Mahnı Teatrında “Odlar ölkəsi” adlı konsert keçiriləcək

İyunun 7-də Mahnı Teatrında gənc estrada ifaçılarının “Odlar ölkəsi” adlı konserti keçiriləcək.Azərtac xəbər verir ki, konsert “Mədəniyyət” kanalının və “Azərbaycan” radiosunun təşkilatçılığı ilə reallaşacaq.Konsertdə Sərxan Cəfərov, Şövqi Əmrahov, Nigar Xəlili, Tural Xəlilzadə, Şəfiqə Abbasova, Sevinc Cavadova, Səfa Eldar, Fərəh Həsənzadə, İradə Musayeva, Emin İsmayılov, Bəsti Qasımova, Leyla Əmrahova və digərlərinin ifaları dinləniləcək. Gənc müğənniləri Tofiq Əhmədov adına Estrada Simfonik Orkestrinin kiçik heyəti müşayiət edəcək.xeber100.com

Milli Konservatoriyada xalq çalğı alətləri orkestrinin konserti olub

Azərbaycan Milli Konservatoriyasında xalq çalğı alətləri orkestrinin konserti olub.Azərtac xəbər verir ki, konsertdə tanınmış bəstəkar, Xalq Artisti Dadaş Dadaşovun əsərləri səsləndirilib.Konservatoriya xorunun da çıxış etdiyi tədbirdə məktəbin tələbələri orkestr ilə birlikdə bəstəkarın mahnılarını ifa ediblər.Orkestrin bədii rəhbəri və dirijoru kimi AMK-nın müəllimi Aysel Bağırova çıxış edib.Sonda Azərbaycan Milli Konservatoriyasında rektoru, Xalq Artisti Siyavuş Kərimi və bəstəkar Dadaş Dadaşov tədbir və ifa olunan musiqilər barədə fikirlərini bölüşüblər.xeber100.com

“YARAT” Müasir İncəsənət Mərkəzində sərgi açılacaq

İyunun 7-də “YARAT” Müasir İncəsənət Məkanında Qazaxıstanın tanınmış rəssamlarının əsərlərindən ibarət sərgi açılacaq.“YARAT”dan Azərtac-a bildirilib ki, “Qazaxıstan üzərində günəş və neonlar” sərgisi Erbossın Meldibekov, Baxıt Bubikanova, Qalim Madanov və Zaureş Terekbay, Almagül Menlibayeva, Yelena Vorobyeva, Viktor Vorobyev, Rüstəm Xalfin, Said Atabekov, Mariya Vilkoviski və Rufi Cenrbekova kimi tanınmış rəssamların 1990-cı illərin sonu – 2000-ci illərin əvvəllərinə aid orijinal əsərlərini, habelə yaradıcılığa yeni başlayan Asel Kadırxanova, Nurahmet Nurbol, Suyinbike Süleymanova, Aleksandr Uqay və Qayişa Madanovanın əsərlərini bir araya gətirəcək.Sərginin başlıca məqsədi onilliklər boyunca Qazaxıstanın kollektiv təfəkkürdə canlanan geniş, ucsuz-bucaqsız və əhalisiz coğrafiyasının “ideallaşdırılmış” obrazını dərindən təhlil etməkdir.Sərgi əsasən milli tarixin nəsillərdən-nəsillərə dəyişən yanaşmalarını və problemlərini aşkara çıxarmaqla, bu tarixin postkolonial və kritik baxış bucaqlarını əhatə edən müxtəlif diskurslara ünvanlanır.xeber100.com

Musiqili Teatr təqdim edir

İyunun 2-də Musiqili Teatrda “Bremen musiqiçiləri və Pen” musiqili nağıl-tamaşanın premyerası olacaq.Teatrın mətbuat xidmətindən bildirilib ki, yaradıcılıq studiyasında gənclər tərəfindən hazırlanan bu nağıl-tamaşa böyük səhnəyə vəsiqə qazanıb. Uşaqlar üçün nəzərdə tutulan yeni səhnə əsərini Anar Sadıqov Ceyms Barrinin “Piter Pen və Vendi” və Qrimm qardaşlarının məşhur “Bremen musiqiçiləri” nağıllarının süjetləri əsasında səhnələşdirib. Maraqlı hadisələrlə zəngin tamaşanın premyerası bir gündə iki dəfə baş tutacaq. Səhnə əsərində əsas məqsəd dostluğun, ləyaqətin insan həyatında rolunu dinamik və əyləncəli süjet xəttilə balaca tamaşaçılara çatdırmaqdır.xeber100.com  

