Azərbaycan Dövlət Filarmoniyasının dekabr ayına olan repertuarı açıqlanıb

Müslüm Maqomayev adına Azərbaycan Dövlət Filarmoniyasının dekabr ayına olan repertuarı açıqlanıb. Filarmoniya tamaşaçılar üçün zəngin proqram hazırlayıb. Proqramı təqdim edirik: 7 dekabr - Bakı Kamera Orkestrinin konserti 8 dekabr - Ümummilli Lider Heydər Əliyevin 100 illiyinə həsr olunmuş konsert (Üzeyir Hacıbəyli adına Azərbaycan Dövlət Simfonik Orkestri) 9 dekabr - “Cartier” firmasının tədbiri (Qara Qarayev adına Azərbaycan Dövlət Kamera Orkestri) 12 dekabr - Ümummilli Lider Heydər Əliyevin əziz xatirəsinə həsr olunmuş anım gecəsi (Üzeyir Hacıbəyli adına Azərbaycan Dövlət Simfonik Orkestri) 13 dekabr - “Yaşayan ənənə” Qaraçay-Çərkəz Respublikasının Dövlət Filarmoniyasının artistlərinin iştirakı ilə konsert (“Elbrus” Dövlət Rəqs Ansamblı) 14 dekabr - Xalq artisti, bəstəkar Tofiq Bakıxanovun yaradıcılıq fəaliyyətinin 70 illiyinə həsr olunmuş konsert (Azərbaycan Dövlət Xalq Çalğı Alətləri Orkestri) 19 dekabr - Xalq artisti, müğənni Tükəzban İsmayılovanın 100 illiyinə həsr olunmuş konsert (Azərbaycan Dövlət Xalq Çalğı Alətləri Orkestri) 20 dekabr - Dahi sənətkar Bülbülün xatirəsinə həsr olunmuş Azərbaycan Vokalçıları III Beynəlxalq Festivalı çərçivəsində “Bülbül Vokal Məktəbi” adlı konsert (Opera və Balet Teatrının Simfonik Orkestri) 21 dekabr - Dahi rus bəstəkarı Sergey Raxmaninovun 150 illiyinə həsr olunmuş konsert (Üzeyir Hacıbəyli adına Azərbaycan Dövlət Simfonik Orkestri) 22 dekabr - Ümummilli Lider Heydər Əliyevin 100 illiyinə həsr olunmuş konsert. Şövkət Ələkbərova adına 20 nömrəli Onbirillik Musiqi məktəbi (Azərbaycan Dövlət Xalq Çalğı Alətləri Orkestri) 23 dekabr - Əməkdar artist, tar ifaçısı Əliağa Sədiyevin konserti 26 dekabr - Ümummilli Lider Heydər Əliyevin 100 illiyinə həsr olunmuş “Yeni adlar” layihəsi çərçivəsində konsert (Üzeyir Hacıbəyli adına Azərbaycan Dövlət Simfonik Orkestri) 27 dekabr - RED events təqdimatında “Harry Potter” (Mystery Ensemble).xeber100.com

Mədəniyyət Nazirliyinin dəstəyilə Türk Dünyasının Yumor Festivalı keçirilib

“Yaradıcı həftə” çərçivəsində Mədəniyyət Nazirliyinin dəstəyi ilə Nizami Kino Mərkəzində Türk Dünyasının Yumor Festivalı keçirilib. Nazirlikdən bildirilib ki, festivalın əsas məqsədi qarşılıqlı mədəni inteqrasiya, təcrübə mübadiləsi, yaradıcı və peşəkar qarşılıqlı fəaliyyət, inkişaf yolunda möhkəmlənmə, şou-biznes sahəsində birgə beynəlxalq yaradıcılıq layihələrinin hazırlanmasıdır. TÜRKSOY-un baş katibinin müşaviri Kayrat Mukanov çıxış edərək bildirib ki, Türk Dünyasının Yumor Festivalı ilk dəfədir keçirilir. Festivalın məhz Azərbaycanda keçirilməsi sevindirici haldır. Festivalda Azərbaycan, Türkiyə, Qazaxıstan, Qırğızıstan, Özbəkistan və Tatarıstandan yumor sahəsini təmsil edən yaradıcı sənayenin tanınmış simaları iştirak ediblər. Türk dünyasının yumor ustaları “stand-up” janrında çıxış ediblər. Yumor ustaları Erkin Ergin, Cavid Qurbanov, Rüstəm Əhmədov (Azərbaycan), Oğulcan Bektaş, Doruk Kaparlar (Türkiyə), Ayrat Mavlyutov, Bulat Xanmurzin (Tatarıstan), Medet Kalibekov, Aubakir Emilbay (Qazaxıstan), Taras Kosimbarov, İndira Miftaxova (Özbəkistan), Azimxan Raxatov, Anzor Borzayev (Qırğızıstan) öz istedadlarını nümayiş etdiriblər. Münsiflər heyətinin qərarına əsasən, Tatarıstanı təmsil edən Kazan stand-up klubunun üzvü Bulat Xanmurzin qalib adını qazanıb. Qalibə festivalın kuboku təqdim edilib. Sonda münsiflər heyətinin üzvləri çıxış edərək festivalın təşkilatçılarına təşəkkürlərini bildiriblər.xeber100.com

Ümummilli Lider Heydər Əliyevin 100 illik yubileyinə həsr olunan tədbirlər çərçivəsində

Dekabrın 18-20-də Heydər Əliyev Fondu və Mədəniyyət Nazirliyinin təşkilatçılığı ilə ölkəmizdə ilk dəfə “Mədəni irs” forumu keçiriləcək. Mədəniyyət Nazirliyindən bildirilib ki, Forum Ümummilli Lider Heydər Əliyevin 100 illik yubileyinə həsr olunan tədbirlər çərçivəsində baş tutacaq. Tanınmış tarixçi, arxeoloq, rəssam, memar, heykəltaraş, sənətkar və sahə üzrə digər mütəxəssislərin iştirakı ilə geniş müzakirələrin aparılacağı forumda mədəniyyətimizin və milli irsimizin yaşadılması, inkişafı və təbliği, mövcud vəziyyət, maddi və qeyri-maddi irsimizə, təsviri və tətbiqi sənətə, tarixi abidələrə dövlət dəstəyi və digər istiqamətlərdə diskussiyalar olacaq. Forumda “Azərbaycanın daşınmaz tarixi - mədəni irsinin tədqiqi və mühafizəsi problemləri”, “Postkonflikt dövründə Azərbaycanın tarixi - mədəni və təbii irsinin qorunması məsələləri”, “Azərbaycanda daşınar mədəni irs: muzey işi və müasir çağırışlar”, “Qeyri-maddi mədəni irsin mühafizəsi və müasir çağırışlar”, “Təsviri sənət və müasir çağırışlar”, “Mədəni irs və müasir memarlıq- Şəhərsalma prinsipləri” mövzuları üzrə panellər təşkil olunacaq. Panellerdə müvafiq sahələrin mövcud vəziyyəti və gələcək perspektivlər barədə fikir mübadiləsi aparılacaq.

