Mərkəzi Seçki Komissiyasının yeni tərkibdə ilk iclası keçirilib

Aprelin 27-də Mərkəzi Seçki Komissiyasının (MSK) yeni tərkibdə ilk iclası keçirilib.Azərtac xəbər verir ki, iclasda Məzahir Pənahov yekdilliklə yenidən qurumun sədri seçilib.xeber100.com

Azərbaycan və Türkiyə orduları birgə əməliyyat-taktiki təlimlərinə başlayıb

Aprelin 8-də ölkəmizdə Azərbaycan və Türkiyə ordularının əməliyyat-taktiki təlimləri başlayıb.Müdafiə Nazirliyinin mətbuat xidmətindən Azərtac-a bildiriblər ki, təlimlər Azərbaycan Ordusunun hərbi birliklərinin cavabdehlik zonalarının müxtəlif istiqamətlərində yerləşən ümumqoşun poliqonlarında keçirilir.Təlimlərin əsas məqsədi Azərbaycan və Türkiyə ordularının əməliyyat bölmələrinin qarşılıqlı fəaliyyətinin təkmilləşdirilməsi və döyüş qabiliyyətinin yüksəldilməsi, əməliyyat bölmə komandirlərinin hərbi qərar qəbuletmə, təşəbbüs göstərmə və idarəetmə bacarıqlarının inkişaf etdirilməsidir.Təlimlər aprelin 9-dək davam edəcək.xeber100.com

Milli Məclisin komitə iclasında Hesablama Palatasının hesabatı müzakirə olunub

Aprelin 8-də Milli Məclisin İqtisadi siyasət, sənaye və sahibkarlıq komitəsinin iclası keçirilir.Azərtac xəbər verir ki, komitənin iclasında 4 məsələ müzakirə olunur. Gündəlikdəki ilk məsələ Azərbaycan Respublikası Hesablama Palatasının 2020-ci ildə fəaliyyəti haqqında hesabatın müzakirəsidir.İkinci məsələ Meşə, Əmək, Ailə, Cinayət, Vergi, Cinayət-Prosessual və İnzibati Xətalar məcəllələrində dəyişiklik edilməsi haqqında qanun layihəsidir.Komitə üzvləri sonra “Hərbi qulluqçuların statusu haqqında, “Azərbaycan Respublikasında vətəndaşların pul gəlirlərinin və əmanətlərinin indeksləşdirilməsi haqqında”, “Sanitariya-epidemioloji salamatlıq haqqında”, “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında” və “Xidməti və mülki silah haqqında” qanunlarda dəyişiklik edilməsi barədə qanun layihəsi barədə müzakirələr aparacaqlar.Dördüncü məsələ Azərbaycan Respublikasının 1994-cü il 23 sentyabr tarixli Qanunla təsdiq edilmiş “Azərbaycan Respublikası Silahlı Qüvvələrinin qarnizon və qarovul xidmətləri Nizamnaməsi”ndə, 1994-cü il 23 sentyabr tarixli Qanunu ilə təsdiq edilmiş “Azərbaycan Respublikası Silahlı Qüvvələrinin daxili xidmət Nizamnaməsi”ndə 1997-ci il 3 oktyabr tarixli Qanunla təsdiq edilmiş “Hərbi xidmətkeçmə” haqqında Əsasnamədə, 1997-ci il 30 dekabr tarixli Qanunla təsdiq edilmiş “Azərbaycan Respublikasında daimi yaşayan vətəndaşlığı olmayan şəxslərin xüsusi sənədləri haqqında Əsasnamə”də, 1999-cu il 7 dekabr tarixli Qanunla təsdiq edilmiş “Gömrük orqanlarında xidmət haqqında Əsasnamə”də və 2022-ci il 31 may tarixli Qanunla təsdiq edilmiş “Yetkinlik yaşına çatmayanların işləri və hüquqlarının müdafiəsi üzrə komissiyalar haqqında Əsasnamə”də dəyişiklik edilməsi haqqında qanun layihəsidir.xeber100.com

Hərbi qulluqçularının iştirakı ilə birgə taktiki-xüsusi təlimlər başlayır

Aprelin 6-da Azərbaycan və Türkiyə hərbi qulluqçularının iştirakı ilə rabitə qoşunlarının birgə taktiki-xüsusi təlimləri başlayır.Azərtac Müdafiə Nazirliyinin mətbuat xidmətinə istinadla xəbər verir ki, təlimlər zamanı hərbi rabitəçilər təlim-döyüş tapşırıqlarının yerinə yetirilməsi rayonlarına çıxarılaraq vahid rabitə sisteminin təşkil edilməsi üzrə tapşırıqları yerinə yetirəcəklər.Müasir rabitə vasitələrinin və avtomatlaşdırılmış idarəetmə sistemlərinin tətbiqi ilə keçiriləcək təlimlərdə qoşunların qarşılıqlı fəaliyyətinin təşkili, səhra idarəetmə məntəqələrinin açılması və digər tədbirlər icra olunacaq.Təlimlər aprelin 8-dək davam edəcək.xeber100.com

