“Azərbaycan ədəbiyyatı antologiyası” layihəsində

Beynəlxalq Türk Akademiyası (TWESCO) “Azərbaycan ədəbiyyatı antologiyası”nın qazax dilində nəşrini həyata keçirir.Azərtac xəbər verir ki, “Azərbaycan ədəbiyyatı antologiyası” layihəsində 20-dək azərbaycanlı şair və yazıçının qazax dilinə tərcümə olunmuş əsərləri yer alacaq. Akademiyanın rəhbəri Darxan Kıdıralinin sözlərinə görə, TWESCO-nun həyata keçirdiyi türk dünyası ədəbiyyatı antologiyası seriyasından ilk olaraq “Azərbaycan ədəbiyyatı antologiyası” çap ediləcək.Kitabda Nizami Gəncəvi, Məhəmməd Füzuli, İmadəddin Nəsimi, Molla Pənah Vaqif, Mirzə Fətəli Axundzadə, Mirzə Ələkbər Sabir, Cəlil Məmmədquluzadə, Hüseyn Cavid, Cəfər Cabbarlı, Səməd Vurğun, Rəsul Rza, Bəxtiyar Vahabzadə, Mir Cəlal Paşayev, Məmməd Araz və digər ədiblərin seçilmiş əsərləri yer alıb.xeber100.com

Milli Kitabxanada kitab sərgisi açılıb

Martın 1-də Milli Kitabxanada Ümumdünya Mülki Müdafiə Günü ilə əlaqədar “1 mart - Ümumdünya Mülki Müdafiə Günüdür” adlı kitab sərgisi açılıb.Kitabxanadan Azərtac-a verilən məlumata görə, sərgidə Azərbaycan və rus dilində mülki müdafiə ilə bağlı kitablar sərgilənib.Xatırladaq ki, Beynəlxalq Mülki Müdafiə Təşkilatının Baş Məclisinin qərarı ilə hər il martın 1-i Ümumdünya Mülki Müdafiə Günü kimi qeyd olunur. Bu günün hər il keçirilməsində məqsəd ictimaiyyətin diqqətini bu təşkilatın vacibliyinə və həyati əhəmiyyətinə cəlb etmək, mülki müdafiə işçilərinin isə işini və fədakarlıqlarını lazımınca qiymətləndirməkdir.xeber100.com

“AYBkitab” layihəsi çərçivəsində…

“AYBkitab” layihəsi çərçivəsində Bakıda “Həyatın rəngləri” (Almanax) - çağdaş Türkiyə yazarlarının hekayələri işıq üzü görüb.Kitab Azərbaycan Yazıçılar Birliyi (AYB) ilə Türkiyə Elm və Ədəbiyyat Əsəri Sahibləri Məslək Birliyinin (İLESAM) əməkdaşlıq müqaviləsi əsasında çap olunub.AYB-dən Azərtac-a bildirilib ki, yeni nəşrdə 20 türk yazıçısının, o cümlədən Abdulla Akayın “Cinlərin rəqsi”, Zəhra Birsən Yamakın “Vətən sevgisi”, Zəhra Yücelin “Səs”, Zeynəb Sati Yaçının “Qəhvə fəsiləsi”, Osman Çeviksoyun “Günəbaxan” hekayələri yer alıb.“AYBkitab” layihəsinin rəhbəri Xəyal Rza, almanaxı Azərbaycan dilinə uyğunlaşdıran Cavid Qədir, redaktoru Şahanə Müşfiqdir.xeber100.com

