Amerikalı alimlərin proqnozuna görə…

Amerikalı və irlandiyalı alimlərin proqnozuna görə, yüzlərlə böyük şəhərlərin Yer üzündən silinməsinə səbəb olacaq dünya okeanı səviyyəsinin qorxulu yüksəlişi geoloji ölçülərə görə yaxın vaxtda - bir neçə yüz ilə baş verəcək.Bu barədə məlumat “Science” jurnalında yazılıb.Təxminən 116-129 min il əvvəl olmuş buzlaşmalararası sonuncu böyük dövrdə dünya okeanı səthinin temperaturu təxminən indiki səviyyədə olub. Hələ o zaman dünya okeanının səviyyəsi indikindən 6-7 metr çox qalxmışdı.Lakin bəzi ekspertlər Arktika buzlarının daha tez – 2030-2050-ci illərdə tamamilə yox olacağını bildirirlər. Nəticədə ABŞ-ın Atlantik okeanı sahilləri, Uruqvay, Peru, Niderland və Danimarkanın sahilyanı əraziləri su altında qala bilər. Dünya xəritəsindən London, Venesiya, İsgəndəriyyə və Qahirə silinəcək.Alimlər müvafiq proqnozları istixana qazlarının mənfi təsiri və qlobal istiləşmə təhlükəsi ilə əlaqələndirirlər.Xatırladaq ki, buzlaşma Yerin geoloji tarixində dövri təkrarlanan və bir neçə milyon ilədək davam edən dövrdür. Həmin dövrdə materiklərdə buz örtükləri çoxalır, sonra isə onların əriməsi prosesi başlayır. Ekoloqların çoxunun proqnozuna görə, məhz buzlaşma dövrünün gəlməsi planeti qlobal istiləşmədən xilas edəcək.xeber100.com

Cənub regionunda milli park yaradılacaq

Ölkəmizdə bioloji müxtəlifliyin qorunması və Xüsusi Mühafizə Olunan Təbiət Ərazilərinin (XMOTƏ) şəbəkəsinin genişləndirilməsi və mövcud şəbəkələrdə mühafizə işinin təşkili, o cümlədən milli parklarda ekoturizmin inkişafına xüsusi diqqət yetirilir. Yeni ərazilərin yaradılması, bəzi ərazilərə qoruq, milli park statusu verilməsi istiqamətində işlər gedir.Bu barədə Azərtac-a müsahibəsində Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktor əvəzi Hikmət Əlizadə məlumat verib.Azərbaycanın cənub regionunda sahəsi 88 min hektar olan Qızılağac Dövlət Təbiət Qoruğu fəaliyyət göstərir. Qoruq həm turizm baxımından önəmlidir, həm də qiymətli quş, balıq növlərinin qışlama yeridir. H.Əlizadə bildirib ki, qoruğun ərazisində sahəsi 100 min hektar olan Qızılağac Dənizkənarı Milli Parkının yaradılması istiqamətində işlər aparılır. Yaxın illərdə işlər yekunlaşacaq və milli parkın müəyyən hissəsi ekoturistlərin üzünə açıq olacaq.xeber100.com

