Teatrı aprel repertuarını təqdim edir

Opera və Balet Teatrı aprel repertuarını açıqlayıb. repertuarı təqdim edir: 1 aprel – “Aşıq Qərib” 4 aprel – “Xəzər balladası”, “Xeyir və Şər” 6 aprel - “O olmasın, bu olsun” 8 aprel – “Qız qalası” 14 aprel – “Romeo və Cülyetta”, “Şəhrizad” 15 aprel – “Sevgi şərbəti” 21 aprel - İtalyan balet truppasının qala-baleti 22 aprel –“Şah İsmayıl” 25 aprel –“Kənd namusu” Səhnə əsərləri müvafiq olaraq saat 19.00-da teatrsevərlərə təqdim olunacaq.xeber100.com

Musiqili Teatrı aprel repertuarını təqdim edir

Azərbaycan Dövlət Musiqili Teatrı aprel repertuarını təqdim edir: 1 aprel - “Bremen musiqiçiləri və Pen”, “Amerikalı kürəkən” 7 aprel - “Hacı Qara”, “Molla Nəsrəddinin beş arvadı” 8 aprel – “Bir dayan, canavar!”(rus dilində), “Bankir adaxlı” 13 aprel - “Mən dəyərəm min cavana” 14 aprel -“Qoğalın sərgüzəştləri” (rus dilində), “Baladadaşın toy hamamı” 15 aprel - “Qızıl cücə”(rus dilində) , F. Əmirovun musiqiləri əsasında – “999-cu gecə” 20 aprel -“Fransızsayağı qarnir” (rus dilində) 21 aprel - “Yağış göbələyinin macərası”(rus dilində), “Toya bir gün qalmış” 22 aprel - “Yatmış gözəl və cırtdanlar”, “O olmasın, bu olsun” 26 aprel - “Mənim günahım” 27 aprel - “Ər və arvad” 28 aprel - “Arşın mal alan” 29 aprel -“Arşın mal alan”.xeber100.com

Beynəlxalq Muğam Mərkəzi təqdim edir

Beynəlxalq Muğam Mərkəzi Azərbaycan muğamlarının və onların əsasında yaranmış xalq mahnılarının geniş ictimaiyyət arasında təbliğinə həsr olunmuş bir neçə silsilə layihələr həyata keçirir.Muğam Mərkəzindən Azərtac-a bildirilib ki, “Vətənim Azərbaycan” adlı layihənin iki tədbirdən ibarət açılış konserti təqdim olunub. İlk tədbirdə xanəndə Eldəniz Məmmədov böyük proqramla çıxış edib. İfaçını "Buta" instrumental ansamblı müşayiət edib. Qeyd edək ki, müxtəlif xalqların folklor musiqisinin və Azərbaycan muğamlarının, xalq mahnılarının təbliği baxımından Mərkəzin həyata keçirdiyi "Etnik musiqi inciləri" layihəsi də çox maraqlıdır. Bu layihə çərçivəsində təqdim olunan musiqili proqramları həm Azərbaycan, həm də xarici ölkə vətəndaşları arasında böyük rəğbətlə qarşılanır.Layihə çərçivəsində bu gün Beynəlxalq Muğam Mərkəzində "Etnik musiqi inciləri" çərçivəsində Yunanıstan musiqiçisi Nikos Ksantulis "Qədim Lira aləti" adlı konsert proqramını təqdim edəcək.xeber100.com

“Genosid-100” adlı sərgi açılacaq

Martın 29-da “Qalereya 1969”-da 31 mart-Azərbaycanlıların Soyqırımı Gününə həsr olunmuş “Genosid-100” adlı sərgi açılacaq.Azərtac xəbər verir ki, sərgi Mədəniyyət və Turizm Nazirliyi və Azərbaycan Dövlət Rəsm Qalereyasının təşkilatçılığı ilə reallaşacaq.Azərbaycan Dövlət Rəsm Qalereyasının fondundan və rəssamların şəxsi kolleksiyalarından seçilmiş əsərlərdən ibarət sərgi soyqırımı qurbanlarının xatirəsini yad etmək məqsədilə təşkil olunacaq.Aprelin 3-dək davam edəcək sərgidə nümayiş ediləcək əsərlər məzmun və mahiyyət etibarı ilə xalqımızın mübarizə əzmini, faciənin dəhşətlərini, son yüz ildə ermənilər tərəfindən törədilən qanlı faciələrin və məkrli-siyasətin iç üzünü təsviri sənət əsərləri vasitəsilə bir daha geniş ictimaiyyətə çatdıracaq.xeber100.com