Profilaktik tədbirlərin keçirilməsi gücləndirilib

Bakı Ali Neft Məktəbində (BANM) qrip xəstəliyi təhlükəsinə qarşı dezinfeksiya işləri aparılıb. Ali Məktəbdə dezinfeksiya işləri SOCAR-ın Ekologiya İdarəsinin Gigiyena və Epidemiologiya Mərkəzinin həkimləri tərəfindən həyata keçirilib. BANM-in əməkdaşları və tələbələri üçün Mərkəzin müdir müavini Arzu Namazova və Mərkəzin həkimləri tərəfindən “Qrip xəstəliyinin yoluxma yolları, simptomları, müalicəsi və profilaktikası” mövzusunda mühazirələr oxunub. Qeyd edək ki, son zamanlar dünya ölkələrində qrip xəstəliyi nəticəsində ölənlərin sayı artdığından, xüsusilə Azərbaycanla həmsərhəd olan qonşu ölkələrdə "donuz qripi"nin yayılması ilə əlaqədar olaraq Azərbaycanın bir sıra müəssisələrində bu xəstəliklə bağlı profilaktik tədbirlərin keçirilməsi gücləndirilib.

Bakı-İstanbul aviareysi ləğv edilib

Bu gün "Azərbaycan Hava Yolları" QSC-nin (AZAL) saat 17:35-a təyin olunan Bakı-İstanbul aviareysi ləğv edilib. Avropa.info bildirir ki, məsələylə bağlı "Azərbaycan Hava Yolları" QSC-nin (AZAL) mətbuat xidmətinin rəhbəri Paşa Kəsəmənski report-a bildirib ki, həmin reysin ləğv olunmasının səbəbi təyyarənin dolmaması ilə bağlıdır. "Ümumi qaydalara görə, belə hal baş verən reysə bilet alan şəxslərə başqa reys təklif edilir və ya alternativ yolla həmin şəxslər getdikləri ünvanlara çatdırılır", - deyə P.Kəsəmənski əlavə edib. Qeyd edək ki, Bakıdan İstanbula hər gün aviareyslər yerinə yetirilir. Bu marşrut üzrə növbəti reys saat 20:45-də reallaşdırılacaq.  

Devalvasiyadan sonra…

Azərbaycanda kirayə mənzil bazarında təklif edilən evlərin xeyli hissəsi boşalıb. Devalvasiyadan sonra kirayə haqlarını verə bilməyən insanlar mənzilləri tərk etməyə başlayıblar. Bu isə kirayə mənzil bazarında qiymətlərin aşağı düşməsinə təsir edib. Bu vəziyyətdən ən çox narazı qalanlar və zərər çəkənlər həm ev sahibləri, həm də “makler”lərdir. Onların sözlərinə görə, əgər əvvəllər ay ərzində 15-18 evin kirayə verilməsində iştirak edirdilərsə, indiki vəziyyətdə bu rəqəm 3-4 dəfə aşağı düşüb.xəbər100  

Azərbaycana 437 ədəd avtomobil idxal olunub

Bu ilin yanvar ayı ərzində Azərbaycana 437 ədəd avtomobil idxal olunub. Dövlət Gömrük Komitəsinin hesabatına istinadən verilən məlumata görə, ötən ilin eyni ayı ilə müqayisədə 3 653 avtomobil və 9,36 dəfə azdır. Belə ki, ölkəyə gətirilən avtomobillərin 5 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 401 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 26 ədədi yük daşımaq üçün motorlu nəqliyyat vasitələri, 5 ədədi isə xüsusi təyinatlı motorlu nəqliyyat vasitələridir. Xatırladaq ki, 2015-ci ilin yanvar ayında ölkəyə xaricdən 4 090 ədəd avtomobil vasitəsi gətirilib.xəbər100

Yeni tikinti layihəsi həyata keçiriləcək

  “Report” xəbər verir ki, bunu bunu fövqəladə hallar naziri Kəmaləddin Heydərov sahibkarlarlarla görüşündə deyib. O bildirib ki, Bakının bütün doqquz mikroraynunda bəzi 5, 7 və 9 mərtəbəli köhnə binaların yerinə yeni binaların tikilməsi ilə bağlı konsepsiya hazırlanıb: “Həmin binalarda yaşayan sakinlər yeni mənzillərə köçürüləcək. Tikinti şirkətlərinə bu layihədə iştirak etmələri tövsiyə olunur". xəbər100

