Tarixdə bu gün…

1944-cü ildə ilk proqramlaşdırılmış kompyuter olan "Mark I" istifadəyə verilib. Qurğu IBM korporasiyası ilə imzalanmış müqaviləyə əsasən, gənc riyaziyyatçı Hovard Ayken və şirkətin dörd mühəndisi tərəfindən hazırlanıb.xeber100.com

Demokratiyaya dəstək mitinqi keçiriləcək

Avqustun 7-də İstanbulun Yeniqapı meydanında demokratiyaya dəstək mitinqi keçiriləcək. “Demokratiya və şəhidlər” şüarı altında keçiriləcək mitinq ölkənin bütün şəhərlərində və meydanlarında davam edən demokratiya növbələrinin ən izdihamlısı olacaq. Türkiyə mətbuatının verdiyi məlumata görə, bu sözləri hakim Ədalət və İnkişaf Partiyasının sədri, Baş nazir Baş nazir Binəli Yıldırım deyib. Baş nazir deyib: “Həmin gün tariximizin, demokratiyamızın ən böyük mitinqini həyata keçirəcəyik. Oradan bütün Türkiyəyə hamımız birlikdə mesaj verəcəyik. Ona görə bu mitinqə siyasi partiyaların liderlərini də dəvət edirəm. Onların bu böyük mitinqə gələrək bütün xalqımızla həmrəylik nümayiş etdirmələri çox əhəmiyyətlidir”.xeber100.com

CNN Türk televiziyasının verdiyi xəbərə görə…

Türkiyənin Baş naziri Binəli Yıldırım CNN Türk televiziyasına müsahibəsində yaxın günlərdə ölkə Konstitusiyasına dəyişikliklər ediləcəyini, bununla bağlı hazırlıq işlərinin görüldüyünü deyib. Türkiyənin Baş naziri qeyd edib ki, Konstitusiyaya 60 maddə üzrə dəyişikliklər ediləcək. Çevrilişə dəstək verən qurumlarla bağlı gərgin iş aparıldığını bildirən Baş nazir diqqətə çatdırıb ki, saxlanılanların və həbs edilənlərin ifadələrindən hər gün yeni məlumatlar əldə olunur. O, Türkiyə Silahlı Qüvvələri və Milli Kəşfiyyat Xidmətinin daha da təkmilləşdiriləcəyini bildirib. Həmçinin qeyd edib ki, çevriliş cəhdindən sonra 3 min 499 nəfər istefaya göndərilməklə, ümumilikdə 62 min nəfər işindən kənarlaşdırılıb. Türkiyədə dövlət çevrilişi ilə əlaqəsi olan hər kəs dövlət qurumlarından xaric edilməlidir. Son hadisələrin iştirakçıları arasında on minlərlə yüksək vəzifə sahibi var. Dövlət çevrilişinə cəhd zamanı Türkiyə dünya demokratiyasının indiyədək görmədiyi fərqli mənzərəni ortaya qoydu. Bu fikirləri isə Türkiyə Prezidenti Rəcəb Tayyib Ərdoğan İtaliya və Meksika televiziyalarına müsahibəsində deyib.xeber100.com

“A Haber” telekanalının məlumatına əsasən…

Türkiyədə fəaliyyət göstərən bütün hərbi təhsil müəssisələri bağlanacaq. Bunu Türkiyə prezidenti Rəcəb Tayyip Ərdoğan “A Haber” telekanalına müsahibəsində bildirib. Onun sözlərinə görə, onların əvəzinə Türkiyədə Milli Müdafiə Universiteti yaradılacaq. Milli Müdafiə Universitetinin nəzdində Quru Qoşunlar Akademiyası, Hərbi-Hava Akademiyası və Dəniz Akademiyası yaradılacaq. Hazırda ölkədə dörd ali hərbi təhsil müəssisəsi fəaliyyət göstərir.xeber100.com