Yanvarın 21-nə olan hava proqnozu açıqlanıb

Yanvarın 21-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə yağıntılı olacağı ehtimalı var. Şimal-qərb küləyi əsəcək. Havanın temperaturunun gecə 1° şaxtadan 2°-dək isti, gündüz 5-8° isti olacağı gözlənilir.Naxçıvan Muxtar Respublikasında bəzi yerlərdə arabir qar yağacağı, duman olacağı gözlənilir. Hava gündüz əsasən yağmursuz keçəcək, qərb küləyi əsəcək. Temperaturun gecə 12-17° şaxta, gündüz 1-6° şaxta olacağı ehtimalı var.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında bəzi yerlərdə qar yağacağı, duman olacağı, gündüz tədricən kəsiləcəyi gözlənilir. Qərb küləyi əsəcək. Havanın temperaturunun gecə 3-7° şaxta, gündüz 3° şaxtadan 2°-dək isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında arabir qar yağacağı, gündüz tədricən kəsiləcəyi gözlənilir. Qərb küləyi əsəcək.Temperaturun gecə 2° şaxtadan 3°-dək isti, gündüz 4-7° isti olacağı ehtimalı var.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında arabir qar yağacağı, havanın gündüz əsasən yağmursuz keçəcəyi gözlənilir. Qərb küləyi əsəcək. Temperaturun gecə 0-5° şaxta, gündüz 0-5° isti, dağlarda gecə 9-14° şaxta, gündüz 0-5° şaxta olacağı gözlənilir.Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında havanın gündüz əsasən yağmursuz keçəcəyi gözlənilir. Qərb küləyi əsəcək. Temperaturun gecə 2° şaxtadan 3°-dək isti, gündüz 4-8° isti olacağı ehtimalı var.Masallı, Yardımlı, Lerik, Lənkəran, Astara rayonlarında havanın arabir yağıntılı olacağı, dağlıq ərazilərdə qar yağacağı gözlənilir. Dağlarda duman olacaq, şərq küləyi əsəcək. Temperaturun gecə 0-3° isti, gündüz 5-7° isti, dağlarda gecə 2-7° şaxta, gündüz 2° şaxtadan 3°-dək isti olacağı gözlənilir.xeber100.com

Bakı Şəhər Baş Polis İdarəsində müşavirə keçirilib

Yanvarın 19-da daxili işlər nazir R.Usubovun iştirakı ilə Bakı Şəhər Baş Polis İdarəsində 2016-cı ilin yekunlarına həsr olunmuş geniş əməliyyat müşavirəsi keçirilib.Daxili İşlər Nazirliyinin mətbuat xidmətindən Azərtac-a verilən məlumata görə, müşavirəni açan nazir qeyd edib ki, ölkə başçısının rəhbərliyi ilə ölkədə həyata keçirilən quruculuq işləri, uğurla davam etdirilən hüquq-mühafizə siyasəti, bununla əlaqədar nazirlik tərəfindən icraya yönəldilən əmr və göstərişlər hesabat dövründə paytaxt polisinin fəaliyyətinə də müsbət təsir göstərib.Diqqətə çatdırılıb ki, fəaliyyətin təkmilləşdirilməsinə, analitik işin, idarəçilik və təşkilatçılıq fəaliyyətinin günün tələbləri səviyyəsinə yüksəldilməsinə, icra və xidməti intizamın daha da möhkəmləndirilməsinə yönəlmiş tədbirlər ciddi nəzarətdə saxlanılmalı və cari il ərzində də daha səmərəli şəkildə davam etdirilməlidir.xeber100.com

“İslam Həmrəyliyi İli” elan olunması ilə əlaqədar…

2017-ci ilin “İslam Həmrəyliyi İli” elan olunması ilə əlaqədar Ailə, Qadın və Uşaq Problemləri üzrə Dövlət Komitəsi “İslam ölkələri: qadınlarının inkişafı” adlı fotomüsabiqə elan edib.Komitədən Azərtac-a bildiriblər ki, müsabiqədə iştirak etmək istəyənlər cari il fevralın 1-dək sənədlərini təqdim etməlidirlər. Fotomüsabiqəyə təqdim olunan işlər komitənin 8 Mart - Beynəlxalq Qadınlar Gününə həsr olunmuş tədbirində nümayiş olunacaqdır.xeber100.com

