UNESCO-nun Parisdəki baş qərargahında…

UNESCO-nun Parisdəki baş qərargahında Azərbaycan Respublikasının Mədəniyyət və Turizm Nazirliyi və ölkəmizin UNESCO yanında daimi nümayəndəliyinin təşkilatçılığı, Gürcüstan və Almaniya nümayəndələrinin iştirakı ilə almanların Cənubi Qafqaza gəlişinin 200 illiyi münasibətilə böyük konsert proqramı keçirilib.Azərbaycanın Fransadakı səfiri Rəhman Mustafayev, müxtəlif ölkələrin UNESCO yanındakı səfirləri, tanınmış incəsənət və mədəniyyət xadimləri, ictimaiyyət nümayəndələri tədbirdə iştirak ediblər.Azərtac xəbər verir ki, əvvəlcə ölkəmizin UNESCO yanında daimi nümayəndəliyinin rəhbəri, səfir Anar Kərimov Azərbaycan, Gürcüstan və Almaniyadan gəlmiş musiqiçilərin bu ölkələrin ənənəvi və klassik musiqilərini səsləndirəcəklərini qeyd edib. Bildirilib ki, konsertdə Azərbaycan muğamı ilə yanaşı, gürcü polifonik mahnısı və İ.S. Baxın klassik əsərləri ifa olunacaq.Daimi nümayəndə qeyd edib ki, Azərbaycan muğamı və gürcü polifonik mahnısı UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil edilib.xeber100.com

İnsan hüquqları mövzusunda seminar keçirilib

“Özbəkistan-Azərbaycan” Dostluq Cəmiyyətinin təşəbbüsü ilə Nizami Gəncəvi adına Daşkənd Dövlət Pedaqoji Universitetində “İnsan hüquqları və maraqları böyük dəyərdir” mövzusunda seminar keçirilib.Azərtac xəbər verir ki, tədbirdə cəmiyyətin və Daşkənddəki Heydər Əliyev adına Azərbaycan Mədəniyyət Mərkəzinin (AMM) rəhbərləri və əməkdaşları, universitetin professor-müəllim heyəti, tələbələr iştirak ediblər.Universitetin professoru Erkin Nuriddinov Özbəkistanın bu sahədə təcrübəsi ilə bağlı çıxış edib.Seminarda “Millətlərin hüquqlarının təmin edilməsi və müasir cəmiyyət”, “İnsana qiymət verilən dövlət və firavanlıq”, “İnsan hüquqları ali dəyərdir” və digər mövzularda məruzələr dinlənilib.AMM-nin direktoru Samir Abbasov Azərbaycanda insan hüquqları sahəsində böyük uğurların qazanıldığını bildirib. O deyib ki, ölkəmizdə müxtəlif xalqların nümayəndələri sabitlik və əmin-amanlıq şəraitində yaşayırlar.S.Abbasov Azərbaycan-Özbəkistan dostluğu, ölkələrimiz arasında bütün istiqamətlərdə, o cümlədən mədəni sahədə əlaqələrin inkişafından danışıb.Direktor AMM-nin mədəni əlaqələrimizin inkişafı ilə bağlı keçirdiyi layihələrlə bağlı məlumat verib, mərkəzin təşəbbüsü ilə buraxılan kitablar haqqında danışıb.xeber100.com

Mədəniyyət sahəsində əməkdaşlıq məsələləri müzakirə edilib

Mədəniyyət və turizm naziri Əbülfəs Qarayev Fransanın mədəniyyət naziri Fransuaz Nissen ilə görüşüb. Görüşdə ölkələrimiz arasında mədəniyyət sahəsində əməkdaşlıq məsələləri müzakirə edilib.İki ölkə arasında mədəniyyət sahəsində dörd mühüm sazişin imzalandığını qeyd edən nazir Ə.Qarayev Azərbaycanın son illərdə Fransa ilə mədəniyyət sahəsində əməkdaşlığın inkişafı sahəsində mühüm layihələr həyata keçirdiyinı diqqətə çatdırıb. O qeyd edib ki, mədəniyyət, kitabxana, muzey sahələrində əlaqələri daha da dərinləşdirmək lazımdır.Nazir ATƏT-in Minsk qrupunun həmsədrlərindən biri kimi rəsmi Parisin Ermənistan tərəfindən işğal edilmiş Azərbaycan torpaqlarının həm işğalçı ölkə, həm də separatçı rejim tərəfindən Fransa ərazisində təbliğinin qarşısının alınması üçün ciddi addımlar atmasının zəruriliyini diqqətə çatdırıb.Görüşdə Azərbaycanın Fransadakı səfiri Rəhman Mustafayev də iştirak edib.xeber100.com