Müdafiə Nazirliyi Turabad kəndinin videogörüntülərini paylaşıb

Azərbaycan Respublikasının Müdafiə Nazirliyi Zəngilan rayonunun işğaldan azad edilmiş Turabad kəndinin videogörüntülərini paylaşıb.Azərtac Müdafiə Nazirliyinin mətbuat xidmətinə istinadla həmin görüntüləri təqdim edir.Turabad kəndi 1993-cü ildə Ermənistan silahlı qüvvələri tərəfindən işğal olunub. İkinci Qarabağ müharibəsində düşmənə sarsıdıcı zərbə vuran Azərbaycan Ordusu oktyabrın 21-də kəndi işğaldan azad edib.xeber100.com

MDB Maliyyə Nəzarəti Orqanları Rəhbərləri Şurasının XIX sessiyası keçirilib

Düşənbədə Müstəqil Dövlətlər Birliyi (MDB) Maliyyə Nəzarəti Ali Orqanları Rəhbərləri Şurasının videokonfrans formatında XIX sessiyası keçirilib.Azərtac xəbər verir ki, sessiyada Tacikistandan başqa Azərbaycan, Belarus, Qazaxıstan, Qırğızıstan, Moldova, Rusiya, Özbəkistan və Ermənistanın maliyyə nəzarəti orqanlarının rəhbərləri və nümayəndələri iştirak ediblər.Tədbirdə MDB maliyyə nəzarəti sahəsində qarşılıqlı fəaliyyətin inkişafı, qazanılan təcrübədən səmərəli istifadə, bu ölkələrdə nəzarət və audit orqanlarının qarşılıqlı əməkdaşlıq mexanizmlərinin təkmilləşdirilməsi məsələləri müzakirə edilib.Yığıncaqda maliyyə nəzarəti (audit) standartlarının işlənib hazırlanması üzrə İşçi qrupunun fəaliyyəti və ötən müddət ərzində görülən işlər haqqında Şura Katibliyinin hesabatı dinlənilib.İclasda Özbəkistan Hesablama Palatasının MDB Maliyyə Nəzarəti Ali Orqanları Rəhbərləri Şurasına daxil olması ilə əlaqədar qərar qəbul edilib.Tədbirdə XIX sessiyadan sonra görüləcək İş Planı da təsdiq olunub.Növbəti sessiyanın Qırğızıstanda keçirilməsi qərara alınıb.xeber100.com

Avropa Şurası Parlament Assambleyasının yaz sessiyası hibrid formatda keçiriləcək

Avropa Şurası Parlament Assambleyasının (AŞPA) yaz sessiyası hibrid formatda keçiriləcək.Azərtac xəbər verir ki, aprelin 19-dan 22-dək reallaşacaq yaz sessiyasında Almaniyanın Nazirlər Kabinetinə sədrliyi çərçivəsində Almaniya Federativ Respublikasının Federal Kansleri Angela Merkel və xarici işlər naziri Heyko Maas çıxış edəcəyi bildirilir.Avropa Parlamentinin sədri David Sassoli, Moldova Respublikasının Prezidenti Maia Sandu, Avropa Şurasının baş katibi Mariya Peyçinoviç-Buriçi də yaz sessiyasında çıxışları gözlənilir. Sessiyada müzakirə olunacaq mövzular arasında Avropa Şurasının strateji prioritetləri ilə bağlı assambleyanın baxışı, insan hüquqlarının pozulması, Belorusda seçki islahatlarının zəruriliyi kimi məsələlər də yer alır.Rəqəmsal iqtisadiyyatın vergiyə cəlb edilməsi, xroniki və uzun müddətli xəstəliklərə məruz qalan insanlara qarşı ayrı-seçkilik, Monteneqro ilə monitorinq sonrası dialoq, milli azlıqların qorunub saxlanması, eləcə də diaspora fəaliyyətinə dair Avropa siyasəti də sessiya çərçivəsində müzakirə ediləcək.xeber100.com