Ekologiya və Təbii Sərvətlər Nazirliyinin məlumatına görə…

Ölkə ərazisində yanvarın 20-nə gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında tutqun hava şəraiti üstünlük təşkil edəcək. Bəzi yerlərdə arabir yağış yağacağı gözlənilir. Yarımadanın bəzi ərazilərində sulu qara keçəcəyi ehtimalı var. Arabir güclənən şimal-qərb küləyi günün ikinci yarısında şimal-şərq küləyi ilə əvəz olunacaq.Havanın temperaturunun gecə 1-3° isti, gündüz 4-6° isti olacağı gözlənilir.Atmosfer təzyiqi normadan yüksək 767 mm civə sütunundan 770 mm civə sütununa yüksələcək, nisbi rütubət 85-95 faiz təşkil edəcək.Naxçıvan Muxtar Respublikasında bəzi yerlərdə arabir qar yağacağı, duman olacağı gözlənilir. Qərb küləyi əsəcək.Havanın temperaturunun gecə 11-16° şaxta, gündüz 2-7° şaxta olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında bəzi yerlərdə qar yağacağı, duman olacağı, gündüz tədricən kəsiləcəyi gözlənilir. Qərb küləyi ayrı-ayrı yerlərdə arabir güclənəcək.Havanın temperaturunun gecə 2-7° şaxta, gündüz 2° şaxtadan 3°-dək isti olacağı gözlənilir.Qazax, Gəncə, Goranboy, Tərtər, Ağdam, Füzuli, Cəbrayıl rayonlarında havanın bəzi yerlərdə arabir yağıntılı olacağı, qar yağacağı, günün ikinci yarısında əsasən yağmursuz keçəcəyi gözlənilir. Səhər ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 0-5° şaxta, gündüz 2-7° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında havanın bəzi yerlərdə arabir yağıntılı olacağı, qar yağacağı gözlənilir. Günün ikinci yarısında tədricən kəsiləcək. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 0-5° şaxta, gündüz 0-5° isti, dağlarda gecə 5-10° şaxta, gündüz 0-5° şaxta olacağı gözlənilir.Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında bəzi yerlərdə arabir yağış, sulu qar yağacağı, gündüz tədricən kəsiləcəyi gözlənilir. Ayrı-ayrı yerlərdə duman olacaq. Qərb küləyi ayrı-ayrı yerlərdə arabir güclənəcək.Havanın temperaturunun gecə 2° şaxtadan 3°-dək isti, gündüz 3-8° isti olacağı gözlənilir.Masallı, Yardımlı, Lerik, Lənkəran, Astara rayonlarında bəzi yerlərdə arabir yağış, sulu qar, dağlıq ərazilərdə qar yağacağı gözlənilir. Səhər dağlarda duman olacaq. Şimal küləyi gecə və səhər arabir güclənəcək.Havanın temperaturunun gecə 2-4° isti, gündüz 5-7° isti, dağlarda gecə 3-8° şaxta, gündüz 0-5° isti olacağı gözlənilir.xeber100.com

Davos Dünya İqtisadi Forumu çərçivəsində…

ADA Universitetində Davos Dünya İqtisadi Forumu çərçivəsində “Davosa doğru – Bakı” Forumu (“Shaping Davos – Baku”) işə başlayıb.Azərtac xəbər verir ki,forumun əsas mövzusu “Məşğulluq vasitəsilə yeni imkanların yaradılması”dır. Akademik Klaus Şvab tərəfindən yaradılmış kiçik bir qrupdan ibarət olan Davos İqtisadi Forumu hazırda 2500 iştirakçını əhatə edən iri platformaya çevrilib. Hər il Forumun illik görüşü İsveçrənin Davos şəhərində keçirilir. Artıq bir neçə ildir ki, Forum zamanı əsas fəaliyyətlərdən biri kimi “Shaping Davos” layihəsi reallaşdırılır. “Shaping Davos” dünya əhalisinin Davos İqtisadi Forumunun spikerləri ilə dialoqunun təşkili üçün vasitədir.xeber100/com