11-ci “Red Rock” film festivalı çərçivəsində

ABŞ-ın Yuta ştatının festival şəhəri kimi tanınan Sedar şəhərində keçirilən nüfuzlu 11-ci “Red Rock” film festivalı çərçivəsində Xocalı soyqırımından bəhs edən “Zülmətdən qaçarkən” sənədli filmi nümayiş etdirilib. Film ABŞ-da Xocalı soyqırımı mövzusunda çəkilmiş ilk sənədli ekran əsəridir.Los-Anceles istehsalı olan və burada fəaliyyət göstərən yəhudi kinematoqraflar tərəfindən çəkilmiş bu sənədli film Xocalı soyqırımının canlı şahidlərinin müsahibələri və onların tükürpədici ifadələri vasitəsilə 1992-ci ilin fevralında Azərbaycanın Xocalı şəhərində Ermənistan silahlı qüvvələrinin azərbaycanlı dinc əhaliyə qarşı törətdiyi vəhşilikləri diqqətə çatdırır. Filmdə həmçinin ABŞ-ın ştat qanunvericilərinin və tanınmış din xadimlərinin bu soyqırımı pisləyən açıqlamalarına, tədqiqatçı alim və jurnalist rəylərinə, eləcə də erməni hüquq müdafiəçisi Vahan Martirosyanın Xocalı faciəsinə görə Ermənistan rəhbərliyini sərt şəkildə tənqid edən fikirlərinə yer verilir.Filmdə o cümlədən 2008-ci ildən bəri Heydər Əliyev Fondunun vitse-prezidenti Leyla Əliyevanın rəhbərlik etdiyi “Xocalıya ədalət!” beynəlxalq kampaniyasının əldə etdiyi nailiyyətlərdən, Xocalı həqiqətlərinin dünya ictimaiyyətinə çatdırılması istiqamətində kampaniyanın oynadığı mühüm roldan bəhs olunur.Filmin ABŞ-da ilk nümayişi 2017-ci il fevralın 21-də Azərbaycanın Los-Ancelesdəki baş konsulluğunun təşkilatçılığı ilə həmin şəhərdə yerləşən və dünyanın ən böyük və nüfuzlu yəhudi təşkilatlarından olan, 400 min yəhudi ailəsini özündə birləşdirən Simon Vizental (Simon Wisenthal) Mərkəzinin Tolerantlıq Muzeyində baş tutmuşdur.xeber100.com

“Sweet November” adlı festivalda

Noyabrın 23-də İçərişəhərdə Qız qalası ətrafında payız yemək festivalına start verilib.Azərtac xəbər verir ki, “Sweet November” adlı festivalda payızın əsl bayram atmosferi yaşanıb. Festivala ləzzətli taamları ilə tanınan restoran və kafelər qatılıb.Qız Qalası ətrafında əlvan gözəlliklərlə dolu həm uşaqlar, həm də böyüklər üçün müvəqqəti şəhərcik də yaradılıb.Festivalda iştirak edən hər bir şəxs masa arxasında isti şokoladdan ya da qlintveyndan dadıb, tanınmış DJ-lərin keyfiyyətli treklərindən həzz ala biləcək.“İçərişəhər” Dövlət Tarix-Memarlıq Qoruğu İdarəsi və “Meal for Real onlayn” kulinariya platforması tərəfindən təşkil olunan festival noyabrın 26-dək davam edəcək.xeber100.com

Opera və Balet Teatrı dekabr repertuarını təqdim edir

Azərbaycan Dövlət Akademik Opera və Balet Teatrının dekabr repertuarı maraqlı səhnə əsərləri ilə zəngindir.Sənət ocağının dekabr repertuarını təqdim edirik: 2 dekabr - Jorj Bize “Karmen” 3 dekabr - Əfrasiyab Bədəlbəyli “Qız qalası” 6 dekabr - Üzeyir Hacıbəyli “Əsli və Kərəm” 9 dekabr - Pyotr Çaykovski “Qu gölü” 10 dekabr - Üzeyir Hacıbəyli “Leyli və Məcnun” 13 dekabr - Müslüm Maqomayev “Şah İsmayıl” 16 dekabr - Üzeyir Hacıbəyli “Koroğlu” 17 dekabr - Fikrət Əmirov “Min bir gecə” 20 dekabr - Fikrət Əmirov “Sevil 23 dekabr - Cüzeppe Verdi “Trubadur” 24 dekabr - Pyotr Çaykovski “Şelkunçik” 26, 27, 28, 29 dekabr - Moskva İri Kuklalar Teatrının uşaqlar üçün Yeni İl tamaşası 30 dekabr - “Hədsiz xoşbəxtlik”.xeber100.com

