“AzerGold” Qapalı Səhmdar Cəmiyyətinin məlumatı

“AzerGold” Qapalı Səhmdar Cəmiyyəti (QSC) 10 may - Gül Bayramı münasibətilə Daşkəsən rayonunda yerləşən Çovdar filiz emalı sahəsi ərazisində yaşıllaşdırma aksiyası keçirib.Qurumun mətbuat xidmətindən Azərtac-a bildirilib ki, cəmiyyət Ekologiya və Təbii Sərvətlər Nazirliyinin Daşkəsən meşələrin mühafizəsi və bərpası müəssisəsinin dəstəyi ilə 10 hektar ərazidə ağac əkib.Aksiyanın keçirilməsi üçün “AzerGold” QSC bir neçə müddət əvvəl Daşkəsən meşələrin mühafizəsi və bərpası müəssisəsinə müraciət edib. Müəssisə müraciətə müsbət yanaşıb, cəmiyyəti təmənnasız müxtəlifcinsli ağaclarla təmin etməyə və kömək üçün əraziyə mütəxəssislər göndərməyə razılığını bildirib. Cəmiyyətin və müəssisənin əməkdaşları iyirmi gün ərzində sərv, gavalı, alma, meşə gilası, meşə armudu, qoz, fındıq kimi ağaclardan ibarət ümumilikdə 6 min ağac əkiblər.

Ekologiya və Təbii Sərvətlər Nazirliyinin məlumatı

Ölkə ərazisində mayın 7-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Mülayim cənub küləyi əsəcək.Havanın temperaturunun Abşeron yarımadasında gecə 11-16° isti, gündüz 20-25° isti, Bakıda gecə 13-15° isti, gündüz 23-25° isti olacağı gözlənilir.Atmosfer təzyiqi norma daxilində 760 mm civə sütunundan 755 mm civə sütununa enəcək, nisbi rütubət 55-65 faiz təşkil edəcək.Azərbaycanın rayonlarında bəzi yerlərdə şimşək çaxacağı, arabir yağış yağacağı, duman olacağı gözlənilir. Qərb küləyi əsəcək, arabir güclənəcək.Havanın temperaturunun gecə 11-16° isti, gündüz 23-28° isti, dağlarda gecə 3-8° isti, gündüz 11-16° isti olacağı gözlənilir.Naxçıvan Muxtar Respublikasında bəzi yerlərdə şimşək çaxacağı, arabir yağış yağacağı, axşama doğru tədricən kəsiləcəyi gözlənilir. Qərb küləyi əsəcək.Havanın temperaturunun gecə 8-13° isti, gündüz 22-27° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında bəzi yerlərdə şimşək çaxacağı, arabir yağış yağacağı gözlənilir. Qərb küləyi arabir güclənəcək.Havanın temperaturunun gecə 3-8° isti, gündüz 11-16° isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında bəzi yerlərdə şimşək çaxacağı, arabir yağış yağacağı gözlənilir. Gündüz hava əsasən yağmursuz keçəcək. Qərb küləyi arabir güclənəcək.Havanın temperaturunun gecə 10-15° isti, gündüz 23-28° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında bəzi yerlərdə şimşək çaxacağı, arabir yağış yağacağı, axşama doğru tədricən kəsiləcəyi gözlənilir. Qərb küləyi əsəcək.Havanın temperaturunun gecə 8-13° isti, gündüz 21-26° isti , dağlarda gecə 0-4° isti, gündüz 8-13° isti olacağı gözlənilir.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Lakin gecə və səhər bəzi yerlərdə yağış yağacağı ehtimalı var. Qərb küləyi arabir güclənəcək.Havanın temperaturunun gecə 11-16° isti, gündüz 23-28° isti olacağı gözlənilir.Masallı, Yardımlı, Lerik, Lənkəran, Astara rayonlarında bəzi yerlərdə şimşək çaxacağı, arabir yağış yağacağı, axşama doğru tədricən kəsiləcəyi gözlənilir. Şərq küləyi əsəcək.Havanın temperaturunun gecə 15-17° isti, gündüz 22-27° isti, dağlarda gecə 5-10° isti, gündüz 11-16° isti olacağı gözlənilir.xeber100.com