Dövlət Sərhəd Xidmətinin məlumatı…

Yanvarın 13-də S 203 nömrəli “Tufan” tipli sərhəd gözətçi gəmisi xidməti–döyüş fəaliyyətinə başlayıb.Dövlət Sərhəd Xidmətinin mətbuat mərkəzindən Azərtac-a bildiriblər ki, gəmi xidməti–döyüş fəaliyyətinə başlaması ilə əlaqədar Xəzər dənizinə endirilib.Yeni gəmidən dövlət sərhədlərinin mühafizəsi, sərhədboyu rejimin təmin edilməsi, karbohidrogen ehtiyatlarının hasilatı və nəqli, infrastrukturun təhlükəsizliyinin təmin edilməsi istiqamətində xidməti vəzifələrin icrası zamanı istifadə olunacaq.xeber100.com

“Davosa doğru: Bakı” Forumu keçiriləcək

Yanvarın 17-də Azərbaycanda ilk dəfə “Davosa doğru: Bakı” Forumu keçiriləcək.AZƏRTAC xəbər verir ki, “Global Shapers: Baku Hub” və Azərbaycan Respublikası Gənclər Təşkilatları Milli Şurasının təşkilatçılığı ilə keçiriləcək forum zamanı Davos Dünya İqtisadi Forumuna canlı bağlantı təşkil olunacaq və beynəlxalq panel sessiyası keçiriləcək. Forum çərçivəsində gənc sahibkarların startaplarından ibarət sərgi təşkil ediləcək. Sərgidə “Youth Inc.” Proqramının nümayəndələrinin startaplarından ibarət stendlər nümayiş olunacaq. Həmçinin “Youth Inc.” Biznes İnkubasiya Mərkəzinin fəaliyyətində yaxından iştirak edən startapların forumla bağlı çıxışlarından ibarət videotəqdimatlar keçiriləcək.Xatırladaq ki, forumun tərəfdaşları Azərbaycan Respublikası Gənclər və İdman Nazirliyi, Azərbaycan Respublikasının Prezidenti yanında Gənclər Fondu, ADA Universiteti və “Youth Inc.” Proqramıdır.xeber100.com

Yanvarın 15-nə gözlənilən hava proqnozu açıqlanıb

Ekologiya və Təbii Sərvətlər Nazirliyinin Milli Hidrometeorologiya Departamentindən Azərtac-a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, səhər bəzi yerlərdə çiskinli olacağı, axşam isə yağış yağacağı gözlənilir. Cənub küləyi əsəcək.Havanın temperaturu gecə 1-4° isti, gündüz 7-10° isti təşkil edəcək.Naxçıvan Muxtar Respublikasında hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək.Havanın temperaturunun gecə 11-16° şaxta, gündüz 2-7° şaxta olacağı gözlənilir.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək.Havanın temperaturunun gecə 3-8° şaxta, gündüz 0-5° isti olacağı gözlənilir.Qazax, Gəncə, Goranboy, Tərtər, Ağdam, Füzuli və Cəbrayıl rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək.Havanın temperaturunun gecə 3° şaxtadan 2°-dək isti, gündüz 6-11° isti olacağı gözlənilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında hava əsasən yağmursuz keçəcək. Ayrı-ayrı yerlərdə duman, axşam bəzi yerlərdə yağış yağacağı ehtimalı var. Şərq küləyi əsəcək.Havanın temperaturunun gecə 0-5° şaxta, gündüz 3-8° isti, dağlarda gecə 5-10° şaxta, gündüz 0-5° şaxta olacağı gözlənilir.Mərkəzi Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan və Neftçala rayonlarında hava əsasən yağmursuz keçəcək. Gecə və səhər bəzi yerlərdə duman olacaq. Şərq küləyi əsəcək.Havanın temperaturunun gecə 2° şaxtadan 3°-dək isti, gündüz 6-11° isti olacağı gözlənilir.Masallı, Yardımlı, Lerik, Lənkəran və Astara rayonlarında hava əsasən yağmursuz keçəcək. Səhər dağlarda duman, axşam bəzi yerlərdə yağış yağacağı ehtimalı var. Şərq küləyi əsəcək.Havanın temperaturunun gecə 0-3° isti, gündüz 7-10° isti, dağlarda gecə 0-5° şaxta, gündüz 0-5° isti olacağı gözlənilir.xeber100.com