14 fevral beynəlxalq kitab bağışlama günüdür

Dünya əhalisi fevralın 14-nü beynəlxalq kitab bağışlama günü kimi qeyd edir. Bu, təqvimdə ən gənc bayramlardandır.Azərtac xəbər verir ki, bu gün uşaqlara kitab bağışlayan və onlarda kitaba məhəbbət yaradan bütün insanları birləşdirir. 2012-ci ildən qeyd edilən bu bayram ABŞ-da məşhur “Delightful Children’s Books” uşaq kitabı saytının yaradıcısı Emmi Brodmoorun adı ilə bağlıdır. Bu ideyanı ona balaca oğlu verib. O, anasından niyə insanların bir-birinə kitab bağışladığı xüsusi gün olmamasını soruşub.2013-cü ildə Cənubi Afrikadan Braziliyaya, Sinqapurdan İngiltərəyə, Hindistandan Yeni Zellandiyaya qədər fərqli ölkələrdən olan bloqqerlər birlikdə hərəkət edərək insanları həmin günü “uşaqlara kitab vermə günü” olaraq qeyd etməyə çağırıb. Bununla da dünyanın bir çox ölkəsində 14 fevral “Dövlətlərarası kitab vermə günü” olaraq qeyd olunmağa başlayıb. Mövcud olduğu ildən bu təşəbbüs bütün dünyada dəstək qazanır və indi də yeni iştirakçılar cəlb etməkdə davam edir.Bu əlamətdar günün yayılmasında məşhur müəlliflərin, bloqqerlərin və uşaq yazıçılarının dəstəyi mühüm rol oynayıb.Hər il minlərlə həm oxunmuş, həm də yeni kitablar dünyanın bütün istiqamətlərinə yola düşür və uşaqlarda kitaba məhəbbət, böyüklərdə isə bağışlamaq, hədiyyə etmək sevinci yaradır.Son illər Azərbaycanda da bu gün bir sıra tədbirlərlə qeyd edilir.xeber100.com

Milli Kitabxanada kitab sərgisi açılıb

Fevralın 2-də Milli Kitabxanada “2 fevral - Gənclər günüdür” adlı kitab sərgisi açılıb.Azərtac xəbər verir ki, tədbirdə Milli Kitabxananın direktoru Kərim Tahirov çıxış edərək bu günün əhəmiyyətindən danışıb.K.Tahirov gələcəyin qurucuları olan bu nəslin vətənpərvərlik, azərbaycançılıq, dövlətçilik ruhunda tərbiyə olunması üçün gördüyü işlərə diqqət çəkib.Tədbirdə çıxış edən bir qrup gənc müstəqil Azərbaycanda onlara göstərilən qayğıdan söz açaraq hər bir sahədə dövlətin dəstəyini hiss etdiklərini qeyd diblər.Sonda qonaqlar “2 fevral - Gənclər günüdür” adlı geniş kitab sərgisi ilə tanış olub.xeber100.com

“İçərişəhər” Dövlət Tarix-Memarlıq İdarəsi müsabiqə elan edib

“İçərişəhər” Dövlət Tarix-Memarlıq Qoruğu İdarəsi ədəbiyyat müsabiqəsi elan edib.Qoruq İdarəsindən Azərtac-a bildiriblər ki, müsabiqənin keçirilməsində məqsəd istedadlı yazarların üzə çıxarılması ilə yanaşı, həm də paytaxt həyatını əks etdirən parlaq epizod və maraqlı hekayələrdən ibarət toplu hazırlamaqdır.Müəlliflər üçün janr seçimi və hadisələrin təsvir olunacağı tarixi dövr sərbəstdir. Müsabiqəyə təqdim edilən əsərdə Bakı şəhərinin tarixi yerləri də təsvir edilə bilər, yaxud əksinə, mətndə şəhərin ayrı-ayrı guşələri təsvir olunan hadisələrin fonu kimi də təqdim oluna, təxəyyül məhsulu ilə gerçək hadisələr qovuşa da bilər. Hadisələrin İçərişəhərin dolanbac küçələrində və yaxud şəhərdən uzaq bir qəsəbədə də baş verməsi mümkündür, qəhrəmanlar şəhər sakinləri də, başqaları da ola bilər. Həmçinin hekayə uydurma da ola bilər, özünüzün və ya başqalarının şahidi olduğu gerçək hadisə də. Ailə əhvalatını danışmaq, yaxud bioqrafik bədii nəsr yazılması da müəllifin seçimidir.Azərbaycan, ingilis və rus dillərində qəbul olunan mətnlərin həcm boşluqlarla birgə 42 min işarədən -10 çap səhifəsi və ümumən 2500 sözdən artıq olmamalıdır.Münsiflər heyəti kitabda dərc etmək üçün 20 finalçı seçəcək.Tanınmış münsiflər heyətinin qiymətləndirilməsinə əsasən müsabiqənin I, II, III yerin sahibləri müvafiq olaraq 3000, 1500, 1500 manat məbləğində mükafat alacaqlar.Müsabiqə qaliblərinin əsərləri Bakı haqqında almanaxda dərc olunacaq.xeber100.com    