Mayın 6-na gözlənilən hava proqnozu açıqlanıb

Ölkə ərazisində qeyri-sabit hava şəraiti mayın 7-dək davam edəcək.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a bildirilib ki, həftəsonunadək bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı, dolu düşəcəyi, çaylarda sululuğun artacağı ehtimalı var.xeber100.com

Bu gün Beynəlxalq Mübarizə Günüdür

5 may dünya birliyi Əlillərin Hüquqları Uğrunda Beynəlxalq Mübarizə Gününü qeyd edir.Bu günün tarixi 1992-ci il mayın 5-dən başlanır. Həmin gün fiziki imkanları məhdud olan insanlar Avropanın 17 ölkəsində eyni vaxtda əlillərin hüquq bərabərliyinə riayət edilməsi uğrunda və fiziki, ruhi və ya sensor məhdudiyyətləri olan insanlara münasibətdə ayrı-seçkiliyə qarşı mübarizə günü keçirib.2006-cı il dekabrın 13-də XXI əsrdə insan hüquqları sahəsində ilk hərtərəfli müqavilələrdən biri - Əlillərin Hüquqları barədə BMT-nin Konvensiyası imzalanmaq üçün açıq elan edildi. Bu sənəd 50 dövlət tərəfindən ratifikasiya ediləndən sonra 2008-ci il mayın 3-də qüvvəyə minib. Azərbaycan Əlillərin Hüquqları barədə Konvensiyaya 2008-ci il oktyabrın 2-də qoşulub.Hər il Əlillərin Hüquqları Uğrunda Beynəlxalq Mübarizə Günündə dünyanın bir sıra ölkələrində, o cümlədən Azərbaycanda da müxtəlif aksiyalar, çoxsaylı xeyriyyəçilik və maarifçilik tədbirləri, xüsusi konfranslar keçirilir.xeber100.com

Hidrometeorologiya Departamenti xəbərdarlıq edir

Azərbaycanda mayın 4-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən xəbərə görə, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə yarımadanın bəzi yerlərində şimşək çaxacağı, qısamüddətli yağış yağacağı ehtimalı var. Gün ərzində mülayim şimal-qərb küləyi əsəcək.Havanın temperaturunun gecə 11-15° isti, gündüz 20-25° isti, Bakıda gecə 13-15° isti, gündüz 22-24° isti olacağı gözlənilir.Atmosfer təzyiqi 758 mm civə sütunu, nisbi rütubət gecə 70-80, gündüz 45-55 faiz təşkil edəcək.Azərbaycanın rayonlarında mayın 4-də bəzi yerlərdə şimşək çaxacağı, arabir yağış yağacağı, ayrı-ayrı yerlərdə intensiv olacağı, dolu düşəcəyi, gündüz bəzi rayonlarda yağışda qısa fasilə yaranacağı gözlənilir. Qərb küləyi əsəcək, şimşək çaxanda arabir güclənəcək.Havanın temperaturunun gecə 10-15° isti, gündüz 21-26° isti, dağlarda gecə 5-9° isti, gündüz 10-15° isti olacağı gözlənilir.Naxçıvan Muxtar Respublikasında bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə dolu düşəcəyi ehtimalı var. Qərb küləyi şimşək çaxanda arabir güclənəcək.Havanın temperaturunun gecə 7-12° isti, gündüz 17-22° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı, dolu düşəcəyi ehtimalı var. Qərb küləyi şimşək çaxanda arabir güclənəcək.Havanın temperaturunun gecə 5-9° isti, gündüz 10-15° isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında bəzi yerlərdə arabir yağış yağacağı gözlənilir. Gündüz tədricən kəsiləcək. Qərb küləyi gündüz arabir güclənəcək.Havanın temperaturunun gecə 10-15° isti, gündüz 18-23° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Qərb küləyi əsəcək.Havanın temperaturunun gecə 9-14° isti, gündüz 16-21°, dağlarda gecə 4-9° isti, gündüz 9-14° isti olacağı gözlənilir.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında bəzi yerlərdə şimşək çaxacağı, arabir yağış yağacağı gözlənilir. Gündüz yağışda qısa fasilə yaranacaq. Qərb küləyi şimşək çaxanda arabir güclənəcək.Havanın temperaturunun gecə 10-15° isti, gündüz 21-26 ° isti olacağı gözlənilir.Masallı, Yardımlı, Lerik, Lənkəran, Astara rayonlarında bəzi yerlərdə arabir yağış yağacağı gözlənilir. Gündüz yağışda qısa fasilə yaranacaq. Şərq küləyi əsəcək.Havanın temperaturunun gecə 11-15° isti, gündüz 19-24° isti, dağlarda gecə 6-11° isti, gündüz 14-19° isti olacağı gözlənilir.xeber100.com  