“Yaradıcı Həftə” çərçivəsində “Musiqi Sənayesi Platforması” təşkil olunacaq

Mədəniyyət Nazirliyinin təşkilatçılığı ilə “Yaradıcı Həftə” çərçivəsində “Musiqi Sənayesi Platforması” (MİP) təşkil olunacaq, Azərbaycanın musiqi sənayesinin imkanları və çağırışları bu sahəyə öz töhfəsini verən şəxslərin iştirakı ilə noyabrın 30-da Heydər Əliyev Mərkəzində platforma çərçivəsində müzakirə ediləcək. Nazirlikdən verilən məlumata görə, əsas məqsəd son illərdə bu sənayedə mövcud olan trendləri, hadisələri müzakirə etmək, musiqi sənayesinin inkişafı üçün potensial addımları müəyyən etmək, həmçinin bu istiqamətdə beynəlxalq təcrübəni araşdıraraq Azərbaycan musiqi sənayesinə tətbiq etməyin yollarını öyrənməkdir. Panel sessiyalarda Azərbaycan musiqi sənayesinin inkişafı və Azərbaycan musiqisinin təbliği mövzularında fikir mübadiləsi aparılacaq. Tədbirə xarici ekspertlər, beynəlxalq layihələrdə təcrübəsi olan mütəxəssislər, ölkədə musiqi sənayesinə töhfə verən və tanınan şəxslər, o cümlədən prodüserlər və musiqiçilər dəvət olunub. Panel sessiyaların davamı olaraq dekabrın 1-də Beynəlxalq Muğam Mərkəzində Avroviziya Mahnı Müsabiqəsi ilə bağlı müzakirələr (“Eurovision Talks") təşkil olunacaq. Tədbirdə bu yarışmada əldə olunan uğurlar, gələcək planlar və ümumiyyətlə bu kimi beynəlxalq musiqi müsabiqələrinin Azərbaycanın musiqi sənayesinə təsirindən danışılacaq.  

Mədəniyyət Nazirliyinin təşkilatçılığı ilə film nümayişləri keçiriləcək

Dekabrın 1-də “Yaradıcı Həftə” çərçivəsində Mədəniyyət Nazirliyinin təşkilatçılığı ilə gənc nəslin milli-mədəni ruhda formalaşmasına töhfə vermək, habelə dövlət dəstəyi ilə istehsal olunmuş filmləri tamaşaçılara daha yaxından tanıtmaq məqsədilə ali məktəblərdə film nümayişləri keçiriləcək. Nazirlikdən bildirilib ki, son illərdə Mədəniyyət Nazirliyinin dəstəyi ilə çəkilmiş “Qırmızı bağ”, “Qisas almadan ölmə”, “Daxildəki ada” və “Olimpia” tammetrajlı bədii filmləri, “Sarılar - Qarabağ atının izi ilə”, “Biz”, “Dağ kəndinin qış günü” və “Qafqaza qayıdış” sənədli filmləri ölkəmizin aparıcı tədris ocaqlarından olan ADA Universiteti, Azərbaycan Dövlət Mədəniyyət və İncəsənət Universiteti, Bakı Dövlət Universiteti, Azərbaycan Dövlət İqtisad Universiteti, Azərbaycan Dillər Universiteti və Azərbaycan Texniki Universitetində tələbələrə nümayiş etdiriləcək.xeber100.com

Azərbaycan kino sənətinin görkəmli nümayəndəsi Rasim Ocaqovun anadan olmasının 90 illiyi tamam olur

Bu gün Azərbaycan kino sənətinin görkəmli nümayəndəsi, rejissor, Dövlət mükafatı laureatı, Xalq artisti Rasim Ocaqovun anadan olmasının 90 illiyi tamam olur. Bu münasibətlə tanınmış incəsənət və mədəniyyət xadimləri, ictimaiyyətin nümayəndələri ikinci Fəxri xiyabana gələrək sənətkarın məzarını ziyarət edib, önünə əklil və tər çiçəklər düzüblər. Anım mərasimində mədəniyyət nazirinin müavini Murad Hüseynov Azərbaycan kino sənətinə dəyərli töhfələr vermiş Rasim Ocaqovun mənalı ömür yolu və zəngin yaradıcılığı barədə danışıb. O qeyd edib ki, Rasim Ocaqovun sənəti, yaradıcılığı kino sənətimizin, xalqımızın dəyərli incisidir. Kinomuzu təkcə Respublikamızda yox, eyni zamanda beynəlxalq müstəvidə də tanıdıb. Çəkdiyi filmlər görkəmli sənətkarı yaşadıb və yaşadacaq. Anım mərasimində çıxış edən natiqlər Rasim Ocaqovla bağlı xatirələrini bölüşüb və onun Azərbaycan kino tarixinə bəxş etdiyi bənzərsiz ekran əsərlərindən danışıblar.xeber100.com