Orta əmək haqqı 466,4 manat

2016-cı il yanvarın 1-i vəziyyətinə ölkə iqtisadiyyatında muzdla çalışan işçilərin sayı 1495,8 min nəfər olub`. Dövlət Statistika Komitəsindən verilən xəbərə görə, onlardan 877,4 min nəfəri iqtisadiyyatın dövlət sektorunda, 618,4 min nəfəri isə qeyri-dövlət sektorunda fəaliyyət göstərib. Muzdla işləyənlərin 22,6 faizi təhsil, 19,0 faizi ticarət, nəqliyyat vasitələrinin təmiri, 12,1 faizi sənaye, 8,9 faizi əhaliyə səhiyyə və sosial xidmətlərin göstərilməsi, 6,2 faizi tikinti, 4,9 faizi nəqliyyat və anbar təsərrüfatı, 3,9 faizi peşə, elmi və texniki fəaliyyət, 3,0 faizi kənd təsərrüfatı, meşə təsərrüfatı və balıqçılıq, 1,7 faizi informasiya və rabitə, 17,7 faizi isə iqtisadiyyatın digər sahələrində məşğul olublar. 2015-ci ilin yanvar-dekabr aylarında ölkə iqtisadiyyatında muzdla çalışan işçilərin orta aylıq nominal əmək haqqı əvvəlki ilin müvafiq dövrünə nisbətən 5,0 faiz artaraq 466,4 manat olub. İqtisadiyyatın mədənçıxarma sənayesi, maliyyə və sığorta fəaliyyəti, informasiya və rabitə, peşə, elmi və texniki fəaliyyət, eləcə də tikinti sahələrində orta aylıq nominal əmək haqqı daha yüksək olub.  

Sərhədkeçməyə məhdudiyyət

Müddətli həqiqi hərbi xidmətdə çağırışdan boyun qaçıran vətəndaşlar haqqında məlumatların "Sərhədkeçməyə məhdudiyyət siyahısı”na daxil edilməsinə başlanılıb. BAKU.WS-in məlumatına görə, bunu fevralın 13-də Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yaranmasının dördüncü ildönümü münasibətilə keçirilən təntənəli mərasimdəki çıxışında xidmət rəisi, general-leytenant Arzu Rəhimov deyib. A.Rəhimov bildirib ki, Prezident İlham Əliyevin vətəndaşların müddətli həqiqi hərbi xidmətə çağırılması haqqında müvafiq Sərəncamına və "Hərbi vəzifə və hərbi xidmət haqqında” Azərbaycan Respublikasının Qanununa əsasən, Silahlı Qüvvələrin və digər silahlı birləşmələrin müddətli həqiqi hərbi xidmət keçən qulluqçularının komplektləşdirilməsi məqsədilə çağırış yaşına çatmış gənclərin müddətli həqiqi hərbi xidmətə cəlb edilməsi və təyin olunduqları hərbi hissələrə göndərilməsi ötən müddət ərzində tam təmin edilib. Xidmət tərəfindən çağırış yaşı tamam olan gənclərin çağırışdan yayınmasının qarşısının alınması istiqamətində də zəruri işlər görülüb. Bundan başqa, çağırışdan yayınan şəxslər barədə materiallar toplanaraq müvafiq tədbirlərin görülməsi üçün aidiyyəti üzrə hüquq mühafizə orqanlarına təqdim edilib.xəbər100  

Yaz bərabərliyi nöqtəsi

Baharın Azərbaycana gəlişinin vaxtı məlum olub. AMEA Şamaxı Astrofizika Rəsədxanasının direktor müavini, fizika üzrə fəlsəfə doktoru Xıdır Mikayılov bildirib ki, bu il Azərbaycan ərazisində baharın gəlişi martın 20-də, Bakı vaxtı ilə təxminən saat 08.30 radələrində baş verəcək. Onun sözlərinə görə, martın 19-da Günəş səmanın cənub yarımkürəsindən şimal yarımkürəsinə keçid edəcək. Belə ki, həmin an Günəş Yerin hərəkət müstəvisi ilə Yerin ekvator müstəvisinin kəsişdiyi nöqtədə olacaq: “Bu nöqtəyə astronomiyada "yaz bərabərliyi nöqtəsi" deyilir. Günəş həmin nöqtədə olanda gecə və gündüz bərabərliyi qeydə alınacaq. Həmin andan başlayaraq, şimal yarımkürəsində astronomik bahar başlayır və bu, iyunun 21-dək davam edir`. Direktor müavini əlavə edib ki, martın 15-i Azərbaycanda axır çərşənbə, fevralın 23-ü isə ilk çərşənbədir.xəbər100  

Rusiya 400 ədəd maşın ixrac etməyi planlaşdırır

Rusiyanın yük avtomobilləri istehsalçısı "KamAZ" şirkəti bu il Azərbaycana 400 ədəd maşın ixrac etməyi planlaşdırır. APA xəbər verir ki, bu barədə "KamAZ"ın 2016-cı ilə dair biznes-planında qeyd edilib. Ümumilikdə şirkət bu il 29 min ədəd avtomobil istehsal ediləcək. Bunun 7 min ədədi ixraca yönələcək.xəbər100    

Türkiyədə yeni taksi xidməti açıldı

  Türkiyənin Sivas şəhərində yalnız qadınlara xidmət edəcək "Çəhrayı taksi" işə başlayıb. Türkiyə mətbuatı xəbər verir ki, qadın sürücülərin idarə edəcəyi taksi xanımların istədikləri yerə gedə bilməsi məqsədilə yaradılıb. Sivas Bələdiyyəsinin açıqlamasına görə, "Terminal" taksi dayanacağının sahibi Gökhan Şimşəkbu təkliflə bələdiyyəyə müraciət edib və onlar da ona lisenziya verib: "Bu təklifə laqeyid yanaşa bilməzdik. Bu taksiyə ancaq xanımlar və ailələr minəcək. Bununla vacib bir boşluq dolmuş olacaq".xəbər100