Prokurorluq orqanlarının təqdimatına əsasən…

İstanbul məhkəməsi Türkiyədə hərbi çevrilişə cəhddə iştirak etməkdə şübhəli bilinərək saxlanılan 758 nəfər hərbçinin azad olunması barədə qərar çıxarıb. Türkiyə mətbuatının məlumatına görə, qərar istintaqı aparan prokurorluq orqanlarının təqdimatına əsasən verilib. Ümumilikdə 989 nəfər ifadə verib ki, onlardan 231-i həbsdə qalıb.xeber100.com

Ali Hərbi Şuranın iclası keçiriləcək

Bu gün Türkiyədə Ali Hərbi Şuranın iclası keçiriləcək. İclasda bir sıra mühüm qərarların qəbul edilməsi gözlənilir. Şuranın iclası ilk dəfə olaraq Nazirlər Kabinetində keçiriləcək. Baş nazir Binəli Yıldırımın sədrlik edəcəyi iclasda dövlət çevrilişinə cəhd, Silahlı Qüvvələrə yeni təyinatlar, güc strukturlarında islahatlar və digər məsələlər müzakirə ediləcək. Qəbul olunacaq qərarlar təsdiq üçün dövlət başçısına təqdim ediləcək. Əvvəlki illərdən fərqli olaraq, Şuranın iclası 3 gün deyil, 1 gün ərzində başa çatacaq. Bu arada, Türkiyə Prezidenti Rəcəb Tayyib Ərdoğana qarşı sui-qəsddə iştirak edən hərbçilərin axtarışı məqsədilə Marmarisdə əməliyyatlar davam edir. Türkiyə Silahlı Qüvvələrinin Baş Qərargah İdarəsi isə dövlət çevrilişinə cəhddə iştirak edən hərbçilərin sayını açıqlayıb. Son hadisələrə 8 min 651 hərbçi, Türkiyə Silahlı Qüvvələrinə aid 35 təyyarə, 37 helikopter, 74 tank və 3 gəminin cəlb olunduğu bildirilir. Baş verənlərlə əlaqədar həbslər davam edir. Ankara Prokurorluğu tərəfindən aparılan istintaq əməliyyatı çərçivəsində daha 241 hərbçi həbs edilib. Aparılan əməliyyatlar çərçivəsində ümumilikdə 15 min 846 nəfər saxlanılıb. Həbs edilənlərin sayı isə 8 min 113-dür. 1684 nəfər Silahlı Qüvvələrin sıralarından xaric edilib. 58 nəfər isə ölkədən qaçmağa çalışarkən yaxalanıb. Dövlət çevrilişi cəhdindən sonra 51 min 332 nəfər vəzifəsindən kənarlaşdırılıb. Fövqəladə vəziyyətin elan edilməsi haqqında qərara əsasən, 3 xəbər agentliyi, 16 televiziya, 23 radio, 45 qəzet, 15 jurnal, 29 nəşriyyat və yayım evi bağlanıb.xeber100.com

Güney Azərbaycan etiraz səsini ucaltdı

Güney Azərbaycanın Urmiya və Təbriz şəhərlərində azərbaycanlılar izdihamlı aksiyalar keçirib. Sosial şəbəkələrdə yayılan məlumatlara əsasən bir neçə gün əvvəldən gözlənilən etiraz aksiyaları artıq bir neçə saatdır ki, baş tutub və bu dəqiqələrdə davam etməkdədir. Aksiyalarda “Haray, haray, mən türkəm”, “Ölüm olsun farsizmə”, “Azərbaycan milləti, çəkənməz bu zilləti” kimi şüarlar səsləndiriblər. Aksiyaçılar bu günlərdə, İranın “Tərh-i No” adlı qəzetinin 20 iyul tarixli buraxılışında Firdovsinin Şahnamə əsərinin qəhrəmanlarının dili ilə türklərin “bədbəxt”, “irqi pis” kimi təqdim olunmasına etiraz ediblər. Etirazları dəf etmək üçün Urmiya və Təbizdə çoxlu sayda təhlükəsizlik qüvvələri cəlb olunub, saxlanılanlar var. Lakin etirazçılar təhlükəsizlik qüvvələrinə əhəmiyyət vermədən etirazlarına davam edirlər.  Aksiyalar zamanı çoxlu sayda etirazçı saxlanılıb, həbs edilmişdi. Bu günədək həmin etirazlarda iştirak edənlərin həbsi davam etdirilir.xeber100.com  