Strateji tərəfdaşlığa dair üçtərəfli memorandum imzalanıb

Noyabrın 15-də Dövlət Turizm Agentliyinin tabeliyindəki Azərbaycan Turizm Bürosu tərəfindən Çin Xalq Respublikasının Pekin şəhərində təşkil edilmiş tədbirdə Azərbaycan Turizm Bürosu, "Azərbaycan Hava Yolları" QSC və "China Tourism Group" (CTG) arasında strateji tərəfdaşlığa dair üçtərəfli memorandum imzalanıb. Dövlət Turizm Agentliyindən bildirilib ki, memoranduma əsasən, Çin mərkəzi hökumətinin "China Tourism Group" (CTG) holdinqi tərəfindən Azərbaycan turizm məhsullarının təşviqi, yeni turizm məhsullarının inkişaf etdirilməsi, onlayn reklam, sosial media vasitəsilə məzmun marketinqi, onlayn və oflayn tədbirlərin təşkili üzrə fəaliyyətin həyata keçirilməsi nəzərdə tutulur. Həmçinin Azərbaycan Turizm Bürosu ilə Çinin tanınmış onlayn səyahət platforması "Qyer.com" arasında da əməkdaşlığa dair memorandum imzalanıb. Memorandum sənədində müştərək məzmunların yaradılması, brendin təşviq edilməsi, media təbliğatı və data əsaslı təhlil və tədqiqat sahələri üzrə strateji tərəfdaşlığın həyata keçiriləcəyi diqqətə çatdırılır. Tədbirdə çıxış edən Azərbaycan Turizm Bürosunun Baş icraçı direktoru Florian Zenqstşmid Çinin getmə turizmi üzrə geniş potensialının mövcudluğunu qeyd edərək imzalanmış memorandumların Azərbaycana səfər edən Çin vətəndaşlarının sayının artmasına öz töhfəsini verəcəyini diqqətə çatdırıb. Florian Zenqstşmid 2023-cü ilin yanvar-oktyabr dövrü ərzində Çindən Azərbaycana səfər edən ziyarətçilərin sayının 20 min 469 nəfər olduğunu, bunun da ötən ilin eyni dövrü ilə müqayisədə 7 dəfədən çox artım sayıldığını bildirib və bu rəqəmlərin çinli səyahətçilərin Azərbaycana xüsusi marağının göstəricisi olduğunu vurğulayıb. Üçtərəfli memorandumun imzalanma mərasimində "Azərbaycan Hava Yolları" QSC İcraçı direktorunun birinci müavini Nazim Səmədov qeyd edib ki, aviaşirkət dekabr ayından etibarən Çinin paytaxtı Pekinə uçuşlar həyata keçirməyi planlaşdırır. Həmçinin bildirilib ki, AZAL müasir təyyarə parkına malik, dünyanın sürətlə inkişaf edən aviadaşıyıcılarından biri olaraq marşrut şəbəkəsini daim genişləndirməkdədir. Bundan əlavə, Azərbaycan Turizm Bürosunun təşkilatçılığı ilə "Azərbaycan Hava Yolları" QSC və 9 yerli turizm sənayesi nümayəndəsi Çin Xarici Səyahət və Turizm Bazarı (COTTM) sərgisində ölkə stendi ilə təmsil olunub. Beynəlxalq turizm sərgisi çərçivəsində Çinin media platformaları, getmə turizm seqmentində fəaliyyət göstərən turizm şirkətləri ilə görüşlər keçirilib, Azərbaycanın turizm məhsulları barədə məlumat verilib. Xatırladaq ki, ötən həftə Şanxayda Azərbaycanı çinli səyahətçilərin üstünlük verəcəyi turizm istiqamətinə çevirmək məqsədi daşıyan, turizm sənayesinin çinli turistləri qarşılamağa və onlara xidmət göstərməyə hazırlığını təmin etmək üçün nəzərdə tutulan “China Ready” proqramının təqdimatı baş tutub. Çin turizm sənayesinin Azərbaycan haqqında məlumatlılığını genişləndirmək və ölkənin Çin bazarında iştirakını gücləndirmək məqsədilə Azərbaycan Turizm Bürosunun təşkilatçılığı ilə 9-13 noyabrda Çinin Şanxay, Quançjou və Çenqdu şəhərlərində silsilə təqdimat tədbirləri keçirilib.xeber100.com

Sankt-Peterburqda IX Sankt-Peterburq Beynəlxalq Mədəniyyət Forumu işə başlayıb

Sankt-Peterburqda IX Sankt-Peterburq Beynəlxalq Mədəniyyət Forumu işə başlayıb. Tədbirdə 73 dövlətdən nümayəndə heyəti, eləcə də 30 ölkənin mədəniyyət nazirləri iştirak edir. Azərbaycan tədbirdə mədəniyyət naziri Adil Kərimlinin rəhbərliyi ilə böyük nümayəndə heyəti ilə təmsil olunur. Forum 3 ildən sonra fəaliyyətini bərpa edib. Belə ki, ötən dövr ərzində COVID-19 pandemiyası və Rusiyanın Ukraynada hərbi əməliyyata başlaması ilə əlaqədar forum təxirə salınmışdı. Noyabrın 18-dək davam edəcək forumun gündəliyi kifayət qədər zəngindir. Builki tədbirin proqramı 9 tematik blokdan, o cümlədən kino, teatr, muzey, süni intellekt və digər mövzulardan ibarətdir. Tədbir çərçivəsində Azərbaycan naziri Adil Kərimlinin rusiyalı həmkarı Olqa Lyubimova ilə görüşü, Dövlət Ermitajında Azərbaycan zalı, dahi bəstəkar Üzeyir Hacıbəylinin Rusiyanın Şimal paytaxtinda ucaldılacaq abidəsinin məkanı ilə tanışlığı gözlənilir. Bundan başqa, səfər çərçivəsində nazirin forumun plenar iclasında iştirakı, həmçinin də “Mədəni suverenlik dövlət kimliyinin əsası kimi” adlı tədbirdə çıxışı nəzərdə tutulub. Forumun bölmələr üzrə iclaslarında Mədəniyyət Nazirliyinin nümayəndələrinin “Süni intellekt – mədəniyyətə təhlükə və ya fayda”, “Ənənəvi mədəniyyət sivil cəmiyyətin qurulmasının təməli kimi” və “Teatr” mövzularında çıxışları nəzərdə tutulur. Forumun sonunda “Ermitaj” mükafatının təntənəli təqdimat mərasimi keçiriləcək.xeber100.com