Milli Kitabxanada kitab sərgisi açılıb

M.F.Axundzadə adına Milli Kitabxanasında rejissor Tofiq Kazımovun anadan olmasının 95 illiyinə həsr olunmuş “Tofiq Kazımov – 95” adlı kitab sərgisi açılıb.Kitabxanadan Azərtac-a bildirilib ki, sərginin açılışından öncə Milli Kitabxananın direktor müavini Ədibə İsmayılova sənətkarın zəngin yaradıcılığı və sənət fəaliyyəti ilə bağlı qonaqlara məlumat verib.Sərgidə sənətkarın müəllifi olduğu kitablar, onunla bağlı görkəmli şəxsiyyətlərin söylədiyi fikirlər, habelə haqqında yazılmış kitablar və dövri mətbuatda dərc edilmiş məqalələri nümayiş olunub.xeber100.com

Milli Kitabxananın məlumatına əsasən…

ABŞ-a səfəri çərçivəsində M.F.Axundzadə adına Milli Kitabxanasının direktoru Kərim Tahirov Los-Anceles şəhər kitabxanasının direktoru Con Szabo ilə görüşüb.Milli Kitabxanadan Azərtac-a bildirilib ki, görüş zamanı hər iki kitabxana arasında qarşılıqlı əməkdaşlığın yaradılması, birgə tədbirlərin keçirilməsi məsələləri müzakirə olunub.Los-Anceles şəhər kitabxanaları şəbəkəsinin direktoru bu şəbəkəyə şəhər üzrə 73 kitabxananın daxil edildiyini və bu kitabxanaların ümumi fondunun altı milyondan artıq olduğunu söyləyib.Kərim Tahirov Los-Anceles şəhər kitabxanasına Milli Ensiklopediyasının nəşr olunmuş cildlərini, rəhbərlik etdiyi kitabxana haqqında fotoalbom və ölkəmizə dair digər kitabları təqdim edib.Con Szabo da öz növbəsində rəhbərlik etdiyi kitabxana haqqında nəfis şəkildə çap olunmuş kitabı Milli Kitabxananın direktoruna verib.Kərim Tahirov Los-Anceles kitabxanasının direktorunu iki ildən bir Bakıda keçirilən Beynəlxalq Kitab Sərgi-Yarmarkasına və gələcəkdə keçiriləcək digər beynəlxalq tədbirlərə dəvət edib.xeber100.com

36-cı Türkiyə Beynəlxalq Kitab Sərgisi çərçivəsində

Noyabrın 5-dən İstanbulun TÜYAP sərgi mərkəzindəki 36-cı Türkiyə Beynəlxalq Kitab Sərgisi çərçivəsində türk dilinə tərcümə olunub qardaş ölkədə nəşr olunan Azərbaycan ədəbiyyatı nümunələrinin təqdimatı keçirilib.Qeyd edək ki, Azərbaycan Mədəniyyət və Turizm Nazirliyi ilə Sevinc Fırat Zənginin Yayınçılıq 2016-cı ildə əldə olunan razılaşma əsasında həyata keçirilən layihə çərçivəsində Azərbaycan ədəbiyyatının görkəmli simalarından olan yazıçı və şairlərin bir il ərzində ümumilikdə 8 əsəri türk dilində nəşr olunub.xeber100.com

36-cı Türkiyə Beynəlxalq Kitab Sərgisinin açılışı olub

Noyabrın 4-də İstanbuldakı TÜYAP sərgi mərkəzində 36-cı Türkiyə Beynəlxalq Kitab Sərgisinin açılışı olub.Azərtac xəbər verir ki, 30 ölkədən 700-dək nəşriyyatın iştirak etdiyi sərgi-yarmarkada geniş bir sahədə Azərbaycan pavilyonu qurulub. Pavilyonda Mədəniyyət və Turizm Nazirliyinin, “Azərnəşr”, “Kaspi Nəşrləri”, “Hədəf Nəşrləri”, “Altun kitab”, “Qələm” və “Parlaq imzalar” nəşriyyatlarının çap işləri sərgilənir.Azərbaycanın zəngin mədəniyyətini, tarixini, elmi nailiyyətlərini, sürətli sosial-iqtisadi inkişafını, həmçinin Ermənistanın ölkəmizə qarşı təcavüzkar siyasətinin ağır nəticələrini əks etdirən kitablar ziyarətçilərdə maraq doğurur. Bundan başqa, stenddə qurulmuş monitorlarda nümayiş etdirilən kadrlarda Azərbaycan barədə ətraflı məlumat verilir.Sərgi çərçivəsində XVIII əsr Azərbaycan poeziyasının parlaq siması, görkəmli şair, məşhur siyasi və dövlət xadimi Molla Pənah Vaqifin 300 illik yubileyi ilə bağlı tədbir və ona aid kitabların təqdimatı keçiriləcək.xeber100.com