Avropa Şurası Parlament Assambleyası payız sessiyası öz işinə başlayıb

Oktyabrın 10-da Avropa Şurası Parlament Assambleyası payız sessiyası Büro iclası ilə öz işinə başlayıb. Milli Məclisin AŞPA-dakı nümayəndə heyətinin üzvləri beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılığı ilə qurumun payız sessiyasında iştirak edir. Payız sessiyasının birinci günü Assambleyada üç nəfərə insan hüquqları üzrə “Vaklav Havel 2016” mükafatı təqdim ediləcək.xeber100.com

“Konstitusiya Məhkəməsi haqqında” Qanunun 7.1-ci maddəsinə əsasən…

Azərbaycan Respublikası Konstitusiya Məhkəməsi Palatasının növbəti iclası keçirilib. Konstitusiya Məhkəməsinin mətbuat xidmətindən Azərtac-a bildiriblər ki, iclasda Azərbaycan Respublikası Konstitusiyasının 130-cu maddəsinin VI hissəsinə və “Konstitusiya Məhkəməsi haqqında” Qanunun 7.1-ci maddəsinə əsasən, Azərbaycan Respublikası Vergi Məcəlləsinin 140.6-cı maddəsinin şərh edilməsinə dair Bakı Apellyasiya Məhkəməsinin müraciətinə baxılaraq icraata qəbul olunması haqqında qərardad çıxarılıb. Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun noyabrın 1-nə təyin edilmiş iclasında baxılacaq.xeber100.com

Müdafiə Nazirliyinin məlumatı…

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 21 dəfə pozub. Müdafiə Nazirliyinin mətbuat xidmətindən Azərtac-a bildiriblər ki, Xocavənd rayonunun Kuropatkino, Füzuli rayonunun Aşağı Veysəlli, Qorqan kəndləri yaxınlığında, həmçinin Göygöl, Tərtər, Goranboy, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən Silahlı Qüvvələrimizin mövqeləri atəşə tutulub.xeber100.com

Deputatlar AŞPA-nın payız sessiyasında iştirak edəcəklər

Milli Məclisin AŞPA-dakı nümayəndə heyətinin üzvləri beynəlxalq münasibətlər və parlamentlərarası əlaqələr komitəsinin sədri Səməd Seyidovun başçılığı ilə qurumun payız sessiyasında iştirak etmək üçün oktyabrın 9-dan Fransanın Strasburq şəhərində səfərdə olacaqlar. Parlamentin mətbuat xidmətindən Azərtac-a bildiriblər ki, nümayəndə heyətinə deputatlar Vüsal Hüseynov, Qənirə Paşayeva, Rövşən Rzayev, Sahibə Qafarova, Rafael Hüseynov, Elxan Süleymanov, Sevinc Fətəliyeva, Müslüm Məmmədov, Fazil Mustafa və Sabir Hacıyev daxildirlər.xeber100.com

Müdafiə Nazirliyinin məlumatına əsasən…

Erməni silahlı bölmələri cəbhənin müxtəlif istiqamətlərində 60 millimetrlik minaatan və iriçaplı pulemyotlardan da istifadə etməklə sutka ərzində atəşkəs rejimini ümumilikdə 20 dəfə pozub. Müdafiə Nazirliyinin mətbuat xidmətindən Azərtaac-a bildirilib ki, Ermənistan Respublikası Noyemberyan rayonunun Barekamavan və Dovex kəndlərində yerləşən mövqelərdən Qazax rayonunun Kəmərli və Qaymaqlı kəndlərində yerləşən mövqelərimiz atəşə tutulub. İşğal altında olan Tərtər rayonunun Çiləbürt, Xocavənd rayonunun Kuropatkino, Cəbrayıl rayonunun Mehdili kəndləri yaxınlığında, həmçinin Tərtər və Goranboy rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com

Ankarada simpozium keçirilir

Azərbaycan və Orta Asiya ölkələrinin müstəqilliklərinin 25-ci ildönümü münasibətilə Ankarada simpozium keçirilir. Əhməd Yesevi Universiteti tərəfindən təşkil edilən tədbirdə Azərbaycan geniş nümayəndə heyəti ilə təmsil olunur. Simpoziumun açılışında Türkiyə, Azərbaycan və Orta Asiya respublikalarının dövlət, hökumət və parlament nümayəndələri, diplomatik missiyanın və türk dünyasının birliyi istiqamətində fəaliyyət göstərən qurumların rəhbərləri, nüfuzlu elm adamları iştirak edirlər.xeber100.com