“Məhv olmuş gündəliklər” tamaşasının növbəti nümayişi keçirildi

Noyabrın 15-də Bakı Bələdiyyə Teatrının Xalq yazıçısı İlyas Əfəndiyevin "Məhv olmuş gündəliklər” pyesi əsasında hazırladığı eyniadlı tamaşanın növbəti nümayişi keçirildi. DTX Mədəniyyət Mərkəzində baş tutan nümayişdə Azərbaycan Silahlı Qüvvələrinin polkovniki, Əməkdar incəsənət xadimi Abdulla Qurbani, Azərbaycan Kinematoqrafçılar İttifaqının katibi, Xalq artisti Həmidə Ömərova, Beynəlxalq Türk Mədəniyyəti və İrsi Fondunun prezidenti Günay Əfəndiyeva və eləcə də əsgər və zabitər iştirak edirdi. Öncə Vətən müharibəsi şəhidlərinin əziz xatirəsi dövlət himnimizin sədaları altında bir dəqiqəlik sükutla yad edildi. Daha sonra söz Əməkdar incəsənət xadimi Abdulla Qurbaniyə verildi. A.Qurbani öz çıxışını vətənpərvərlik üzərində quraraq Azərbaycan ordusunun gücünü-qüdrətindən, 44 günlük müharibə nəticəsində qazanılan qələbədən bəhs etdi, daha sonra döyüşən teatr kimi tanınan Bakı Bələdiyyə Teatrının bu illər ərzində gördüyü işləri, qazandığı uğurları diqqətə çəkdi. Onu da qeyd etdi ki,  Azərbaycan Respublikası Prezidenti İlham Əliyevin 3 mart 2023-cü ildə imzaladığı Sərəncama əsasən, bu il Mədəniyyət Nazirliyi görkəmli teatr rejissoru, Xalq artisti Tofiq Kazımovun 100 illik yubileyi ilə bağlı tədbirlər planı həyata keçirməsi nəticəsində Bakı Bələdiyyə Teatrı yubiley tədbirləri planı çərçivəsində "Məhv olmuş gündəliklər” pyesinə müraciət edib. Xatırladaq ki, İlyas Əfəndiyevin 1969-cu ildə yazdığı “Məhv olmuş gündəliklər” pyesi Azərbaycan teatrlarının səhnəsində bir çox rejissorlar tərəfindən tamaşaya qoyulmuş və zaman-zaman ən baxımlı səhnə əsərlərindən biri kimi müəllifinə şöhrət gətirmişdir. Pyesə müraciət edən rejissorlardan biri də Tofiq Kazımov olub və onun hazırladığı tamaşa da öz dövrünün tamaşaçısının böyük marağına səbəb olub. Bakı Bələdiyyə Teatrının "Məhv olmuş gündəliklər” pyesi əsasında hazırladığı eyniadlı tamaşanın quruluşçu rejissoru, Xalq artisti Mərahim Fərzəlibəyovdur. M.Fərzəlibəyov İlyas Əfəndiyevin bir çox pyeslərinə səhnə həyatı verib. “Məhv olmuş gündəliklər” pyesi sayca Xalq yazıçısının 11-ci pyesidir ki, rejissor  onu səhnələşdirir. Tamaşada iştirak edirlər: Zülfiyyə Məmmədova, İlqar Musayev, Nigar Babayeva, Gülsabah Quliyeva,Toğrul Rza, Məmmədağa Əlilicanzadə. Yaradıcı heyət: Quruluşçu rəssam – İlham Əsgərov (Əməkdar mədəniyyət işçisi) Musiqi hissə müdiri – Nazim Əbidov (Əməkdar mədəniyyət işçisi) İşıqçı rəssam – Tərlan Ələsgərli Kostyum sexinin müdiri – Leyla Əkbərova Dizayn işləri üzrə tərtibatçı – Elnur Ehtiramoğlu.xeber100.com

Azərbaycan incəsənət ustaları festivalda iştirak edəcəklər

Azərbaycan incəsənət ustaları Tbilisidə keçiriləcək Barokko festivalına qatılacaqlar. Azərbaycan incəsənət ustaları festival çərçivəsində Şota Rustaveli adına Tbilisi Dövlət Dram Teatrının kiçik zalında keçiriləcək konsertdə çıxış edəcəklər. Konsertdə Azərbaycanın Əməkdar artistləri İlham Nəzərov və Fəridə Məmmədova da çıxış edəcəklər.

Azərbaycanın Zəfər və Bayraq günlərinə həsr olunmuş təntənəli bayram tədbiri keçirilib

Kanadanın Toronto şəhərində yerləşən “Markham Konqres Mərkəzi”ndə (“Markham Convention Centre”) Azərbaycanın Zəfər və Bayraq günlərinə həsr olunmuş təntənəli bayram tədbiri keçirilib. Diasporla İş üzrə Dövlət Komitəsinin dəstəyi və “Vətən” Azərbaycan İncəsənət və Mədəniyyət Mərkəzinin təşkilatçılığı ilə baş tutan tədbirdə dövlət qurumlarının rəsmi şəxsləri, parlament üzvləri, diplomatik korpusun təmsilçiləri, Azərbaycan icmasının və müxtəlif icmaların nümayəndələri iştirak ediblər. Azərbaycan və Kanadanın Dövlət himnlərinin səsləndirilməsi ilə başlayan tədbirdə çıxış edən “Vətən” Azərbaycan İncəsənət və Mədəniyyət Mərkəzinin rəhbəri Lalin Həsənova soydaşlarımızı bu əlamətdar tarixi günlər münasibətilə təbrik edib. O bildirib ki, Azərbaycan həqiqətlərinin, xalqımızın haqq səsinin Kanadada eşidilməsi üçün soydaşlarımız yerli ictimaiyyət və müxtəlif icmalarla birgə səmərəli fəaliyyət göstərir. Tədbirdə çıxış edən Ontario əyalət parlamentinin üzvü, Ontario əyaləti üzrə Mental sağlamlıq və asılılıqlar naziri Maykl Tibollo Azərbaycanın Dövlət Bayrağı Gününün əhəmiyyətindən bəhs edib və icmamızı bu münasibətilə təbrik edib. Nazir Maykl Tibollonun və Markham şəhərinin meri Frank Skarpitti adından Bayraq Günü ilə bağlı təbrik bəyannamələri “Vətən” Azərbaycan İncəsənət və Mədəniyyət Mərkəzinə təqdim olunub. Tədbir musiqi gecəsi ilə davam edib. Kanadada yaşayan sənətçilər – Azərbaycanın Xalq artisti, Prezident təqaüdçüsü Həsən Enaminin (tenor), Əliheydər Mirzəbəyovun rəhbərlik etdiyi “Vətən” Azərbaycan instrumental ansamblının, “Təbriz” Azərbaycan mahnı və rəqs ansamblının solistləri Şervin Şadpur və Polad Kaşefin ifalarında Azərbaycan bəstəkarlarının əsərləri səsləndirilib. Kanada Azərbaycan Evinin nəzdində fəaliyyət göstərən “Mənim Azərbaycanım” həftəsonu məktəbinin şagirdlərinin təqdim etdikləri “Qaval”, “Sarı Gəlin”, “Zəfər” rəqsləri və “Qarabağ” mahnısı xüsusi maraq doğurub. Qeyd edək ki, məktəb şagirdlərinə milli rəqsləri Bakı Xoreoqrafiya Məktəbinin məzunu, Azərbaycan Dövlət Opera və Balet Teatrının solisti Orxan İslamov qısa müddət ərzində öyrədib.Konsert proqramı qonaqların gur alqışları ilə qarşılanıb. Tədbir çərçivəsində Azərbaycanın zəngin mədəni irsini əks etdirən sərgi təşkil edilib.xeber100.com