Türkiyə mətbuatının məlumatına görə…

Türkiyədə 15 iyul hərbi çevriliş cəhdindən sonra mübahisə mövzusu olan Başyavərlik sistemi ləğv olunur. Türkiyə mətbuatının məlumatına görə, prezident Ərdoğan bu məsələ ilə bağlı qərarını verib. Başyavərlik sisteminin ləğvi ilə birlikdə Beştəpədəki Prezident İqamətgahının təhlükəsizliyi üçün də bir sıra addımlar atılacaq. Bunlardan biri Külliyənin (Prezident İqamətgahı – red.) raket sisteminə malik yüksək səviyyəli mühafizə sisteminin qurulmasıdır. Bundan sonra yaranacaq hər hansı təhlükəyə Beştəpədən raketlə cavab veriləcək. Qeyd edək ki, indiyədək prezidentin xidmətində 1 Baş yavər, 4 nəfər də yavər fəaliyyət göstərirdi. Hər addımda prezidentin yanında olan Baş yavər, onunla bərabər xidməti maşınına minən yeganə şəxsdir. Bu vəzifənin hələlik sonuncu sahibi Ali Yazıcı da FETÖ ilə əlaqəli olduğuna və çevriliş cəhdində iştirakına görə həbs olunub. Baş yavərlik institutu Türkiyədə 1920-ci ildən mövcuddur.xeber100.com

Dövlət çevrilişinə cəhd edən hərbçilərin adı açıqlanıb

Türkiyə Silahlı Qüvvələrinin Baş Qərargah İdarəsi Fətullahçı terror təşkilatının (FETÖ) iyulun 15-də dövlət çevrilişi cəhdinə 8651 hərbçinin qatıldığını açıqlayıb. Anadolu Agentliyinin məlumatına görə, açıqlamada, həmçinin qiyama Türkiyə Silahlı Qüvvələrinə aid 35 təyyarənin, 37 helikopterin, 74 tankın və 3 gəminin cəlb olunduğu bildirilib. Qeyd edək ki, dövlət çevrilişi cəhdinə qatılan hərbi qulluqçular Türkiyə Silahlı Qüvvələrinin şəxsi heyətinin ümumi sayının 1,5 faizini təşkil edir.xeber100.com

Dövlət çevrilişi cəhdinin araşdırılması üçün komissiya yaradılacaq

Türkiyə Böyük Millət Məclisi iyulun 15-də ölkədə baş vermiş dövlət çevrilişi cəhdinin araşdırılması üçün komissiya yaradacaq. Türkiyə mətbuatının verdiyi xəbərə görə, komissiyanın yaradılması barədə qərar müxtəlif partiyaların təklifləri nəzərə alınaraq qəbul olunub. Hadisələri araşdırmaq üçün komissiyaya üç ay vaxt veriləcək. Türkiyənin Baş naziri Binəli Yıldırım “The Guardian” qəzetinə müsahibəsində deyib ki, dövlət çevrilişinə cəhddə əli olanlar saxlanıldıqdan dərhal sonra səhvlərini etiraf ediblər. Alınan ifadələr çevriliş planının xeyli vaxtdır hazırlandığını deməyə əsas verir. Böyük Britaniyanın “Sky News” televiziyasına müsahibəsində isə Baş nazir vurğulayıb ki, çevriliş cəhdini türk ordusunun içərisindəki bir qrup törədib. Qeyd edək ki, Türkiyə Prezidenti Rəcəb Tayyib Ərdoğana qarşı sui-qəsddə iştirak edən hərbçilərin axtarışı məqsədilə Marmarisdə əməliyyatlar genişləndirilib. Ölkənin demək olar ki, bütün bölgələrində demokratiyaya dəstək mitinqləri davam edir. Türkiyə bayraqları ilə meydana toplaşan vətəndaşlar demokratik yolla seçilmiş hökumətə dəstəklərini bildirirlər.xeber100.com