“The Washington Times” qəzeti yazır…

“The Washington Times” qəzetində Azərbaycanın ABŞ-dakı səfiri Elin Süleymanovun “Roma Papasının tarixi səfəri” sərlövhəli məqaləsi dərc edilib. Məqalədə Roma Papası Fransiskin Azərbaycana bu yaxınlardakı səfərindən danışılır. Diplomat yazır ki, katolik kilsəsi başçısının vaxtilə keçmiş Sovet İttifaqının bir hissəsi olmuş Qafqaz regionuna səfəri özlüyündə əhəmiyyətlidir, lakin əhalisinin əksəriyyəti müsəlmanlardan ibarət dünyəvi dövlət olan Azərbaycana gəlməsinin dərin mənası var. O da diqqətəlayiqdir ki, bu, Azərbaycanın dövlət müstəqilliyini bərpa etməsindən sonrakı 25 il ərzində Roma Papasının bu ölkəyə ikinci səfəridir: II İohann Pavel 2002-ci ildə Bakıya səfər etmişdi.xeber100.com

Dağlıq Qarabağ münaqişəsinin yeganə həll yolu…

Dağlıq Qarabağ münaqişəsinin həlli üçün yeganə yol sülh danışıqlarıdır. Apa-nın xəbərinə görə, bu barədə Roma Papasının rəsmi saytı xəbər verib. Roma Papası Fransisk regiona səfərinin yekunlarına həsr olunmuş mətbuat konfransında deyib ki, Dağlıq Qarabağ münaqişəsinin yeganə həll yolu tərəflər arasında sülh danışıqlarının aparılmasıdır. “Mən digər yol görmürəm. Digər yol müharibədir, müharibə isə daim faciələrlə müşahidə olunur.  Və əlbəttə ki, sülhə nail olmaq üçün daim durmadan dua etmək gərəkdir”, - deyə Fransisk vurğulayıb.xeber100.com

Parlamentlərarası Dostluq Qrupu təsis edilib

Azərbaycanın Avstraliya İttifaqında və Yeni Zelandiyadakı səfirliyin təşəbbüsü ilə Yeni Zelandiyanın qanunverici orqanı olan Nümayəndələr Palatasında səkkiz millət vəkilindən ibarət Yeni Zelandiya-Azərbaycan Parlamentlərarası Dostluq Qrupu təsis edilib. Bu barədə səfirliyə qrupa rəhbər seçilmiş Tod Müller (Todd Muller) məlumat verib. Səfirlikdən apa-ya bildirilib ki, Tod Müller parlamentin spikeri Deyvid Karterin (David Carter) qrupu təsdiq etdiyini deyib. Tod Müller eyni zamanda parlamentin Xarici əlaqələr üzrə xüsusi komitəsinin üzvüdür. Səfirlikdən bildirilib ki, Yeni Zelandiya parlamentində dostluq qruplarının yaradılması praktikasında regional bölgüyə üstünlük verilir. Bu xüsusda Azərbaycan üzrə ayrıca qrupun yaradılmasını müstəsna hal kimi qiymətləndirmək olar. Azərbaycanın Milli Məclisində də on yeddi millət vəkilindən ibarət Azərbaycan-Yeni Zelandiya Parlamentlərarası Dostluq Qrupu fəaliyyət göstərir. Qrupun rəhbəri millət vəkili Xanlar Fətiyevdir.xeber100.com

Müdafiə Nazirliyinin məlumatına əsasən…

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 25 dəfə pozub. Müdafiə Nazirliyinin mətbuat xidmətindən Azərtac-a bildiriblər ki, Ermənistanın Noyemberyan rayonu ərazisindəki adsız yüksəkliklərdə və Barekamavan kəndində yerləşən mövqelərdən Qazax rayonunun Kəmərli və Qaymaqlı kəndlərində yerləşən mövqelərimiz atəşə tutulub. Tərtər rayonunun Çiləbürt, Füzuli rayonunun Aşağı Seyidəhmədli, Cəbrayıl rayonunun Mehdili kəndləri yaxınlığında, həmçinin Göygöl, Goranboy, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də Silahlı Qüvvələrimizin mövqeləri atəşə tutulub.xeber100.com