Bakı Beynəlxalq Kitab Sərgisində “Ana tarla” kitabının təqdimatı olub

Azərbaycan Mədəniyyət Nazirliyinin təşkilatçılığı ilə Bakı Ekspo Mərkəzində Ümummilli Lider Heydər Əliyevin 100 illik yubileyinə həsr olunan 9-cu Bakı Beynəlxalq Kitab Sərgisində Bakı Bələdiyyə Teatrı da iştirak edib. Bakı Bələdiyyə Teatrının bir qrup aktyoru sərgidə rejissor, Xalq artisti Marahim Fərzəlibəyovun Türk dünyasının görkəmli yazıçısı Çingiz Aytmatovun eyniadlı hekayəsi əsasında səhnələşdirdiyi “Ana tarla” tamaşasından bir parçanı qonaqlar qarşısında nümayiş etdiriblər. Xatırladaq ki, Ç.Aytmatovun “Ana tarla” əsəri bir qadının faciəsindən bəhs edir. Əsərin əsas qəhrəmanlarından biri olan Tolqanay obrazını teatrın aparıcı aktrisası, Əməkdar artist Hüsniyyə Mürvətova oynayır. Bakı Bələdiyyə Teatrının aktyorlarının ifasında olan duyğu yükü, müharibə ağrı-acıları və sabahlara olan inam o qədər təbii verilir ki, tamaşaçı səhnədə baş verənləri xəyalı vasitəsilə sanki həmin dövrə səyahət edir, qəhrəmanların yaşantılarına şərik olurdular. Sərgi çərçivəsində Beynəlxalq Türk Mədəniyyəti və İrsi Fondunun dəstəyiylə Teymur Elçinin tərcüməsi əsasında M.Fərzəlibəyovun səhnəlşdirdiyi “Ana tarla” kitabının da təqdimatı olub. Qeyd edək ki, kitabda yer alan dram ilk dəfə K.S.Stanislavski adına Moskva Dram Teatrında tamaşaçılara təqdim edilmişdir. Bu əsər həmçinin müxtəlif illərdə Azərbaycan Akademik Milli Dram Teatrında 2023-cü ildə isə Bakı Bələdiyyə Teatrı tərəfindən səhnəyə qoyulmuşdur. Nəşrdə yer alan fotolar Beynəlxalq Türk Mədəniyyəti və İrsi Fondunun dəstəyi ilə Bakı Bələdiyyə Teatrının hazırladığı tamaşadandır. Kitabın üzərində isə Tolqanay obrazında Hüsniyyə Mürvətovanın şəkli yer alıb. Bundan başqa, kitabda “Heydər Əliyev İli” çərçivəsində Çingiz Aytmatovun 95 illiyi münasibətilə Beynəlxalq Türk Mədəniyyəti və İrsi Fondunun dəstəyi ilə Bakı Bələdiyyə Teatrı tərəfindən hazırlanan “Ana tarla” tamaşasının premyerasında Günay Əfəndiyevanın, “Ana tarla” tamaşasının premyerasında Qırğız Respublikasının Prezidentinin xüsusi tapşırıqlar üzrə nümayəndəsi Taalatbek Masadıkovun, “Ana tarla” tamaşasının premyerasında Qırğız Respublikasının Azərbaycan Respublikasındakı fövqəladə və səlahiyyətli səfiri Kayrat Osmonaliyevin çıxışları, “Ana tarla” tamaşasının premyerasında Çingiz Aytmatovun qızı Şirin Aytmatovanın video-müraciəti və s. yer alıb. Qeyd edək ki, sərgidə 11 ölkədən 30-dan çox xarici təşkilat, 109 yerli nəşriyyat-poliqrafiya və kitab sənəti ilə əlaqəli müəssisə iştirak edir. Sərgidə Azərbaycanın xalq yazıçıları və şairləri, tanınmış gənc yazarlar və məşhur xarici yazıçılar və aktyorlar iştirak ediblər. Sərgi çərçivəsində uşaqlar və böyüklər üçün master-klaslar, inklüzivlik və digər aktual mövzular üzrə kitab təqdimatları, imza günləri, konfranslar, simpoziumlar, qiraət və musiqi saatları və kitab sənayesi sektorunun subyektləri arasında əməkdaşlıq platformaları təşkil edilmiş, müxtəlif formatda 220-dən çox tədbir həyata keçirilmişdir.  