Uşaqların Beynəlxalq Müdafiəsi Gününə həsr edilmiş tədbir keçirilib

İyunun 1-də Yazıçılar Birliyinin (AYB) “Natəvan” klubunda Uşaqların Beynəlxalq Müdafiəsi Gününə həsr edilmiş tədbir keçirilib.Azərtac xəbər verir ki, Yazıçılar Birliyinin katibi Fikrət Qoca uşaqların bayramını təbrik edib, onların gələcəyin şair və yazıçıları kimi uğurlara çatmasını arzulayıb.Tədbirdə Azərbaycan uşaq ədəbiyyatının nümayəndələri iştirak edib. Xatırladılıb ki, 2009-cu Azərbaycanda “Uşaq ili” elan olunub.xeber100.com

Opera və Balet Teatrı iyun repertuarını təqdim edir

Opera və Balet Teatrının iyun repertuarı maraqlı tamaşalarla zəngindir.Azərtac teatrın iyun repertuarını təqdim edir: 7 iyun - Üzeyir Hacıbəyli “Əsli və Kərəm” (ikipərdəli opera) 10 iyun - Jorj Bize “Karmen” (dördpərdəli opera) 11 iyun - Lüdviq Minku “Paxita” (balet), Frederik Şopen “Şopeniana” (balet) 14 iyun - Rudjero Leonkovallo “Payatsı” (ikipərdəli opera) 17 iyun - Qara Qarayev “Yeddi Gözəl” (ikipərdəli balet) 18 iyun - Cüzeppe Verdi “Taraviata” (dördpərdəli opera) 24 iyun - “Qala-balet” (Azərbaycan Dövlət Akademik Opera və Balet Teatrı balet truppasının solistlərinin iştirakı ilə).xeber100.com

Mahnı Teatrında konsert təşkil olunacaq

İyunun 9-da R.Behbudov adına Mahnı Teatrında görkəmli müğənni Rəşid Behbudovun xatirəsinə həsr olunmuş konsert təşkil olunacaq.Bu haqda Azərtac-a teatrın direktor müavini İlqar Musayev məlumat verib.Direktor müavini əlavə edib ki, bundan başqa iyunun 15-də teatrın sənətkarın adını daşıyan instrumental ansamblı maraqlı konsert proqramı ilə çıxış edəcək. 15 iyun- Qurtuluş Gününə həsr olunacaq konsertdə bir sıra xalq və bəstəkar mahnıları səsləndiriləcək.xeber100.com

Gənc Tamaşaçılar Teatrı iyun repertuarını təqdim edir

Gənc Tamaşaçılar Teatrının iyun ayı üçün nəzərdə tutulan repertuarı maraqlı tamaşalarla zəngindir.Azərtac teatrın iyun repertuarını təqdim edir: 1iyun - “Məlikməmmədin nağılı” (premyera) 2 iyun - Yusif Vəliyevin anadan olmasının 100 illiyinə həsr olunmuş xatirə gecəsi 3 iyun - H.X.Andersen “Çirkin ördək balası” K.Qoldoni “Mehmanxana sahibəsi” 4 iyun - Ş.Perro “Çəkməli pişik”, Ə.Əmirli “Ünvansız qatar” 5 iyun - Azərbaycan Yaradıcılıq Fondunun “Sönməyən ulduzlar” teatrının tamaşası 7 iyun - Dövlət Uşaq Filarmoniyasının tədbiri 9 iyun - M.F.Axundzadə “Hekayəti Xırs quldurbasan” 10 iyun - S.S.Axundov, A.Şaiq “Qaraca qız”, V.Şuqrayeva, Ə.Əmirli “Qohumlar” 11 iyun - “Qoğalın nağılı”, Ə.Əmirli “Mən səni sevirəm – MSS” 12-16 iyun kollektivin M.F.Axundzadənin “Sərgüzəşti Vəziri Xani Lənkəran” tamaşası ilə bölgələrə qastrol səfəri 13 uyun - Bələdiyyə Teatrının tamaşası 14 iyun - Bələdiyyə Teatrının tamaşası 16 iyun - Kaspi Təhsil Mərkəzinin tədbiri 17 iyun - “Göyçək Fatma”, C.Cabbarlı “Aydın”.xeber100.com