5.2 bal gücündə zəlzələ olub

Mayın 3-də Zaqataladan 36 kilometr şimal-şərqdə, Dağıstan ərazisində 5.2 bal gücündə zəlzələ olub.Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Azərtac-a bildirilib ki, yeraltı təkanlar yerli vaxtla saat 12:53:43-də qeydə alınıb.Episentri 42 km dərinlikdə yerləşən zəlzələ Zaqatalada 4 bal, ətraf rayonlarda 3 bala qədər hiss olunub.xeber100.com

Daxili İşlər Nazirliyinin məlumatı

Mayın 2-də Daxili İşlər Nazirliyi (DİN) Daxili Qoşunlarının Bakıda yerləşən “N” saylı hərbi hissəsində sıra baxışı keçirib.DİN-in mətbuat xidmətindən Azərtac-a bildiriblər ki, tədbirdə IV İslam Həmrəyliyi Oyunları zamanı ictimai qaydanın və təhlükəsizliyin təmin edilməsinə cəlb olunmuş hərbi qulluqçuların hazırlığının, geyim təminatının, xüsusi avadanlıq, eləcə də nəqliyyat vasitələri ilə təchizatının vəziyyəti yoxlanılıb.Qeyd olunub ki, idmanın 20 növü üzrə keçiriləcək Oyunlar ərəfəsində və yarışlar zamanı digər güc strukturları ilə yanaşı, ictimai qaydanın qorunması, ictimai təhlükəsizliyin təmin olunmasına cəlb ediləcək Qoşunların hazırlığı və bütün növ təminatı üzrə qarşıya qoyulan mühüm tapşırıqlar tam yerinə yetirilib.Hərbi hissə komandiri yarışların təşkil olunacağı bütün ərazilərə, obyektlərə baxış keçirilməsi, müvafiq tədbirlərin görülməsi barədə məlumat verib. Daha sonra xüsusi təyinatlı bölmələrin, perimetr boyu və styuard xidmətinin aparılmasına cəlb olunacaq şəxsi heyətin, o cümlədən qadın hərbi qulluqçuların təchizatına da baxış keçirilib.xeber100.com  