“Sarı gəlinin sorağında” tammetrajlı sənədli filminin təqdimatı keçirilib

Noyabrın 7-də Nizami Kino Mərkəzində “Sarı gəlinin sorağında” tammetrajlı sənədli filminin və western-azerbaijan.az saytının təqdimatı keçirilib. Qeyd edək ki, film Azərbaycan Kinematoqrafçılar İttifaqı (AKİ) və Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə çəkilib. Təqdimat mərasimində ölkənin mədəni-ictimai və siyasi xadimləri, tanınmış kino adamları və media mənsubları iştirak ediblər. Filmin ssenari müəllifi Füzuli Sabiroğlu çəkiliş prosesindən və ümumi ideyadan danışıb. Müəllif bədii çəkilişlərin İsmayıllı, digər çəkilişlərin isə Qərbi Azərbaycanla sərhəd rayonlarda aparıldığını deyib. Bundan başqa, filmdə 30-cu illərə dair arxivlərin açılması, Moskvadan əldə edilməsi maraqlı nüanslardan biridir. “Sarı gəlinin sorağında” tammetrajlı sənədli filminin rejissoru Mübariz Nağıyev, operatoru Fahir Səmədoğlu, prodüseri AKİ-nin katibi Əli İsa Cabbarov, xətt prodüseri İsmayıl Qasımovdur. Film ingilis və erməni dillərində də yayımlanacaq. Qeyd edək ki, film və sayt “Qərbi Azərbaycan: maddi və mədəni irsimiz” layihəsi əsasında ərsəyə gəlib.xeber100.com

Zəfər Günü münasibətilə Dənizkənarı Milli Parkda bayram konserti keçirilirb

8 Noyabr - Zəfər Günü münasibətilə Bakıda Dənizkənarı Milli Parkda Azərbaycanın tanınmış incəsənət xadimlərinin iştirakı ilə bayram konserti keçirilib. Prezident, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsində rəşadətli Azərbaycan Ordusunun düşmən üzərində qazandığı Şanlı Qələbənin üçüncü ildönümü ölkəmizin hər yerində olduğu kimi, paxytaxtda da böyük sevinclə qeyd edilib. Bayram tədbirinin keçirildiyi ərazi, mərkəzi küçələr və prospektlər, istirahət parkları Vətən müharibəsindəki Şanlı Zəfərin üçüncü ildönümü ilə əlaqədar bayramsayağı bəzədilib, Zəfərə həsr edilən plakatlar asılıb. Həmçinin prospekt və küçələrdəki binaların eyvanlarından ölkəmizin üçrəngli bayraqları dalğalanıb.xeber100.com

Xalq artisti Amaliya Pənahovanın dünyasını dəyişməsindən beş il ötür

“ Əgər Rahib Hüseynov mənim üçün vaxtından tez institutun qapılarını açmasaydı, əgər Tofiq Kazımov məni görüb baş rola dəvət etməsəydi, qismətimə İlyas Əfəndiyev kimi dramaturq çıxmasaydı, əgər Bakı Bələdiyyə Teatrını yaratmasaydım, bu teatrla cəbhə bölgələrində olmasaydım, on altı xarici ölkədə qastrolda olmasaydım, teatr mükafatları almasaydım, o qədər fərqli rollarla səhnəyə çıxmasaydım, kinoya çəkilməsəydim, sənətşünaslıq doktoru elmi dərəcəsi almasaydım və məni mən edən hadisələr olmasaydı, buna uğurlu sənət taleyi demək olardımı? Yox! Odur ki, mən həm ömrümboyu göstərdiyim əzmkarlığıma, həm də şanslı olmağıma “əhsən” deyirəm” deyən, zəngin yaradıcılıq axtarışları sayəsində milli teatr və kino sənətinə dəyərli töhfələr vermiş, lirik-psixoloji üslublu aktyor məktəbinin yaradıcılarından biri olan, ictimai xadim, Dövlət mükafatları laureatı, sənətşünaslıq doktoru, 1964-cü ildən ömrünün axırına qədər teatr və kino sahəsində beş yüzdən artıq obraz yaradan, ilk sənət addımlarını atdığı Azərbaycan Dövlət Akademik Milli Dram teatrının səhnəsində onlarla səhnə ekranında maraqlı obrazlarla çıxış edən aktrisanın oynadığı bütün rolları tamaşaçılar tərəfindən böyük maraqla qarşılanmışdır. Amaliya Pənahova Azərbaycan səhnəsinə yeni nəfəs gətirdi, oynadığı obrazların daxili psixoloji dünyasını aşkara çıxararaq, onu tamaşaçılar üçün daha da aydın etdi. Onun oynadığı obrazlar – (Nərmin (“Unuda bilmirəm”), Nargilə (“Sən həmişə mənimləsən”), Şahnaz (“Mahnı dağlarda qaldı”), Nurcahan (“Mənim günahım”), Təhminə (“Təhminə və Zaur”) və b.) yaratdığı qadın personajları faciə və komediyanın vəhdətində formalaşır, bir yenilikçi kimi dünyaya müraciət edir. Ən önəmlisi isə Amaliya xanımın qadın personajları öz məğrurluğu ilə seçilir və hər birinin cəmiyyətdə öz mövqeyi var. Aktrisanın qəhrəmanları -Xurşidbanu Natəvan, Tomris, Medeya, Burla Xatun, Məhsəti, Larisa, Ofeliya və b. Bir-birindən kəskin şəkildə fərqlənir, ancaq hər birində mübarizə ruhu var. Azərbaycan səhnəsində ilk dəfə Medeyanı oynayarkən, onun Medeyasını görüb səhnəyə gələnlər çoxluq təşkil edirdi. Xalq yazıçısı Elçin 1982-ci ildə “Qobustan” jurnalında fransız dramaturqu J.Anuyun “Medeya” pyesi əsasında rejissor Mərahim Fərzəlibəyovun eyniadlı tamaşasına dair “Təzadların faciəsi” məqaləsində yazırdı ki, Amaliya Pənahova Medeyanın təbiəti və taleyindəki layları bir-bir qaldırır və göstərə bilir, həm də bu zaman əlvan, təzadlı, yağlı boyalardan da, güclə seziləcək akvareldən də istifadə etməyi bacarır… Amaliya Pənahova 30-a yaxın filmdə bir-birindən maraqlı rollar oynayıb, bir o qədər filmi isə məlahətli səs tembri ilə səsləndirib.Bir qədər haşiyə çıxaq. SSRİ dövründə Azərbycan kino sənəti nə qədər çox inkişaf edirdisə, dublyaj redaksiyasnın fəaliyyətinə də bir o qədər diqqət yetirilirdi. Kinosevərlər o illərdə dublyaj olunan filmlərin səviyyəsini heç bir vaxt unutmurlar. Çünki məhz həmin illərdə filmlərimizdən tanıdığımız, sevdiyimiz ifaların əksəriyyətinin səs imkanlarını dublyaj olunan filmlərdə də görürük və çox vaxt bu səs sahiblərinin səsinin ahənginə yığışırıq. O da təsadüfi deyil ki, 1960-1980-ci illərdə dublyaj olunmuş filmlərdə bu dəyərlər əsas götürüldüyündən peşəkar səsləndirmə filmlərin təsir gücünü daha da artırırdı. Amaliya Pənahovanın müxtəlif janrlı filmlərdə səsləndirdiyi Aişə (“Alma, almaya bənzər”), Lalə (“Ürək… Ürək…”), Ağbəniz (“Qızıl uçurum”), Selcan (“Dədə Qorqud”), Balış (“Qanun naminə”), Tanya (“Bizim Cəbiş müəllim”), Əsmər (“Gün keçdi”) və başqa obrazların məlahətli səsi obrazı sevdirir, hətta obrazı oynayan aktrisanın ifasını diqqətdə saxlayır. Bu, səsin möcüzəsidir ki, Amaliya Pənahova öz səsinin işığında tamaşaçılarını bir araya toplayır, onları düşündürü Azərbaycanın çətin bir dövründə siyası və dövlət xadimi, Ulu öndər Heydər Əliyevin təşəbbüsü ilə Bakı Bələdiyyə Teatrını yaratması və teatrın sayəsində sənətdə yeni vətənpərvərlik modelini ortaya qoyması isə  yaxın keçmişdə baş verdi. Artıq Bakı Bələdiyyə Teatrı artıq 31-ci ilinə qədəm qoyub və dəst-xəttilə diqqət mərkəzindədir... O, aktrisa olmaq üçün dünyaya gəlmişdi, gəldi, rolunu oynadı və getdi, ancaq unudulmadı... Vəfatının 5-ci ildönümündə sənət kraliçasını böyük ehtiramla yad edirik!xeber100.com