“Muğamat var olan yerdə” layihəsi çərçivəsində

Noyabrın 22-də Beynəlxalq Muğam Mərkəzində “Muğamat var olan yerdə” layihəsi çərçivəsində növbəti konsert proqramı təqdim edilib.Azərtac xəbər verir ki, konsert “Mədəniyyət” kanalı və Beynəlxalq Muğam Mərkəzinin birgə təşkilatçılığı ilə reallaşıb.Gecədə üçüncü “Muğam televiziya müsabiqəsi”nin qalibi Səbinə Ərəblinin ifasında xalq və bəstəkar mahnıları, habelə muğam və təsniflər dinlənilib. Konsertdə səslənən “Şur” təsnifini, “Kəsmə şikəstə”, “Qəlbimin səsi”, “Dünya”, “Səni sevən baxışlar” və digər mahnılar konsertə xoş ovqat qatıb.Konsertdə ifaçını Ələkbər Ələkbərovun bədii rəhbərliyi ilə “Uğur” ansamblı müşayiət edib.xeber100.com

“YARAT” Müasir İncəsənət Mərkəzi təqdim edir

“YARAT” Müasir İncəsənət Mərkəzi uşaqları noyabrın 25-də “Little Voice” layihəsinin ilk tədbirinə dəvət edir.“YARAT”dan Azərtac-a bildirilib ki, “Dünya uşaqların gözü ilə” adlı tədbir 9-15 yaşarası uşaq və yeniyetmələrə öz ideyalarını, hekayələrini və layihələrini bölüşməyə imkan yaradan platformadır.Tədbir çərçivəsində doqquz uşaq - spikerin maraqlı çıxışları və istedadlı uşaqların rəqsi, habelə müxtəlif musiqi nömrələri səsləndiriləcək. İştirakçılar iki saat müddətində dünyaya uşaqların gözü ilə baxmaq imkanı əldə edəcəklər.xeber100.com

“Forbes” jurnalının məlumatı əsasında…

Amerikanın “Forbes” jurnalı ilin ən çox qazanan müğənnilərinin siyahısını dərc edib.Rusiya KİV-ləri xəbər verir ki, siyahıya Beyons liderlik edib.Jurnalın məlumatına görə, amerikalı 36 yaşlı ulduz Beyons il ərzində 105 milyon dollar qazana bilib. Bu məbləğə “Lemonade” adlı son albomunun satışından və konsert turundan əldə etdiyi qazanc da daxildir. Bundan başqa, müğənninin geyim biznesi də var.İkinci yerdə 29 yaşlı britaniyalı müğənni Adel qərarlaşıb. O, 69 milyon dollar qazanıb.Ötən il siyahıya liderlik edən Teylor Svift 44 milyon dollar gəlirlə bu dəfə üçüncü pilləyə düşüb.Kanadalı ifaçı Selin Dion 42 milyon dollarla dördüncü, Cenifer Lopez isə 38 milyon dollar qazancla beşinci yerdə qərarlaşıb.xeber100.com

Pantomima Teatrı dekabr repertuarını təqdim edir

Pantomima Teatrı gələn ay maraqlı tamaşalarla çıxış edəcək.Azərtac sənət ocağının dekabr repertuarını təqdim edir: 2 dekabr - “Vuvana” (yeni tamaşa) 3 dekabr - “Pantomima buketi” 9 dekabr - “Dejavü” 10 dekabr – “Fəlakət və İnsan” (maarifləndirici uşaq tamaşası), “İt gəzdirən xanım” 16 dekabr - “Vuvana” 17 dekabr - “Underground” 23 dekabr - “Ağ bığlılar” 24 dekabr - “Fəlakət və İnsan”, ”Mənim balığımsan” 30 dekabr- “Vuvana”.xeber100.com