MDB ölkələrinin birgə qala-konserti olub

Bakıda MDB iştirakçı ölkələrinin Dövlətlərarası Humanitar Əməkdaşlıq Fondunun dəstəyi ilə MDB ölkələrinin və Azərbaycanın Gənclər Simfonik orkestrlərinin birgə qala-konserti olub. Konsert Ü.Hacıbəyli adına Bakı Musiqi Akademiyasının (BMA) nəzdində fəaliyyət göstərən Opera Studiyasının konsert zalında baş tutub.BMA-dan Azərtac-a bildirilib ki, konsertdə hər iki simfonik orkestrə beynəlxalq müsabiqələr laureatı və Moskvanın “Novaya opera” teatrının dirijoru Vasili Valitov rəhbərlik edib. Qala-konsertin proqramında solistlər - beynəlxalq müsabiqələr laureatları Larisa Bunakova (fortepiano), Anna Savkina (violin), həmçinin Rusiyanın “Bolşoy teatr” gənclər opera proqramının artistləri Vasilisa Berjanskaya (mezzo-soprano), Utarida Merzamova (soprano) və İlya Kutyuxinin (bariton) ifalarında müxtəlif ölkələrin bəstəkarlarının əsərləri səslənib.Qeyd edək ki, MDB ölkələrinin Gənclər Simfonik Orkestrinin debüt konserti Rusiyanın, Qazaxıstanın və Tatarıstanın Xalq Artisti, görkəmli dirijoru Fuad Mənsurovun rəhbərliyi altında 2007-ci il noyabrın 12-də Astana şəhərində MDB ölkələrinin Yaradıcı və Elmi Ziyalıların II Forumunda baş tutub. Müxtəlif illərdə bu orkestr Yuri Simonov, Vladimir Spivakov və Mark Qorenşteynin dirijorluğu ilə çıxış edib. MDB ölkələrinin bir neçə gənc nəsil musiqiçiləri peşəkar fəaliyyətə məhz bu kollektivin sayəsində və dəstəyi ilə başlayıblar.Rusiyanın L.Nikolayev adına Yeniyetmələr Simfonik Orkestri MDB ölkələrində V.Valitovun dirijorluğu və bədii rəhbərlik etdiyi Gənclər Simfonik Orkestrinin baza kollektivi hesab olunur.Bakıda MDB Gənclər Simfonik Orkestrinin qastrol turunda baza kollektivi timsalında Fuad İbrahimovun bədii rəhbərliyi və baş dirijorluğu ilə Azərbaycanın Gənclər Simfonik Orkestri çıxış edir.xeber100.com

Milli Dram Teatrı iyun repertuarını təqdim edir

Akademik Milli Dram Teatrı iyun ayı üçün repertuarını açıqlayıb. Yayın ilk ayında teatrsevərləri bir sıra maraqlı tamaşalar gözləyir.Azərtac teatrın iyun repertuarını təqdim edir: 3-4 iyun - “Cipollino” 10 iyun - “Anamın kitabı” 11 iyun - “Cəhənnəm sakinləri” 16 iyun - “Ölülər” 17 iyun - “Boy çiçəyi” 18 iyun- “Almaz” 23 iyun- “Vəsiyyət” 24 iyun- “Xanuma” 25 iyun- “Mənim günahım” 30 iyun- “Müfəttiş”.xeber100.com