Mayın 3-nə gözlənilən hava proqnozu açıqlanıb

Azərbaycanda mayın 3-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Bəzi yerlərdə zəif duman olacaq. Səhər və gündüz yarımadanın bəzi yerlərində qısamüddətli yağış yağacağı ehtimalı var. Şimal küləyi əsəcək, gündüz cənub-şərq küləyi ilə əvəz olunacaq.Havanın temperaturunun Abşeron yarımadasında gecə 11-14° isti, gündüz 20-25° isti olacağı gözlənilir.Sinoptiklərin verdiyi tibbi-meteoroloji proqnoza əsasən, mayın 5-dək Abşeron yarımadasında meteoroloji amillərin zəif və mülayim tərəddüdü meteohəssas insanlar üçün əsasən əlverişlidir.Naxçıvan Muxtar Respublikasında bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Şərq küləyi əsəcək, şimşək çaxanda arabir güclənəcək.Havanın temperaturunun gecə 7-12° isti, gündüz 19-24° isti olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Şərq küləyi əsəcək.Havanın temperaturunun gecə 5-10° isti, gündüz 12-17° isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Şərq küləyi əsəcək.Havanın temperaturunun gecə 9-14° isti, gündüz 21-26° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Şərq küləyi əsəcək.Havanın temperaturunun gecə 8-13° isti, gündüz 19-24°, dağlarda gecə 3-8° isti, gündüz 13-18° isti olacağı gözlənilir.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında bəzi yerlərdə arabir yağış yağacağı gözlənilir. İntensiv olacağı ehtimalı var. Şərq küləyi əsəcək.Havanın temperaturunun gecə 10-15° isti, gündüz 23-28° isti olacağı gözlənilir.Masallı, Yardımlı, Lerik, Lənkəran, Astara rayonlarında bəzi yerlərdə şimşək çaxacağı, arabir yağış yağacağı gözlənilir. Ayrı-ayrı yerlərdə intensiv olacağı ehtimalı var. Şərq küləyi əsəcək.Havanın temperaturunun gecə 11-14° isti, gündüz 20-25° isti, dağlarda gecə 7-11° isti, gündüz 15-20° isti olacağı gözlənilir.xeber100.com

Seysmoloji Xidmət Mərkəzinin məlumatı

Mayın 2-də Xəzər dənizində 3 bal gücündə zəlzələ olub.Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Azərtac-a bildirilib ki, yeraltı təkanlar yerli vaxtla saat 10:23:33-də qeydə alınıb.Episentri 60 km dərinlikdə yerləşən zəlzələ hiss olunmayıb.xeber100.com

“Hərbi Vətənpərvərlik və Mütəxəssis Hazırlığı Mərkəzi” müsabiqə elan edib

Səfərbərlik və Hərbi Xidmətə Çağırış üzrə Dövlət Xidmətinin nəzdində fəaliyyət göstərən “Hərbi Vətənpərvərlik və Mütəxəssis Hazırlığı Mərkəzi” MMC “Ən yaxşı hərbi vətənpərvərlik simvolikası” və “Ən yaxşı hərbi vətənpərvərlik şüarı (devizi)” üzrə müsabiqə elan edir.MMC-dən Azərtac-a bildiriblər ki, müsabiqə iki nominasiya - “Ən yaxşı hərbi vətənpərvərlik simvolikası” və “Ən yaxşı hərbi vətənpərvərlik şüarı (devizi)” üzrə keçiriləcək.Məqsəd yeniyetmə və gənclər arasında yaradıcılığı və hərbi vətənpərvərliyi təbliğ etmək, eləcə də ictimaiyyətin diqqətini “Hərbi Vətənpərvərlik və Mütəxəssis Hazırlığı Mərkəzi” MMC-nin beşillik fəaliyyəti dövründə əldə etdiyi nailiyyətlərə yönəltməkdir.Müsabiqəyə təqdim olunan simvolika geniş ictimai marağa səbəb ola biləcək qrafik dizayna malik olmaqla hərbi vətənpərvərliyi özündə ehtiva etməli, eləcə də qələbə əzmini ifadə etməklə təsirli olmalıdır.Müsabiqəyə təqdim olunan şüar (deviz) isə hərbi vətənpərvərliyi özündə ehtiva edən, tələffüzü çətin cümlələrdən olmayan, təsirli olmaqla tək oxunuşda hər kəsin yaddaşında qala bilən, xatırlana bilən bir cümlə olmalıdır.xeber100.com