Musiqi Forumu işini oktyabrın 31-də də davam etdirib

Azərbaycanda ilk dəfə keçirilən Musiqi Forumu işini oktyabrın 31-də də davam etdirib. Forum Ümummilli Lider Heydər Əliyevin 100 illik yubileyinə həsr olunan tədbirlər çərçivəsində Heydər Əliyev Fondu və Mədəniyyət Nazirliyinin təşkilatçılığı, Üzeyir Hacıbəyli adına Bakı Musiqi Akademiyası, Azərbaycan Milli Konservatoriyası, Azərbaycan Dövlət Mədəniyyət və İncəsənət Universiteti və Azərbaycan Bəstəkarlar İttifaqının dəstəyi ilə gerçəkləşir. Forumun üçüncü günü Beynəlxalq musiqi şurasının Azərbaycan şöbəsinin sədri, musiqişünas Nigar Axundovanın moderatorluğu ilə keçirilən “Azərbaycan musiqişünaslığı: araşdırmalar kəsişməsində” adlı panel sessiyada Azərbaycan musiqi elminin inkişaf istiqamətləri: strategiya və taktika, mədəniyyətlərarası dialoq kontekstində Azərbaycan musiqişünaslığının rolu və bu kimi digər mövzular müzakirə olunur. Foruma bu gün yekun vurulacaq.xeber100.com

Şuşada və Bakıda I Beynəlxalq TÜRKSOY Teatr Festivalı keçiriləcək

Oktyabrın 31-dən noyabrın 4-dək Şuşada və Bakıda I Beynəlxalq TÜRKSOY Teatr Festivalı keçiriləcək. Festival Azərbaycan xalqının Ümummilli Lideri Heydər Əliyevin 100 illik yubileyi və Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi, Azərbaycan peşəkar milli teatrının yaradılmasının 150 və TÜRKSOY-un 30 illik yubileyləri münasibətilə gerçəkləşəcək. Festivalda TÜRKSOY-a üzv ölkələrdən – Özbəkistandan Səmərqənd Musiqili Dram Teatrı, Qırğızıstandan Kasımalı Jantoşev adına İssıkgöl Musiqili Dram Teatrı, Qazaxıstandan Türküstan Musiqili Dram Teatrı, Türkiyədən İstanbul Dövlət Teatrı və Məhdimqulu adına Türkmənistan Dövlət Musiqili Dram Teatrının kollektivləri iştirak edəcək. Festivalda, həmçinin Türk dünyasının tanınmış teatr mütəxəssisləri, səhnə xadimləri bir araya gələcək, qardaş ölkələrdə bu sahənin inkişaf məsələləri müzakirə olunacaq. Beynəlxalq tədbir çərçivəsində Şuşada TÜRKSOY-a üzv ölkələrin dövlət teatrları rəhbərləri şurasının 9-cu toplantısının da keçirilməsi planlaşdırılır.xeber100.com

Azərbaycanda ilk dəfə keçirilən Musiqi Forumunun ikinci günü oktyabrın 30-da işini davam etdirib

Heydər Əliyev Fondu və Mədəniyyət Nazirliyinin təşkilatçılığı ilə Azərbaycanda ilk dəfə keçirilən Musiqi Forumunun ikinci günü oktyabrın 30-da işini davam etdirib. “Gamma group” şirkətinin direktoru, pianoçu Zəhra Bədəlbəylinin moderatorluğu ilə keçirilən “Milli musiqi sənayesinin inkişafı” adlı panel sessiyada musiqi sənayesinin ekosisteminin formalaşması, daxili bazarın imkanlarının genişləndirilməsi, musiqi məhsullarının yeni kommersiyalaşma üsulları və bu kimi digər mövzular müzakirə olunacaq. Qeyd edək ki, oktyabrın 29-da "Gülüstan" Sarayında tədbirin açılış mərasimi keçirilib. Forum oktyabrın 31-də başa çatacaq.xeber100.com