Misirin nüfuzlu “Əl Masr Əl Yom” nəşri yazır…

Misirin nüfuzlu “Əl Masr Əl Yom” nəşrində Azərbaycan Prezidenti İlham Əliyevin işğaldan azad edilmiş Xocavənd rayonuna səfəri zamanı Hadrut qəsəbəsində söylədiyi fikirlərlə bağlı məqalə dərc olunub.Azərtac xəbər verir ki, “Azərbaycan Prezidenti: Ermənistan rəhbərliyi nədən öz xalqını aldadıb?” sərlövhəli məqalənin müəllifi Xalid əs-Şəmi dövlətimizin başçısının Hadrut qəsəbəsində Azərbaycanın dövlət bayrağını qaldırdığını qeyd edərək yazıb: “Prezident İlham Əliyev qeyd edib ki, 44 günlük müharibə zamanı dinc erməni əhalisi arasında çox cüzi itkilər olub. Çünki Azərbaycan Ordusu heç vaxt mülki əhaliyə qarşı müharibə aparmayıb. Azərbaycan Prezidenti bəyan edib ki, ermənilərdən fərqli olaraq, azərbaycanlılar ancaq hərbi birləşmələrə qarşı döyüşüb və həlak olan erməni mülki əhalisinin əksəriyyəti də hərbi əməliyyatlarda iştirak edən mülki şəxslər olub”.xeber100.com

Azərbaycan Ordusu əməliyyat-taktiki təlimlərinə başlayıb

Qoşunların 2021-ci ilin döyüş hazırlığı planına uyğun olaraq Azərbaycan Ordusu əməliyyat-taktiki təlimlərinə başlayıb.Müdafiə nazirinin rəhbərliyi ilə keçirilən təlimə 10.000 nəfərədək şəxsi heyət, 100-dək tank və digər zirehli texnika, 200-dək müxtəlif çaplı raket və artilleriya qurğusu, reaktiv yaylım atəş sistemi və minaatanlar, 30-dək hərbi aviasiya və müxtəlif təyinatlı pilotsuz uçuş aparatları cəlb olunub.Müdafiə Nazirindən Azərtac-a bildirilib ki, dağlıq-meşə və çətin relyefli ərazilərdə keçirilən təlimlərdə Vətən müharibəsində qazanılan döyüş təcrübəsi nəzərə alınmaqla əsas diqqət qoşunların idarəolunması, döyüşə hazırolma vəziyyətinə gətirilməsi və yenidən qruplaşması, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldilib.Martın 18-dək davam edəcək təlimlərdə qoşunlar terrorçu dəstələr (qruplar), həmçinin qanunsuz silahlı qruplaşmalar ilə mübarizə və antiterror əməliyyatları üzrə tapşırıqları icra edəcək.xeber100.com

Milli Məclisin yaz sessiyasında növbəti plenar iclası keçirilir

Milli Məclisin yaz sessiyasında növbəti plenar iclası keçirilir.Azərtac xəbər verir ki, iclası Milli Məclisin sədri Sahibə Qafarova açaraq gündəliyi təqdim edib.Gündəliyə aşağıdakı məsələlər daxildir: - Bələdiyyələrin fəaliyyətinə inzibati nəzarəti həyata keçirən orqanın illik məruzəsi haqqında. - “Sahibkarlıq sahəsində aparılan yoxlamaların dayandırılması haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş). - Azərbaycan Respublikasının Ailə Məcəlləsində dəyişiklik edilməsi haqqında Azərbaycan Respublikası Qanununun layihəsi barədə (üçüncü oxunuş). - Azərbaycan Respublikasının Mülki Prosessual Məcəlləsində dəyişiklik edilməsi haqqında Azərbaycan Respublikası Qanununun layihəsi barədə (üçüncü oxunuş). - Azərbaycan Respublikasının Əmək Məcəlləsində dəyişiklik edilməsi haqqında Azərbaycan Respublikası Qanununun layihəsi barədə (ikinci oxunuş). - Azərbaycan Respublikasının İnzibati Xətalar Məcəlləsində dəyişiklik edilməsi haqqında Azərbaycan Respublikası Qanununun layihəsi barədə (ikinci oxunuş). - “Elektroenergetika haqqında”, “Qaz təchizatı haqqında”, “Su təchizatı və tullantı suları haqqında”, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” və “Sahibkarlıq sahəsində aparılan yoxlamaların dayandırılması haqqında” Azərbaycan Respublikasının qanunlarında dəyişiklik edilməsi barədə Azərbaycan Respublikası Qanununun layihəsi haqqında (ikinci oxunuş). - “İcra haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası Qanununun layihəsi haqqında (birinci oxunuş).xeber100.com