Azərbaycan Dövlət Gənc Tamaşaçılar Teatrı noyabr aprel repertuarını təqdim edir

Azərbaycan Dövlət Gənc Tamaşaçılar Teatrı noyabr ayında maraqlı səhnə əsərləri ilə çıxış edəcək. Teatrın aprel repertuarını təqdim edirik: 1 noyabr - “İnanıram” 2 noyabr - “Bir nəfəs Dədə Qorqud” 3 noyabr - “Günəşə toxunan uşaq” 4 noyabr - “Qulliver cırtdanlar ölkəsində”, “Yarımçıq qalmış” 5 noyabr - “Şirinlər”, “Balaca kişilər” 11 noyabr - “Buratinonun macəraları”, “Aydın” 12 noyabr - “Sindbad”, “Ana” 16 noyabr - “Mauqli” 17 noyabr - “Çirkin ördək balası” 18 noyabr - “Uzuncorab Pippi” 19 noyabr - “Çipollino” 25 noyabr - Kod adı: “V.X.A.” 26 noyabr - “Dəcəl keçi”.xeber100.com

Azərbaycan Mədəniyyəti və poeziyası həftəliyi” tədbirlərinə start verilib

Özbəkistan Dövlət Sənət və Mədəniyyət İnstitutunda Azərbaycan Mədəniyyət Mərkəzi tərəfindən hazırlanmış “Şuşa – Türk dünyasının mədəniyyət paytaxtı” adlı beş dilli ensiklopedik nəşr layihəsinin təqdimatı və azərbaycanlı sənət adamlarının iştirakı ilə böyük konsert-tədbir təşkil edilib. Tədbir Özbəkistandakı Heydər Əliyev adına Azərbaycan Mədəniyyət Mərkəzinin layihəsi və təşkilatçılığı ilə Özbəkistanın Daşkənd və Xarəzm vilayətlərində keçirilən “Azərbaycan mədəniyyəti və poeziyası həftəliyi” çərçivəsində təşkil olunub. Tədbir iştirakçıları əvvəlcə Özbəkistandakı Heydər Əliyev adına Azərbaycan Mədəniyyət Mərkəzinin tərəfindən sözügedən universitetdə yaradılmış Azərbaycan Mədəniyyət və İncəsənət Mərkəzini ziyarət ediblər. Həmçinin Azərbaycan Mədəniyyət Mərkəzi tərəfindən təşkil edilmiş Ümummilli Lider Heydər Əliyevə, Azərbaycan Respublikasının Prezidenti İlham Əliyevə, Azərbaycanın parlaq Zəfərinə, mədəniyyətinə, ədəbiyyatına həsr edilmiş foto və kitab sərgisi ilə tanış olublar. Tədbiri giriş sözü ilə açan Özbəkistan Dövlət Sənət və Mədəniyyət Universitetinin rektoru Elmar Şermanov iki qardaş ölkə arasında mədəni əlaqələrin tarixdə ən yüksək səviyyədə olduğunu vurğulayaraq bu işdə Özbəkistandakı Heydər Əliyev adına Azərbaycan Mədəniyyət Mərkəzinin böyük rolu olduğunu qeyd edib. Yaxın günlərdə Şuşada keçirilmiş I Türk Dünyası Mədəniyyət Forumunda iştirakından söz açan rektor, təkcə Azərbaycanın deyil, bütün Türk dünyasının mədəniyyət paytaxtı olan Şuşanın Türk dünyasının mədəniyyətindəki mühüm rolundan söz açıb. Azərbaycan Mədəniyyət Mərkəzi tərəfindən ərsə gətirilmiş “Şuşa – Türk dünyasının mədəniyyət paytaxtı” adlı beş dilli layihədən də danışan rektor bu nəşri yüksək qiymətləndirərək sözügedən ensiklopediya sayəsində Azərbaycanın mədəniyyət incisi olan Şuşa haqqında beş dildə müfəssəl məlumatlar almağın əlçatan olduğunu vurğulayıb. Daha sonra çıxış edən Özbəkistandakı Heydər Əliyev adına Azərbaycan Mədəniyyət Mərkəzinin direktoru Samir Abbasov iki ölkə arasında mövcud mədəni əlaqələrdən söz açaraq bu işdə ölkə başçılarının böyük zəhmət və iradə nümayiş etdirdiklərini qeyd edib. Samir Abbasov Şuşanın Türk dünyası mədəniyyətində bir körpü rolunu oynadığını söyləyərək Azərbaycan Mədəniyyət Mərkəzi tərəfindən Özbəkistanda Şuşa ilə bağlı həyata keçirilən layihələrlə bağlı məlumat verib. “Şuşa – Türk dünyasının mədəniyyət paytaxtı” adlı beş dilli layihədən də söz açan Samir Abbasov bu nəşrin “Şuşa İli”nə və Şuşa şəhərinin “Türk dünyasının mədəniyyət paytaxtı” elan edilməsinə Azərbaycan Mədəniyyət Mərkəzi tərəfindən bir töhfə olduğunu qeyd edib. Tədbirdə çıxış edən ədəbiyyatşünas alim, tərcüməçi Babaxan Şərif də Şuşanın bütün Türk dünyası üçün böyük əhəmiyyətə malik olduğunu vurğulayaraq sözügedən nəşrin Şuşa haqqında ilkin informativ məlumat bazası baxımından çox dəyərli bir mənbə olduğunu və eyni zamanda nəşrin beş dildə olmasını yüksək qiymətləndirib. Tədbirdə çıxış edən Azərbaycanın xalq şairi Vahid Əziz Özbəkistan Yazıçılar Birliyinin dəvətilə Özbəkistanda olmasından və poeziyasevərlərlə görüşündən çox böyük məmnunluq hissi keçirdiyini bildirib. Tədbirin bədii hissəsində Azərbaycandan dəvət edilmiş tanınmış xanəndələr, beynəlxalq müsabiqələr laureatları Mirələm Mirələmov, Kəmalə Nəbiyevanın ifasında milli muğamlarımız, tanınmış azərbaycanlı saz ustası İlham Abdullayevın ifasında oyun havalarımız, Azərbaycan Mədəniyyət Mərkəzinin nəzdində fəaliyyət göstərən “Azərbaycan qızları” rəqs ansamblının ifasında isə milli rəqslərimiz tamaşaçılara təqdim edilib.xeber100.com